انا شكلي هرجع في قرار الإليزيه بسبب المواضيع اللي هنا

[monamize4]

نصيحة اخوية ,, ماتشتريش عربية لسه نازلة جديد

يا اما تشترى عربية تانية من العربيات اللى اثبتت نفسها ف السوق
يا تستنى لحد ما تشوف وضع الاليزية هيبقى عامل ازاى ف السوق
من حيث المشاكل و اعادة البيع و اسعار قطع الغيار و اذا كانت اصلا موجودة داخل و خارج التوكيل

[raedegypt]

الستروين شركه معروفه وقديمه ونمرة واحد فى فرنسا . المشكله ان تفكير الشركه للعمل داخل فرنسا وليس لهم اى اهتمام خارج فرنسا زى كوريا واليابان . وعلى فكرة الناس بتشترى محدش بيفكر لو العربيه حادث من هنا ولا هناك ونتمنى للجميع السلامه ساعتها هتفتكر كلامنا . هاتروح للوكيل معاك بس لما يقولك انا عملت طلب لفرنسا ولسه محدش رد وانت رايح جاى عليهم وزى ما انا قولت لك ستروين الام لاتهتم بسوق دولى والكلام دة هذة تفكيرهم وشغلهم حالهم حال شركات كثيره والسؤال وانت عليك بايه ان تحط نفسك فى المربع دة وانت على البر

[islam.3bada]

الستروين شركه معروفه وقديمه ونمرة واحد فى فرنسا . المشكله ان تفكير الشركه للعمل داخل فرنسا وليس لهم اى اهتمام خارج فرنسا زى كوريا واليابان . وعلى فكرة الناس بتشترى محدش بيفكر لو العربيه حادث من هنا ولا هناك ونتمنى للجميع السلامه ساعتها هتفتكر كلامنا . هاتروح للوكيل معاك بس لما يقولك انا عملت طلب لفرنسا ولسه محدش رد وانت رايح جاى عليهم وزى ما انا قولت لك ستروين الام لاتهتم بسوق دولى والكلام دة هذة تفكيرهم وشغلهم حالهم حال شركات كثيره والسؤال وانت عليك بايه ان تحط نفسك فى المربع دة وانت على البر

انا شوفت ردود حضرتك فى المواضيع الخاصة بالاليزيه و الـ 301 و الله حضرتك مش هتستفيد حاجة لو هو اشترى الاكسنت

اتمنى من حضرتك الموضوعية شوية فى المشاركات ..
وربنا يوفقه لما هو خير و لما هو افضل له .. هو اقدر منى و من حضرتك على تحديد احتياجاته و اولوياته فى العربية

[Mohamed 555]

فكك من اللي يقعد يقولك على الكوري و اللي يقولك هات حاجة في السوق موجوده و الناس كلها جيباها و الكلام ده البيجو و الستروين الاتنين واحد و من احسن العربيات في الفئة دي و يتقارنو بالتوليدو و الرابيد و الريو و الاكسنت و لكن الناس اللي داخلة تشتم في العربية و يقولك هات الاكسنت كانو قايلين نفس الموضوع في قسم بيجو و اتفرج حضرتك على الموضوع ده و الردود اللي عليه

http://www.nilemotors.net/Nile/405101-301.html

و الحاجة الوحيده اللي تفرق بيجو عن ستروين الشكل و التوكيل بقى ده حسب كل واحد فيه ناس شكرت في توكيل ستروين و ناس بتشتم فيه و ده اللي حيرني و انا حاجز البيجو 301 بس بسبب طول المده بفكر اجيب الستروين سي اليزيه

[Mohamed 555]

و فيه حاجة تانية انا عاوز اعرفها فعلا, ايه هي مشاكل عز العرب؟
عشان كل ما اسأل حد يقولي لا ده وحش الناس بتشتكي منه و لكن مفيش حاجة محدده و كله كلام عام و خلاص لكن انا عاوز اعرف مشاكل حقيقية ايه اللي بيحصل مثلا...

[George.asmz]

و فيه حاجة تانية انا عاوز اعرفها فعلا, ايه هي مشاكل عز العرب؟
عشان كل ما اسأل حد يقولي لا ده وحش الناس بتشتكي منه و لكن مفيش حاجة محدده و كله كلام عام و خلاص لكن انا عاوز اعرف مشاكل حقيقية ايه اللي بيحصل مثلا...

