انا شكلي هرجع في قرار الإليزيه بسبب المواضيع اللي هنا

[George.asmz]

يا جماعة أنا كنت خلاص إستقريت على الإليزيه كومفورت وجيت أشوف المواضيع اللي هنا وقريت كتير اوي في المنتدى هنا..
لقيته كله بيقول وحشة وأسوأ عربية والتكيف بيبوظ الدنيا في الزحمة.. وكذا واحد يقول ندمان عليها وشكاوي ضد التوكيل اد كدا وتدخل حماية المستهلك !! يعني حاسيت إنها مقلب كبير اوي !
رغم إن اخر بوستات هنا الناس عمالة تقول عروسة وتحفة واحسن من الصني وكلام مختلف تماماً !!

[amr011111]

بصراحه العربيه شكلها جميل من بره ومن جوه والاوبشن اللى فيها كويسه اوى ومش موجود فى عربيات فى نفس فئتها
بس اللى يفيدك فى الموضوع ده اللى اشترى العربيه وجربها

[raedegypt]

يا جماعة أنا كنت خلاص إستقريت على الإليزيه كومفورت وجيت أشوف المواضيع اللي هنا وقريت كتير اوي في المنتدى هنا..
لقيته كله بيقول وحشة وأسوأ عربية والتكيف بيبوظ الدنيا في الزحمة.. وكذا واحد يقول ندمان عليها وشكاوي ضد التوكيل اد كدا وتدخل حماية المستهلك !! يعني حاسيت إنها مقلب كبير اوي !
رغم إن اخر بوستات هنا الناس عمالة تقول عروسة وتحفة واحسن من الصني وكلام مختلف تماماً !!

يابرنس عايش فى حيره ليه؟؟؟ عندك الاكسنت ار بى ميزتها شكل برة وجوة حلو وشيك جدآ . قطع غيار الهيونداى متوفر زى الارز فى الشوارع . سهله الصيانه فى الورش . سحب اتوماتيك عالى جدآ . تكييف على السرعات البطيئه ثلاجه وعربيات لاتسخن

معانا فى الشركه منها وجربتها عربيه ممتازة وانصحك بيها
الاروبى عيبه مش بتاع حر وعايز جرى علشان التكييف والا العربيه تسخن منك مع الزحمه

[George.asmz]

يابرنس عايش فى حيره ليه؟؟؟ عندك الاكسنت ار بى ميزتها شكل برة وجوة حلو وشيك جدآ . قطع غيار الهيونداى متوفر زى الارز فى الشوارع . سهله الصيانه فى الورش . سحب اتوماتيك عالى جدآ . تكييف على السرعات البطيئه ثلاجه وعربيات لاتسخن

معانا فى الشركه منها وجربتها عربيه ممتازة وانصحك بيها
الاروبى عيبه مش بتاع حر وعايز جرى علشان التكييف والا العربيه تسخن منك مع الزحمه

انا كنت محتار بين الإثنين، وعملت موضوع في قسم المقارنات بين الإثنين دول من يومين وكل الردود اللي جت بنسبة 100% كانت لصالح الإليزيه !! وكله قال احسن من الأكسنت ! محدش رجح خال الأكسنت فصرفت نظر عنها
الأكسنت ركبتها هي أصغر من جوه عن الإليزيه..

[Medicalist]

الاكسنت جميله والاجمل منها الكيا ريو و النيسان الصنى مش وحشه برضه

[raedegypt]

انا كنت محتار بين الإثنين، وعملت موضوع في قسم المقارنات بين الإثنين دول من يومين وكل الردود اللي جت بنسبة 100% كانت لصالح الإليزيه !! وكله قال احسن من الأكسنت ! محدش رجح خال الأكسنت فصرفت نظر عنها
الأكسنت ركبتها هي أصغر من جوه عن الإليزيه..

الموضوع عندك فى مصر التوكيل سيىء ومبيعات الستروين ضعيف بالمقارنه مع سيارات اخرى . كدة تواجه مشكله فى قطع الغيار وانت فى مصر فى الحوداث تبقى عايز كبوت ولاباب ولا وش هاتجيبه منين فى الستروين فى مصر ؟؟؟ وكل حاجه لازم توكيل
وعموما دة قرارك بس انا بقولك العملى ايه . يعنى فى مصر الناس مش احسن من ال فى السعوديه . تعالى جدة لو جاى عمره وشوف الهيونداى مغرقها ازاى بكل انواعه . لانها عربيات حقيقى مافيش فيها مشاكل وعمليه

[MohammedAladel]

وجهة نظرى عن الشكل فقط وهذا أذواق أن شكلها عادى وغير متألقة من الخارج كعادة سيارات ستروين ورأيت بيجو 301 شكلها أكثر فخامة منها

[Ahmed_m7md_A5]

يااااااااااه حضرتك لسه فاكر المشاكل دى

دى اتحلت من زمااااااااااااااااااان و طلع العيب من البنزين المغشوش و العربية اتظلمت
هى العربية ليها عيب واحد اسعارقطع الغيار مع التوكيل وبس ده غير السعر

[George.asmz]

وجهة نظرى عن الشكل فقط وهذا أذواق أن شكلها عادى وغير متألقة من الخارج كعادة سيارات ستروين ورأيت بيجو 301 شكلها أكثر فخامة منها

انا يهمني انها متتعبنيش وتوكيلها يكون نضيف اكتر بكتير من الشكل

[George.asmz]

يااااااااااه حضرتك لسه فاكر المشاكل دى

دى اتحلت من زمااااااااااااااااااان و طلع العيب من البنزين المغشوش و العربية اتظلمت
هى العربية ليها عيب واحد اسعارقطع الغيار مع التوكيل وبس ده غير السعر

بالنسبة للمشكلة اللي كانت في التل عند واحد هنا؟ وموضوع التكيف اللي هما قالوا عنه لإنها مشكلة في الحر فعلاً؟ اظن مش موضوع عيب بنزين خالص..
وكمان الوكيل اللي الناس هنا كانت بتموت منه في طريقته وكل ده !

