رعشة غريبة فى الايبيزا الصبح

[windofchange]

غيرته من زمان ولم يغير شيء رغم انه لم يكن يعطي قراءات غلط عند الفحص بالكمبيوتر ولكن من باب سد الشبهات
ههههههههههههههه
هل من جديد

هههههههه طيب نفكر مع بعض ال rpm عندك الطبيعي بتاعه فالسلانسيه بعد ماتسخن بيبقي علي كام؟ وهل لو اديتها الاول بتمشي من غير ماتدوس علي دواسة البنزين سلانسيه كده وما بتبطلش؟ مش عارف ممكن يكون ظبط الاسبيراتير؟ او الموبينه ضعيفة بس ماعتقدش يا شغالة يابايظة؟ ولا ايه؟ بوجيهات 3 شمعة ولا واحد انا بستخدم 3 شمعة بس بيركبلله واحد لكن لأن الواحد مبيجبش او مبيلاقيش النوع المظبوط يبقي الافضل 3 شمعة ولا ظبط خلوص ولا تعب تركب علي طول....ممكن تجرب الكنترول بتاعي بس مادام مطلعش ايرور فكشف الكمبيوتر نستبعده بس لو حبيت اهو موجود نوعه بوش اللي عندي بتاع موتور AER,طيب رحت لكهربائي زي رشاد مثلا ؟

[egman]

السلام عليكم ورحمة الله وبركاته

انا بالفعل فى اليومين الى فاتوا دول كان الجو مشمس دائما الحمد لله وبليل ما كنش بيكون فيه تيارات هواء جامدة والنتيجةة ان الحمد لله بقالى يويمن ادور الصبح ما فيش اى حاجة والحمد لله .

[egman]

اما الموتور الى كان راكب كان هاف انجيكشن برده كان 1300 وسقطت واحد 1400 هاف على فكرة المهندس ايهاب شاف الموتور القديم اما بخصوص الفيشة يا ريت تصورى مكانها او توصفهولى لانى اعتقد ما عنديش حاجة بارزة او ظاهرة فى المكان ده ومش عارف ازاى اوصل العربية على الكمبيوتر كان اوقات الراجل يوصل السلك كده فى جسم العربية فى الباب بس ما كنش بيقرا معاه حاجة على الكمبيوتر فياريت الى يعرف مكان الفيشة ده فى موديل 94 او يقولى ازاى بتتوصل على الكمبيوتر يبقى كتر الف خيره او يقولى اذا كانت يتتحط على الكمبيوتر اصلا على فكرة العربية فيها كنترول جهاز عامل زي الروتر بتاع الانترنت كده تحت الزجاج الامامى للعربية .................فى انتظاركم وجزاكم الله كل الخير ...............

[ehab_mansour]

هههههههه طيب نفكر مع بعض ال rpm عندك الطبيعي بتاعه فالسلانسيه بعد ماتسخن بيبقي علي كام؟ وهل لو اديتها الاول بتمشي من غير ماتدوس علي دواسة البنزين سلانسيه كده وما بتبطلش؟ مش عارف ممكن يكون ظبط الاسبيراتير؟ او الموبينه ضعيفة بس ماعتقدش يا شغالة يابايظة؟ ولا ايه؟ بوجيهات 3 شمعة ولا واحد انا بستخدم 3 شمعة بس بيركبلله واحد لكن لأن الواحد مبيجبش او مبيلاقيش النوع المظبوط يبقي الافضل 3 شمعة ولا ظبط خلوص ولا تعب تركب علي طول....ممكن تجرب الكنترول بتاعي بس مادام مطلعش ايرور فكشف الكمبيوتر نستبعده بس لو حبيت اهو موجود نوعه بوش اللي عندي بتاع موتور aer,طيب رحت لكهربائي زي رشاد مثلا ؟

ايوه بتمشي علي السلانسيه من غير ما تبطل
وبستخدم بوجيهات ثلاثة شمعه من يوم ما جبتها وبغيرها بانتظام وبشتريها من ناس مضمونه
الموبينة ما أعتقدش
الكنترول مافيش فيه مشكلة
ولكن كان حصل معايا في فترة كده شوية لخبطة وكان السبب في البوابة وانا عارف عيبها وعارف بيتعمل ايه وامتا عشان كده انا واثق ان المشكلة دي الصبح مش سببها البوابة خالص او يمكن تكون هيا ولكن انا مش حابب اغيرها لأن الاستيراد بيبالغو فيها جدا في السعر وكمان انا مش متأكد انها هيا لأن العيب غير ثابت يعني بيروح وييجي لكن ممكن الله أعلم
وكمان سألت عليها لقيتها قليلة جدا ومش موجودة وكمان عشان السبب طاريء فبكبر دماغي لأن العربية لما بتمشي زي الفل ولا توجد أدني مشكلة فخلاص مش مشكلة موضوع الصبح ده اصبر عليها دقيقة فقط تسخين وبس
انا مبروحش لكهربائية زي رشاد لأني غير مقتنع بحد منهم أساسا وبعدين انا أساسا شغل الكنترول والحساسات من صميم شغلي بفضل الله فهروح ليه يخنق عليا ليه ويجرب في العربية
وده مش تكبر والله ولكن من تجارب لزملاء سابقين مع شيوخ الصنعه اللي زي رشاد دول وغيرهم و أكثر شغلهم عك في عك واهم حاجه عندهم الفلوس وليس الأمانه والضمير والله أعلم
مش كده ولا ايه ؟

