إستفسارات حول شكمان الايبيزا

[ehab_mansour]

انا ان شاء الله ناوى اروح على يوم الجمعه او السبت على حسب ما هما يكونوا شغالين فى احد اليومين دول .

وان شاء الله هبلغك بالأخبار باذن الله .

• 
  
• بس يا ترى تتوقع كده الرنان ده هيكون عامل كام سعره بالتقريب لو هو مستورد مثلا والكر او حاجة مستورة تانية امريكي او فرنساوى ولو من مصانعهم ممكن يكون فى حدود كام علشان عايز اعمل حسابي بالتقريب وانا رايح باذن الله ؟
  

اولا مافيش رنان مستورد لأنه اختراع مصري خالص لأنهم في اوروبا معندهمش تهريج في انبعاثات الغازات يعني علبة البيئة باظت لازم تتركب علبة بيئة مكانها لكن احنا معندناش الكلام ده ربنا يكرمنا ونبقي زيهم بنهتم بالبيئة والانسان أكثر من المعدات

ثانيا انا كنت ركبته في عربية أخري لزوج أختي وهو دايو نوبيرا 1 وكان عامل وقتها 250 جنيه اعمل حسابك علي فلوس زيادة معاك يعني 500 او 600 يمكن تلاقي حاجه تانية فيها مشكلة و تأكد من الشغل قبل متمشي وراجع عليه كويس ولو لك اي ملاحظات بعديها ارجعلهم تاني يظبطوها بدون فلوس وربنا ييسرلك الحال ان شاء الله

[egman]

اه يعنى الرنان ده هيكون من صناعتهم.

1. يبقى انا كده افهم ان العلبتين الوسطي والخلفية الى انت ركبتهم دول بس الى بيجوا منهم مستوردين زي ما انت قلت فرنساوى اما علبه البيئة يا اما اصليه يا اما رنان صح كده ؟
   
   
2. طيب هو عليه البيئة الاصلية بتاعه الايبيزا بتكون موجودة عندهم ولا فين ؟
   
   
3. وهل فيه علبه بيئة أصلية للايبيزا تحديدا ولا هما بيشوفوا ويحددوا اى علبة بيئة اصلية تركب ؟
   
   
4. سوال اخير يا باشا الرنان بتاعهم ده بيكون طبعا افضل من بتاع الورش العادية مش كده وهل فعلا ممكن لما يركب يقضي على موضوع الحرارة مع السرعات العالية انا على 120 او اول ما اعديها موشر الحرارة بيعدي النصف شرطتين واول ما انزل عند الـ 100 بتطظبط الحكاية ويرجع للنص تانى الموضوع ده كان وانا ماشي الساعه 3 عصرا فى فترة الظهيرة تحديدا وهل وخنقة العربية وقله سحبها هينتهى ويرجع زي الاول مع الرنان بتاعهم لما كانت علبه البيئة راكبه؟
   
   
5. عايز اقولك على حاجة كمان انا الرنان الى ركبه بتاع الشكمانات شكله اسطوانى وقطره صغير عن علبه البيئة الاصليه الى كانت شكلها مربعه او مستطلية تقريبا وكانت مخرمة اخرام مستديرة منتظمة بجانب بعضها ، هل هناك فى اشكال لعلبة الرنان مش شرط اسطوانية وهل فى اقطار بمقاسات مختلفة كلاً على حسب العربية ؟

انا اسف يا باشا طولت عليك بس انا عمرى ما العربية اتخنقت منى قبل كده ولا الموشر عدى النص ده حتى عمرها ما عملت كده من ايام الموتور القديم الى كان بايظ :) انا اسف للتطويل مرة تانية ,،،،،،،،،،،،

[windofchange]

اللي سمعت عنه انو ممكن تلغي العلبة خالص بتاعت البيئة وتستبدلها بماسورة نفس القطر ده اذا ملقتش علبة بيئة عند ابواليزيد

[ehab_mansour]

اه يعنى الرنان ده هيكون من صناعتهم.

