الجو ثلج والعربيه مش عايزه تسخن

[eemmoo]

لما بمشى بالعربيه بطىء بيكون عداد الحراره على 90 وده الطبيعى لكن لو الطريق مفتوح وبالذات بالليل بلاقى عداد الحراره رجع تانى للاول كأنى لسه مدورها والسحب بيقل

انا كنت عايز اسأل ده عادى لما تبرد اوى كده و فى خطوره لو مشيت بيها بارده وينفع اسافر بيها ولا مش هينفع ؟؟

وشكرا مقدما لرجاله السيات المحترمين

[HOSSAM99]

ترموستات الكوعه موجوده عند حضرتك
لو موجوده يا ريت تكشف عليها هل بتقوم بةظيفتها و لا لأ (بتمنع مياه التبريد من التبريد لحين وصول الموتور لدرجة حرارة التشغيل الطبيعيه)
أما لو مش موجوده (و ده المتوقع) يبقي تركب ترموستات مهمه جدا

[alzelafy]

هو طبعا غلط على المدى البعيد على وش السلندر انتا كدة ثرموستات الكوعه مش شغاله حاول تجبها و تشغلها هى مش غاليه سمعت ب 65 ج و قبل ما تمشى بالعربيه سخنها كويس

[ehab_mansour]

زي ما قال الأخوة فوق يا أستاذ محمد
ثرموستات الكوعه عندك يا اتشال قبل كده يا مكسور وده انا متأكد منه لأن نفس مشكلتك دي كانت عندي و عند احد الأصدقاء احدهما كان الثرموستات مش موجود أصلا و الثانية كانت زي عربيتك بالضبط واكن الثرموستات موجود ولكن مكسور و مش بيمنع دورة المياة من الانغلاق عند نزول درجة الحرارة
هحاول أصورلك ازاي تغيره ومش هتحتاج عده غير بيبه مقاس عشرة عشان تسهل عليك الفك لأن المفتاح البلدي هيقرفك في الفك لأن المكان ضيق شوية
هتشتري الثرموستات و هتفك الكوعه البلاستيك المربوطة بمسمارين فقط مقاش عشرة بس لازم تكون العربية باردة لأن هينزل منها مياة من مياة التبريد وعشان متتلسعش و هتخرج الكوعه لبره و لو فيها ثرموستات مكسور هتشيله و هتركب الجديد و تركبها و تربط المسمارين تاني و خلي بالك متقرطش عليهم قوي لأنهم بيربطو في بلاستيك و عشان متبوظش السن و بعدين تزود مياة التبريد و تطلع هواء دائرة المياة و خلي بالك من الجوان بتاع الكوعه اللي راكب جواها الثرموستات

ودي صورة الثرموستات اللي يركب عندك و اللي بنتكلم عليه و ثمنه في حدود من 75 الي 85 جنيه تقريبا و درجة حرارة فتحه 102 و بيقفل عند 87
http://www.ebay.co.uk/itm/Thermostat...item1c1b5a93ea

وبالتوفيق

[ehab_mansour]

و دي صورة للكوعه اللي بنتكلم عليها و اللي جواها الثرموستات و اللي واضح فيها ايضا أحد المسامير اللي بنتكلم عليها والمسمار التاني هتلاقيه من تحت الخرطوم اللي في الصورة

Uploaded with ImageShack.us

[SYD]

تحياتي للمهندس ايهاب علي شرحه الوافي المدعم بالصور كما تعودنا منه

طبعا زي ما المهندس ايهاب شرح لحضرتك وزي ما الأخوة قالوا بالظبط
خطر تمشي عليها كدة او تسافر لمسافات طويلة والا هتقف كل شوية تسخن العربية
الأحتفاظ بحرارة الموتور امر في غاية الأهمية

والله المستعان
،
،

[agaty1st]

الترموستات دي مش موجوده عندي بس العربيه في الصيف بتبقى على الربع على طول و اليومين دول توصل لحد الربع و بعدين تنزل شويه لما السرعه البطيئه للمروحه تشتغل و بعدين تطلع للربع و هكذا
و مفيش اي مشاكل في المشي فاعتقد مفيش مشكله تأثر على عمر الموتور لأن المعادن كل ماتسخن يكون التأكل اسرع و الزيت كمان لما يسخن بيكون انهيار خواصه أسرع - و ده على حد علمي البسيط و الله أعلم
و لو حد عنده تصحيح ياريت يفيدنا و شكرا

