حصريا ابيزا 2009 الشكل النهائى ,

[wawoo]

كانو مكتمين عليها بقلهم فترة , بس نزلو الصور النهائية اهة , التصميم تحفة فنية فى فئتها اعتقد , تقريبا نفس الموتور,
السيارة تصميم مصمم لامبورجينى الاسبق Luc Donckerwolke و تم زيادة ابعادها بعض الشىء و توسيع الكنبة الخلفية
و هناك انظمة تعليق جديدة للسيارة , و هناك ناقل سرعات جديد ستبترونيك بسبع سرعات , يترى نشوفها فى مصر امتى و بكام .

http://www.melody7.com//up/upload5/1503-9457-6509.jpg

http://www.melody7.com//up/upload5/7841-372-4357.jpg

...............................
تم دمج الموضعين فى موضوع واحد
الإدارة - 3

[TAG_Turbo0]

انا رأى ان تصميمات السيات بات كلها شبه بعض جدا
وفى راى الشخصى دى تصميمات (مبعجرة) مش باينلها وش من ظهر
زمن الجنب مديا على بي إم الفئة الأولى
من الاخر مش مستريح للتصميم ده خالص الى مزجزد أحسن بكتير جدا

[wawoo]

انا رأى ان تصميمات السيات بات كلها شبه بعض جدا
وفى راى الشخصى دى تصميمات (مبعجرة) مش باينلها وش من ظهر
زمن الجنب مديا على بي إم الفئة الأولى
من الاخر مش مستريح للتصميم ده خالص الى مزجزد أحسن بكتير جدا

التصميم تحفة , هوة بس غريب شوية و دة شىء متوقع من اى حاجة جديدة , مع الوقت حتكتشفة انة جميل جدا و مختلف جدا , لازم المصممين يبحثو عن اشكال جديدة و حلول جديدة , و انت رجل معمارى و عارف
هو التصميم واخد من اليون كتير , مع تطوير جديد كمان , تصميم موفق جدا من وجهة نظرى الشخصية

[fahd_628]

الف الف شكر بس انا شايف ان القديمة احلى

[bassam nagy]

الف شكر على الصور
شكلها مش حلو زى مالواحد كان متوقع

[wawoo]

اية يا جماعة التصميم جميل جدا , انتو احبطونى الصراحة , هى التصميمات الجديدة كدة بتكون صادمة شوية , بس لما تشوفو العربية على الطبيعة رايوكو حيتغير اكيد

[TAG_Turbo0]

اية يا جماعة التصميم جميل جدا , انتو احبطونى الصراحة , هى التصميمات الجديدة كدة بتكون صادمة شوية , بس لما تشوفو العربية على الطبيعة رايوكو حيتغير اكيد

يا عم متزعلش نفسك
لولا أختلاف الأذواق لبارت السلع


بس برده مبعجره :D :D

[vet mitcho]

انا شايف ان التصميم كويس بس القديم شايفه احلي

[SEATLOVER]

انا جيتتتتتت ... بعد انقطاع عن المشاركات يومين ..يشاء القدر تبقى دى اول مشاركة لية بعد دة

اولاً الف شكر يا wawoo على الصور
بس اللى هاقولة دة ... مش عارف نفسى الناس تسجلة (اللى بيقولوا انى متحيز للسيات على طول )

فعلاً انا رآييى مع المعمارى الزميل TAG_Turbo0 فعلاً التصميم دة محاولة للتغيير بس لسة فى اولها اوى و لسة كتير اوى لما الخطوط دى تتظبط

وانا من خلال متابعتى الجامدة ذى ما انتو عارفين للسيات ما اعتقدتش الموديل دة هايطول او هايلغى الموديل الحالى .

انا كمان مش عاجبنى التصميم دة و شايف ان الاتجاة القديم احلى كتير .. و على فكرة الاتجاة القديم هو اللى مكمل مع باقى الموديلات السنة اللى جاية .

معلش يا wawoo انت مش هاتحب السيات اكتر منى .. بس المرة دى ..طلعت أوت مننا الصراحة .

وحشتونى و الله .

