تجربة تغيير تيل الـC-Elysee بالصور

[islam.3bada]

العربية كانت ماشية 13,400 كم والتيل كان لسه يمشينى حوالى 1,000 كم كمان , لحد هنا وقولت تمااام كدا وكويس بالنسبة للارقام اللى بسمعها

لحد ما من كام يوم اخدت مسافة حوالى من 40 الى 50 كم شد وحرق وسرعات عالية ( كنت بنقل على 5.5 RPM ) وفرامل طبعا كتير و من سرعات لان الطريق كان زحمة

طبعا مانت النتيجة ان التيل اعلن استسلامه بعد المشوار ده

نيجيى بقى للمهم , فكيت الكاوتش واخدت معايا فردة تيل وانا رايح التوفيقية عشان اوفر على نفسى اسئلة كتير

نزلت التوفيقية سالت عن كذا واحد الاول عشان اعرف الاسعار و الانواع الموجودة , بناء على نصيحة الميكانيكى انا كنت ناوى اجيب الريمسا بس الريمسا اللى شوفته هناك شكله معجبنيش نهائى و باين انه مضروب

قررت اجيب الفاليو بدلا منه عشان كان شكله تيل نضيف فعلا وخامته كويسة
وسعره 250 جنيه



واشتريت سبراى تنضيف للفرامل بـ 30 جنيه




نضفت الطنابير والجهاز بالاسبراى , الطنابير سيلت كل التراب و الرايش بتاع التيل اللى عليها و بقت تمام
ركبت وطلعت اجرب التيل ماخدش وقت على ما طبع الطنابير مجرد مسافة صغيرة وكام دوسة فرامل كان ضبط الحمد لله ..

انا مشيت على التيل ده لحد دلوقتى 680 كم و الحمد لله كفاءة وتمااام ومفيش صفارة نهائى

وده شكل التيل القديم بتاع العربية






تحياتى

[rotanamasoud]

مبروك التيل الجديد وايه اخبار العربيه معاك

[civilpharaoh]

الف مبروك يا باشا علي التيل الجديد وابقي وافينا بكل جديد و سلم لي علي التوكيل.هو التيل مكتوب عليه c elysee ولا مكتوب عليه ايه

[islam.3bada]

مبروك التيل الجديد وايه اخبار العربيه معاك

[color="rgb(0, 100, 0)"]الله يبارك فيك يا باشا

العربية الى الان تماام الحمد بدون مشاكل تذكر و الحمد لله [/color]

[islam.3bada]

الف مبروك يا باشا علي التيل الجديد وابقي وافينا بكل جديد و سلم لي علي التوكيل.هو التيل مكتوب عليه c elysee ولا مكتوب عليه ايه

الله يبارك فيك يا باشا ,
هتابع بالجديد ان شاء الله
لا التيل مكتوب عليه Citroen Xeara و Peugeot 307

[Moratoz]

الف مبروك

[Muhammad.Salah]

كالعادة اسلام ومواضيعه المتميزة ... مبروك يا باشا علي التيل وابقي تابعنا باخباره

[ahmedfouad]

شكراً على التجربة وربنا يبارك

[mr.moustafa]

مشكوووووور والله يعطيك الف عافيه

[islam.3bada]

الف مبروك

الله يبارك فيك يا باشا

كالعادة اسلام ومواضيعه المتميزة ... مبروك يا باشا علي التيل وابقي تابعنا باخباره

محمد بك صلاح :)
اشكرك يا باشا وهتابعكم لو فى جديد ان شاء الله

شكراً على التجربة وربنا يبارك

الشكر لله يا افندم

مشكوووووور والله يعطيك الف عافيه

الف شكر يا باشا

[Amr Hussain]

مبروك وليا سؤال يركب علي البيجو 301

[midooo_119]

مبروك ياباشا .. بس مش العربيه فالضمان المفروض تتعمل فالتوكيل و لا انت خرجت بره الضمان

[Raef Sobh Azab]

يركب على البيجو 301 مفيش مشكلة

[islam.3bada]

يركب على البيجو 301 مفيش مشكلة

+1

[islam.3bada]

مبروك ياباشا .. بس مش العربيه فالضمان المفروض تتعمل فالتوكيل و لا انت خرجت بره الضمان

لا العربية فى الضمان عاادى مخرجتش ولا حاجة
بس تيل التوكيل عمره قصير شوية اخره 15 او 16 الف كم على اقصى تقدير يعنى
و مش تمام انى ادفع 500 ولا 600 جنيه فى تيل مبيكملش الـ 20,000 كم

تركيب التيل برا التوكيل بيخرج الطنابير بس من الضمان مش العربية كلها وده مش فارق معايا لان انا واثق من التيل انه كويس ومش هيضر الطنابير فى حاجة و مش محتاج ضمان الطنابير ده


شرفت قسم ستروين