تبريد ax

[XOP]

السلام عليكم
يا جماعه عايز حد يساعدني عربيه ايه اكس بستخن جامد لما بتمشي علي ال 110 الحراره بترفع لاكتر من 110
وفي العادي بتبقي 90 الي 100
حاولت اصلح الراداتير الراجل قال انه عمله خنقه علشان الميه السخنه مترجعش علي البارده وقال انه الطريقه دي بتتعل في البيجو 305
انا شلت السربنتيه بتاعه التكييف علشان الهوا يدخل وعكس لف المروحه انا عارف انه مش مظبوط بس دا زود التبريد عن الاول
اعمل ايه واظبط دوره التبريد دي ازاي لانها خلت العربيه جابت جوان وش سلندر وعملته
اتاكد ازاي ان الراداتير مش مخنوق انا حطيت فيه خرطوم ميه الميه ماشيه كويس فيه
اتاكد ازاي من طرمبه الميه انها بشتغل بكفائه ...
انا غيرت المروحه نفس المشكله ...
دلوقت حطيت خل في الراداتير قالو بينظف الصدا ... هل فيه حاجه احسن؟
ارجو الشرح بالتفصيل علشان خبرتي قليله بيها

جبت كانز ابور علشان ازودها لسه محطتهوش لما اتاكد ان الدوره سليمه
جزاكم الله خيرا

[Fo1Fo]

لو باقى على العربيه دى هاتلها رادياتير جديد من عند نافع فى شارع دمشق كنت جايبه من حوالى 4-5 سنين ب 350ج ها تنسى مشاكل السخونيه خالص لأنى جربت كل اللى انت عملته واستخدمت بدل الخل ميه نار (ماء بطاريه 30% ) لمده دقائق معدوده ثم الغسيل الجيد جدا جدا جدا جاب نتيجه لمده سنه وبدات تسخن تانى ريح دماغك برادياتير جديد .لأن اللى راكب فيها أكيد ما أتغيرش من 18سنه وكفايه عليه كده

[rotanamasoud]

السلام عليكم
يا جماعه عايز حد يساعدني عربيه ايه اكس بستخن جامد لما بتمشي علي ال 110 الحراره بترفع لاكتر من 110
كانت مشكلتى اول ما جبتها
وفي العادي بتبقي 90 الي 100
حاولت اصلح الراداتير الراجل قال انه عمله خنقه علشان الميه السخنه مترجعش علي البارده وقال انه الطريقه دي بتتعل في البيجو 305
الموضوع لازم يتعمل صح فى خرطوم بيرجع الميه السخنه مباشر للمكنه بدون الدخول على الرداتير واللى بيتحكم فى الموضوع ده ترموستات الكوعه الخرطوم ده حيتلغى تماما بيتقطع وطبتين(مع طبعا شيل ترموستات الكوعه)
انا شلت السربنتيه بتاعه التكييف علشان الهوا يدخل وعكس لف المروحه انا عارف انه مش مظبوط بس دا زود التبريد عن الاول
كويس شيل السربنتينه وكارثه عكس المروحه الهواء يكون اتجاهه للموتور باكد اهه
اعمل ايه واظبط دوره التبريد دي ازاي لانها خلت العربيه جابت جوان وش سلندر وعملته
اتاكد ازاي ان الراداتير مش مخنوق انا حطيت فيه خرطوم ميه الميه ماشيه كويس فيه
اتاكد ازاي من طرمبه الميه انها بشتغل بكفائه ...(بتفك الخرطوم العالى بتاع الرداتير ودور حيضخ الميه كلها بسرعه يبقى الطرمبه تمام والرداتير تفريغه سريع سالك يعنى)
انا غيرت المروحه نفس المشكله ... (لازم يكون راكب المروحه الكبيره بتاعت الاى اكس المكيفه)
دلوقت حطيت خل في الراداتير قالو بينظف الصدا ... هل فيه حاجه احسن؟(اكتفى بالخل لان التنظيف القوى حتلاقى بعده الطرمبه ممكن تجيب ميه والرداتير يضعف وتلاقيه فتح معاك)
ارجو الشرح بالتفصيل علشان خبرتي قليله بيها

