تجربة تانية مع توكيل أرض اللوا

[harban]

كان عندي مشكلة و دي تفاصيلها

المشكلة تحدث عند التسخين صباحاً فقط، صوت أعلى من اللازم يشبه صوت موتور الجاز مع وجود صوت سكسكة كدة (ولامؤاخذة)، ينتهي بمجرد نقل الفتيس أو إنتهاء عملية التسخين
تم التوجه الى التوكيل (العربية في الضمان)، تم تغيير البلوفات (الخاصة بالزيت)، لسة الصوت موجود، تم تغيير وش السليندر كاملاً وتم التسليم بالأمس
مفيش صوت والحمدلله والدربكة إلي كنت بسمعها اختفت

مدفعتش أي فلوس (الوش بيعمل ٩٠٠٠ جنيه ) ، معلتش صوتي ، كانت المعاملة أكتر من رائعة ، كل واحد هناك عارف شغلو والمطلوب منو ، التأخير في إستلام العربية نسيتو لما جربت العربية بعد التغيير (حملة الصيانة المجانية بالمناسبة لسة شغالة )
معتقدش اني هغير Seat ، العربية رائعة ، التوكيل محترم والمدير هناك حبيبي ، اسمو الباشمهندس وجدي لو حد مزنوق في حاجة
هذا للإفادة فقط

[ahmadhassen]

موديل كام العربية دي

[harban]

موديل كام العربية دي

Seat Ibiza 2010 - DSG ,
ماشية 17000KM

[Mohamed.Ramah]

شكرا لنقل تجربتك ربنا يباركلك فيها الصراحة تفاجات من موضوع أ.ايهاب ومكنتش متوقع من التوكيل اللى حصل ولاكن واضح انة لم يكن موفق فى الصيانة اليوم اللى ذهب فية شكرا مرة تانية وان شاء الله خير فى مشكلة أ. ايهاب

[ehab_mansour]

الحمد لله يا أفندم علي حل مشكلة حضرتك وأتمني الخير لك دائماوللجميع

بخصوص مشكلتي فيمكن تكون استثنائية أتمني ذلك ولكن حضرتك لما أكون انا اللي عمل للعربية صيانة معينة بنفسي و أروح هناك وهو يدفعني فلوس ويقلي عملتها (تنظيف وحدة الحقن ) يبقي ده اسمه ايه ؟
ولماأكون لسه عمل ضبط لوش الأسبراتير بنفسي والعربية كويسة وقلتلهم فيه رجة بسيطة في العربية دخلت صيانة ودفعت 80 و اللي حصل كالأتي (تم شبه تفويت لمسمار ضبط وش الأسبراتير لعدم اعتناء الفني واهتمامه أثناء الفك والربط - تأخير كهرباء العربية كتير جدا ومع ذلك الرجة مرحتش والعربية أصبحت سيئة جدا )
تاني يوم اشتريت وش أسبراتير جديد وركبته ونظفت أطراف سلوك البوجيهات ب wd40 وضبط وش الأسبراتير حسب كاتالوج الصيانة اللي عندي وبعدها و الحمد لله العربية ما شاء الله زي الفل والحمد لله وحتي مع التكييف

تقول ايه في الكلام ده
توكيل مش عارف ان وش الأسبراتير عايز يتغير رغم انهم قالولي انهم كشفو علي دائرة الكهرباء كاملة و أقسملك بالله ان كابلات البوجيهات لم تفك من الوش
توكيل مش عارف ان كابلات البوجيهات مملحة ويتتنظف أطرافها وتسيبها ويتغيرها وده اللي انا عملته

وهناك مفاجئة أخري ولكن هخليها لوقتها وصدقني انا هحاول أجمع كل الأعضاء اللي زي حضرتك ويعرفو ناس هناك ولما أخلص ضبط للعربية هخادهم ونروح وهطلب حقي ده لو مافيش عند حضرتك مانع طالما تعرف مهندس وجدي
انا كل اللي أعرف اسمه هناك مهندس نادر اللي في الاستقبال بس

وشكرا لاهتمام الجميع بمشكلتي و أسف اني رديت هنا ولكن عشان الأستاذ محمد رماح أثار الموضوع هنا كمان فحبيت أوضح أكتر

ومنتظر تعليقاتكم علي كلامي

[SYD]

