لمن لا يعرف سيات

[CryptonX]

مع احترامي لكريم اللي بيقول سيات ليست واجهة فولكس واجن الرياضية و بيقول هي اودي بتلعب حكشة........... حسيت بتريأه في كلامك....ما علينا


لو انت شايف لحد دلوقتي ان سيات معندهاش طابع رياضي في عربياتها يبقي معلش يا كريم انت ***** *** ***..:)

ليون 2001 ليون 2007 اللي عزمها 355 نيوتن و عزم المرسيديس slk 360 الابيزا علي مر الموديلات من 94 تحديدا توليدو 2001 كوبرا جي تي 3000 سي سي جر خلفي 600 نيوتن عزم 500 حصان تسارع من 0-100 في 4 ثواني بوليرو 2800 سي سي 6 سلندر 350 حصان من0-100 في 5 ثواني سيات فورميلا 2000 سي سي تربو 20 صباب 240 حصان ابيزا فايلانت 1800 تربو 240 حصان ليون 2008 2000 سي سي 244 حصان جر خلفي سيات تانجو 1800 تربو 180 حصان كوبيه كابريوليه سيا بوكانيجرا كوبيه 1400 tsi 200 حصان كل الموديلات سيبك بقي من المواتير و الاساس اللي هو بتاع فولكس اصلا التصميم الخارجي و الداخلي انت محستش في الموديلات دي بطابع رياضي نهائي!!!!!!!!!!!!!! و كمان كلمة the sport image of volks wagen group او الواجهة الرياضية لمجموعة فولكس واجن اللي انت زعلت اوي لما انا قلتها مش جايب الكلام ده من دماغي ده كلام المواقع و مجلات العربيات المتخصصة حتي الجرايد بتقول كده للدرجة دي انت مش حاسس بطابع رياضي او تصميم رياضي في العربيات دي!!!!!!!!!!!!! انا لحد دلوقتي كل اللي قابلتهم و اتكلمنا علي سيات بيقولوا سيات تفوقت علي فولكس و اودي و سكودا في التصميم و الطابع الرياضي شوف مثلا ليون 2007 و جولف 5 احكم بنفسك العربيتين اساس واحد بس احكم انت بنفسك انهي تصميم بيشدك اكتر و بيشد الشباب اكتر.........


حازم خضر اللي مازال يتميز بالحوار الجميل حتي عند الخلاف في الرأي اول حاجة احب اوحها لحازم و كريم اني عارف abarth كويس اوي اوي و عجباني كمان و متابعها لغاية 2008 اللي هي abarth nuova 500 1400 تربو 135 حصان 206 نيوتن عزم جر خلفي 4 سلندر حلو الكلام كده...

و حازم بيقول مش هتلاقي موديلات من سيات تقارن بيها Gtv او سبايدر..... انا بعشق سبايدر اما gtv موديل 2004 2000 سي سي 150 حصان 16 صباب عزمها 203 نيوتن العربية كتصميم رائعة و جامدة جدا بس حسيت انك مديها اكتر من حجمها جامد و بتقول ان سيات معندهاش حاجة زيها!!!!!! حتي ال gtv اللي هي موديل 2003 برضه سيات عندها عربيات تعادل قوتها و تزيد كمان لان العربية 3200 سي سي 240 حصان يعني جامدة طبعا بس مش جبارة يعني و التسارع بتاعها بطيء من 0-60 ميل في 8.5 ثواني........