[agaty1st]

و انا من البدايه يا سقعه بتحمل و خلاص كفايه صوابعي بتنمل

[SYD]

الترموستات دي مش موجوده عندي بس العربيه في الصيف بتبقى على الربع على طول و اليومين دول توصل لحد الربع و بعدين تنزل شويه لما السرعه البطيئه للمروحه تشتغل و بعدين تطلع للربع و هكذا
و مفيش اي مشاكل في المشي فاعتقد مفيش مشكله تأثر على عمر الموتور لأن المعادن كل ماتسخن يكون التأكل اسرع و الزيت كمان لما يسخن بيكون انهيار خواصه أسرع - و ده على حد علمي البسيط و الله أعلم
و لو حد عنده تصحيح ياريت يفيدنا و شكرا

تصحيح بسيط اوي
المعدن لما يبرد ينكمش وبالتالي يتأكل وياكل في بعضه
الزيت مع درجة حرارة معينة بتزيد لزوجته وبيقوم بواظيفه
والنص هي درجة حرارة التشغيل الي بناء عليها عملوا الثرموستات

والله المستعان
،
،

[agaty1st]

بص يا استاذ سيد
ممكن يكون ألغاء الترموستات دي بيبوظ الموتور لسبب انا مش عارفه لكن غرفة الاحتراق لابتتمدد ولا بتنكمش و بعدين المعدن بيكون اقوى وهو بارد و الدليل تسخين المعادن لتشكيلها و دليل تاني ان تعرض المحرك لسخونه شديده بتسيح الشنبر
و بالنسبه للزيت فالزيت بيوصل لقمة ادائه من درجة حراره تحت الصفر و ده بالنسبه للتخليقى و لحد 40 و ده بالنسبه للمعدنى حسب نوعه و مستحيل موتور داير حرارته تنزل عن كده
ممكن يكون في سبب تاني غير كده لان اكيد الل صمم الموتور حط الترموستات دي لسبب
و الله اعلم

[ehab_mansour]

بغض النظر عن خصائص المعادن و الزيوت مع درجات الحرارة لأنه موضوع كبير....
يجب علينا كمستخدمين للسيارات ان نتبع تعليمات التشغل التي اوصي بها المصنع
وتعليمات التشغيل دي بتقول انه لا يجب الضغط علي السيارة و القيادة بسرعات عالية إلا بعد وصول درجة حرارة المحرك الي درجة حرارة التشغيل الطبيعية ودي الكاتالوج عندي بيقول انها بتبدأ من حوالي 70 درجة الي 100 درجة مئوية حسب المؤشر و الظروف الطبيعية للتشغيل هي درجة 90 و لكن بيرتفع قليلا و بيقل أيضا في المدي المسموح به علي حسب الجو المحيط بالسيارة و درجة حرارته

وبعد الكلام اللي فوق ده كله مينفعش نقول انه العربية لما تمشي بدون ثرموستات و تبقي باردة هتكون أفضل ومش هتتأكل داخليا بسرعه و ........ كلام كتير ليس له أساس صحيح
لذلك لتعم الفائدة اللي معندوش ثرموستات راكب يركبه او لو درجة الحرارة بتنزل مع الجري بسرعه وفي الأماكن المفتوحة يكشف عليه احتمال يكون مسكور

[agaty1st]

بغض النظر عن خصائص المعادن و الزيوت مع درجات الحرارة لأنه موضوع كبير....
يجب علينا كمستخدمين للسيارات ان نتبع تعليمات التشغل التي اوصي بها المصنع
وتعليمات التشغيل دي بتقول انه لا يجب الضغط علي السيارة و القيادة بسرعات عالية إلا بعد وصول درجة حرارة المحرك الي درجة حرارة التشغيل الطبيعية ودي الكاتالوج عندي بيقول انها بتبدأ من حوالي 70 درجة الي 100 درجة مئوية حسب المؤشر و الظروف الطبيعية للتشغيل هي درجة 90 و لكن بيرتفع قليلا و بيقل أيضا في المدي المسموح به علي حسب الجو المحيط بالسيارة و درجة حرارته