هو الكلام على التوكيل انا جايبه كله من هنا.. قريت كل المواضيع اللي فاتت لقيت كان في مشاكل مع التوكيل وقطع غيار مش موجودة ومشكلة السوفتوير اللي قعدت كتير وخلافات كتير..

[George.asmz]

1- انصحك تسمع من ملاك العربية مش من حد تانى
2- العربية معايا من 3 شهور
بالنسبة لمشكلة التكييف دى كانت فى اول باتش بس و كانت مشكلة سوفت و ير و اتحلت خلاص من زمااان انا من وقت ما استلمت العربية و التكييف زى الفل و بيسقع كويس و مفيهوش اى مشاكل
- الاليزيه مفيهاش مشكلة فى التيل اصلا معرفش حد ظهر معاه مشكلة فى التيل او اشتكى من حاجة فى التيل من مالكين الاليزيه
- بالنسبة للسحب العربية كعادة الاوروبى هتحس سحبها عادى فى البطئ لو انت نازل من حاجة اسيوى على السرعات العالية جراااية جدا
لو المانيوال العربية اداؤها هيعجبك عاى كل السرعات لو الاتوماتيك محتاج تاخد عليه و انت هتعرف تطلع اللى انت عايزه من العربية
- كا مميزات انا شايف الاليزيه تتفوق عاى منافسينها فى الفئة دى كقيمة مقابل سعر
خامات افضل و ثبات افضل و اوبشنز مش قليلة فى الهاى لاين
انا اتعاملت مع التوكيل فى الصيانة مشوفتش حاجة وحشة من حيث المكان و التعامل و الخدمة
و سيبك من الكلام بتاع عز العرب سئ من الباب للطق , و اصل انا سمعت و الكلام ده . عز العرب زى اى توكيل له ما له و عليه ما عليه لا هو بالسئ ولا هو بالجيد جدا لكن اللى انت محتاجة هتلاقيه ,
قطع الغيار موجودة و ده انا شوفته بنفسى و دخات مخزن قطع الغيار فى التوكيل فى فرع ابو رواش و سالت على الاسعار ..
من حيث المعاملة كويسة و المكان جيد
انت مش هتحتاج من التوكيل اكتر من كده فى وجهة نظرى المتواضعة
سيتروين ادارة مختلفة عن بروتون و ان كان فى مشاكل فى بروتون فا ده مالوش انعكاس على سيتروين

و بالنسية لاسعار قطع الغيار ادعو حضرتك انك متقارنهاش بباقى عربيات السيتروين لان العربية نازلة فى شريحة سعرية معينة لازم قطع الغيار تكون ملائمة لفئة العربية

ده تقرير انا كنت عامله لما استلمت العربية , اتمنى انه يفيدك و هتلاقى فيه اسعار قطع الغيار

http://www.nilemotors.net/nile/396082-c-elysee.html

تحياتى ..

كلام جميل اوي.. المشكلة إني لقيت هنا كمية مشاركات في الاول بتمدح في العربية بطريقة كبيرة اوي فدخلت دماغي..
جيت اقرا شوية اكتر في المواضيع لقيت ان كان في مشاكل كتير مع التوكيل وخلافات ومشكلة في التكييف عامة ومشكلة في التيل برده.. وناس بتقول خدت مقلب فيها.. دول برده ملاك العربية..

فالموضوع محير ومش واضح.. هل كل المشكلة إتصلحت كلها فالناس كلها متفقة عليها ولا إيه..

[الجنرال]

الوكيل والصيانة في الضمان؟ علشان اكتر حاجة مكرهاني فيها عز العرب.. الناس كانت بتقول عز العرب مع السيتروين احسن بكتير من الجين تو.. لكن واضح انه برده وحش اوي مع السيتروين لدرجة الشكاوي الكتير منه والشكاوي للشركة الأم.. فإيه نظامه؟

التكيف في عز الظهر والزحمة مبيأسرش على العربية خالص؟

وموضوع التيل؟

وحضرتك معاك الهايلاين والكومفورت؟

مفيش عربية من غير مشاكل .. لكن في مشاكل عن مشاكل تفرق

معلش انا فى الريو .. العفشة كانت بشعة بشهادة كل اللى ركبوا معايا العربية (ممكن تكون مشكلة خاصة بالعربية بتاعتي بس) اضافة الى ان التقفيل سيئ (التابلوه بيزيق وانا ماشي)