اخر حاجة بقي انا مقارنتش اصلا في الموضوع سيات بفيات انا عملت الموضوع انطلاقا من حبي لسيات و تصميمات سيات اما المواتير فحبي للمواتير اللي في سيات بترجم علي طول اني بحب فولكس و اودي........و سيات دلوقتي الماني و فيات ايطالي و كريم بيقول باليو ايه و بتاع ايه يعني انت سبت الوحش بتاع فيات و مسكت الحلو و مسكت الوحش بتاع سيات و سبت الحلو!!!!!!!!!! ما كلنا عارفين ان سيات ابتدت بفيات كلام قديم و عارفينه من قديم الازل و يا حازم و من غير زعل سيات لحم كتافها من خير فولكس فاجن مش فيات سيات اصبح ليها شهرة عالمية و محبين و ناس تشتريها مخصوص زيي كده و ناس كتير غيري و سمعة طيبة في اوروبا و الشرق الاوسط علي ايد فولكس فاجن مش فيات ده رأيي.......و في الاخر الشركتين في الملعب و كله بيتنافس و في عام 2008 هتشوفوا موديلات جديدة من سيات اللي داخلة سوق امريكا و مش هتدخله بموديلات عادية سيات دلوقتي بتعمل علي تطوير نفسها و عربياتها عشان امريكا و متطلباتها........و هنشوف برضه موديلات فيات و كل واحد هيحكم بنظرته....و في الاخر برضه احنا اخوات.........








IBIIIIIIIIIIIIIIIIIIIIIIIIIIIIIZZZZZZZZZZZZZZZZZZZ ZZAAAAAAAAAAAAAAAAA FOR EVER

لآ انا ماكنتش بتريق يا محمد و لو سمحت خلي بالك من كلامك علشان محدش يزعل .

ابيزا ايه و ليون ايه ؟؟ دي سيارات لعبة بالنسبة لسيارات رياضية ؟

انت بتقارن سيات ب AUDI !!
ينهار اسود :)

معلش قولي في سيارة ايع في سيات زي ال Audi R8 ? S4 ? Q7 ? Q5 ?

و بعدين لما سيات حلوة اوي كدة .. نفسي اشوف شاسيه او موتور جديد هي صممته .. بعيدا عن فولكسفاجن و فيات .


بدون الدخول في تفاصيل و مبيعات و ارقام ... سيات هي تلميذ صغير بالنسبة للمعلم فيات .

[CryptonX]

وعلى فكرة مفيش قارن فيات بسيات .. انا علقت بس علي جزئية انسحاب فيات من سيات و Seatlover تكرم شاكرا بترجمة النص مرة اخرى .

انما انت الي فتحت موضوع المقارنة بالتريقة علي سيارات فيات الصيني .

ياريت نشوف مصانع اخرى لسيات ..
و زي ماقلت ياريت اشوف سيارة " سيات - سيات " بدون تدخل الماني او ايطالي كالعادة .

[CryptonX]

معلومة اضافية .

انا من اكثر الناس حبا لتصميمات " سيات " الحالية .. بصراحة جميلة جدا .. الليون مثلا و الالتيا و الابيزا ( الحالية ) .

فعلا ليه طابع رياضي .. بس متحسوش اسباني و الماني .... تحسه اكتر .. .ايطالي ..

ياترى ليه قعدت اسأل !!

اكتفشت السبب .

Seat Leon styling penned by Walter de'Silva, the Italian designer who headed Alfa Romeo's Centro Stile before moving to SEAT, the Leon (especially in Cupra guise and this screaming shade of yellow) is a real show-stopper as far as five-door hatchbacks go.

It was no coincidence that the higher-ups at Volkswagen chose to poach Alfa's designer, attempting to position SEAT as the Spanish rival to the famed Italian automaker.

lol

ببساطة مصمم السيات ليون و خطوط سيات كلها الجديدة .. هو مصمم الفا روميو السابق . .و العجيب فعلا فوانيس الابيزا الخلفية و فوانيس ال 147 الخلفية .. كنت حاسس ان فيهم حاجة .

شكرا يا فيات علي تعيين الراجل الي صمم احلي سيارات الفا و في الاخر صمم احلي سيارت سيات .. " الواجهة الرياضية " زي منت مسميها يا محمد

[hazem_khidr]

فعلا مصمم سيات كان شغال مع الفاروميو
و سابهم و راح سيات و دا سبب التشابهه الرهيب بين تصميمات سيات و الفا روميو .