وبعد الكلام اللي فوق ده كله مينفعش نقول انه العربية لما تمشي بدون ثرموستات و تبقي باردة هتكون أفضل ومش هتتأكل داخليا بسرعه و ........ كلام كتير ليس له أساس صحيح
لذلك لتعم الفائدة اللي معندوش ثرموستات راكب يركبه او لو درجة الحرارة بتنزل مع الجري بسرعه وفي الأماكن المفتوحة يكشف عليه احتمال يكون مسكور

يا باشا محدش قال ان ألغائها صح كل الموضوع ان انا لما اشتريت العربيه مكانتش الترموستات دي موجوده و انا عرفت انها مش موجوده لأن العربيه مؤشر الحراره على طول على الربع صيف شتا و الموضوع ده مش عامل معايا اي مشاكل
فالسؤال بيقول : في مشكله مستقبليه ممكن تحصل لو الواحد مشي بيها كده ولا لأ ؟
و الجدل بيني و بين استاذ سيد على الوصول لسبب المشكله لكن انا اعتقد ان موضوع التأكل للمعادن ده مش صحيح لأن عربيتي اللي قبل الأبيزا كانت مازدا 323 و كان مؤشر الحراره على طول على الربع زي كل الياباني و العربيه كانت مفيهاش اي مشاكل
أينعم كل موتور و ليه تصميم لكن المعدن و الزيت خصائصهم واحده في كل العربيات

[ehab_mansour]

يا باشا محدش قال ان ألغائها صح كل الموضوع ان انا لما اشتريت العربيه مكانتش الترموستات دي موجوده و انا عرفت انها مش موجوده لأن العربيه مؤشر الحراره على طول على الربع صيف شتا و الموضوع ده مش عامل معايا اي مشاكل
فالسؤال بيقول : في مشكله مستقبليه ممكن تحصل لو الواحد مشي بيها كده ولا لأ ؟
و الجدل بيني و بين استاذ سيد على الوصول لسبب المشكله لكن انا اعتقد ان موضوع التأكل للمعادن ده مش صحيح لأن عربيتي اللي قبل الأبيزا كانت مازدا 323 و كان مؤشر الحراره على طول على الربع زي كل الياباني و العربيه كانت مفيهاش اي مشاكل
أينعم كل موتور و ليه تصميم لكن المعدن و الزيت خصائصهم واحده في كل العربيات

لا طبعا خامات معدن المحرك بتختلف من شركة لأخري ومش كله زي بعضة و كذلك درجة حرارة التشغيل للمحرك بتختلف من شركة لأخري حسب تصميم المحرك و تصميم المؤشر و العدادات
يعني مثلا مش لازم الربع في المؤشر في المازدا يكون هو نفسه في مؤشر الابيزا

هل ممكن تحصل مشكلة بالتأكيد ايوه لأن المحرك دائما يعمل في درجة حرارة أقل من المطلوب و كذلك الزيت
لذلك انتشار الزيت في المحرك لن يحدث بالطريقة السليمة و لن تحدث عملية التزييت بشكل سليم

و عايز أقلك بس ان الزيت اللي مكتوب عليه 5w40 ده مش معناه ان درجة حرارة التشغيل القصوي له 40 لأ ياريت تراجع مواضيع الزيت بالقسم العام او التعليمي لتعلم معني هذا المصطلح

وفي النهاية كل مقصدي انك تتبع تعليمات تشغيل المصنع أنه هو أدري بما صنع وهو يعلم الصح فين من الغلط حضرتك حابب تخالف ده براحتك ولكن لا يصح إلا الصحيح

[agaty1st]

لا طبعا خامات معدن المحرك بتختلف من شركة لأخري ومش كله زي بعضة و كذلك درجة حرارة التشغيل للمحرك بتختلف من شركة لأخري حسب تصميم المحرك و تصميم المؤشر و العدادات
يعني مثلا مش لازم الربع في المؤشر في المازدا يكون هو نفسه في مؤشر الابيزا

هل ممكن تحصل مشكلة بالتأكيد ايوه لأن المحرك دائما يعمل في درجة حرارة أقل من المطلوب و كذلك الزيت
لذلك انتشار الزيت في المحرك لن يحدث بالطريقة السليمة و لن تحدث عملية التزييت بشكل سليم