1. يبقى انا كده افهم ان العلبتين الوسطي والخلفية الى انت ركبتهم دول بس الى بيجوا منهم مستوردين زي ما انت قلت فرنساوى اما علبه البيئة يا اما اصليه يا اما رنان صح كده ؟
   بالضبط كده
   
2. طيب هو عليه البيئة الاصلية بتاعه الايبيزا بتكون موجودة عندهم ولا فين ؟
   مش عارف بصراحة لما تروح اسألهم ومسمعتش عن حد ركب علبة بيئة أصلية قبل كده او اشتراها
   
3. وهل فيه علبه بيئة أصلية للايبيزا تحديدا ولا هما بيشوفوا ويحددوا اى علبة بيئة اصلية تركب ؟
   أعتقد ممكن يكون كده فعلا ولكن علي حسب سعة المحرك لأن قطر مواسير الشكمان عموما وحجم العلب بتختلف باختلاف سعة المحرك وقدرته
   
4. سوال اخير يا باشا الرنان بتاعهم ده بيكون طبعا افضل من بتاع الورش العادية مش كده وهل فعلا ممكن لما يركب يقضي على موضوع الحرارة مع السرعات العالية انا على 120 او اول ما اعديها موشر الحرارة بيعدي النصف شرطتين واول ما انزل عند الـ 100 بتطظبط الحكاية ويرجع للنص تانى الموضوع ده كان وانا ماشي الساعه 3 عصرا فى فترة الظهيرة تحديدا وهل وخنقة العربية وقله سحبها هينتهى ويرجع زي الاول مع الرنان بتاعهم لما كانت علبه البيئة راكبه؟
   المفروض لأنهم بيفهمو كتير عن الشغل البلدي اللي بره وبعدين تحكيلهم عن اللي بيحصل معاك وعن الحكاية من أولها لأخرها وقبل ميركب تاكد عليهم ان المشكلة لو متحلتش يشيلوها تاني او يشوفولها حل المهم تنتهي مشكلتك
   
5. عايز اقولك على حاجة كمان انا الرنان الى ركبه بتاع الشكمانات شكله اسطوانى وقطره صغير عن علبه البيئة الاصليه الى كانت شكلها مربعه او مستطلية تقريبا وكانت مخرمة اخرام مستديرة منتظمة بجانب بعضها ، هل هناك فى اشكال لعلبة الرنان مش شرط اسطوانية وهل فى اقطار بمقاسات مختلفة كلاً على حسب العربية ؟

المهم مش الشكل الخارجي المهم هو التركيب الداخلي ومتشغلش دماغك بشكله المهم يؤدي الوظيفة
وعلبة البيئة الأصلية فعلا كانت بشكل مستطيل كده والجزء المخرم ده كان جزء صاج واقي للعلبة ولذلك كان من ناحية تحت فقط ولكن من فوق مافيش حاجه مخرمه
ولا تقلق هما هيركبو المناسب ان شاء الله وحاول متخليهمش يغيرو حاجه زي مثلا المشترك او علب أخري حل المشكلة الحالية وبعدين لو فيه حاجه تانية ابقي غيرها بعدين

انا اسف يا باشا طولت عليك بس انا عمرى ما العربية اتخنقت منى قبل كده ولا الموشر عدى النص ده حتى عمرها ما عملت كده من ايام الموتور القديم الى كان بايظ :) انا اسف للتطويل مرة تانية ,،،،،،،،،،،،

ربنا ييسرلك الحال ان شاء الله

[ehab_mansour]

اللي سمعت عنه انو ممكن تلغي العلبة خالص بتاعت البيئة وتستبدلها بماسورة نفس القطر ده اذا ملقتش علبة بيئة عند ابواليزيد

ايهاب باشا كله موجود و احنا عندنا في مصر أحلي فتي و جهل لا يمكن وصفه و خاصة في مجال السيارات
ربنا يكرمنا ويعلمنا ويرزقنا الاخلاص و التوفيق

قال تعالي : " وَاتَّقُواْ اللّهَ وَيُعَلِّمُكُمُ اللّهُ وَاللّهُ بِكُلِّ شَيْءٍ عَلِيمٌ }البقرة282 "

[egman]

تحياتى لك يا صديقي العزيز وان شاء الله هقولكم عملت اية عندهم .

[egman]

السلام عليكم ورحمة الله وبركاته

انا الحمد لله رحت عند مصنع ابو اليزيد يوم السبت زي ما قلت لحضراتكم وهما فعلا ناس فى منتهى الاحترام والادب والذوق وكمان حرفة وصنعه ممتازة واليكم ما حدث :

1. تم رفع السيارة والكشف على الشكمان كله بعد ما حكيتله على الى حصل معايا .
   
   
2. تم تشخيص الحالة على ان علبه الرنان الى ركبت بديل البيئة كانت مناسبه لعربية 128 وقالى كمان ان العلبه الى فى النصف مش اصلية وانها بتاعت عربية 132 وكمان كان فيها تسريب ورهوني وحسيته فعلا .
   
   
3. تم تغيير علبه الرنان بواحد اسمها رنان عام من مصنعهم .
   
