إلى خبراء الأبيزا:- محدش هيدلنى أعمل أية ف تابلوة الإبيزا94

[medo1981]

بصو يارجالة بقة أنا اتخنقت من شكل الفريم المربع الكبير اللى ف وسط التابلوة ( اللى فية الهوايات والكاسيت ومفاتيح التكييف) لآنة متكسر عندى وسألت علية ياسر ف الحرفيين قالى دة بيطقطق من الشمس عند كل الناس ومابيتباعش لوحدة لازم تاخد التابلوة كلة وب 500 جنية بس حرام التابلوة عندى باقيية كويس جدا وقابلت واحد مركب علية فريم تانى فضي كدة
حد بقى يدلنى أعمل اية عشان أغيرة منين أو مين ممكن يظبطهولى
مستنى ردكم أرجوكم

[meeg]

عندى نفس المشكله
ياريت حد يقولنا على حل للموضوع ده

[medo1981]

[overline]طب كدة أنا أتأكدت إنى مش لوحدى
حد بقى يدلنا يا شباب يا إبيزاوية[/overline]

[ehab_mansour]

للأسف المشكلة دي انا سمعت عنها مع ناس كتير هنا في المنتدي لكن بفضل الله عندي الفريم ده كويس وسليم والحمد لله

حاول تدور في الحرفيين وتلف شوية عند محلات الاستيراد يمكن تلاقي حد يديهولك من غير التابلوه والله المستعان

[medo1981]

شكرا يا م/ايهاب على النصيحة لكن أنا دورت عند كل اللى أعرفهم ف الحرفيين وكلة مش عايز يبيع الفريم من غير التابلوة
محدش عندة فكرة تتغطى ازاى الشروخ دى ؟؟؟1
مع إنى لحمتة عند بتاع لحام الفيبر ف الحرفيين بس اتكسر تانى برضة
أنا قربت أتجنن من التابلوة دة

[Ahmed Mubarak]

شكرا يا م/ايهاب على النصيحة لكن أنا دورت عند كل اللى أعرفهم ف الحرفيين وكلة مش عايز يبيع الفريم من غير التابلوة

ياباشا الفريم دا موجود عند الالمانية فى الحرفيين بس الكلام دا بقالة حوالى شهر او 40 يوم كنت هناك بجيب مفتاح الزجاج الكهربائى وانا عندى جزء بسيط مكسور فسالت علية وقلى سعر غريييب قاللى 400 جنية

[medo1981]

شكرا على الرد يا m_o_b_i
بس دة بيهرج بقي ؟!!!!!!!!!!
لما التابلوة كلة ف الحرفيين كامل بالعدادات ب600 جنية يبقى الفريم ب 400 إزاى !!
بس أكيد له حل تانى غير التغيير
لو حد متابع ياريت يفيدنا

[windofchange]

لو عندك الأجزاء المكسورة الزقه بامير نفع معايا بس لزقت الجزء المكسور عالتابلوه نفسه

[medo1981]

[OVERLINE]شكرا يا استاذ windsofchange
بس الأمير بيبوظ شكلة خالص وبيبقى مش نافع يتفك ويركب تانى
[/OVERLINE]

[mesho_kimi]

فعلاً الفريم لوحده غالي صاحب عربيتي البولو كان قايلي انه مشتريه قبل ما يبيعها ب 500 جنيه

[Ahmed Mubarak]

استاذ ميدو
انا كنت امبارح فى الحرفيين وسالت مجددا على سعر التابلوة كامل وسعر الفريم وكان 600-650 التابلوة كامل و 400-450 الفرييم
اعتقد ان الافضل ان جميع الاعضاء اللى عندهم اجزاء مكسورة او مش مظبوطة فى التابلوة يجتمعوا مع بعض ويشتروا واحد كامل بالعدادات بالدرج بالهويات ( كامل) ويتم تقسيم تمنة على جميع الاعضاء المشتركين فية اعتقد هيوفر كتيييييير
كان فى احد الاعضاء كان عايز عدادات وحضرتك عايز فريم وان شاء الله هتلاقى واخد عايز .... و...
موفق ان شاء الله

[medo1981]

[overline]فكرتك ممتازة يا استاذ mobi
خلاص أنا أول واحد عايز الفريم
لو حد عايز جزء تانى يقول
[/overline]

[amr_paolo]

أنا محتاج العدادات

[ehab_mansour]

فكرة ممتازة وبالتوفيق

[Ahmed Mubarak]

وانا هاخد مفاتيح التكييف ومفتاح النور العالى والواطى ومفتاح زجاج كهرباء

بس اهم حاجة اذاى هنقسم الفلوس على القطع