جبت كانز ابور علشان ازودها لسه محطتهوش لما اتاكد ان الدوره سليمه
جزاكم الله خيرا
انتظر التاكد من ضبط الدوره والحراره والتسريب قبل الانتقال للماء الاخضر

بعد عمل الاجرائات دى اتاكد ان مفيش فرامل قافشه لانها بتسخن العربيه
اذا لم تحصل على نتيجه مرضيه تغير الرداتير(ملحوظه رداتير عربيتى القديمه كان نحاس فالتنضيف كان مجدى وفعال)

[XOP]

لو باقى على العربيه دى هاتلها رادياتير جديد من عند نافع فى شارع دمشق كنت جايبه من حوالى 4-5 سنين ب 350ج ها تنسى مشاكل السخونيه خالص لأنى جربت كل اللى انت عملته واستخدمت بدل الخل ميه نار (ماء بطاريه 30% ) لمده دقائق معدوده ثم الغسيل الجيد جدا جدا جدا جاب نتيجه لمده سنه وبدات تسخن تانى ريح دماغك برادياتير جديد .لأن اللى راكب فيها أكيد ما أتغيرش من 18سنه وكفايه عليه كده

جزاك الله خيرا يا باشا
انا فعلا بفكر في كدا بس قولت اجرب الاول التنظيف يمكن يجيب نتيجه

[XOP]

الموضوع لازم يتعمل صح فى خرطوم بيرجع الميه السخنه مباشر للمكنه بدون الدخول على الرداتير واللى بيتحكم فى الموضوع ده ترموستات الكوعه الخرطوم ده حيتلغى تماما بيتقطع وطبتين(مع طبعا شيل ترموستات الكوعه)

سؤالي في النقطه دي يابو حميد مش فاهمها
عايز اعرف فين الخرطوم اللي بيرجع السخن دا للراداتير هو فيه خرطوم تحت وخرطوم فوق كبير
اللي فوق واصل ما بين الراداتير وطرمبه المياه
واللي تحت تقريبا جاي من الموتور
وفيه كمان خرطوم صغير واصل من تحت طرمبه الميه الي تقريبا التكييف داخل تابلوه العربيه وطالع من نفس المكان خرطوم لفايز الهوا اللي هو بلف الهواء

انا مش عارف فين خرطوم راجع السخن ولا ترموستات الكوعه عايز اعرف هما فين بالظبط لو امكن التوضيح او صوره ليه انت كنت منزل صوره ليه من زمان بس مش موجوده
او مكانه بالظبط فين يعني طالع منين ورايح في اي حته في الموتور ؟؟
عايز اجرب الغيه واشوف النتيجه

الراداتير الموجود في العربيه نحاس
الفرامل مش بتقفش ولا حاجه العربيه خفيفه مش قافشه

لو فيه ميكانيكي كويس او عفشجي في المعادي ممكن حد يعرفني علشان عايز اشوف الكبالن علشان بتعمل صوت واشتريها مينن انا سالت عليها في الفيوم قالي 180 استيراد الواحده بس مشوفتش حالتها عامله ايه
لو امكن حد كويس في المعادي
حزاكم الله خيرا

[rotanamasoud]

والله انت ابن حلال بدعبس فى الصور لاقيتهم فكرتنى بالذى مضى
اول صوره تحت المكان ده خرطوم صغير الغيه وسده بطبه
تانى صوره حتلاقى خرطوم ملغى بافيزين ده باقى الخرطوم
تات صوره رسم توضيحى للتعديل
بعد التعديل بشغل التكييف فى عز الضهر بدون اى مشاكل
بعد التعديل اصبح عندك نقطه واحده لاخز الهواء الاماميه والخلفيه اتلغت
بعد التعديل لم تتخطى السياره ابدا ال90 بالتكييف لاكتر من سنتين حتى بعتها وهى تمام
التعديل غلط جدا للزد اكس لان نظام تبريدها فوق الممتاز(الرداتير بعرض وش العربيه وذو مروحتين كبار بمعنى الكلمه) وانا ماشى بيها كمان بترموستات الكوعه راكب لانه بيوفر بنزين