[mohamed ibiza]

Cryptonx

كريم.......
اول حاجة احب اوضحها بس عشان متنزعلش مني ان الكلام المحذوف والله مكانش فيه اي مساس بيك نهائي لانك اكيد عارفني في الحوارات اللي دارت بيننا قبل كده اخرها في موضوع CRAZYLAMBADA اللي كان محتار بين جين 2 ولا ابيزا ولا جراند بونتو و مصدرش مني اي حاجة تضايق ولا حاجة خارجة عن نطاق الادب و عموما الكلام المحذوف كان هظار والله انا مش عرف اتحذف ليه انا مكانش قصدي غير هظار و الدليل اني حاطط وش مبتسم في اخر الجملة و عموما ده كان حوار نظارات عادي يعني المهم ان محدش يزعل انا حبيت اوضح لاني محبش حد بزعل مني من اخواتي في نايل موتورز..........




نرجع للموضوع كريم قال اني بقارن سيات بأودي والله العظيم انا مقارنتش سيات بأودي نهائيااااااااااااااااااااااااااااااااااااااااااااا اااااااااااااااااااااااااا..........
ازاي اقارن سيات اللي في السايت الرسمي بتاعهم نفسه بيقولوا ان في سنة 2000 50 عام مروا علي سيات جعلوها من صغار مصنعي السيارات و قالوا مصنعي السيارات لان سيات اعدت فترة مستقلة بين فيات و فولكس فاجن...ازاي اقارن سيات بأودي ازاي بس يا كريم اقارن اودي اللي بتصنع و تطور المواتير اللي سيات بتاخدها منها مينفعش تماما اكيد انت فهمتني غلط اولا اودي عملاق الماني وحش كاسر بكل موديلاته اخرها R8 اللي الموديل الديزل بتاعها واخد لقب اقوي محرك ديزل في العالم و البنزين واخد لقب افضل اداء ازاي اقارن بين دي و دي سيات و اودي لو هقارن بينهم هقارن في التصميم الداخلي و الخارجي و اودي هتتفوق في التصميم الداخلي لكل عربياتها عن سيات و التصميم الخارجي اودي عندها حاجات تحف من تحف العربيات في العالم اما مثلا اودي A3 تتقارن كتصميم بالليون انا في نظري الليون احلي و اودي A3 كابريوليه تفان كتصميم بالليون كابريوليه الليون من ادام احلي و الاودي من ورا احلي ده {ايي برضه انما اقارن سيات (واحد من صغار مصنعي السيارات في العالم بأودي الوحش الالماني اللي عنده اوديR8 اللي الباغة البلاستيك اللي محطوطة علي الباب تمنها 1500 جنيه استرليني يعني 15000 الف مصري هتقولي جبت الكلام ده منين هقولك واحد صاحبي في انجلترا كان جايب بروشور اودي R8 من انجلترا و انا شفته و لما ينزل هخليه يجيب واحد و اوريهولك في مقابلة يا كريم و عندي بروشور الاودي A5 و s5


تاني حاجة انا متريقتش علي العربيات الصيني بالعكس لو بصيت للناحية المشرقة للسيارات الصينية سواؤ شيري او فيات او اي حاجة هتلاقي ان العربيات دي فتحت ابواب لناس كتير مكانوش يقدروا يركبوا عربيات....دلوقتي ركبوا عربيات رخيصة و اي عربية جديدة بتبقي حلوة و قطع غيارها رخيصة فأنا متريقتش بالرغم من اني مش هجيب صيني لكن احنا ربنا مقدرنا علي مصاريف الالماني لو اتريقت علي الصيني يبقي انا بتريق علي اصحابه كمان و انا معملش كده لان الناس مش بغربياتهم غلطان انا ولا ايه:):)


و الموضوع اصلا انا كنت بسألك انت مش حاسس بطابع رياضي في عربيات سيات بي مش اكتر والله لا قارنت سيات بأودي ولا سيات بفيات في الموضوع اصلا عموما حصل خيييييييير:) و المناقشات برضه بتجيب معلومات و تعمل حوار و تنشط الدماغ بس كفاية بقي لان صوابعي باظت:)







IBIIIIIIIIIIIIIIIIIIIIIIIIIIIIIIIIIIIIIIIIZZZZZZZZ ZZZZZZZZZZZZZAAAAAAAAAAAAAAAAAAAA FOR EVER

[SEATLOVER]

نرجع للموضوع كريم قال اني بقارن سيات بأودي والله العظيم انا مقارنتش سيات بأودي نهائيااااااااااااااااااااااااااااااااااااااااااااا اااااااااااااااااااااااااا..........

