إستفسار بخصوص تابلوه الايبيزا موديل 94

[egman]

السلام عليكم ورحمة الله وبركاته

شباب انا كان ليا كام سوال بخصوص تابلوه العربية :

1- انا فولت العربية لكن عداد البنزين لم ينزل الى اخر الموشر ولكن وصل بس لغاية الحد الى قبل الفول تانك ؟ مش عارف ليه ...

2- عندى عداد الكيلو متر متوقف لا يعمل جايب قراءة وواقف عليها ده الى هو عداد الكيلوا متر ؟

3- اما العداد التانى الى هو الكيلوا متر على الساعه برده متوقف ومتصفر ؟

4- عداد الأر بي ام اول ما ادور العربية بيكون موجود تحت الـ 10 هل هذا طبيعي او بمعنى اصح ما بيكونش عند الصفر بيطلع درجتين قبل ال درجة الــ 10 ؟

5- اما عداد الحرارة فالموشر ما بيجيش على النصف بيكون على اول شرطة بعد العلامات الكتير الى فى البداية يعنى بمعنى اوضح هو الموشر بيقرا من الشمال وعند ارتفاع الجرارة بيروح يمين على حسب الحرارة هو اقصي حاجة بيروجها يمن اول شكرة بعد كذا شرطة كدا فى الاول ورا بعض اوى ؟

6- كان فيه كسر فى التابلوه بالضبط مكانه خلف دراع المساحات هو مساحته على قد بالضبط فتحة من فتاحات التكييف الى بتكون بالطول جنب الشباك يا ترى الكسر ده ممكن يكون من اية وممكن يتعالج ازاى ؟

[overline][overline][/overline][/overline][overline][overline] انا اسف يا جماعه على الاطالة ولكنى حديث العهد بالعربية وعايز رايكم فى الاتى :[/overline][/overline]

1- الموضوع ده بيتصلح عادى ولا فى حاجة ممكن تتغير ؟

2- الكلام ده علشان بتصلح لازم يتفك التابلوه كله ولا العدادت بس ؟

3- ومين الى بيصلح الحاجات ده اى تخصص بيصلح الموضوع ده ؟

4- عايز اعرف فين وتكلفة الموضوع ده كام ؟

ملاحظة
انا لسة جايب العربية جديد هى موتور 1300 سي سي وطبعا علشان جديد فى السواقه اول يومين خدت فيهم كام مطب حلوين شوية على الرغم ان عداد البنزين كان اول ما استلمتها الراجل فرجنى عليه علشان كان بيقولى انه مفول العربية وفعلا كان لغاية الاخر خالص وكمان بعد يومين المطبات دول لمبة الاشارة الى بتكون موجودة فى التابلوة فصلت لكن الاشارة فعلياً شغالة لكنها رجعت تانى لوحدها تعمل مية مية انا اهم حاجة عندى مووضع موشر النزين يا ترى ده من اية هو وعداد الكيلو متر علشان الواحد يقدر يظبط مواعيد الصيانه .....



- ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.


يرجى مراجعة قواعد المنتدى

20/4/2010

6:27 15 ب

[windofchange]

رشاد في الحرفيين يراجعلك علي عوامة البنزين اللي في التانك وقبل متروحله خلي التانك اللمبة تنور او قبل الشرطة الحمرا بسنة كده المفروض ساعتها تنور لمبة البنزين لو منورتش يبقا محروقة بتتغير ب5 جنيه عند بتاع العدادات وفول العربية عالآخر وانزل اقف جمب العامل وقله يملي الإحتياطي(في اعتقادي الزرار ده بيطلع الهوا مالتانك فيخش مكانه بنزين) بص افتح غطا التانك هتلاقي زرار تدوس عليه بصباعك ينزل لتحت ويرد تاني لو شيلت صباعك فالعامل يدوس بالمسدس عليه وهو بيفول العربية بس يفضل دايس عليه لغايه مالبنزين يوصل للآخر وتشوفه عند الزور يدوس تاني لو البنزين منزلش يبقي انت كده فولت التانك عالآخر وهتلاقي المؤشر ظبط معاك ان شاء الله بس اقفل الكونتاكت وانت بتمون يعني العربية مبطلة وفاصل كهربا عن العدادات وقلنا عملت ايه ده 90 في الميه هو المشكلة بدل متروح لرشاد الكهربائي يبوظلك العوامة حصلت معايا العوامة دي مستعملة ب100 جنيه قولنا عملت ايه