لكن هل اقدر اقول ان كل الريو وحش ؟؟ او كل الكيا زبالة؟؟ اكيد لأ

الوكيل انا مشوفتش منه حاجة وحشة لحد دلوقتى .. مهندسين الاستقبال عادي وكويسين .. محدش بيتكلم بطريقة وحشة .. مش بيتعاملوا مع العربية باسلوب وحش .. لو لقوا حاجة مش مزبوطة بيكلموك على التيلفون على طول يقولولك

اسلام ومحمد عبدالعزيز اللى عملوا شكوى فى حماية المستهلك دي كان سببها السوفت وير اللى مكانش بيعوض فرق البنزين لما تشغل التكييف .. خصوصا ان بنزين بره 98 .. فده عمل المشكلة .. وسبب اتجاههم لحماية المستهلك ان التوكيل مكانش عنده حل .. وهو فعلا مكانش عنده حل لحد لما بعتوا عينات البنزين بره وعدلوا السوفت وير .. ولما اتعمل ابديت كله بقه تمام

انا اعرف ناس اشتريت الريو الجديدة .. واحد راح غير علبة الدريكسيون كلها فى الضمان (عامل 20 الف) والتانية غيرت الطنابير كلها (في صيانة الالف)

عادي كل عربية ليها مشاكل وليها عيوب

انا اتعاملت مع توكيل كيا ومع عز العرب .. والله ما حاسس باي فرق .. الاتنين واحد ... الاتنين بيتأخروا .. الاتنين بحس انهم بيغلوا فى قطع الغيار .. الاتنين حاسس انهم زي بعض مفيش فرق

التكييف شغلته الايام دي .. اه بيأثر على سحب العربية (وده عادي) لكن مش لدرجة انه يخليها بطة بلدي .. وبيسقع جدا (مع الاخذ فى الاعتبار ان الجو شتوى الايام دي) .. لكن لسه مشوفتش فى الصيف اخباره ايه

انا بس كل اللى مضايقني في العربية التجميع والسحب على السرعات البطيئة بس .. لاني بحب الجري والغرز والشد .. لكن غير كده انا مبسوط من العربية بصراحة

اخيرا .. انا معايا الاكسكلوسف الهاي لاين

[islam.3bada]

كلام جميل اوي.. المشكلة إني لقيت هنا كمية مشاركات في الاول بتمدح في العربية بطريقة كبيرة اوي فدخلت دماغي..
جيت اقرا شوية اكتر في المواضيع لقيت ان كان في مشاكل كتير مع التوكيل وخلافات ومشكلة في التكييف عامة ومشكلة في التيل برده.. وناس بتقول خدت مقلب فيها.. دول برده ملاك العربية..

فالموضوع محير ومش واضح.. هل كل المشكلة إتصلحت كلها فالناس كلها متفقة عليها ولا إيه..

الموضوع مش محير ولا حاجة يا باشا , حضرتك لو شوفت تاريخ المشاركات بتاعة الاعضاء هتفهم الدنيا ماشية ازاى ... موضوع التكييف ده من شهر مايو 2013 و اتحل من زمااان جدا
الموضوع كان فى الباتش الاول للعربية و اتعدل ليهم السوفت وير , انا واحد من الناس اللى استلمت العربية باخر ابديت للسوفت و ير و معنديش الحمد لله اى مشاكل فى العربية
حضرتك انزل اتفرج على العربية دى و على غيرها عشان الصورة تبقى واضحة اكتر و تختار العربية اللى بتحقق اكبر قدر من احتياجاتك و اولوياتك لان مفيش عربية فيها كل حاجة

ربنا يوفقك لاختيار ما انسب ليك , و اى سؤال انا تحت امرك

[raedegypt]

انا شوفت ردود حضرتك فى المواضيع الخاصة بالاليزيه و الـ 301 و الله حضرتك مش هتستفيد حاجة لو هو اشترى الاكسنت

اتمنى من حضرتك الموضوعية شوية فى المشاركات ..
وربنا يوفقه لما هو خير و لما هو افضل له .. هو اقدر منى و من حضرتك على تحديد احتياجاته و اولوياته فى العربية

