الجو ثلج والعربيه مش عايزه تسخن

[Ahmed_Gallant]

وليه منقولشى ان المشكله مش فى الزيت ودورته قد ما المشكله هى اختلاف درجات الحراره بين الزيت والمياه والبساتم او بمعنى اصح الاسطوانات اللى البساتم بتجرى فيها والنظريه كالاتى
الاسطوانات درجه حرارتها عايزه تعلى بسرعه والزيت معندوش مشكله فى كده لكن لما الترموستات يكون مفتوح على طول ده بيخلى المياه تبرد الاتنين بشكل مستمر والمعدل الطبيعى اللى هو 90 بيوازن بين التلاته من غير ما يحصل مشاكل لاى حد فيهم اما بالنسبه لموضوع العربيات اللى المروحه راكبه على سير فهى ادائها بيقل جدا فى الشتاء عن تجربه انا كان معايا موتور الكرسيدا ال2000 سىسى وكانت بتغلبنى لحد ما تدينى الاداء المقبول
بدون مبالغه كنت بمشى بيها لحد الشغل على الدائرى فى الشتاء مسافه 10 كيلو ويادوب لما بوصل هناك بحس انها يادوب بدات تفوق كنت بنزل الاقى غطاء التاكيهات مش دافى حتى
بالنسبه للزيت فطرمبه الزيت بتقدر تغرق الموتور بالزيت فى خلال 60 ثانيه للعربيات القديمه واقل من 30 ثانيه فى العربيات الجديده اظن بعد سنه 2000 و ده من كتالوج الميجان 2006
وفى معلومه تانيه كنت بسمعها ان فى علاقه بالموضوع ده وجوان وش السلندر وانه ممكن يضرب وده من بق واحد صاحبى ثانوى صناعى قسم سيارات بس طبعا مقدرشى اسنده لسبب علمى

[agaty1st]

جميل ياريت لو لقيتني اتكلمت في موضوع بالخطأ ارجو منك تصحيح معلوماتي لأننا جميعا نتعلم من بعض وانا احب ذلك ان رأيتني مخطأ صححلي
حضرتك المعادن لها نسبة تمدد مع زيادة درجة الحرارة ده معني فيزيائي و لكن مش ده موضوعنا لأن كل شيء محسوب لذلك ولكن المشكلة هنا في كفاءة التزييت ده اللي بيعمل مشاكل للمحرك

و الدليل علي ذلك انا من خلال استخدامي لزيت 20w50 تجد المحرك فيه ارتجاج و صعوبة تحرك دون تسخين صباحا و السبب هو ان الزيت مازال لم يصل لدرجة حرارة التشغيل المناسبة للزيت للمحرك و و العكس عند استخدامي زيت 5w40 تجد المحرك طبيعي و هاديء و لا توجد به مشكلة في التحرك و لكن بهدوء حتي يصل لدرجة التشغيل العادية 90

الفرق بين النوعين ان الثاني تسطيع معه تشغيل المحرك عن درجة حرارة أقل من الأول
المعني من ده هو قدرة دورة التزييت بمشتملاتها علي القيام بعملها بشكل مناسب و الذي لا يحدث سوي عند درجة حرارة معينة للمحرك والزيت و ان لم يصل المحرك لهذه الدرجة عملية التزييت لن تتم بالشكل المناسب و هيحدث تأكل بين أجزاء المحرك و بعضها

توضيح بيط بس قبل أي كلام انا مقصدش ابدا التقليل من معلومات أي حد بس صدقني انا بتكلم في موضوع هوه شغلي و أكل عيشي و موضوع الزيت ده مهندسين في التوكيلات ميعرفوش عنه حاجه هما بيتبعوا تعليمات كتالوج الصيانه و بس و القصه كلها من شركه لشركه لأسباب تجاريه بحته طب خد دي مثلا انا سألت ناس زملائي كانوا لسه في دورة عن أداء الزيوت و كان المحاضر مش مصري و قالهم ان الزيت التخليقي أصلا مش معمول لمصر لأن الزيت ده محتاج جو أبرد بكتير من جو مصر و ان اي حد بيستخدمه في مصر فدي رفاهيه و ملهاش أحتياج فني ، أما عن موضوع الزيت الموصى به من المصنع(و الكلام ما زال للمحاضر) مثلا فالأساس هو درجة الزيت مش الشركه المصنعه و الشركه اللي عامله الزيت بتدفع ملايين عشان تحط أسمها على العربيه و بتحمل الفلوس دي على المنتج
و أقسم بالله ان شركات البترول المصريه هيه اللي بتعمل الزيت في مصر للشركات العالميه (ده بالنسبه للمعدني فقط أما التخليقي فمصر لا تمتلك التكنولوجيا المناسبه لأنتاجه فكله بيشتري من نفس المصدر)
و اما بالنسبه لتمدد المعادن بالحراره و انكماشها بالبروده فده موضوع لا يختلف عليه أحد و لكن بالنسبه لغرفة الاحتراق معتقدش ان الشنبر و البستم بينكمشوا او يتمددوا و ألا بقى يبقى في البرد و اثناء الانكماش العربيه هاتدخن و لما تسخن و البستم يتمدد الدخان يمنع !!!