مؤشر الحرارة سليم علي ماعتقد في ايبيزا 98 99 بيبقي النص هو ظبطته عندك اول شرطه هي ظبطته

عداد ال rpm المفروض اول متدور والعربية باردة يطلع بعد العشرة بشرطتين وممكن اكتر من شرطتين ف الشتا وبعدين بعد ماتسخن ينزل ل 8.5 او9 وهي عالسلانسيه من غير غيار يعني و8.5 او 9 دي ظبطه الكهربا مالسبيراتير في ناس عندها عشرة كد العربية مش الطبيعي بتاعها والكهربا عاليه وتاكل معاك بنزين بس ظبطتها بالظبط يفيدك فيها ايبيزا باشا بس اعتقد الشرطة اللي قبل عشرة قبلها بسنة بسيطة

[egman]

الف الف شكر ليك يا باشا ربنا يكرمك وان شاء الله اجرب موضوع زرار التانك ده واقول لحضرتك .

بس هل بتاع البنزينة ممكن لما قلتله يفول ملى التانك ولم يملى الاحتطياطى او بمعنى اصح لحد الزور ؟

طيب والزرار ده بيكون فين فى فتحة التانك ولا فى باب التانك ؟ ولما الراجل يدوس عليه وهو بيفول يفضل دايس لحد ما البنزين يبان للزور وبعد كده يسيب الزرار ده يرد تانى ونشوف البنزين قل عن الزور ولا لأ لو قل يبقى لسه التانك عايز يتملى تانى ولا اعمل ايه ؟

طيب ويا ترى موضوع عداد الكيلوا متر ده نظامة اية ممكن يكون من اية ؟وبيتصلح ازاى وعند مين او مين الى مختص فى الموضوع ده ومكانه يكون قريب من امبابة فى الجيزة او فى مدنية نصر ؟

ويا ترى علاج الكسر الى فى التابلزه ده ممكن يكون من اية وعلاجه ازاى وعند مين وفين ؟



- ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

يرجى مراجعة قواعد المنتدى

20/4/2010
6:27
15 ب

[ehab_mansour]

السلام عليكم

عداد السرعة والكيلومتر دول ليهم حساس داخل الفتيس ومتوصل بفيشة علي جسم الفتيس ممكن حضرتك تروح لأي ميكانيكي يبصلك علي الفيشة واصلة ولا لأ ومحتمل يكون الحساس بايظ ويحتاج يتغير وان شاء الله تكون حل مشكلتك في الحساس ده وتوصيلاته

موضوع كسر التابلوه ده بصراحة ما أعرفش حد بيصلحه بس أعتقد حله التغيير والله أعلم لأن تصليح الكسر في الحاجات دي صعب يرجع تاني مضبوط

[windofchange]

الف الف شكر ليك يا باشا ربنا يكرمك وان شاء الله اجرب موضوع زرار التانك ده واقول لحضرتك .

بس هل بتاع البنزينة ممكن لما قلتله يفول ملى التانك ولم يملى الاحتطياطى او بمعنى اصح لحد الزور ؟

طيب والزرار ده بيكون فين فى فتحة التانك ولا فى باب التانك ؟ ولما الراجل يدوس عليه وهو بيفول يفضل دايس لحد ما البنزين يبان للزور وبعد كده يسيب الزرار ده يرد تانى ونشوف البنزين قل عن الزور ولا لأ لو قل يبقى لسه التانك عايز يتملى تانى ولا اعمل ايه ؟

طيب ويا ترى موضوع عداد الكيلوا متر ده نظامة اية ممكن يكون من اية ؟وبيتصلح ازاى وعند مين او مين الى مختص فى الموضوع ده ومكانه يكون قريب من امبابة فى الجيزة او فى مدنية نصر ؟

ويا ترى علاج الكسر الى فى التابلزه ده ممكن يكون من اية وعلاجه ازاى وعند مين وفين ؟

