حصريا ابيزا 2009 الشكل النهائى ,

[CryptonX]

Ibiza 2008 :: official Pictures - الابيزا الجديدة رسميا ( مش concept )

بما اني لقيت الكثير من المواضيع .. " ابيزا 2009 " و ابيزا 2008 .. و و و كان في جدل علي انهي شكل حترسى عليه .

امبارح بس Seat اعلنت و اصدر اول صور " رسمية " لللابيزا الجديدة 2008 و دي نهائي خلاص .







نفس المحركات
1200 70 حصان
1400 85 حصان
1600 102 حصان
و نسخة زيادة من ال 1600 فيها DSG .

--
في راي الشخصي .. ياريتهم ماجددوها .. شكلها و نسبها سيئة جدا جدا ! و وشها عامل زي السيارات الكوري ... الانترا

:(

[Sharky]

هى تقريبا نفس الصور الـSpy إللى كنت حاططها قبل كده فى الموضوع دا

http://www.nilemotors.net/Nile/showthread.php?t=7781

شكرا يا كريم

على فكرة إنت و توت كنتوا مش مصدقين إن شكلها حيبقى كده ;)

[CryptonX]

هى تقريبا نفس الصور الـSpy إللى كنت حاططها قبل كده فى الموضوع دا

http://www.nilemotors.net/Nile/showthread.php?t=7781

شكرا يا كريم

على فكرة إنت و توت كنتوا مش مصدقين إن شكلها حيبقى كده ;)

منا فاكر يا شارك .. بس بالصراحة .. ياريتنك كنت غلط .. مش متقبلها من اي زاوية ..

[TAG_Turbo0]

انا قلت راى فيها فى موضوع كان واحد عارضة امبارح
وبقوله تانى (مبعجره وفى حاجه غلط فى تصميمها)
وطبعا الشكل الحالى أحسن بكتير

[Sharky]

منا فاكر يا شارك .. بس بالصراحة .. ياريتنك كنت غلط .. مش متقبلها من اي زاوية ..

هى فعلا شكلها مش حلو :(

[CryptonX]

انا قلت راى فيها فى موضوع كان واحد عارضة امبارح
وبقوله تانى (مبعجره وفى حاجه غلط فى تصميمها)
وطبعا الشكل الحالى أحسن بكتير

فعلا الشكل الحالي " BLAND " شوية .. بس نسبه جميلة و فوانسيها الخلفية و الامامية ليها شخصية اكتر .

[fahd_628]

فعلا شكلها سئ و مش حلو زى ما عودتنا سيات و الحالى احلى بكتييير

[Sharky]

الدريكسيون بتاعها شبة دريكسيون السيفيك قوى

[bassemali]

أنا شايف شكلها حلو مش وحش أنما يعيب السيات أسعارها المرتفعه مقارنة حتى بالسيارات الألمانيه الأصليه

[sab3aawy]

واضح ان حالة ال"بعجرة" دى بقت سمة عامة لتصميمات الفترة القادمة من كل الشركات

خطوط العربية مهياش بعيدة عن الإلانترا والكورولا الجداد وخصوصا البروفيل الجانبى للسيارة

الحمد لله انى لحقت حاجة من تصميمات ماقبل 2007 اعيش بيها مرتاح نفسيا كام سنة لحد ما غمة البعجرة دى تعدى ونرجع نشوف عربيات شكلها حلو

[Ahmed Hassan]

طيب محدش هيقول ان الفوانيس الأماميه هيه هيه بتاعت Bmw الفئه التالته؟ و فعلا زي ما شاركي قال الدريكسيون شبه السيفيك. بس برضو بصراحه ده شيء عادي.. تشابه اجيال السيارات شيء طبيعي... المهم متكونش ياباني علشان نوافق و نعديها ;)

[wawoo]

طيب و لزومة اية التكرار , ما انا عامل الموضوع قبل كدة , و عارض صور الابيزا الجديدة برضو . اية الحكاية

[Karim_Monir]

يا كريم عرض الصور مبوظ تنسيق الصفحة
مش كان واجب تعملها رسيز قبل ما تحطها وانت راجل بروفيشنال يعني مش لسه باد يوزر