معلش يا مايسترو ..السيات تتقارن بالاودى..... واى عربية محترمة فى العالم تتقارن بأى عربية محترمة تانية ...... واساس اى مقارنة لآى عربيتين اقصاد بعض
حالة واداء / سعر

والاودى ما هى إلا عربيات
رزمة (رفاهية واداء) / رزمة (فلوس)
-دون دراسة اى اقتصاديات
-دون دراسة اى متطلبات سوق
-دون دراسة اى تميز لموديل عن الاخر
-دون دراسة اى تكاليف تشغيل

يا راجل احنا فى ال Q7 مغيرين تيل فرامل امامى ب 2500 ج بيعمل 30 الف كم

واسأل اى حد ركب اودى ...هقيولك وهو بيبيع
هايقولك .... ياعم الناس فى الشارع مش عارفة انا راكب اودى A3 ولا A4

مفيش عربية متتقارنش بالتانية مهما كانت الفئة و الموتور والاداء و مهما كانت الفلوس اللى على التربيزة فى المعرض

فى عربية بتتدرس عشان تحقق متطلباتك و احتياجاتك وإالتزماتك و الاداء الامثل اللى انت منتظرة و بتكون مش لوحدك ...بيكون معاك ملايين على مستوى العالم

مش عشان 300 واحد على مستوى العالم (اعبى رزمة ) و (اخد منك رزمة )

التعبية سهلة ..... لكن دراسة معادلة و حل لوغريتمات سوق هى دى اللى صعبة

[CryptonX]

كريم.......
اول حاجة احب اوضحها بس عشان متنزعلش مني ان الكلام المحذوف والله مكانش فيه اي مساس بيك نهائي لانك اكيد عارفني في الحوارات اللي دارت بيننا قبل كده اخرها في موضوع CRAZYLAMBADA اللي كان محتار بين جين 2 ولا ابيزا ولا جراند بونتو و مصدرش مني اي حاجة تضايق ولا حاجة خارجة عن نطاق الادب و عموما الكلام المحذوف كان هظار والله انا مش عرف اتحذف ليه انا مكانش قصدي غير هظار و الدليل اني حاطط وش مبتسم في اخر الجملة و عموما ده كان حوار نظارات عادي يعني المهم ان محدش يزعل انا حبيت اوضح لاني محبش حد بزعل مني من اخواتي في نايل موتورز..........




نرجع للموضوع كريم قال اني بقارن سيات بأودي والله العظيم انا مقارنتش سيات بأودي نهائيااااااااااااااااااااااااااااااااااااااااااااا اااااااااااااااااااااااااا..........
ازاي اقارن سيات اللي في السايت الرسمي بتاعهم نفسه بيقولوا ان في سنة 2000 50 عام مروا علي سيات جعلوها من صغار مصنعي السيارات و قالوا مصنعي السيارات لان سيات اعدت فترة مستقلة بين فيات و فولكس فاجن...ازاي اقارن سيات بأودي ازاي بس يا كريم اقارن اودي اللي بتصنع و تطور المواتير اللي سيات بتاخدها منها مينفعش تماما اكيد انت فهمتني غلط اولا اودي عملاق الماني وحش كاسر بكل موديلاته اخرها R8 اللي الموديل الديزل بتاعها واخد لقب اقوي محرك ديزل في العالم و البنزين واخد لقب افضل اداء ازاي اقارن بين دي و دي سيات و اودي لو هقارن بينهم هقارن في التصميم الداخلي و الخارجي و اودي هتتفوق في التصميم الداخلي لكل عربياتها عن سيات و التصميم الخارجي اودي عندها حاجات تحف من تحف العربيات في العالم اما مثلا اودي A3 تتقارن كتصميم بالليون انا في نظري الليون احلي و اودي A3 كابريوليه تفان كتصميم بالليون كابريوليه الليون من ادام احلي و الاودي من ورا احلي ده {ايي برضه انما اقارن سيات (واحد من صغار مصنعي السيارات في العالم بأودي الوحش الالماني اللي عنده اوديR8 اللي الباغة البلاستيك اللي محطوطة علي الباب تمنها 1500 جنيه استرليني يعني 15000 الف مصري هتقولي جبت الكلام ده منين هقولك واحد صاحبي في انجلترا كان جايب بروشور اودي R8 من انجلترا و انا شفته و لما ينزل هخليه يجيب واحد و اوريهولك في مقابلة يا كريم و عندي بروشور الاودي A5 و s5