بالنسبة للبنزين لما يوصل للزور يدوس عالزرار لو نزل يكمل ملي بنزين وصل البنزين للزور وداس عالزرار منزلش يبقي مبروك انت كده فولت بس مش شرط لما تقوله فول يدوس عالزرار قوله فول واملي الإحتياطي ممكن ميعرفشانزل وريله ويفضل تبقي واقف معاه دايما وهو بيملي التانك منعا للغش في العداد وانو البنزين ميغرقلكش العربية ويبهت البويه حولين باب التانك(علي فكرة في كاوتشه حولين الزور اديها فازلين عشان بتشقق من البنزين دي هديه مني)
التابلوه اكيد بيتصلح مااعرفش فين الصراحة حاول انت تصلحه يعني فكر واكيد هتعرف تصلحه في عجينة بتتباع عند بتوع الإكسسوار بيتعجنها بتنشف وتبقي زي الحديد يعني ممكن دي تنفع فالتصليح وهتلاقيها في شل شارع دمشق وممكن لو معرفتش تجيب تابلوه استيراد من الحرفيين بس ان شاء الله بسيطة وتعرف تصلحه

[egman]

أستاذ / ehab_mansour

الف الف شكر ليك على المتابعه المفيدة وليا سوال تانى معلش اعذرنى .

1-الحساس ده اسمه ايه بالضبط وموجود عند مين وسعره يعمل كام ؟

2- هل هذا هو الاحتمال الوحيد ان ممكن العطل يكون فى الحساس ده والفيشة بتاعته ولا ممكن يكون فى العداد نفسة فى الارقام الى فى العداد الى بتعد الكيلو متر ولو ده يكون التصرف ازاى ؟

3- هل بيتطلب الموضوع ده ميكانيكى معين ولا ممكن اى ميكانيكى يعملها على اساس ان الموضوع ده متشابه فى كل العربيات ؟

4- محتاج شرح بسيط بس للمعرفه ازاى الحساس والفيشة بتاعته الى بتكون فى جسم الفتيس بتسمع فى العداد الى فى التابلوة ده بيكون عن طريق ايه ؟

أستاذ / windsofchange

الف شكر يك يا باشا على متابعتك معايا واهتامامك .

وبرده معلش كان ليا استفسار تانى بسيط واخر حاجة ان شاء الله .

1- الزرار ده موجود فين بالضبط فى زور فتحة التانك ؟

2- وهل لما الراجل غول العربية المرة الىف اتت ممكن اوى ما يكنش فول الاحتياطى علشان كده عداد البنزين منزلش للفول تانك يا ترى صح الكلام ده ولا غلط ؟

انا منتظر ردود حضراتكم عليا لانى ان شاء الله يوم الجمعه هظبط المواضيع ده كلها انا شاء الله لان هو ده اليوم الاجازة بتاعى وانا عاجز عن شكركم طبعا وجزاكم الله كل الخير ،،

[ehab_mansour]

أستاذ / ehab_mansour

الف الف شكر ليك على المتابعه المفيدة وليا سوال تانى معلش اعذرنى .

1-الحساس ده اسمه ايه بالضبط وموجود عند مين وسعره يعمل كام ؟

2- هل هذا هو الاحتمال الوحيد ان ممكن العطل يكون فى الحساس ده والفيشة بتاعته ولا ممكن يكون فى العداد نفسة فى الارقام الى فى العداد الى بتعد الكيلو متر ولو ده يكون التصرف ازاى ؟

3- هل بيتطلب الموضوع ده ميكانيكى معين ولا ممكن اى ميكانيكى يعملها على اساس ان الموضوع ده متشابه فى كل العربيات ؟

4- محتاج شرح بسيط بس للمعرفه ازاى الحساس والفيشة بتاعته الى بتكون فى جسم الفتيس بتسمع فى العداد الى فى التابلوة ده بيكون عن طريق ايه ؟

أستاذ / windsofchange

الف شكر يك يا باشا على متابعتك معايا واهتامامك .

وبرده معلش كان ليا استفسار تانى بسيط واخر حاجة ان شاء الله .