   
4. تم تغيير علبه المنتص او العلبة الامامية بعلبه والكر .
   
   
5. قالى العلبه الخلفية هى علبه الفابريكة وسليمة تماماً والحمد لله .
   
   
6. تمت التجربة حوالين المصنع مع الفنى والحمد لله العربية بقت طلقه فى السحب والتانى بقى بيجيب 60 براحته والتالت 100 والرابع 130 وهكذا بس ده طبعا لانى كنت بجرب وكنت بحرق جامد على العربية علشان اجرب كويس لكن فى العادى مش برهق العربية كده ابدا .
   
   
7. وانا مروح كانت الساعه حوالى 2 ظهرا والجو كان جميل كعادة الصيف وبرده كنت قاصد انى اضغط عليها واحرق بس بردة لقيت موضوع الحرارة بيعلى تانى لما اضغط عليها واجرى بيها بيعدى النص بحوالى شرطتين وده الى نكد عليا حتى الراجل مدير المركز بعد ما رجعت من التجربة وقلتله ان السحب بقى تمام اما موضوع الحرارة ده هيبان بالمشاوير قالى هو الدليل على جودة عمل الشكمان ان السحب يكون كويس والعربية ما تكنش مخنوقه وفعلا ده انتهى تماما والحمد لله اما موضوع الحرارة هعمل بيه موضوع مستقل نناقشة فيه .

اما بخصوص الحساب كان كالتالى :

رنان عام عامل 204 جنية علبه امامية عاملة 340 جنية مصنعيات 90 جنية غير ضريبة المبيعات المهم وقف كل الفاتورة 700 جنية

[ehab_mansour]

السلام عليكم ورحمة الله وبركاته

انا الحمد لله رحت عند مصنع ابو اليزيد يوم السبت زي ما قلت لحضراتكم وهما فعلا ناس فى منتهى الاحترام والادب والذوق وكمان حرفة وصنعه ممتازة واليكم ما حدث :

1. تم رفع السيارة والكشف على الشكمان كله بعد ما حكيتله على الى حصل معايا .
   
   
2. تم تشخيص الحالة على ان علبه الرنان الى ركبت بديل البيئة كانت مناسبه لعربية 128 وقالى كمان ان العلبه الى فى النصف مش اصلية وانها بتاعت عربية 132 وكمان كان فيها تسريب ورهوني وحسيته فعلا .
   
   
3. تم تغيير علبه الرنان بواحد اسمها رنان عام من مصنعهم .
   
   
4. تم تغيير علبه المنتص او العلبة الامامية بعلبه والكر .
   
   
5. قالى العلبه الخلفية هى علبه الفابريكة وسليمة تماماً والحمد لله .
   
   
6. تمت التجربة حوالين المصنع مع الفنى والحمد لله العربية بقت طلقه فى السحب والتانى بقى بيجيب 60 براحته والتالت 100 والرابع 130 وهكذا بس ده طبعا لانى كنت بجرب وكنت بحرق جامد على العربية علشان اجرب كويس لكن فى العادى مش برهق العربية كده ابدا .
   
   
7. وانا مروح كانت الساعه حوالى 2 ظهرا والجو كان جميل كعادة الصيف وبرده كنت قاصد انى اضغط عليها واحرق بس بردة لقيت موضوع الحرارة بيعلى تانى لما اضغط عليها واجرى بيها بيعدى النص بحوالى شرطتين وده الى نكد عليا حتى الراجل مدير المركز بعد ما رجعت من التجربة وقلتله ان السحب بقى تمام اما موضوع الحرارة ده هيبان بالمشاوير قالى هو الدليل على جودة عمل الشكمان ان السحب يكون كويس والعربية ما تكنش مخنوقه وفعلا ده انتهى تماما والحمد لله اما موضوع الحرارة هعمل بيه موضوع مستقل نناقشة فيه .

اما بخصوص الحساب كان كالتالى :

رنان عام عامل 204 جنية علبه امامية عاملة 340 جنية مصنعيات 90 جنية غير ضريبة المبيعات المهم وقف كل الفاتورة 700 جنية

مبروك والحمد لله انك انبسطت منهم لأنهم فعلا محترمين وصدقني موضوع الحرارة دي طبيعي جدا هو محصلش معايا قبل كده في الابيزا غير عند القرص في السفر او المشي مثلا 130 ل 140 لفترة طويلة ولكن من كاتالوج عربيتي الجديدة مشروح انه طبيعي جدا المؤشر يعلي عن 90 شوية في حالات القرص و متقلقش مبدئيا ان لم يكن هناك مشكلة أخري
وبالتوفيق ان شاء الله

[egman]

بس ليا ملحوظة النهاردة يا ايهاب وانا طالع الصبح وبدور العربيو وبسخن سمعت صوته حكحكه كده نزلت تحت العربية بصيت لقيت الرنان بيتهز شوية وشكله وحركته وهو بيتهز متوافق مع صوت الحكحكة ده فقلت ممكن يكون الصوت ده منها .