و عايز أقلك بس ان الزيت اللي مكتوب عليه 5w40 ده مش معناه ان درجة حرارة التشغيل القصوي له 40 لأ ياريت تراجع مواضيع الزيت بالقسم العام او التعليمي لتعلم معني هذا المصطلح

وفي النهاية كل مقصدي انك تتبع تعليمات تشغيل المصنع أنه هو أدري بما صنع وهو يعلم الصح فين من الغلط حضرتك حابب تخالف ده براحتك ولكن لا يصح إلا الصحيح

بالنسبه لموضوع الزيت بس احب أقول لحضرتك أني بشتغل في شركة بترول و وفي الاقسام الفنيه مش الاداريه و موضوع الزيت اللي في القسم انا اللي كاتبه بس مش موضوعنا دلوقتي لكن أؤكدلك ان موضوع الزيت ده معظم الناس عندها مفاهيم كتير غلط فيه
و بالنسبه لدرجة الحراره و علاقتها بتأكل بالمعادن هل توافق على ان بروده المحرك تسرع من تأكله ؟ و لو رأيك كده يبقى أزاي في عربيات مروحتها بتلف مع الموتور يعني بتشتغل مع الموتور و تبطل مع الموتور و في السفر الموتور بيتلج
انا متفق معاك ان الغاء حاجات من الموتور غلط بس كل الموضوع محدش قال ألغاء الكوعه ده يعمل أيه في الموتور ممكن يكون مثلا بيأثر على السحب أو على أستهلاك الوقود .....ممكن
لكن تخليه يتاكل ......صعب و الله أعلم

[ehab_mansour]

بالنسبه لموضوع الزيت بس احب أقول لحضرتك أني بشتغل في شركة بترول و وفي الاقسام الفنيه مش الاداريه و موضوع الزيت اللي في القسم انا اللي كاتبه بس مش موضوعنا دلوقتي لكن أؤكدلك ان موضوع الزيت ده معظم الناس عندها مفاهيم كتير غلط فيه
و بالنسبه لدرجة الحراره و علاقتها بتأكل بالمعادن هل توافق على ان بروده المحرك تسرع من تأكله ؟ و لو رأيك كده يبقى أزاي في عربيات مروحتها بتلف مع الموتور يعني بتشتغل مع الموتور و تبطل مع الموتور و في السفر الموتور بيتلج
انا متفق معاك ان الغاء حاجات من الموتور غلط بس كل الموضوع محدش قال ألغاء الكوعه ده يعمل أيه في الموتور ممكن يكون مثلا بيأثر على السحب أو على أستهلاك الوقود .....ممكن
لكن تخليه يتاكل ......صعب و الله أعلم

جميل ياريت لو لقيتني اتكلمت في موضوع بالخطأ ارجو منك تصحيح معلوماتي لأننا جميعا نتعلم من بعض وانا احب ذلك ان رأيتني مخطأ صححلي
حضرتك المعادن لها نسبة تمدد مع زيادة درجة الحرارة ده معني فيزيائي و لكن مش ده موضوعنا لأن كل شيء محسوب لذلك ولكن المشكلة هنا في كفاءة التزييت ده اللي بيعمل مشاكل للمحرك

و الدليل علي ذلك انا من خلال استخدامي لزيت 20w50 تجد المحرك فيه ارتجاج و صعوبة تحرك دون تسخين صباحا و السبب هو ان الزيت مازال لم يصل لدرجة حرارة التشغيل المناسبة للزيت للمحرك و و العكس عند استخدامي زيت 5w40 تجد المحرك طبيعي و هاديء و لا توجد به مشكلة في التحرك و لكن بهدوء حتي يصل لدرجة التشغيل العادية 90

الفرق بين النوعين ان الثاني تسطيع معه تشغيل المحرك عن درجة حرارة أقل من الأول
المعني من ده هو قدرة دورة التزييت بمشتملاتها علي القيام بعملها بشكل مناسب و الذي لا يحدث سوي عند درجة حرارة معينة للمحرك والزيت و ان لم يصل المحرك لهذه الدرجة عملية التزييت لن تتم بالشكل المناسب و هيحدث تأكل بين أجزاء المحرك و بعضها