1- الزرار ده موجود فين بالضبط فى زور فتحة التانك ؟

2- وهل لما الراجل غول العربية المرة الىف اتت ممكن اوى ما يكنش فول الاحتياطى علشان كده عداد البنزين منزلش للفول تانك يا ترى صح الكلام ده ولا غلط ؟

انا منتظر ردود حضراتكم عليا لانى ان شاء الله يوم الجمعه هظبط المواضيع ده كلها انا شاء الله لان هو ده اليوم الاجازة بتاعى وانا عاجز عن شكركم طبعا وجزاكم الله كل الخير ،،

1- اسمه حساس السرعه speed sensor و بصراحة معرفش حد غيره قبل كده بس أعتقد انه مش هيكون بايظ ولو تأكدت انه هو اللي بايظ يبقي تنزل الحرفيين تجيبه استيراد

2- طبعا ممكن يكون العطل في جزء أخر او في العدادات لكن الاحتمال الأكبر ان سوكت الحساس ده مفصول او سلكه مقطوع لكن الله أعلم دور في الموضوع وان شاء الله توصل للحل

3- الموضوع متشابه في كل العربيات ولكن الأفضل انك تروح لحد متخصص في عربيات مجموعة فولكس عشان هيكون حافظ االعربية وهيعرف يوصل للحل بسهولة ان شاء الله

4- الموضوع ببساطة ان الحساس ده راكب في جسم الفتيس بجوار عمود نقل الحركة للعجل وفائدته هو تحويل سرعة تحرك العمود الي اشارة كهربيه تنتقل الأشارة دي عبر السوكت الخاص بالحساس الي الكابل الواصل بالسوكت ومنه الي العدادات مباشرة وعلي أساس قيمة السرعة التي يتحرك بها العمود تكون قيمة الاشارة الكهربية الناتجة عند الحساس ومنها تحصل علي قيمة ارتفاع مؤشر السرعة وكذلك التغير في عداد الكيلومتر

وربنا يوفقك ولما تتحل المشكلة عرفنا

بالنسبة لبقية الأسئلة
1- ايوه هتلاقيه في اول زور التانك في جنب كده علي اليمين زرار ابيض كده
2- ممكن بس عايز أقلك اني أوقات كنت بفول العربية للأخر وبرضه المؤشر ما يرفعش للأخر و أوقات يرفع علي العموم حاول تفضي تنك البنزين علي قد ما تقدر لحد ما لمبة البنزين تنور وبعدين فولها علي الأخر وكذلك الاحتياطي واختار بنزينه محترمة يكون سمعتها كويسه وان شاء الله هتلاقي المؤشر رفع للأخر بدون مشاكل

[egman]

ايهاب باشا / ربنا يكرمك يا اخى والله على كل المعلومات ده انت بتخلى الواحد مش عارف يشكرك ازاى وبتخلى الواحد بيكون فاهم وهو واقف مع الميكانيكي علشان مايحكش عليه الف شكر ليك يا باشا .

وان شاء الله بعد ما اظبط الموضوع ده هقولكم انا عملت ايه هنا برده فى نفس الموضوع علشان الناس الجديدة الى زى حالاتى تستفيد .

وان شاء الله عايز معلومات عن زيت الفتيس واهميتة اية وبيعمل ايه ومكان التانك بتاعه فين واحسن نوع ليه وبكام علشان ناوى اغيره برده كنوع من طقم الصيانه لان مالك السيارة القدم كان تقريبا كده زي ما كان بيقول ما بيتحركش بالعربية وماكنش فيها صيانه تقريبا ......

[ehab_mansour]

ايهاب باشا / ربنا يكرمك يا اخى والله على كل المعلومات ده انت بتخلى الواحد مش عارف يشكرك ازاى وبتخلى الواحد بيكون فاهم وهو واقف مع الميكانيكي علشان مايحكش عليه الف شكر ليك يا باشا .

وان شاء الله بعد ما اظبط الموضوع ده هقولكم انا عملت ايه هنا برده فى نفس الموضوع علشان الناس الجديدة الى زى حالاتى تستفيد .

وان شاء الله عايز معلومات عن زيت الفتيس واهميتة اية وبيعمل ايه ومكان التانك بتاعه فين واحسن نوع ليه وبكام علشان ناوى اغيره برده كنوع من طقم الصيانه لان مالك السيارة القدم كان تقريبا كده زي ما كان بيقول ما بيتحركش بالعربية وماكنش فيها صيانه تقريبا ......

