تجربة تغيير تيل الـC-Elysee بالصور

[mohamed elhawy]

معالي الباشا
كل سنه وانت طيب
استأذن حضرتك ممكن تعرفني مكان او اسم المحل ال انت جبت منه التيل
ومتهيألي ان اي ميكانيكي يغيره ولا حد معين
وعيد سعيد عليك

[islam.3bada]

معالي الباشا
كل سنه وانت طيب
استأذن حضرتك ممكن تعرفني مكان او اسم المحل ال انت جبت منه التيل
ومتهيألي ان اي ميكانيكي يغيره ولا حد معين
وعيد سعيد عليك

وحضرتك طيب وبالصحة والسلامة

المحل هتلاقيه داخل اول ممر على الشمال وانت داخل التوفيقية من الشارع اللى قدام السنترال

اى حد ممكن يركبه انا , فكيت التيل بنفسى هو مسمار واحد بيتفك وخلاص
لو حضرتك تقدر تفك فردة من التيل وتاخدها معاك وانت رايح يبقى افضل هتوفر على نفسك كتير

وعيد سعيد عليك يا باشا

[rahieb_100]

التيل ده انا فعلا كنت باستخدمه فى الاكسارا
محترم فعلا وشغال كويس
وهاتلاقيه عند المسيرى فى ميدان لبنان - المهندسين
اسحاق اسكندر و جمال البدرى فى التوفيقية
وفى نفس الشارع على اليمين محل مش فاكر اسمه يرضه شغال فى قطع الغيار الفرنساوى (امام الممر اللى قال عليه اسلام)

[islam.3bada]

التيل ده انا فعلا كنت باستخدمه فى الاكسارا
محترم فعلا وشغال كويس
وهاتلاقيه عند المسيرى فى ميدان لبنان - المهندسين
اسحاق اسكندر و جمال البدرى فى التوفيقية
وفى نفس الشارع على اليمين محل مش فاكر اسمه يرضه شغال فى قطع الغيار الفرنساوى (امام الممر اللى قال عليه اسلام)

+11111111
شكرا على معلومة المسيرى دى مكنتش اعرفها بس يا ريت لو العنوان بالتفصيل اكتر

مال البدرى فعلا عنده والمحل اللى قدام الممر ده مكنش عنده فاليو كان عنده ريمسا وشكله مضروب اسحق اسكندر كان عنده نوع اول مرة اسمع عنه مرتحتلوش قولت خلينى فى المضمون مع الفاليو

[pioneerahmed]

اسبراي تنظيف اجزاء الفرامل دة جبتة منين و في منو انواع تانية و لا لا؟

[rahieb_100]

المسيرى هاتنزل ميدان لبنان وتكمل لحد تقاطعه مع شارع السودان ( عند الهوارى ) تدخل يمين فى شارع السودان وتمشى كده حوالى ٢٠٠ متر هاتلاقيه على يمينك وقصادك الناحية التانية على الشمال بنزينة موبيل

[islam.3bada]

اسبراي تنظيف اجزاء الفرامل دة جبتة منين و في منو انواع تانية و لا لا؟

جبته من التوفيقية من محل فى نفس الممر اللى جبت منه التيل وفى منه انواع تانية بس انا جبت الـ Gunk عشان منتجاتهم سمعتها كويسة وناس كتير بتشكر فيها