[wawoo]

انا كمان مش عاجبنى التصميم دة و شايف ان الاتجاة القديم احلى كتير .. و على فكرة الاتجاة القديم هو اللى مكمل مع باقى الموديلات السنة اللى جاية .
.

حتى انت يا بشمهندس , انتو حتخلونى اشك فى نفسى ولا اية , التصميم جميل جدا , هوة ممكن يكون مفجئة بالنسبة لخطوط السيات السابقة عشان كدة فى عدم تقبل شوية و دة طبيعى جدا بالنسبة لاى حاجة جديدة.
شوفو فى تصميم السيارات بالذات لازم تشوف العربية على الطبيعة , يعنى ممكن الصور تنقل جزء من الواقع , لكن بالنسبة للسيارات الصور بتكون خادعة جدا , و دة عن تجربة , السيارة على الطبيعة شىء اخر تمام , لما حتحس بالكلتلة بتاعتها و خطوطها , رايك حيكون مختلفة تمام .
انا متاكد ان التصميم دة حيلاقى نجاح كبير جدا , و عجبنى جدا الخطوط بتاعتة جدا و شايف انها متطورة جدا ,
خلال اشهر حتلاقى معظم التصميمات الجديدة فيها هذة الخطوط و حتنجح جدا .
ادو بس نفسكم فرصة تتفرجو على التصميم بتأنى و مع الوقت حتكتشفو انة جميل حقيقى و على الطبعية حيكون روعة كمان .

[YoussefMostafa]

معاك يا wawoo
التصميم عاجبني جدا (أذواق)

[tutankhamoun]

و أنا رأيي من رأي واو و رأي يوسف مصطفى
و العربية بصراحة روعة و جميلة .......... و فيها شبه من البي إم
و لكن مش تقليد
يعني شبه جميل
و العربية رووووووووووووووعة :)

[SEATLOVER]

حتى انت يا بشمهندس , انتو حتخلونى اشك فى نفسى ولا اية , التصميم جميل جدا , هوة ممكن يكون مفجئة بالنسبة لخطوط السيات السابقة .... .

يا ريت يا wowoo احنا نكرة يا ريت يكون يعجب ناس كتير
بس التصميم الداخلى يا wawoo الاتجاة ال postmodern يعنى مزج الحديث بالقديم صعب اوى على الناس انها تفهمة .. الكل هايقلك اية التصميم البسيط اوى دة .. فاهمنى .

[mohamed ibiza]

التصميم اقل جرأة شوية الموديل اللي عندنا يكسب من ورا لكن الجديد يكسب من ادام رسمة الفانوس تحس فيها نظرة شريرة كده و مدير فرع رمسيس قالي قبل كده ان مشكلة الكنبة الخلفية اتحلت في الموديل ده و اكيد كلنا لاحظنا فرق الحجم الحجم اكبر فعلا و التصميم عموما جميل كقاية انها نسخة من البوكانيجرا اللي انا و سيات لوفر عملنا عليها موضوعين قبل كده يعني احنا كده عندنا ابيزا الفم الاسود.......شكرا با wawoo علي الموضوع و المجهود مفيش احباط ولا حاجة العربية جميلة جدا جدا و مقلوظة كمان ههههه......










IBIIIIIIIIIIIIIIIIIIIIIIIIIIIIIIIIIZZZZZZZZZZZZZZZ ZZAAAAAAAAAAAAAAAAAAAAA FOR EVER

[wawoo]

يا ريت يا wowoo احنا نكرة يا ريت يكون يعجب ناس كتير
.

يا باشا نكرة اية بس , حتزعلنى منك و لا اية , طببعا رايكم يهمنى , عموما انا مش بتابع السيات كتير رغم ان تصميمتها بتعجبنى خصوصا اليون و التيا , و لكن لفت نظرى التصميم دة, هو فعلا التصميم االداخلى من جوة مش بنفس الجرائة , هما ليسة محفظين على الخطوط الناعمة فى الداخل يمكن عشان دواعى الامان , و عشان العملاء السابقين للسيات ميحسوش بفرق كبير , عموما شكر لجميع من ادلى برأية مهما كان .