[XOP]

الموضوع لازم يتعمل صح فى خرطوم بيرجع الميه السخنه مباشر للمكنه بدون الدخول على الرداتير واللى بيتحكم فى الموضوع ده ترموستات الكوعه الخرطوم ده حيتلغى تماما بيتقطع وطبتين(مع طبعا شيل ترموستات الكوعه)

سؤالي في النقطه دي يابو حميد مش فاهمها
عايز اعرف فين الخرطوم اللي بيرجع السخن دا للراداتير هو فيه خرطوم تحت وخرطوم فوق كبير
اللي فوق واصل ما بين الراداتير وطرمبه المياه
واللي تحت تقريبا جاي من الموتور
وفيه كمان خرطوم صغير واصل من تحت طرمبه الميه الي تقريبا التكييف داخل تابلوه العربيه وطالع من نفس المكان خرطوم لفايز الهوا اللي هو بلف الهواء

انا مش عارف فين خرطوم راجع السخن ولا ترموستات الكوعه عايز اعرف هما فين بالظبط لو امكن التوضيح او صوره ليه انت كنت منزل صوره ليه من زمان بس مش موجوده
او مكانه بالظبط فين يعني طالع منين ورايح في اي حته في الموتور ؟؟
عايز اجرب الغيه واشوف النتيجه

الراداتير الموجود في العربيه نحاس
الفرامل مش بتقفش ولا حاجه العربيه خفيفه مش قافشه

لو فيه ميكانيكي كويس او عفشجي في المعادي ممكن حد يعرفني علشان عايز اشوف الكبالن علشان بتعمل صوت واشتريها مينن انا سالت عليها في الفيوم قالي 180 استيراد الواحده بس مشوفتش حالتها عامله ايه
لو امكن حد كويس في المعادي
حزاكم الله خيرا

[XOP]

[QUOTE=rotanamasoud;3875711671]والله انت ابن حلال بدعبس فى الصور لاقيتهم فكرتنى بالذى مضى
اول صوره تحت المكان ده خرطوم صغير الغيه وسده بطبه
تانى صوره حتلاقى خرطوم ملغى بافيزين ده باقى الخرطوم
تات صوره رسم توضيحى للتعديل
بعد التعديل بشغل التكييف فى عز الضهر بدون اى مشاكل
بعد التعديل اصبح عندك نقطه واحده لاخز الهواء الاماميه والخلفيه اتلغت
بعد التعديل لم تتخطى السياره ابدا ال90 بالتكييف لاكتر من سنتين حتى بعتها وهى تمام
التعديل غلط جدا للزد اكس لان نظام تبريدها فوق الممتاز(الرداتير بعرض وش العربيه وذو مروحتين كبار بمعنى الكلمه) وانا ماشى بيها كمان بترموستات الكوعه راكب لانه بيوفر بنزين


شكرا يا بوحميد جزاك الله خيرا انا كدا بدات افهم وان شاء الله هجرب الغيه واقولك علي النتيجه

[XOP]

ابو حميد
انا لغيت خرطوم الراجع السخن من الناحيتني زي ما قولت بس مش عارف ترومستات الكوعه دا فين بالظبط مش لاقيه

ممكن صوره توضيحيحه ليه هو مكانه فين بالطبط
لان العربيه لسه بتخسن برده كتير

جزاك الله خيرا

[rotanamasoud]

ترموستات الكوعه فى اول صوره جوه المكان اللى فيه مكان حساس الحراره
لازم مع التعديل يتلغى والا التعديل حيكون غلط
فك الخرطوم واستكشف بصبعك حتلاقى مفيش حاجه او حتلاقى المكان مسدود بصمام بسوسته يبقى الترموستات موجود
وبلغنى بالنتيجه ومتكسلش

[XOP]