تاني حاجة انا متريقتش علي العربيات الصيني بالعكس لو بصيت للناحية المشرقة للسيارات الصينية سواؤ شيري او فيات او اي حاجة هتلاقي ان العربيات دي فتحت ابواب لناس كتير مكانوش يقدروا يركبوا عربيات....دلوقتي ركبوا عربيات رخيصة و اي عربية جديدة بتبقي حلوة و قطع غيارها رخيصة فأنا متريقتش بالرغم من اني مش هجيب صيني لكن احنا ربنا مقدرنا علي مصاريف الالماني لو اتريقت علي الصيني يبقي انا بتريق علي اصحابه كمان و انا معملش كده لان الناس مش بغربياتهم غلطان انا ولا ايه:):)


و الموضوع اصلا انا كنت بسألك انت مش حاسس بطابع رياضي في عربيات سيات بي مش اكتر والله لا قارنت سيات بأودي ولا سيات بفيات في الموضوع اصلا عموما حصل خيييييييير:) و المناقشات برضه بتجيب معلومات و تعمل حوار و تنشط الدماغ بس كفاية بقي لان صوابعي باظت:)







IBIIIIIIIIIIIIIIIIIIIIIIIIIIIIIIIIIIIIIIIIZZZZZZZZ ZZZZZZZZZZZZZAAAAAAAAAAAAAAAAAAAA FOR EVER

محمد انا قريت الكلام المحذوف و صدقني لو كنت زعلت منك مكتش رديت اصلا :) انت حبيبي يا باشا .


انا مقصدش تقارن اودي بسيات انا قصدي ان اودي تستحق لقب " الواجهة الرياضية " مش اكتر

تصاميم سيات عصرية و حديثة و عنيفة و رياضية جدا و ده مفيش حد يقدر ينكره و زي ماقلت قبل كدة انا لو معايا فلوس فعلا الليون حتيبقى من اول الخيارات ليا ان شاء الله :)

---

SeatLover

معاك حق اي سيارة تقارن باي سيارة بس في فئتها .

يعني الاودي A3 تقارن بالسيات ليون و هكذا ..
ولكن سيارة كال A8 و S4 و ال Q
ملهاش اصلا " مثيل او مقابل " في سيات علشان تقارن بيه
و الغايظني في سيات
ان ال Q7 صممت و طوزرت في مصنع سيات في اسبانيا :)

و شكرا ليكم كلكم علي الحوار و المعلومات .

[M_HaFeZ]

موضوع اكتر من رائع

[MohabSaeed]

السلام عليكم ورحمه الله وبركاته

شباب تسمحولى اضيف نقطه بس لانى شايف جدال واسع وتحامل على فيات !!!! مش عارف اية سببه ؟

سيات ماركة جامدة جدا وتصميمتها ثوريه بمعنى الكلمه لكن ماتعتبرش " flagship " ولا حتى الاسكودا " flagship " ل فولكس .. معروف ان اودى هى القمة فى مجموعه فوكلس فاجن " بدون ماندخل بنتلى و بوجاتى ولمبورجينى فى الموضوع .

نقطه تانيه اتوقفت عندها............ جمله فيات فين وسيات فين !!!!

مستحيل انك تقارن شركة انتاج سيارات تابعة لشركة كبيرة زى فولكس وفولكس بتدعمها تكنولوجيا و تقارنها بمجموعة فيات !!؟؟؟؟ فيات حاليا"" اكثر"" ماركه سيارت فى اوروبا نمواً ومابيعاتها بتزيد كل سنة عن التانية بشكل يفوق اى ماركه اخرى .