(انا مش بهاجم العربية، انا بس مش عايز اخد فيها مقلب اد كدا، فعايز افصص كل المشاكل اللي اتكتبت هنا عنها)

[AhmedJumaa]

متابع
لاني نويت عليها تقريباً ،

بس كل الناس بتقول أنها مفهاش مشاكل .

[الجنرال]

انا معايا الاليزيه .. اسأل وانا اجاوبك

مبدئيا كان معايا الريو الجديدة قبلها .. فرق السما من الارض لصالح الاليزيه طبعا

المشاكل اللى حصلت دي اتحلت وكان سببها السوفت وير علشان البنزين بتاعنا ما شاء الله حلو جدا

لو انا هقولك على عيب في العربية .. فهو السحب بتاعها (مقارنة بالريو) .. التجميع بتاع الكوري اسرع بكتير من الاوروبي .. ده على السرعات البطيئة .. لكن تعال على السرعات العالية ما شاء الله بتجري جري رهيب

[kamero]

متابع

[George.asmz]

انا معايا الاليزيه .. اسأل وانا اجاوبك

مبدئيا كان معايا الريو الجديدة قبلها .. فرق السما من الارض لصالح الاليزيه طبعا

المشاكل اللى حصلت دي اتحلت وكان سببها السوفت وير علشان البنزين بتاعنا ما شاء الله حلو جدا

لو انا هقولك على عيب في العربية .. فهو السحب بتاعها (مقارنة بالريو) .. التجميع بتاع الكوري اسرع بكتير من الاوروبي .. ده على السرعات البطيئة .. لكن تعال على السرعات العالية ما شاء الله بتجري جري رهيب

الوكيل والصيانة في الضمان؟ علشان اكتر حاجة مكرهاني فيها عز العرب.. الناس كانت بتقول عز العرب مع السيتروين احسن بكتير من الجين تو.. لكن واضح انه برده وحش اوي مع السيتروين لدرجة الشكاوي الكتير منه والشكاوي للشركة الأم.. فإيه نظامه؟

التكيف في عز الظهر والزحمة مبيأسرش على العربية خالص؟

وموضوع التيل؟

وحضرتك معاك الهايلاين والكومفورت؟

[islam.3bada]

1- انصحك تسمع من ملاك العربية مش من حد تانى
2- العربية معايا من 3 شهور
بالنسبة لمشكلة التكييف دى كانت فى اول باتش بس و كانت مشكلة سوفت و ير و اتحلت خلاص من زمااان انا من وقت ما استلمت العربية و التكييف زى الفل و بيسقع كويس و مفيهوش اى مشاكل
- الاليزيه مفيهاش مشكلة فى التيل اصلا معرفش حد ظهر معاه مشكلة فى التيل او اشتكى من حاجة فى التيل من مالكين الاليزيه
- بالنسبة للسحب العربية كعادة الاوروبى هتحس سحبها عادى فى البطئ لو انت نازل من حاجة اسيوى على السرعات العالية جراااية جدا
لو المانيوال العربية اداؤها هيعجبك عاى كل السرعات لو الاتوماتيك محتاج تاخد عليه و انت هتعرف تطلع اللى انت عايزه من العربية
- كا مميزات انا شايف الاليزيه تتفوق عاى منافسينها فى الفئة دى كقيمة مقابل سعر
خامات افضل و ثبات افضل و اوبشنز مش قليلة فى الهاى لاين
انا اتعاملت مع التوكيل فى الصيانة مشوفتش حاجة وحشة من حيث المكان و التعامل و الخدمة
و سيبك من الكلام بتاع عز العرب سئ من الباب للطق , و اصل انا سمعت و الكلام ده . عز العرب زى اى توكيل له ما له و عليه ما عليه لا هو بالسئ ولا هو بالجيد جدا لكن اللى انت محتاجة هتلاقيه ,
قطع الغيار موجودة و ده انا شوفته بنفسى و دخات مخزن قطع الغيار فى التوكيل فى فرع ابو رواش و سالت على الاسعار ..
من حيث المعاملة كويسة و المكان جيد
انت مش هتحتاج من التوكيل اكتر من كده فى وجهة نظرى المتواضعة
سيتروين ادارة مختلفة عن بروتون و ان كان فى مشاكل فى بروتون فا ده مالوش انعكاس على سيتروين

و بالنسية لاسعار قطع الغيار ادعو حضرتك انك متقارنهاش بباقى عربيات السيتروين لان العربية نازلة فى شريحة سعرية معينة لازم قطع الغيار تكون ملائمة لفئة العربية

ده تقرير انا كنت عامله لما استلمت العربية , اتمنى انه يفيدك و هتلاقى فيه اسعار قطع الغيار

http://www.nilemotors.net/Nile/396082-c-elysee.html

تحياتى ..