جزاك الله خيرا

زيت الفتيس ده موجود داخل الفتيس نفسه مالهوش تانك لأن فائدته هو وجوده حول مجموعة التروس داخل الفتيس ليقوم بعملية التزييت المستمر للتروس حتي لا تتأكل و تتكسر
ونصيحة لوجه الله اكشف علي زيت الفتيس أولا في اي بنزينه شوفه ناقص ولا لأ واتأكد انه مافيش تسريب لزيت الفتيس لأنه هيبان لما ترفع العربية عشان تشوف مقاسه
لو لقيت المقاس ناقص يتزود فقط عشان زيت الفتيس لا ينصح بتغييره لأنه هيكلفك كتيييييييير لو هتغيره بالزيت الأصلي بتاعها لكن لو غيرته بأي نوع زيت موجود في السوق مهما كان نوعه يبقي بتجيب أجل الفتيس مع الوقت لأن الزيت الأصلي والمصرح به من فولكس مش هتلاقي زيه لأني غلط الغلطة دي وللأسف بسمع دلوقتي أصوات كتيييييييييييير في الفتيس وخشونه البلي الموجود داخله و....... بلاوي كتير حلها تغيير الفتيس
فخلي بالك من النقطة دي كويس جدا اوعي تغير زيت الفتيس غير لو عرفت تجيب الزيت الأصلي وده مش موجود في مصر بييجي بالطلب وغالي جدا

[egman]

جزالك الله كل الخير يا ايهاب باشا

دلوقتى انا خلاص اقتنعت براى حضرتك تماما ان زيت الفتيس مش هغيره انا بس هزودة وده لان الزيت الاصلي مش هيكون موجود فى مصر على فكرة انا وانا بنقل بالفتيس اوقات احس انه خشن او فية صوت بسيط بيحصل هل ده ناتج عن نقص الزيت ؟ .

طيب دلوقتى العمل هيكون ازاى عند تزويدة هيتم تزويده باى نوع زيت موجود فى السوق اية احسن حاجة ممكن تكون طالما ان الزيت الاصلى مش هيكون متوافر ؟؟؟؟؟؟

والزتي ده بيتغير عند الميكانكي ولا البنزنية ولا اى واحد بتاع زيت ؟

منتظرك يا باشا علشان ان شاء الله ناوي بكرة اخلص الموضوع ده باذن الله تعالى .....

[ehab_mansour]

جزالك الله كل الخير يا ايهاب باشا

دلوقتى انا خلاص اقتنعت براى حضرتك تماما ان زيت الفتيس مش هغيره انا بس هزودة وده لان الزيت الاصلي مش هيكون موجود فى مصر على فكرة انا وانا بنقل بالفتيس اوقات احس انه خشن او فية صوت بسيط بيحصل هل ده ناتج عن نقص الزيت ؟ .

طيب دلوقتى العمل هيكون ازاى عند تزويدة هيتم تزويده باى نوع زيت موجود فى السوق اية احسن حاجة ممكن تكون طالما ان الزيت الاصلى مش هيكون متوافر ؟؟؟؟؟؟

والزتي ده بيتغير عند الميكانكي ولا البنزنية ولا اى واحد بتاع زيت ؟

منتظرك يا باشا علشان ان شاء الله ناوي بكرة اخلص الموضوع ده باذن الله تعالى .....

أسباب وجود خشونه أو صوت عند النقل بالفتيس :-
1- انخفاض مستوي الدبرياج وده بيحتاج الميكانيكي يظبطلك الدبرياج كويس بحيث يكون بيفصل في نصف مشوار الدواسة تقريبا
2- نقص مستوي الزيت وده هيحتاج تزويد الزيت وممكن يتزود عند ميكانيكي لو عنده طلمبة رفع الزيت أو في اي بنزينة فيها تغيير زيت

لو احتاجت انك تغير زيت الفتيس لأي سبب او تزوده استخدم زيت نوعه " اسو 90 " ده أفضل نوع موجود