- - - و بعدين انا بجد مش عارف و عاوز رأيك في إجابه محدده هل تري في ألغاء كوعة الميه تأثير على عمر الموتور ؟ ولا تأثير على الأداء ؟ لأني بصراحه مش مقتنع بموضوع المحرك وهو بارد يتاكل و الزيت ميوصلش لقمة ادائه لأن مهما كان المحرك بارد درجة حرارته مش هاتقل عن 50 مثلا و أقل زيت يشتغل في الظروف دي بكامل ادائه

[agaty1st]

وليه منقولشى ان المشكله مش فى الزيت ودورته قد ما المشكله هى اختلاف درجات الحراره بين الزيت والمياه والبساتم او بمعنى اصح الاسطوانات اللى البساتم بتجرى فيها والنظريه كالاتى
الاسطوانات درجه حرارتها عايزه تعلى بسرعه والزيت معندوش مشكله فى كده لكن لما الترموستات يكون مفتوح على طول ده بيخلى المياه تبرد الاتنين بشكل مستمر والمعدل الطبيعى اللى هو 90 بيوازن بين التلاته من غير ما يحصل مشاكل لاى حد فيهم اما بالنسبه لموضوع العربيات اللى المروحه راكبه على سير فهى ادائها بيقل جدا فى الشتاء عن تجربه انا كان معايا موتور الكرسيدا ال2000 سىسى وكانت بتغلبنى لحد ما تدينى الاداء المقبول
بدون مبالغه كنت بمشى بيها لحد الشغل على الدائرى فى الشتاء مسافه 10 كيلو ويادوب لما بوصل هناك بحس انها يادوب بدات تفوق كنت بنزل الاقى غطاء التاكيهات مش دافى حتى
بالنسبه للزيت فطرمبه الزيت بتقدر تغرق الموتور بالزيت فى خلال 60 ثانيه للعربيات القديمه واقل من 30 ثانيه فى العربيات الجديده اظن بعد سنه 2000 و ده من كتالوج الميجان 2006
وفى معلومه تانيه كنت بسمعها ان فى علاقه بالموضوع ده وجوان وش السلندر وانه ممكن يضرب وده من بق واحد صاحبى ثانوى صناعى قسم سيارات بس طبعا مقدرشى اسنده لسبب علمى

فعلا المشكله مش في الزيت خالص (في رأئي) و برضه العربيه المازدا اللي كانت معايا كنت ساعات بروح من أخر الهرم للمطار و المروحه مشتغلتش خالص عشان كده انا مش مقتنع ان البروده تخلي الموتور يفوت
انما أحساسي الشخصي ان البروده دي ممكن تأثر على السحب أو على استهلاك البنزين لأنك بتدوس جامد عشان العربيه تمشي

[No Comment]

انما أحساسي الشخصي ان البروده دي ممكن تأثر على السحب أو على استهلاك البنزين لأنك بتدوس جامد عشان العربيه تمشي

طيب بالنسبالى مكنشى فيه تأثير على السحب اطلاقاً بالعكس العربية كانت عاوزة تجرى وتنطلق وأعتقد مفيش تأثير على استهلاك البنزين كمان والله اعلم وبما انى متابع الموضوع ده من بعيد لبعيد ... قولت اشارككم لانى كان عندى نفس التساءل وعملتله موضوع فى قسم هوندا .

http://www.nilemotors.net/Nile/266432-a.html

[ehab_mansour]

