إلى خبراء الأبيزا:- محدش هيدلنى أعمل أية ف تابلوة الإبيزا94

[ehab_mansour]

وانا هاخد مفاتيح التكييف ومفتاح النور العالى والواطى ومفتاح زجاج كهرباء

بس اهم حاجة اذاى هنقسم الفلوس على القطع

بما يرضي الله
يعني تشوف نسبة وتناسب بين أسعار الحاجات دي لوحدها وعلي هذا الأساس تحدد سعرها مجتمعه واللي بالتأكيد هيكون أقل وتقسم السعر الكلي علي القطع

سؤال خارج الموضوع عملت ايه في عربيتك بعد بالتسقيط طمنا وعربيتك لونها ايه عشان انا معدي النهارده الصبح علي ابيزا 94 رمادي وفيه واحد بينظفها من التراب حوالي الساعه 9 الا ربع ياتري انت ولا لأ

[Ahmed Mubarak]

الحمد لله استلمت العربية فجر الجمعة ولسة مجربتهاش وهروح انهاردة اظبط زوايا واغير الجنوط واكبس الموتور وان شاء الله اجرب
الميكانيكى والكهربائى وبتاع قطع الغيار وبعض الناس اللى بتصلح عربياتها عند الميكانيكى بتقولى من الصوت كدة الموتور تمام ان شاء الله بس انا حاسس ان صوتة على سنه بسيطة والميكانيكى قاللى انه مع الوقت الصوت هيقل وهيتظبط وان الصوت اللى عندى من الشكمان
اداء الموتور شكلة رائع انا جربتة حاجة بسيطة بس مرضيتش اشد واعدى 100 عشان الزوايا مش مظبوطة و العجل بيسرخ
ان شاء الله على اتفاقنا يا استاذ ايهاب واول مظبط الحجات دى هيكون فى تليفون نظبط ونتقابل
العربية الرمادى دى فى الشارع اللى حنبى انا عربيتى اسود فى برتقانى

[ehab_mansour]

الحمد لله استلمت العربية فجر الجمعة ولسة مجربتهاش وهروح انهاردة اظبط زوايا واغير الجنوط واكبس الموتور وان شاء الله اجرب
الميكانيكى والكهربائى وبتاع قطع الغيار وبعض الناس اللى بتصلح عربياتها عند الميكانيكى بتقولى من الصوت كدة الموتور تمام ان شاء الله بس انا حاسس ان صوتة على سنه بسيطة والميكانيكى قاللى انه مع الوقت الصوت هيقل وهيتظبط وان الصوت اللى عندى من الشكمان
اداء الموتور شكلة رائع انا جربتة حاجة بسيطة بس مرضيتش اشد واعدى 100 عشان الزوايا مش مظبوطة و العجل بيسرخ
ان شاء الله على اتفاقنا يا استاذ ايهاب واول مظبط الحجات دى هيكون فى تليفون نظبط ونتقابل
العربية الرمادى دى فى الشارع اللى حنبى انا عربيتى اسود فى برتقانى

ان شاء الله
ما تقلقش انا فقط مشغول شوية اليومين دول وبرجع من الشغل خلصان وكمان بسافر كتيييييييير اليومين دول طنطا والمنصورة وغيره وان شاء الله لما افضي شويه هتلاقيني واقف جنب عربيتك في مرة بتفرج عليها من غير ما تعرف
وبالتوفيق وربنا يباركلك فيها انت في شارع مسجد الرضا مش كده

[Ahmed Mubarak]

انا فى الحارة اللى بين شارع مسجد الرضا وشارع مسجد ابو بكر مع محمد المرسى

[twamer]

i did found this part new made in SPAIN in 7erafeen , el sheekh 7asan with 350 LE but i guess you can take it with 300 LE,.,

[hossamkamel]

ازيك يا ميدو اخبارك ايه عملت ايه عند الشيخ محمد و مكلمتنيش ليه بعد ما خلصت .

[medo1981]

الحمد لله ياباشا
روحت أمبارح بعد الصلاة على طول لمحمد عويس لقيت المشكلة ف حساس الأيدل فغيرهولى من عندة ب 300 جنية !!! مش غالى شوية ( نص كربراتير تحتانى يعنى ) الراجل دة فاهم بجد ف كهربه العربيات دى وهجرب العربية الأسبوع دة وهشوف إية النظام

[Ahmed Mubarak]

اية يا جماعة موضوع التابلوة خلاص نام مش هنشترى ولا اية

[Bassem316]

الفريم موجود:
الحرفيين عند الشيخ 350 جنيه
التوكيل 220 جنيه (انا جايبه من التوكيل)
فى واحد فى جسر السويس جنب عبده بتاع الجولف ناصيه شارع سنان محل صغير بتاع استعمال

[medo1981]

الفريم موجود:
الحرفيين عند الشيخ 350 جنيه
التوكيل 220 جنيه (انا جايبه من التوكيل)
فى واحد فى جسر السويس جنب عبده بتاع الجولف ناصيه شارع سنان محل صغير بتاع استعمال

شكرا يا استاذ باسم على الأفادة بس أنت بتقول عند التوكيل ب 220 الفريم فاضي خالص ولا جواة حاجة بالهوايات مثلا ؟؟؟

[Bassem316]

اناجبت الفريم من التوكيل فى شارع رمسيس ب 270 جنيه
ولو ملقتوش فى محل صغير فى جسر السويس جنب عبده بتاع الجولف ناصيه شارع سنان ب350 جنيه

[windofchange]

المحل اسمه الفوال والموجود فيه محمود بجد اسعارهم مهاوده

[mokhtar71]

انا عندى نفس المشكله واحسن حاجه تغير التابلوه كله ب 550 جنيه وتريح نفسك انا قررت اعمل كده اول الشهر

اخوكم مختار ابيزا 98

[nos502000]

انا كمان كانت عندى نفس المشكلة كان متكسر 100 حتة وعملت معاه كل حاجة مفيش حاجة نفعت لحد ما ربنا سهل ولقيتو عند واحد بتاع استيراد خلعهولى من تابلوه بالهوايات والطفاية كمان بتبقى فيه جيبتو ب125 وكمان سمعت انو بيتباع جديد عن واحد اسمو الشيخ حسن فالحرفيين وفعلا اتصلت بيه قلى 280 جنيه

[engahmedsamy]

الحرفييين او بورسعيد