" شوف فيات اخدت كام مرة حسن سيارة فى اوروبا " ؟؟؟؟؟؟؟؟؟؟؟؟؟ ده حتى بدون مانحسب الفا ولانشيا

فيات 500 عليها حجوزات لمدة 5 شهور قدام !!!!!!!!
فيات جراند بونتو بتنافس بشراسة مع الجولف والفوكس " على لقب السياره الاكثر مبيعا فى اوروبا " !!!!

مش حتكلم على الفاروميو . لانها قصة تانية خالص ولا حتى لانشيا ............لانهم تاريخ معروف جدا " الفاروميو حاليا بتطور مصنعها فى ايطاليا تطوير شامل علاشان موديل جونيور الجديد " MI TO " , و 169 . غير انهم بيستعدو لدخول السوق الامريكية العام القادم .

فيات حاليا بدأت ترجع لسابق عهدها

" فى الستينات و السبعينات فيات كانت اكبر مُصنع للسيارات فى اوروبا "

كمان 5 سنين من دلوقتى اعتقد انهم حيسحبو البساط من تحت اقدام VW ويرجعو تانى المجموعة الاولى فى اوروبا .


عماتا الكلام اخدنى .............. شكرا استاذ محمد على موضوع حضرتك المليء بالمعلومات

[mohamed ibiza]

طالما يا كريم اعترفت بتصميمات السيات ده يكفيني......:) طالما بقي الاودي q7 متطورة و مصممة في مصنع سيات في جنوب اسبانيا يعني سيات هي اللي عاملة التصميم يبقي صدق اللي قال seat is the sport image of volks wagen group :):):) اثبااااااااااات رسمي اهو ههههههه عموما الملعب مفتوح و كله بيتنافس و انا من خلال حبي لسيات و تصميمات سيات بقول ان سيات هتلاقوا منها شغل مختلللللللللللللللفففففففففففففففففف تماما في 2008 ان شاء الله و لو بتتابعوا موضوع بس مباشر لاخبار سيات للحليف سيات لوفر هتعرفوا ان سيات ناوية علي الشر:):):).............










IBIIIIIIIIIIIIIIIIIIIIIIIIIIIIZZZZZZZZZZZZZZZZZZZZ ZZZZZZAAAAAAAAAAAAAA FOR EVER

[CryptonX]

السلام عليكم ورحمه الله وبركاته

شباب تسمحولى اضيف نقطه بس لانى شايف جدال واسع وتحامل على فيات !!!! مش عارف اية سببه ؟

سيات ماركة جامدة جدا وتصميمتها ثوريه بمعنى الكلمه لكن ماتعتبرش " flagship " ولا حتى الاسكودا " flagship " ل فولكس .. معروف ان اودى هى القمة فى مجموعه فوكلس فاجن " بدون ماندخل بنتلى و بوجاتى ولمبورجينى فى الموضوع .

نقطه تانيه اتوقفت عندها............ جمله فيات فين وسيات فين !!!!

مستحيل انك تقارن شركة انتاج سيارات تابعة لشركة كبيرة زى فولكس وفولكس بتدعمها تكنولوجيا و تقارنها بمجموعة فيات !!؟؟؟؟ فيات حاليا"" اكثر"" ماركه سيارت فى اوروبا نمواً ومابيعاتها بتزيد كل سنة عن التانية بشكل يفوق اى ماركه اخرى .

" شوف فيات اخدت كام مرة حسن سيارة فى اوروبا " ؟؟؟؟؟؟؟؟؟؟؟؟؟ ده حتى بدون مانحسب الفا ولانشيا

فيات 500 عليها حجوزات لمدة 5 شهور قدام !!!!!!!!
فيات جراند بونتو بتنافس بشراسة مع الجولف والفوكس " على لقب السياره الاكثر مبيعا فى اوروبا " !!!!