في حاجه ناقصاك وهي انك لو لقيت تسريب زيت من الفتيس حوالين الدراع اللي بتنقل بيه الغيارات يبقي الأولسيل اللي حوالين الدراع ده محتاج يتغير وثمنه حوالي من 2 الي 10 جنيهات حسب نوعه بس خلي بالك عشان لو الميكانيكي جه يغيره ممكن ينزلك الزيت كله علي الأرض خليه يحط حاجه تحت الفتيس ياخد فيها الزيت وبعدين يرفعه تاني في الفتيس

وربنا يوفقك وتخلص من المشاكل اللي عندك و تستمتع بعربيتك

[Ahmed Mubarak]

السلام عليكم
استاذ ايهاب
ممكن اعرف اية اللمبات اللى فى التابلوة بتاع 94 لانى حاسس ان فى لمض مش شغالة عندى
اللى شغال عندى
الهاند-النور الصغير والعالى- الاشارات - الزيت عند دوارة العربية فقط
هل يوجد اى شى اخر
شكرا

[ehab_mansour]

السلام عليكم
استاذ ايهاب
ممكن اعرف اية اللمبات اللى فى التابلوة بتاع 94 لانى حاسس ان فى لمض مش شغالة عندى
اللى شغال عندى
الهاند-النور الصغير والعالى- الاشارات - الزيت عند دوارة العربية فقط
هل يوجد اى شى اخر
شكرا

أولا انت نقصك لمبه وهي لمبة الشحن اللي علي شكل البطارية وبتبقي منورة لما تفتح الكونتاك فقط قبل ما تدور ولما تدور تطفي عشان الدينامو اشتغل
ثانيا اللمبات اللي موجوده في الموديل ده بتختلف علي حسب الأوبشن اللي في العربية يعني موجود مكان لمبات ( abs- ايرباج - ...وحاجات تانيه ) لكن اللمبات دي تعمل فقط وبيكون راكب فيه لمبة في العدادات لما تكون العربية نازلة فيها الأوبشن ده لكن اللي متأكد منه ان الموديلات دي ما نزلش منها مصر عربيات فيها اوبشنز من دي نهائيا ولكن بالتأكيد نزلت في اوروبا في نفس الموديلات

طبعا بكده يبقي انت ناقصك فقط لمبة الشحن شوفها بتنور ولا لأ ولو مش شغالة روح لأي حد بتاع عدادات خليه يفك العداد ويغيرلك اللمبة المحروقة

[Ahmed Mubarak]

جزاك الله كل خير على الرد والشرح الوافى

[egman]

ايهاب باشا / ربنا يجازيك خير على المجهود المبذول معانا وعلى النصائح المهمة الى بتخلى الواحد قدام الميكانيكي بيكون فاهم هو هيعمل ايه .

تقرير عن الى انا عملته فى السيارة اليومين الى فاتوا :

1- بالنسبة لزيت الفتيس :

* رحت لمحل تغيير زيت كويس ولكن للأسف الراجل لم يكن عنده الالنكيه الخاص بالعربية ده وقالى مش هقدر ابص عليه قالى لكن هو لما كشف على الفتيس من تحت العربية قالى ان مافيش اى تسريب خالص خالص .

فقلت انى ممكن اروح لبنزينية اكشف فيها عليه ويا ريت لو تعرف بنزينة كويسة فى مدينة نصر او المهندسين فى النطاق ده ؟

2 - بالنسبة للعدادات :

* روحت لواحد فى امبابة متخصص فى ضبط وتصليح العدادت الدقيقية والار بي ام والبنزين والسرعة والحرارة وده الى الميكانيكي قالى عليه وحصل الاتى .

* فك العدادت وخرجها بره ولقينا الى الناس المحترمة الى انا اشتريت منها العربية كانوا عاملين ايه علشان يوقفوا العداد كانوا طربين الارقام بتاعه الكيلو متر بفمك ومكسرين السنون بتاعه بكر الارقام طبعا والله لو كان قالى ان عدادها قالب ما كنش هيفرق معايا لان العربية مودليها بقالة 16 سنة فى الشارع لكن الجمد لله .

* الراجل قالى ان العدادات ده بتتجاب استيراد بـ 400 جنية وقالى انه ممكن يحطليى من عنده ارقام من عدادت تانية عنده .

* وفعلا هو ده الى عنده وركب بكر الكيلو متر وكان ارقام عداد الزيت واقفة ظبطها وجرب كلة تمام .