اعتقد مافيش داعي تروح مرة تانية للتوكيل الا لو عايز تعمل صيانة لكن تروح عشان تعمل مشكلة او تحاول تاخد حقك هتضيع وقتك علي الفاضي ومشوار كبير عليك ياباشمهندس

ربنا يباركلك في عربيتك ويخليك ليها ويخليها ليك
انت راجل بتفهم في الميكانيكا وبتعمل حاجتك بنفسك ودة شئ جميل بس بيتعب لو حد مد ايده في عربيتك وانت غير راضي ومش هترضي ابدا عن مستوي الشغل حتي لو الخواجة الي اختراعها بنفسها اشتغلك فيها

اسف ياباشمهندس لو كلامي زعلك بس دي حقيقة اي واحد فني
انا كدة
لو مستر hp بنفسه اشتغلي في الكمبيوتر بتاعي ببقي غير راضي عن الشغل (دة لو حصل اصلا، انا لا يمكن حد يمد ايده في الكمبيوتر بتاعي حتي لو العفريت ابن الجن ابو عين زرقا)

ولتاني مرة ربنا يبارك في يمينك ويديك الصحة ومحدش يمد ايده في عربيتك ونفسي اتعلم منك الحاجات الفنية دى

والله المستعان
،
،

[windofchange]

يابشمهندس سيد المفروض التوكيل ميبقاش عنده الاخطاء دي ابدا امال توكيل ازاي ؟!! ده لو ورشة بره ممكن اووي الشغل يطلع احسن من كده خصوصا في موضوع ظبط الكهرباء بس هو نصيب البشمهندس ايهاب جه في فني معندوش ضمير ومبيحسنش شغله وربنا هيعوضه خير ان شاء الله ويوم مالقانون يتطبق صدقني توكيلات كتير تتسحب من اصحابها بسبب الشكاوي وناس كتير هتشتغل بذمة وضمير مش حسب مزاج الفني او الصنايعي بس كده

[harban]

أسف للتأخير ، طيب الحمدلله لحالة العربية، شوف يوم فاضي، حتروح على التوكيل، بكل هدوء حتحكي على الموقف، بالتواريخ ، فاتورتهم و اي إثبات للإهمال من جانبهم، الكلام د فالإستقبال ، عادةً هيجبولك مدير الورشة أو مدير المركز ، إحكيلو الموضوع بهدوء أكتر و شوف رد فعله، مش الهدف إسترداد الفلوس، على الاقل لو حد معملش شغلو ، الناس إلي حواليه وحنا كمان تعرف ،
أنا رايح يوم الجمعة الصبح لو ربنا كرم انشالله ، لو متابع مشكلتي، أنا لسة عندي هزة غربية كدة والعربية idle ، ربنا المستعان

[ehab_mansour]

أسف للتأخير ، طيب الحمدلله لحالة العربية، شوف يوم فاضي، حتروح على التوكيل، بكل هدوء حتحكي على الموقف، بالتواريخ ، فاتورتهم و اي إثبات للإهمال من جانبهم، الكلام د فالإستقبال ، عادةً هيجبولك مدير الورشة أو مدير المركز ، إحكيلو الموضوع بهدوء أكتر و شوف رد فعله، مش الهدف إسترداد الفلوس، على الاقل لو حد معملش شغلو ، الناس إلي حواليه وحنا كمان تعرف ،
أنا رايح يوم الجمعة الصبح لو ربنا كرم انشالله ، لو متابع مشكلتي، أنا لسة عندي هزة غربية كدة والعربية idle ، ربنا المستعان

الله المستعان
ربنا يوفقك وييسرلك أمورك وتتحل مشاكلك ان شاء الله
انا مسافر بقالي يومين وهرجع اليوم مساءا ان شاء الله هشوف وربنا يسهلها

[esp]

عملت اه في الهزه الغريبه؟ طمنا

[harban]

ظبطت ال-rpm عشان كان واطي شوية، و بكرة هحاول أريح سير الكاتينة ، حاسس إنو مشدود ، شكراً جزيلاً لسؤالك

[ehab_mansour]

ظبطت ال-rpm عشان كان واطي شوية، و بكرة هحاول أريح سير الكاتينة ، حاسس إنو مشدود ، شكراً جزيلاً لسؤالك