ترموستات الكوعه فى اول صوره جوه المكان اللى فيه مكان حساس الحراره
لازم مع التعديل يتلغى والا التعديل حيكون غلط
فك الخرطوم واستكشف بصبعك حتلاقى مفيش حاجه او حتلاقى المكان مسدود بصمام بسوسته يبقى الترموستات موجود
وبلغنى بالنتيجه ومتكسلش

لسه شايف ردك دلوقت
كدا معناه ان الحساس جوه طرمبه الميه صح كدا ولا ايه؟
انا هفك الخرطوم اللي طالع من الراداتير وداخلي لطرمبه الميه عند حساس الحراره واشوف جواه ايه في صمام ولا لا ؟

[XOP]

انا فكييت الخرطوم اللي داخل الطلمبه وفكيت وش الطلمبه برده ملقتش حاجه فيه زي حديده في نص فتحه الطلمه فقط ومفيش اي مكان حتي لترموستات ولا حاجه مش عارف المفروض يكون راكب ازاي لان مفيش مكان اساسا

ايه رايك افك طلمبه كلها ؟؟

فيه حاجه كمان لما بقلب لف المروحه بخليها تشفط هواء من بره العربيه بتبرد كويس لكن العكس العربيه بتسخن اخلي المروحه معكوسه ولا هياثر علي حاجه في الموتور لان الهواء السخن بييجي علي الموتور

عايز اتاكد من ترموستات الكوعه دا مش عارف ازاي؟؟

[rotanamasoud]

طرمبه الميه فى مكان تانى خالص تحت
ملاقيتش حاجه يبقى الترموستات مخلوع
عكس المروحه غلط لانها بتطلع الهواء عكس اتجاه الجرى
انت كده عايز رداتير

[waelelgazawey]

بالنسبة لموضوع الكبالن في واحد ممتاز في الحرفيين بتاع الكبالن جمب مساكن الضباط اللي هناك الراجل دة ممتاز واسعاره كويسة سواء عايز يتصلح او يتغير عنده استيراد وشغله ممتاز الصراحة جدا

[waelelgazawey]

مع احترامي واهتمامي بكل الاراء اللي اتقالت عندي شوية اسئلة وهقولك تعمل ايه
هل وانت بتزود الميه للعربية بتاخد الهواء ولا لاء ؟
بتحط ميه عاديةولا خضراء؟
* اولا رجع الخرطوم اللي هو عكسه دة زي ما كان وخد هواء للعربية بفتح المسمارين واحد الانكيه في اول الموتور والتاني اللي في وحده الخراطيم والعربية دايرة واول ما تطلع الميه من مكان المسامير اقفل واحد وزود ميه لغاية ما التاني يفضل مستمر في تطليع الميه وبعدين اقفله وزود تاني في الردياتير لغاية لما يتملي للاخر وبعدين اقفل خالص الردياتير
* ثانيا لو العربية لسه بتسخن ركب مروحة جديدة بردياتير جديد وهتلاقي بتاع الدايو اللانوس نفس الحجم وارخص من بتاع الستروين وممتاز هيكون اقل بحوالي 150 جنيه تقريبا لاني عملت دة من فترة وكان دة تقريبا فرق السعر
* ثالثا اتاكد من زيت الموتور لان ممكن يكون دة سبب السخونة ومتكونش السخونة اصلا سببها الميه والردياتير والكلام دة كله
* رابعا ودة برضه حاجة من الحاجات المهمة اتاكد ان المروحة بتكون شغاله لما العربية بتسخن الصبح انزل دور العربية وسيبها حوالي 10 او 15 دقيقة وانت فاتح الكابوت واستني لغاية لما المروحة تشتغل لو اشتغلت تبقى تمام بس برضه مش معنى انها شغاله تبقى المشكلة مش منها لانها ممكن يكون جهدها قليل وعشان كدة قولتلك غير ردياتير ومروحة وطبعا ثرموثتات
* خامسا التاكيهات لو التاكيهات مش مظبوطة ممكن العربية تسخن ودي تروح للميكانيكي خليه يظبط تاكيهات وكهربه موتور
ارجو اني اكون قدمت لك رد فيه الافادة