[wawoo]

شوفو دة تجميع لبعض مودلات سيات السابقة , انا عامل دواير على الخطين الرئسيين اللى سيات استخدمتهم فى مودلتها السابقة الجديدة , و كان طبيعى ان يتم استخدمهم فى الابيزا الجديدة , و هو دة اللى حيخليها تنضم لباقى الخطوط بتاعت سيات , الجديد بقى ان الخطوط بقيت حادة شوية و دة جديد فى حد ذاتة , تم اضافة خط خلفى و دة اللى مبتكر خالص , و اعتقد حيدخل تباعا فى اى مودلات لسيات جديدة .
زى ما انتم شيفين الخط الجديد دة عمل انسياب جميل للعربية جدا , و الخط الخلفى عمل شغل كمان .
بعد كل الخطوط الانسيابية دى ة الحاجة دى و يقال عليها مكعبرة , مع احترامى يعنى مافيش اى كعبرة فى الموضوع , زى ما انتم شيفيين كل الخطوط انسيابية و متناغمة مع بعضها , و دة الاتجاة اللى حيكون بالنسبة لباقى مودلات سيات و يمكن كمان مركات اخرى حتمشى وراء نفس التريند , لان الناس زهقت من الخطوط الدائرية اللى بقيت معتادة و مكررة فى تصميمات كتير .
طبعا واضح من الصورة ان التصميم القديم اصبح مخالف خالص لاتجاة سيات , و كان لازم يواكب نفس الخطوط .

[SEATLOVER]

تحليل رائع يا wawoo اية الشغل الكبير دة .. برافو عليك

بص يا سيدى كلامك كلة صح الا ان فى بعض النقاط اصبحت سلبية او ضعفت و هى :

1-الشبكة الامامية لم تظل بنفس الشكل البيضاوى الصغير الذى يحتوى على علامة السيات فى دقة متناهية (ودة كان مميز اوى فى الموديل السابق و ما زال مشترك فى بقية الموديلات الحالية )

ليتم استبدالة بشكل شبة منحرف نسبة ضعيفة من حيث الطول (كبير) و الارتفاع (صغير) شكل مكرر و ليس لة شخصية

2-الفوانيس الامامية لم تأخذ الشكل البيضاوى الحاد كما فى بقية الموديلات الحالية

و تم استبدالة بفوانيس اشبة بمتوازى مستطيلات مائل ... ايضا ً غير مميز

3-الكساحة الامامية بدل ما كانت mirror او انعكاس لما يحدث فوقها من الشبكة الامامية

تم استبدالها بأخرى مستمدة من الخطوط التى تسبقها فوقها (الكبوت- و الشبكة الامامية ) ... مما يثير بعض الملل و عدم التعبير عن الشراسة المتوقعة

4-المرايات الجانبية المميزة جداً لسيات من حيث مساحة الرؤية و التحكم ...وكانت المراية اليمين اكبر من الشمال (ركاب السيات يعرفوا دة كويس )

تم وضعها فى الباب بنفس الحجم فى الناحيتين و بالرغم من انتشار هذة الطريقة فى السيارات الرياضية إلا انها غير عملية بالمرة و معرضة دائما للصدمات .. و لا تصلح لكل السيارات الرياضية و تفقد الكثير من شياكة المظهر على حساب الاحساس الرياضى

5-اما عن الفوانيس الخلفية وجود 80 % على جانبلى السيارة عنصر غير عملى بالمرة و يجعلها معرضة للكسر و الاحتكاكات بنسبة عالية جداً

6- وجود فرق فى مناسيب مقابض الابواب (ارتفاع مقابض الابواب من الارض) ووضعها بزوايا متحركة (فى فرق زاوية ميل الاتنين عن بعض) شىء سىء جداً

7-الخطوط الحادة و البروزات الطويلة ... صعبة جداً فى حالة الاستعدال و شغل السمكرة

اما ال interior ... فبلاش احسن ... مش عاجبنى تماماً حاسس انها عربية مش فى السيات خالص .