والله المستعان

[windofchange]

ربنا يكرمك ياايهاب فعلا كلامك جزء كبير منه صح بالنسبة للصنايعية وربنا يهدي والثورة تكمل ب "إن الله لا يغير مابقوم حتي يغيروا ما بانفسهم" ..... بس هي بترعش كده اول ماتدور وهي بتعللي ال rpm ولا بيكون 5, وترعش وبعدين يبتدي يعلي وتختفي الرعشة؟ في معلومة قريتها علي سائل تنظيف البوابة كام GUNK الامريكي ان تستخدمه والعربية باردة واغلب الميكانيكية بيستخدموه وهي سخنة واعتقد ان ده من اسباب تلف البوابة

,بالنسبة للفيشة يا ايجيمان هي فوق علبة الفيوزات ومربوطة في جدار التابلوه من جوه يمين

[ehab_mansour]

ربنا يكرمك ياايهاب فعلا كلامك جزء كبير منه صح بالنسبة للصنايعية وربنا يهدي والثورة تكمل ب "إن الله لا يغير مابقوم حتي يغيروا ما بانفسهم" ..... بس هي بترعش كده اول ماتدور وهي بتعللي ال rpm ولا بيكون 5, وترعش وبعدين يبتدي يعلي وتختفي الرعشة؟ في معلومة قريتها علي سائل تنظيف البوابة كام gunk الامريكي ان تستخدمه والعربية باردة واغلب الميكانيكية بيستخدموه وهي سخنة واعتقد ان ده من اسباب تلف البوابة

,بالنسبة للفيشة يا ايجيمان هي فوق علبة الفيوزات ومربوطة في جدار التابلوه من جوه يمين

الله المستعان ربنا يوفقنا جميعا لما يحبه ويرضاه

[abodel]

شكرا لصاحب الموضوع، انا كمان بتقابلنى نفس المشكلة، هاجرب اغير البوجيهات و شكرا جدا لكل المشاركين فى الموضوع برأيهم اللى فادنى كتير

[kolieb]

أنا كان عندي نفس العيب لنفس الموديل بل كان مستمر وانصحك بالتالي :
1- تغيير طقم البوجيهات
2- التأكد من وضع فيشة الحساس الموجود علي شمال البوابه و يا ريت عندما تكون العربه مبطله ترش الحساس و فيشته ب سبراي wd14 و تسيبه ينشف ثم ركب الفيشه و جرب
3 - يوجد إسف الإسبراتير عند الشجره بتاعة المياه فيشة حساس جرب تشيلها و تدور ( هذا الحساس بيقيس درجة حرارة المياه و عند بدأ الإداره مع برودة الجو يزيد كمية البنزين ثم يفصل عند السخونه )

[egman]

الف شكر للجميع ويا ريت الى عنده اى معلومة يتقدم بها علشان الكل يستفاد وازاى حل الموضوع ده عنده

[windofchange]

الله المستعان ربنا يوفقنا جميعا لما يحبه ويرضاه

بس يا ايهاب باشا مردتش عالاستفسار بتاعي

[ehab_mansour]

بس يا ايهاب باشا مردتش عالاستفسار بتاعي

شوف يا سيدي
العربية بتبدأ تشتغل عن أربي ام 1.1 تمام وده الطبيعي ليها شتاءا وصيفا تقريبا بتكون عن 1.0
وبيكون مافيش رعشة ولا حاجه شوية وخلال 5 ثواني تبدأ ترعش وده في الشتاء فقط لحد ما يبدأ مؤشر الحرارة يتحرك تنتهي الرعشة تماما
بخصوص المنظف واستخدامه فأنا استخدمته علي البارد وعلي الساخن وفعلا كلامك صح لأنه علي الساخن بيؤثر علي البوابة تقريبا لأنها بدأت تهيس أوقات بعد ما نظفتها أول مرة ولكن سمعت من أحد الأخوة هنا أصحاب البولو انه بتتحل مشكلة البوابة تماما بعد مراجعة وتنظيف كل نقط توصيل الأرضي المتفرقة في كل أجزاء المحرك ومشتملاته
يعني تفك الأرضي اللي عند البوابة وتنظفة كويس ب wd40 واللي علي جسم المحرك واللي علي جسم الموبينة و........... كل النقط اللي بتوصل الأرضي بأي مكان له علاقة بحساس او بالمحرك
وان شاء الله تنتهي مشكلة البوابة تماما
ولكني حتي الأن للأسف مكسل اعمل القصة دي خاصة ان العربية ربنا هاديها بقالها فترة ولكن امبارح اول مرة تعملها والبوابة تقفل تماما والأر بي ام ينزل حتي 500 الي 700 وقت الزحمة ولما تمشي سلانسية كتير
فهعمل عملية تنظيف شاملة كل شيء ان شاء الله خلال هذا الأسبوع

والله الموفق