هستلم الاليزيه قريب افيدوني؟؟؟؟

[doc mohamed]

السلام عليكم لو سمحت يا جماعة انا هستلم الاليزيه اكسكلوسيف يوم الخميس الجاي او الاحد ان شاء الله وكنت عايز اسالكم هستلم ايه مع العربية بالظبط عشان منساش حاجة ولو في نصيحة تنصحوني بيها لاني بصراحة مكنتش متابع الاليزيه اوي كنت متابع وعارف اكتر عن البيجو301 وشاءت الاقدار والنصيب(قصة طويلة) اني اشتري الاليزيه وبصراحة هي كجمال من الداخل والخارج احلي من البيجو،ياريت ملاك العربية ميبخلوش علي بنصيحتهم ومتشكر جدا.

[Ahmed Amin]

يا دكتور لو كنت متابع وعارف أكتر عن ال 301 زي ما بتقول
هتلاقي كل حاجة قريتها وعرفتها عن ال 301 موجودة بالظبطط في الأليزيه من غير أي أختلاف,,

لأنهم نفس العربية في الموتور والشاسية والعفشة والفتيس والكهرباء وكل حاجة ما عادا التصميم الخارجي وحاجات بسيطة في الداخلي,

يعني هتستلم فيها نفس الحاجات اللي بيستلموها في ال 301
وألف مبروك مقدماً علي العربية.

[mohamed salhin]

الف مبروك يا باشا وربنا يديمها عليك نعمة

[mega911]

السلام عليكم ...

طب واللي مش لاقي موضوع عن اللي الواحد بيستلمه مع العربيه الاليزيه يعمل ايه ؟؟

[islam.3bada]

هتستلم 2 مفتاح واحد ريموت و واحد عادى , الاريال , 2 كتالوج عربى و انجليزى , الاستبن و الكوريك و مفتاح العجل , حديدة القطر , و المفتاح اللى بيفك الحلية بتاع مسامير العجل , الولاعة ’ الطفاية

مبروووك مقدما يا باشا تستلم على خير ان شاء الله

[islam.3bada]

http://www.nilemotors.net/Nile/396082-c-elysee.html

اتمنى اللينك ده يساعدك, و لو عايز تسال على اى حاجة تحت امرك

[doc mohamed]

يا دكتور لو كنت متابع وعارف أكتر عن ال 301 زي ما بتقول
هتلاقي كل حاجة قريتها وعرفتها عن ال 301 موجودة بالظبطط في الأليزيه من غير أي أختلاف,,

لأنهم نفس العربية في الموتور والشاسية والعفشة والفتيس والكهرباء وكل حاجة ما عادا التصميم الخارجي وحاجات بسيطة في الداخلي,

يعني هتستلم فيها نفس الحاجات اللي بيستلموها في ال 301
وألف مبروك مقدماً علي العربية.

متشكر يا استاذ احمد وفعلا انا كنت عامل كذا موضوع في قسم بيجو وليا مشاركات هناك كتير بس انا سالت هنا عشان لو في فروقات بسيطه في الاستلام مش اكتر انا عارف انهم اخوات بالظبط وكنت حاجز الاول من اباظة البيجو بس بسبب اجرائات البنك وكده لما جيت استلم مكنش في بيجو وكنت هضر استني لاخر2 وهتبقي رخمة شوية ولخبطة مع البنك وانا كانت عجباني الاليزيه كشكل اكتر(اختلاف اذواق) ولقيت اني محتاج فرق الفلوس كمان في التامين وشوية حاجات كده،وشوفت الاليزيه الفيراني لقيت شكلها تحفة فالصراحة فتوكلت علي الله واختارتها،وشكرا لحضرتك

[doc mohamed]

هتستلم 2 مفتاح واحد ريموت و واحد عادى , الاريال , 2 كتالوج عربى و انجليزى , الاستبن و الكوريك و مفتاح العجل , حديدة القطر , و المفتاح اللى بيفك الحلية بتاع مسامير العجل , الولاعة ’ الطفاية

مبروووك مقدما يا باشا تستلم على خير ان شاء الله

متشكر لحضرتك وانا كنت قريت التقرير اللي حضرتك عامله تسلم علي المجهود الرائع ياريت لو حضرتك تعمل رابطة لملاك العربية(نقلد قسم بيجو هههههههه) بصراحة هيفيد كل ملاكها ويبقي سهل نتواصل مع بعض ونتبادل الخبرات ايه راي حضرتك؟؟؟؟

[islam.3bada]

متشكر لحضرتك وانا كنت قريت التقرير اللي حضرتك عامله تسلم علي المجهود الرائع ياريت لو حضرتك تعمل رابطة لملاك العربية(نقلد قسم بيجو هههههههه) بصراحة هيفيد كل ملاكها ويبقي سهل نتواصل مع بعض ونتبادل الخبرات ايه راي حضرتك؟؟؟؟

[size="4"]فكرة كويسة طبعا و هتفيد ناس كتير فعلا
اللى انا لاحظته ان ملاك الاليزيه مش قليلين فى المنتدى بس مش بيتفاعلو كتير
ان شاء الله الرابطة دى تزود تفاعل الاعضاء

انت هتتعامل مع التوكيل فى الصيانات و لا مركز معتمد ؟؟

انا عملت اول صيانة فى فرع ابو رواش و بصراحة الناس هناك محترمين جدا و التعامل كويس و المكان كويس كان فى هناك 5 اليزيه غير عربيتى بيعملو صيانة

و واضح ان فى اهتمام بالعربية .. قابلت هناك مهندس مصطفى من الادارة حد قمة وغاية فى الاحترام و موجود فى كل مكان بيتابع بنفسه الشغل , اول ما دخلت الباركينج لاقيته و سالنى عن العربية عاملة ايه و لاقيته فى الريسيبشن و فى الورشة ...