ربنا معاك يا أفندم وصدقني حضرتك صبور جدا جدا جدا
rpm ايه و سير كاتينة ايه في عربية موديل 2011 وزيرو
انا لو مكانك مش هاخدها من التوكيل غير زيرو بدون أدني مشكلة ولو فيها اي شيء مش واخدها يغيروها كلها في الضمان مش مشكلتي

علي العموم ربنا معاك وصدقني انا مش بسخنك عليهم ولكن اانت دافع فلوس كتير عشان تركب عربية محترمة لذلك بفلوسك دي المفروض تاخد خدمه 5 نجوم فعلا مش كلام وخلاص
الله المستعان

[harban]

الله يخليك ، الموضوع مش طيابه يا باشمهندس ،بعد إستلام العريبة رحت تاني ، قراءات الكمبيوتر كلها سليمة و شفتها بنفسي ، رحت مركز البيع الرئيسي عشان اركب عريبة جديدة واسمع الأصوات واقارنها ، الحاجة الوحيدة إلي مختلفة هي ال-rpm أقل من المفروض ، النحرة إلي فالموتور موجودة في leon 2011 زيرو ، أعتقد ركوبي للياباني مخليني حاسس إن الموتور صوته عالي عندي
على العموم أنا أخذت ميعاد من حماية المستهلك و متابع معاهم عشان لو في أي حركة نقص يعني ، إلى الأن الناس إلي فالمركز بيغيروا الحاجة البايظة و مش لاقي حاجة امسكها عليهم ، صدقني لو حسيت إن في إشتغاله كنت عملتلهم فضيحة وهما عارفين كدة كويس
أنا عربيتي موديل 2010 و ماشية 17500km

[ehab_mansour]

الله يخليك ، الموضوع مش طيابه يا باشمهندس ،بعد إستلام العريبة رحت تاني ، قراءات الكمبيوتر كلها سليمة و شفتها بنفسي ، رحت مركز البيع الرئيسي عشان اركب عريبة جديدة واسمع الأصوات واقارنها ، الحاجة الوحيدة إلي مختلفة هي ال-rpm أقل من المفروض ، النحرة إلي فالموتور موجودة في leon 2011 زيرو ، أعتقد ركوبي للياباني مخليني حاسس إن الموتور صوته عالي عندي
على العموم أنا أخذت ميعاد من حماية المستهلك و متابع معاهم عشان لو في أي حركة نقص يعني ، إلى الأن الناس إلي فالمركز بيغيروا الحاجة البايظة و مش لاقي حاجة امسكها عليهم ، صدقني لو حسيت إن في إشتغاله كنت عملتلهم فضيحة وهما عارفين كدة كويس
أنا عربيتي موديل 2010 و ماشية 17500km

الله المستعان
ربنا معاك ومتسيبش حقك زيي انا سكت لأني رايح بعربية مستعملة ومن 2002 ولكن انت معاك ضمان

تعرف أقسم بالله الموضوع بتاع اولسيل الفتيس اللي عملوه مرتين لو حكيتلك المشكلة اتحلت ازاي وبكام بره وعند صنايعي بيفهم في المنصورة ومن غير تكلفة تقريبا هتتجنن
ولو عرفت هما أخر مره كانو عاملين ايه فيها برده هتتجنن ومش هتقول عليهم شيء غير (........) و كان اقتراحهم لحل المشكلة اني أفك الفتيس و أعمله جلبة و تكلفة من 500 الي 600 ؟؟؟؟؟؟؟؟؟؟؟؟؟؟؟؟ يا راجل ....حاجة تفور الدم ربنا ينتقم من كل ظالم وفتاي
بلاش أغلط احسن ومش هقول غير حسبي الله ونعم الوكيل

والله انا لو فاضي و عندي وقت اروحلهم لرايح فضحهم هناك ومش همشي غير لما أخد حقي او هجيبه بالعافية عن طريق حماية المستهلك

[harban]

تفتكر لو رحت مركز الصيانة التاني إلي عند سوق القنال هيحصل نفس الموضوع ، مش عايز نبني انطباعنا على سلوك فردي أو صنايعي مش عايز يشتغل ، الحق عادةً بيرجع بس في مصر محتاجين دايماً مجهود عشان نرجعو
ربنا معانا