لا اله الا الله .. انا قولت حاجه على الاليزيه .. انا بقولك سيارة عريقه فرنسيه ونمره واحد فى بلدها وسيارات الرئاسه ..والعربيه انا ركبتها فى جده السعوديه حلوة جدآ من جوة وبرة بس المشكله هل التوكيل يدعمها صح هو هنا الكلام احنا بنتكلم عن سوق مصرى وعميل هنا ولا هناك فى مصر هايعمل ايه. من المفروض التوكيل يتعامل مع مراكز صيانه فى مناطق مختلفه فى مصر واسكندريه تقوم بالمهمه ويروج قطع غيار العربيه دة فى السوق . بس تلاقى مشكله الشركه الام فى نسب الاعداد المصدرة لمصر زى ماقولت لحضرتك الشركه غير مهتمه بالسوق الخارجى لان الداخل يكفيها
لكن العربيه ممتازة كسيارة عن الكلام عن خدمات مابعد البيع والاستمرار

[islam.3bada]

يابرنس عايش فى حيره ليه؟؟؟ عندك الاكسنت ار بى ميزتها شكل برة وجوة حلو وشيك جدآ . قطع غيار الهيونداى متوفر زى الارز فى الشوارع . سهله الصيانه فى الورش . سحب اتوماتيك عالى جدآ . تكييف على السرعات البطيئه ثلاجه وعربيات لاتسخن

معانا فى الشركه منها وجربتها عربيه ممتازة وانصحك بيها
الاروبى عيبه مش بتاع حر وعايز جرى علشان التكييف والا العربيه تسخن منك مع الزحمه

حضرتك بالنسبة لان الاوروبى مش بتاع حر و خلافه , الكلام ده عن تجربة و لا ده تعميم ؟؟ الراجل بيسال عن الاليزيه تحديدا مش الاوروبى عموما
انا عمرى ما ركبت عربية و سخنت منى فى الزحمة مع التكييف لا الستروين ولا الرينو و لا الاوبل ولا الفولكس

لا اله الا الله .. انا قولت حاجه على الاليزيه .. انا بقولك سيارة عريقه فرنسيه ونمره واحد فى بلدها وسيارات الرئاسه ..والعربيه انا ركبتها فى جده السعوديه حلوة جدآ من جوة وبرة بس المشكله هل التوكيل يدعمها صح هو هنا الكلام احنا بنتكلم عن سوق مصرى وعميل هنا ولا هناك فى مصر هايعمل ايه. من المفروض التوكيل يتعامل مع مراكز صيانه فى مناطق مختلفه فى مصر واسكندريه تقوم بالمهمه ويروج قطع غيار العربيه دة فى السوق . بس تلاقى مشكله الشركه الام فى نسب الاعداد المصدرة لمصر زى ماقولت لحضرتك الشركه غير مهتمه بالسوق الخارجى لان الداخل يكفيها
لكن العربيه ممتازة كسيارة عن الكلام عن خدمات مابعد البيع والاستمرار

هو ده مقياس حضرتك فى الحكم على سيتروين ان كانت مهتمة بالسوق الخارجى ولا لا !!!!!!!!

مش حابب ادخل مع حضرتك فى جدال ميفيدش صاحب الموضوع بس هو حضرتك تعرف حد من ملاك الاليزيه راح التوكيل ملقيش قطعة معينة هو عايزها ؟؟
حضرتك انا دخلت التوكيل بنفسى و شوفت الاهتمام اللى التوكيل مديه للعربية و دخلت بنفسى مخزن قطع الغيار , مفيش جزء سالت عليه مش موجود
مش شكر فى عز العرب لكن ده الواقع اللى شوفته هناك

مفيش كلام ان قطع غيار الاكسنت موجودة اكتر من الاليزيه و منتشرة لكنه ليس العامل الوحيد و الاوحد لاختيار العربية قد يكون العامل رقم واحد فى الاختيار لشخص ما و قد يكون العامل الاخير فى الاختيار لشخص تانى
والا كان كل الناس اللى بتشترى عربيات غير الهيونداى متعرفش حاجة لمجرد ان ان قطع غيارها فى السوق اقل من الهيونداى
و بالتالى اذا كان صاحب الموضوع يهمه فى المقام الاول توافر قطع الغيار ( و ليس سعرها ) يبقى الهيونداى افضل ليه