طلبت منه لسته باسعار قطع الغيار , قالى انها مش جاهزة حاليا بس قالى انت تقدر تسال على اللى انت عايزه و جه معايا الجزء الجزء بقطع الغيار

اجمالا الموضوع مبشر جدا عكس كل ما يقال عن عز العرب , رغم انى ليا سابق تجربة مع عز العرب فى سيتروين قبل ما اشترى العربية و كانت برضو المعاملة كويسة و مفيش مشكلة ..

احب اطمن حضرتك من ناحية التوكيل , و ان شاء الله تستلم على خير و توافينا بتقريرك /size]

[doc mohamed]

[size="4"]فكرة كويسة طبعا و هتفيد ناس كتير فعلا
اللى انا لاحظته ان ملاك الاليزيه مش قليلين فى المنتدى بس مش بيتفاعلو كتير
ان شاء الله الرابطة دى تزود تفاعل الاعضاء

انت هتتعامل مع التوكيل فى الصيانات و لا مركز معتمد ؟؟

انا عملت اول صيانة فى فرع ابو رواش و بصراحة الناس هناك محترمين جدا و التعامل كويس و المكان كويس كان فى هناك 5 اليزيه غير عربيتى بيعملو صيانة

و واضح ان فى اهتمام بالعربية .. قابلت هناك مهندس مصطفى من الادارة حد قمة وغاية فى الاحترام و موجود فى كل مكان بيتابع بنفسه الشغل , اول ما دخلت الباركينج لاقيته و سالنى عن العربية عاملة ايه و لاقيته فى الريسيبشن و فى الورشة ...

طلبت منه لسته باسعار قطع الغيار , قالى انها مش جاهزة حاليا بس قالى انت تقدر تسال على اللى انت عايزه و جه معايا الجزء الجزء بقطع الغيار

اجمالا الموضوع مبشر جدا عكس كل ما يقال عن عز العرب , رغم انى ليا سابق تجربة مع عز العرب فى سيتروين قبل ما اشترى العربية و كانت برضو المعاملة كويسة و مفيش مشكلة ..

احب اطمن حضرتك من ناحية التوكيل , و ان شاء الله تستلم على خير و توافينا بتقريرك /size]

ربنا يطمنك رديت علي اللي كان بيدور في بالي لاني قلقان بصراحة من عز العرب لاني ناوي اتعامل معاه هو الفرع اللي في الكيلو 28 علي طريق اسكتندرية هو ابو رواش؟ وياريت ضروري جدا موضوع الرابطة ده هيفرق كتير اوي معانا لان فعلا انا لاحظت زي حضرتك ان ملاك الاليزيه تفاعلهم قليل اوي (رابطة البيجو ماشاء الله) وانا معاك في موضوع الرابطة ده ياريت ننفذه علي طول، انا معايا نيسان وكنت بتعامل مع مركز السبع ممتازين جدا جدا يارب عز العرب يبقي كده وانا متشكر لحضرتك جدا،حضرتك تنصحني اامن مع مين؟؟ايه رايك في اليانز؟

[islam.3bada]

ربنا يطمنك رديت علي اللي كان بيدور في بالي لاني قلقان بصراحة من عز العرب لاني ناوي اتعامل معاه هو الفرع اللي في الكيلو 28 علي طريق اسكتندرية هو ابو رواش؟ وياريت ضروري جدا موضوع الرابطة ده هيفرق كتير اوي معانا لان فعلا انا لاحظت زي حضرتك ان ملاك الاليزيه تفاعلهم قليل اوي (رابطة البيجو ماشاء الله) وانا معاك في موضوع الرابطة ده ياريت ننفذه علي طول، انا معايا نيسان وكنت بتعامل مع مركز السبع ممتازين جدا جدا يارب عز العرب يبقي كده وانا متشكر لحضرتك جدا،حضرتك تنصحني اامن مع مين؟؟ايه رايك في اليانز؟

مظبوط يا افندم الكيلو 28 اللى هو ابو رواش

بالنسبة لموضوع التامين . انا مش ضليع اوى فيه بس هقول لحضرتك اللى اعرفه
اليانز سعر عالى مقابل خدمة كويسة و عندهم ميزة ان القسط السنوى بيقل لو محصلش مطالبة من طرفك فى اول سنتين

aig كويسين جدا برضو و شروطهم حلوة

انا عن نفسى مامن فى قناة السويس للتامين , مش احسنهم بس كويسة و معقولة فى الشروط و الفلوس

اغلب شركات التامين فى الدقى ما بين شارع التحرير و البطل احمد عبدالعزيز و مصدق , حضرتك ممكن فى مشوار واحد كده تاخد لفة عليهم و تشوف ايه اللى يناسبك منهم .

ربنا يوفقك فى اختيار الافضل ان شاء الله

[doc mohamed]

مظبوط يا افندم الكيلو 28 اللى هو ابو رواش

بالنسبة لموضوع التامين . انا مش ضليع اوى فيه بس هقول لحضرتك اللى اعرفه
اليانز سعر عالى مقابل خدمة كويسة و عندهم ميزة ان القسط السنوى بيقل لو محصلش مطالبة من طرفك فى اول سنتين

aig كويسين جدا برضو و شروطهم حلوة

انا عن نفسى مامن فى قناة السويس للتامين , مش احسنهم بس كويسة و معقولة فى الشروط و الفلوس

اغلب شركات التامين فى الدقى ما بين شارع التحرير و البطل احمد عبدالعزيز و مصدق , حضرتك ممكن فى مشوار واحد كده تاخد لفة عليهم و تشوف ايه اللى يناسبك منهم .

ربنا يوفقك فى اختيار الافضل ان شاء الله

شكرا يا فندم