* وهو بيجرب لاقى عندى مشكلة ان العربية وهى على التانى السرعه بتكون جايبة 20 وعلى التالت بتكون جايبة 50 او 60 لو قرص قوي و فعلا انا كنت ببقى ملاحظ كده وانا سايق لكن انا قلت لنفسي يمكن الغلط فيا انا علشان انا سواق جديد ومش فاهم .

* الراجل فكه وقعد يبضط فى المؤشر لحد ما الحمد لله بقى طبيعيى وهو جرب بس والعربية واقفة ومرفوعه وبدء ينقل ويدوس ويشوف السرعه وقالى انه ما يقدرش يقرص اكتر من كده على العربية وهى مرفوعة علشان الكوبلن وقالى ابقى جرب ولو فى حاجة ارجعله .

بخصوص الاضاءة :

كانت الاضاءة ضعيفة جدا عندى رحت لكهربائي وفك الفوانيس وغسلهم وكان فيى فيش متاكله غيرها الى بتوصل للفانوس والحمد لله الامور بقت مية مية .

ملاحظاتى بعد المواضيع ده :

1- عداد الكيلوا متر مبدائياً منطقى الى حد كبير وبيتحرك بسلاسة ومنطقية .

2- عداد الزيت الى بيكون تحت الكيلو متر ده بقى الى جننى بقى يتحرك بهبل غير عادى يعنى الكيلوا متر فوقه يكون عامل واحد كيلوا والزيت يكون عامل 17 كيلوا طبعا بيقلب بسرعه جدا وكان الوقت عدى وما عفتش ارجع للراجل تانى ومصنعية الراجل ده كانت 100 جنية وحاسس طبعا انه شماط كبير ....

3- لما الراجل كان بيجرب العدادات وكان بينقل فى السرعات ويدوس بنزين والعربية مرفوعة فى قطعه شحم وقعت من العجلة الى بتدور المرفعوه وقالى ما فيهاش اى حاجة عادى ده بتاعه تشحيم الكوبلن وروحت للميكانيكي بعد كده قالى عادى جدا ما فيهاش حاجة ؟ نا بصراحه مش مصدقهم انت رايك اية يا باشا وهو قالى الميكانيكي انه ده بيحصل مع معظم العربيات ؟

4- الكهربائي خد مصنعيه 40 جنية وحاسس بدرة انه ضحك عليا مش عارف ليه ده كل الى عمله كيس اريال غسل بيه الفوانيس وفيشه واحده بدلها ؟

5- هل ضبط العدادات ده بيكون بالكمبيوتر ولا مانويال هو كان عنده جهاز صغير كده لما بيصوله بالعداد وهو فكه بيقيس بيه حاجة بسس هو مش كمبيوتر يعنى والراجل قالى ان الايبيزا والنيسان اصعب عدادت بتجيله علشان تظبط هل هذا صحيح ؟

والف الف الف شكر ليك ايهاب باشا وطبعا طبعا طبعا مستنى تعلقيك على كل خطوة بفارغ الصبر وتقولى رايك فيها ايه ؟

كده يبقى انا فاضلى فى العربية فى الصيانة السنتر لوك فى باب بيتقفل مانيوال مش مع السنتر والزجاج الكهرباء اوقات بيعلق مش عارف ليه وعندى شرخ فى البربرز الامامي عايز اعمله بالليزر ومش عارف احسن مكان اعمله فيه ايه ويكلفنى كام وبكده يبقى خلصت امور الصيانة للعربية ان شاء الله فاضلى بس اطلع نسخه تانية للمفاتيح ويبقى كده الحمد لله كله تمام .

اه ملحوطة يا باشا برده الراجل الكهربائي كان بياكد ان العربيه كانت مركونة فترة كبيرة واستعمالها خفيف وده اكتر من واحد قالى عليه وكان بيفرحنى الاول لانه بياكد كلام صاحب العربية الى قبلى لكن دلوقتى وبكد عرفت ان العربية لما تكون مركونة مش ميزة ابدا ابدا ده معناه ان ما فيش اى صيانة بتحلصها الى لما تحلصل فيها حاجة كبيرة صح الكلام ده ولا اية رايك يا باشا ؟؟؟