[saddam]

صديقي المواطن
قولا واحدا
عربية تحلق فوق مستوى الممتازة وأفضل من بيجو كعربية ده قولا واحدا ولكن خليك حشرا مع الناس عيد مهما حصل عز العرب مش حيغير سياسته وأخلاقه المتينة ومهما حصل مش حتحقق 20% من مبيعات بيجو 301 رغم إنهم توأم ومهما عملت مش حتعرف تبيعها بسرعة ومهما عملت حتخسر فيها ساعة البيع ومهما كتبت مواضيع وخدت إستشارات خد بالك مش حننصحك تشتريها وبالفم المليان بنقلك خد بيجو 301 رغم إنها أقل من سي إليزيه ولكن ده سوقك وإبتسم أنت في مصر وأنتظر عاﻹستلام كام شهر وأنا مرتاح ماديا أحسن مييجي اليوم اللي أتزنق فيه ماديا وأقعد شهرين ألف حوالين نفسي وأنا بدلل فيها عالنت أحاول أبيعها ومش حيكلمك غير كسر البشر عشان ياخدها منك بكسرة نفسك بنص ثمنها أو ب 60% من ثمنها عشان حيقلك دي ستروين مش بيجو يعني مش بياعة وإنت بينك وبين تريح دماغك بالبيجو 301 فرق ألفوف بسيطة وقائمة إنتظار بسيطة مش عارف إنتو ليه مش بتصبروا ده أنا عندي 11 عربية ونص وتيجي أسابيع مفيش ولا عربية جاهزة تحت البيت أتحرك بيها وبتحرك تكسي
فطول بالك وخلي الصبر شعارك وبلاش تلكؤ عشان إنت بتفكر كتير وقلوق وده بيزعلني منك عايزك تضرب وتفجر وتدمر ولا تأخذك بهم شفقة ولا رحمة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

إمبارح كنت بتسأل آر بي ولا إليزيه بكره حتجينه وتقول لادا ومرسيدس

[محمد اسلام]

الحمد لله انا من ملاك السى اليزية ... واختصارا لكل الكلام ... انا لو معايا 120.000 جنية تانى حاليا هاشترى عربية تانية سى اليزية ... بصراحه تحفه ... وتوكيلها انا جربته فى الصيانه لاقيته ممتاز واكتر حاجه عجبتنى انهم اتصلوا بيا بعد الصيانه باسبوع علشان يعرفوا مدى رضائى عن خدمة الصيانة ورأيى فى المهندس ورأيى فى نظافة العربية بعد الصيانة ..... نصيحه منى توكل على الله واشتريها واستمتع بيها وسيبك من الكلام الفارغ بتاع الناس ....

[محمد اسلام]

http://www.nilemotors.net/Nile/404042-a.html

[eslam.maghawry]

يابرنس عايش فى حيره ليه؟؟؟ عندك الاكسنت ار بى ميزتها شكل برة وجوة حلو وشيك جدآ . قطع غيار الهيونداى متوفر زى الارز فى الشوارع . سهله الصيانه فى الورش . سحب اتوماتيك عالى جدآ . تكييف على السرعات البطيئه ثلاجه وعربيات لاتسخن

معانا فى الشركه منها وجربتها عربيه ممتازة وانصحك بيها
الاروبى عيبه مش بتاع حر وعايز جرى علشان التكييف والا العربيه تسخن منك مع الزحمه

انت تااااني
هو الناس في قسم بيجو ردوا عليك وانت بتهرب من الموضوع وتيجي تدخل في نقاش في موضوع تاني وبعدين تهرب وهكذا ودلوقتي جاي في قسم ستروين
يا باشا قول رأيك بكل حيادية عشان الناس تتقبل رايك إنما بأسلوبك المستفز ده بتخسر كتير
وبرضو بتقول اوربي وحر وأنا برضو هرد عليك واقول نسفر البيجو والستروين والبي أم والمرسيدس والدودج والجيب والاوبل و و و عشان خاطر سياتك بتعشق أكسنت ار بي
هوحضرتك شغال في هيواندي أو شغال في سيلز الاكسنت بالاخص؟