مش حتكلم على الفاروميو . لانها قصة تانية خالص ولا حتى لانشيا ............لانهم تاريخ معروف جدا " الفاروميو حاليا بتطور مصنعها فى ايطاليا تطوير شامل علاشان موديل جونيور الجديد " MI TO " , و 169 . غير انهم بيستعدو لدخول السوق الامريكية العام القادم .

فيات حاليا بدأت ترجع لسابق عهدها

" فى الستينات و السبعينات فيات كانت اكبر مُصنع للسيارات فى اوروبا "

كمان 5 سنين من دلوقتى اعتقد انهم حيسحبو البساط من تحت اقدام VW ويرجعو تانى المجموعة الاولى فى اوروبا .


عماتا الكلام اخدنى .............. شكرا استاذ محمد على موضوع حضرتك المليء بالمعلومات

Welcome Back :)

طبعا مش حعرف اضيف اي حاجة زيادة :)

--

طبعا يا محمد بس متنساش ان الي صمم كل ده هو مصمم الفاروميو :)

[Ahmed Anwer]

يا جماعة هوا انتوا بتشتروا منتج ثقافي !!!!

ان يفرق معايا ايه شركة اكبر و لا اقدم و لا اكثر مبيعا و لا اقوي

يهمني انها بتديني تكنولوجيا المانية و تصميمات جميلة و منتج اوروبي الطابع و الجودة

بسعر كويس

بصراحة حل رائع للي عايز طابع و جودة المانية بسعر احسن

و بخصوص انها رياضية فهيا رياضية ،،

و ده مش كلامي ،،،

SEAT in motorsport
Since the Volkswagen takeover in 1990, SEAT has been increasing its presense in the motorsport world. This was mainly down to VWs plan on focusing the SEAT brand as 'sporty', to appeal to the younger generation of drivers.

من ويكيديا ،،


مشكلتها بس في الوكيل ،،

مش عارف كل الماركات الأوربية ماسكها وكلاء تعبانين ليه في مصر

باستثناء اسكودا

[Sharky]

مش عارف كل الماركات الأوربية ماسكها وكلاء تعبانين ليه في مصر

باستثناء اسكودا

بالعكس توكيل سكودا من التوكيلات إللى أصحابها بيشتكوا منها.

لكن التوكيل الاوربى الأكثر إحتراما و يكاد يكون الأفضل فى مصر هو توكيل رينو و دا بشهادة ملاك رينو فى المنتدى

[Ahmed Anwer]

بالعكس توكيل سكودا من التوكيلات إللى أصحابها بيشتكوا منها.

لكن التوكيل الاوربى الأكثر إحتراما و يكاد يكون الأفضل فى مصر هو توكيل رينو و دا بشهادة ملاك رينو فى المنتدى

مش عارف ،،

يا أ / أحمد ،،،

بس انتشار سكودا و سعر اعادة بيعها الكويس ،،

هوا اللي مديني الإنطباع ده ،،

علي الأقل كتسويق و مبيعات ،،

علي فكرة عاملين عرض خاص لحد اخر الشهر علي الفابيا الجديدة ،،

خصم عشرتلاف جنية كاملة

[mohamed ibiza]

يا جماعة هوا انتوا بتشتروا منتج ثقافي !!!!

ان يفرق معايا ايه شركة اكبر و لا اقدم و لا اكثر مبيعا و لا اقوي

يهمني انها بتديني تكنولوجيا المانية و تصميمات جميلة و منتج اوروبي الطابع و الجودة

بسعر كويس

بصراحة حل رائع للي عايز طابع و جودة المانية بسعر احسن

و بخصوص انها رياضية فهيا رياضية ،،

و ده مش كلامي ،،،

SEAT in motorsport
Since the Volkswagen takeover in 1990, SEAT has been increasing its presense in the motorsport world. This was mainly down to VWs plan on focusing the SEAT brand as 'sporty', to appeal to the younger generation of drivers.

من ويكيديا ،،


مشكلتها بس في الوكيل ،،

مش عارف كل الماركات الأوربية ماسكها وكلاء تعبانين ليه في مصر

باستثناء اسكودا

هو ده الكلام المظبوط قولهم يا مان:) عشان انا بكل دلوقتي مش عارف اكتب هههههه:)