مشكلة مع توكيل سيات smg

[wawoo]

الأخوة أعضاء المنتدي:

هل يجوز ان يتقدم أحد بحجز سيارة في يناير وتظل السيارة محجوزة له حتي ابريل ثم بعد ثلاثة شهور يطلب العميل الألغاء لظروف خاصة - اين التقصير هنا من الشركة التي احتفظت له بالسيارة دون التصرف فيها طوال ثلاثة شهور.

الا يحق للشركة ان تخصم مصاريف ادارية مقابل كل التأخير المشار اليه

عجبنى او " تظل السيارة محجوزة لة حتى ابريل" دى ..

هو مين اللى بيحجز عند مين انا اللى بحجز عند التوكيل و لا التوكيل اللى بيحجز عندى !!!!..
يعنى يا اخ زكى عاوز تفهمنى ان العربية كانت موجودة من شهر يناير و لو يستلمها العميل ..فحجزتو العربية له من يناير حتى الان ...

طبعا دة كلام مش منطقى خالص ..و لو التوكيل بلغ العميل ان السيارة موجودة و لم يستلمها ..ببساطة التوكيل حيسلم السيارة لاى حد اخر حاجز نفس الموديل ...او ببساطة حيبيع العربية لما يجلها زبونها ...

انما ان التوكيل يستنى العميل الفترة دى كلها .. دة معنى ببساطة ان التوكيل مش لاقى زبائن و مصدق حد حجز عشان يلبسة العربية ..و طبعا لو رفض فى الحالة دى ..لازم يطلع منه باى مصلحة و يغلبة شوية كمان عشان يكون عبرة لاى حد يحجز و توسوس لة نفسة انة يرجع فى كلامة بعد كدة ..

بصراحة معاملة ممتازة ..الحمد لله ان الواحد هرب من هذا التوكيل ..
شكرا لصاحب الموضوع على التحذير من هذا التوكيل ومن هذة المعاملة

[Mohamed.Ramah]

ياريت يا استاذ ذكى يوضح او صاحب الموضوع يكمل اية اللى تم علشان نفهم هل حضرتك ادولك الفلوس ولا لسة ممتنعين وبالنسبة لموضوع الحجز عند استرداد المبلغ بعد فترة بياخدو نسبة من المبلغ دا لو فترة مش بعد ايام منتظر مشاركتكم والتوضيح اكثر والمشكلة مازالت قائمة

[Ra2ouf]

الأخوة أعضاء المنتدي:

هل يجوز ان يتقدم أحد بحجز سيارة في يناير وتظل السيارة محجوزة له حتي ابريل ثم بعد ثلاثة شهور يطلب العميل الألغاء لظروف خاصة - اين التقصير هنا من الشركة التي احتفظت له بالسيارة دون التصرف فيها طوال ثلاثة شهور.

يا استاذ ذكي على اي اساس بتقول ان العربية محجوزة ثلاث شهور !!!! على اساس إن seat مغرئة شوارع مصر ؟؟؟؟ ده انا بشوف عربية seat تقريبا في السنة مرة ، يعني مش منتشرة خالص .

انا شايف ان كلام حضرتك كلام بياعين و الناس مش هبلة عشان تصدق الكلام ده . كفاية استخفاف بعقول الناس .

[tgaber]

يا جماعة انا شايف ان التوكيل مش غلطان وبعدين انا متأكد ان الغلط كان من الموظف و هو ده الشىء اللى ممكن يؤخذ على الشركة
انا حصلى مشكلة قبل كده و اتصلت بالاستاذ ذكى فؤاد وهو راجل محترم جدا و ذوق جدا و حل المشكلة فى ساعتها لدرجة ان بعتلى الورق اللى انا كنت محتاجه مع السواق بتاعه وعلى فكره ادارة الشركة كلها محترمة ودة انا بأكدة بسبب ا حتكاكى بالتوكيل و المشكلة دايما بتكون بسبب الموظفيين الصغار طبعا ده رأى شخصى ممكن حد يختلف معايا بس انا حبيت اشهد بالحق

[د.محمود صلاح]

يا استاذ ذكي على اي اساس بتقول ان العربية محجوزة ثلاث شهور !!!! على اساس إن seat مغرئة شوارع مصر ؟؟؟؟ ده انا بشوف عربية seat تقريبا في السنة مرة ، يعني مش منتشرة خالص .

انا شايف ان كلام حضرتك كلام بياعين :h_angry[1]:

يمكن قصده بالفعل إن العربية بمواصفات ولون الزبون طالبها تم حجزها من المصنع بإسمه لحين ورودها

[smax]

واضح انها كانت مشكلة الروتين او الكسل العادي بتاعنا, تحية للتوكيل علي الامانة بس مش السرعة.

[fadynabil]

أنا هخرج شويه عن أصل الموضوع ٫٫٫ بما إن الأستاذ زكي ( وهو رجل فاضل ) بيقول إنه شغال في توكيل عريق ،

وعنده مجموعة توكيلات لسيارات عريقة مثل بورش و فرحان قوي ... بجد بحييكم علي فشلكم في التسويق لسيات ورأيي إن كفايه عليكم هارلي وبورش

وسيبكم بقي من سيات ... خلينا نرجع تاني لأيام زمان الله يرحم أيام الإبيزا ٩٤ ( سيارة الشباب الأولي في مصر ) وقتها

يا راجل في حد ينزل عربيه بسعر أول متنزل وبعدها بكام يوم يزود ١٠ ألاف علي كل فئه

وييجي بعدها بكام يوم ينزل المعرض ويقول عامل عرض وينزل ٥ ألاف يعني

في خلال شهر واحد سعر الإبيزا من ١١٥ ألف إلي ١٢٥ ألف ،،،، وبعدها بقي ١٢٠ ألف

بيفكرني لما بروح أشتري جزمة وألقيها بعدها بشهرين نزلت في الــ SALE ٣٠ ٪