ولما دوست بنزين بسيط الصوت بيروح هل لما بدوس بنزين الهزة بتختفى لان حركة الموتور بتنتظم والرعشة بتاعه العلبة بتثبت علشان كده الصوت بتاع الحكحكة بيروح لانه ما بقاش فيه رعشة فيه .

فانت اية رايك اروحلهم تانى المشوار الجميل ده ولا ممكن ده تكون بسيطه وتتعمل عند حد هنا قريب وكويس ولا اطنش ولا هى ممكن تروح مع الوقت مش عارف ؟

[ehab_mansour]

بس ليا ملحوظة النهاردة يا ايهاب وانا طالع الصبح وبدور العربيو وبسخن سمعت صوته حكحكه كده نزلت تحت العربية بصيت لقيت الرنان بيتهز شوية وشكله وحركته وهو بيتهز متوافق مع صوت الحكحكة ده فقلت ممكن يكون الصوت ده منها .

ولما دوست بنزين بسيط الصوت بيروح هل لما بدوس بنزين الهزة بتختفى لان حركة الموتور بتنتظم والرعشة بتاعه العلبة بتثبت علشان كده الصوت بتاع الحكحكة بيروح لانه ما بقاش فيه رعشة فيه .

فانت اية رايك اروحلهم تانى المشوار الجميل ده ولا ممكن ده تكون بسيطه وتتعمل عند حد هنا قريب وكويس ولا اطنش ولا هى ممكن تروح مع الوقت مش عارف ؟

احتكاك بين الرنان وجسم العربية وبينتج عنه الصوت ده
هل بيروح لما العربية تسخن وهل بيظهر اوقات أخري يعني وانت ماشي مثلا بسرعة و أخدت دوران قاسي شوية او مع مطب ولا ايه اللي بيحصل ؟
ولو عندك مشكلة احتكاك بس ممكن تخلي اي حد يبصلك عليها ولكن انا بفضل دايما أروحلهم يحلو مشكلتهم وفي الضمان و المشوار مش بعيد قوي عنك يعني 50 او 60 كيلو من التجمع لأكتوبر

[egman]

الصوت بيروح لما العربية بتسخن او انى ادوس بنزين واطلع هو موجود وانا مدور العربية وواقف غير كده ما فيش

[egman]

حاجة كمان من ضمن الكشف على العربية هو قالى ان حساس الشكمان فيه سلكة مقطوعه وفرجنى عليه تحت العربية وهى مرفوعه .


1- هو على شكل صوباع طويل كده بيدخل فى الشكمان من قدام وفيه مجموعه سلوك واحد من السلك ده مقطوع هل بيتصلح ولا بيتجاب واحد جديد ولا اية ؟

2- فيا ترى الحساس ده بيتباع جديد ولا استيراد وسعره كام ؟

3- وهل هو مهم واية هى اهميته ؟

[ehab_mansour]

حاجة كمان من ضمن الكشف على العربية هو قالى ان حساس الشكمان فيه سلكة مقطوعه وفرجنى عليه تحت العربية وهى مرفوعه .


1- هو على شكل صوباع طويل كده بيدخل فى الشكمان من قدام وفيه مجموعه سلوك واحد من السلك ده مقطوع هل بيتصلح ولا بيتجاب واحد جديد ولا اية ؟

2- فيا ترى الحساس ده بيتباع جديد ولا استيراد وسعره كام ؟

3- وهل هو مهم واية هى اهميته ؟

كبر دماغك من موضوع الحكة ده وتابع الشكمان ولو فيه مشكلة تانية ابقي رحلهم بعد فترة و قلهم علي الاتنين
موضوع حساس الشكمان ده فعلا مهم جدا و المفروض تغيره بأخر استيراد و مش عارف بكام و معنديش فكرة فيه منه جديد ولا لأ
اسأل عليه وشوفه

[egman]

ممكن اعرف هو ليه مهم جدا حساس الشكمان

[ehab_mansour]

ممكن اعرف هو ليه مهم جدا حساس الشكمان

اقرأ وعيش
Oxygen sensor - Wikipedia, the free encyclopedia