توضيح بيط بس قبل أي كلام انا مقصدش ابدا التقليل من معلومات أي حد بس صدقني انا بتكلم في موضوع هوه شغلي و أكل عيشي و موضوع الزيت ده مهندسين في التوكيلات ميعرفوش عنه حاجه هما بيتبعوا تعليمات كتالوج الصيانه و بس و القصه كلها من شركه لشركه لأسباب تجاريه بحته طب خد دي مثلا انا سألت ناس زملائي كانوا لسه في دورة عن أداء الزيوت و كان المحاضر مش مصري و قالهم ان الزيت التخليقي أصلا مش معمول لمصر لأن الزيت ده محتاج جو أبرد بكتير من جو مصر و ان اي حد بيستخدمه في مصر فدي رفاهيه و ملهاش أحتياج فني ، أما عن موضوع الزيت الموصى به من المصنع(و الكلام ما زال للمحاضر) مثلا فالأساس هو درجة الزيت مش الشركه المصنعه و الشركه اللي عامله الزيت بتدفع ملايين عشان تحط أسمها على العربيه و بتحمل الفلوس دي على المنتج
و أقسم بالله ان شركات البترول المصريه هيه اللي بتعمل الزيت في مصر للشركات العالميه (ده بالنسبه للمعدني فقط أما التخليقي فمصر لا تمتلك التكنولوجيا المناسبه لأنتاجه فكله بيشتري من نفس المصدر)
و اما بالنسبه لتمدد المعادن بالحراره و انكماشها بالبروده فده موضوع لا يختلف عليه أحد و لكن بالنسبه لغرفة الاحتراق معتقدش ان الشنبر و البستم بينكمشوا او يتمددوا و ألا بقى يبقى في البرد و اثناء الانكماش العربيه هاتدخن و لما تسخن و البستم يتمدد الدخان يمنع !!!

- - - و بعدين انا بجد مش عارف و عاوز رأيك في إجابه محدده هل تري في ألغاء كوعة الميه تأثير على عمر الموتور ؟ ولا تأثير على الأداء ؟ لأني بصراحه مش مقتنع بموضوع المحرك وهو بارد يتاكل و الزيت ميوصلش لقمة ادائه لأن مهما كان المحرك بارد درجة حرارته مش هاتقل عن 50 مثلا و أقل زيت يشتغل في الظروف دي بكامل ادائه

علي فكرة انت فهمتني غلط انا مقلتش انك بتقلل من معلوماتي او أخدت الموضوع بشكل شخصي بل بالعكس انا مصدقت لقيت حد يفهم في موضوع معين فعايزك انت اللي تصححلي الخطأفي اللي انت تفهم فيه وانا صدري رحب جدا ولا اتضايق أبدا طالما النقاش هادف و بأدب و احترام و حضرتك قمة الاحترام

موضوع الزيت التخليقي ده رفاهية فأنا أختلف معاك ومع الفني الغير مصري اللي قال المعلومة و ده بالتجربة و الدليل (التجربة تجربتي الشخصية و الدليل هو كاتالوجات جميع مصنعي السيارات و توصياتهم باستخدام الزيوت ) ومش لازم طالما الفني أجنبي يبقي معلوماته كلها صحيحة ولا يجب مناقشته بالعكس انا بتعامل مع فنيين و مهندسين أجانب هنا في مصر و سافرت اوروبا من قبل و شايف ان اوقات بيغلطو بشده و اوقات بنفهم احنا احسن منهم مليون مرة وده ايضا بالتجربة

طالما المحرك بحالته و غير متأكل و عندما تستخدم معه زيت تخليقي لا ينقص يبقي الصح لا يجب استخدام زيوت معدنية او نصف تخليقية لأن لزوجتها و انتشارها و تركيبتها ليست الأفضل للمحركات بل الأفضل هو الزيت التخليقي طالما الحالة تسمح بذلك

بالنسبة للسؤال :- ايوه انا شايف ان عدم وجودها هيؤدي الي انخفاض في درجة حرارة المحرك و هيؤدي الي ظروف تشغيل و احتراق غير مضبوط و هيؤثر بالسلب علي المحرك مع المدي الطويل و هيقلل السحب و ده برضه بالتجربة مع سيارة احد الأصدقاء

لازم تعرف ان درجة الحرارة مهمة جدا حسب معلوماتي في :-
1- سيولة و كفاءة الزيت و دورة التزييت
2- كفاءة الاحتراق
3- كفاءة شمعات الاحتراق (البوجيهات) و التي يتم تنظيفها داخل غرفة الاحتراق باستمرار من الرواسب الكربونية التي تتراكم عليها بسبب عملية الاحتراق
وخلي بالك ان عملية التنظيف دي لا تحدث إلا في درجات حرارة معينة

[agaty1st]

طيب بالنسبالى مكنشى فيه تأثير على السحب اطلاقاً بالعكس العربية كانت عاوزة تجرى وتنطلق وأعتقد مفيش تأثير على استهلاك البنزين كمان والله اعلم وبما انى متابع الموضوع ده من بعيد لبعيد ... قولت اشارككم لانى كان عندى نفس التساءل وعملتله موضوع فى قسم هوندا .
http://www.nilemotors.net/nile/266432-a.html

انا برضه معنديش مشكله في السحب بس موضوع السحب ده أقرب التفاسير المنطقيه من وجهه نظري المتواضعه و ممكن جدا اكون غلطان
بس انا ملغتهاش عشان اعرف الفرق العربيه من اول ما اشتريتها و هيه كده
و لأني كنت راكب قبلها ياباني و مكانتش بتسخن خالص و موتورها كان طياره فانا محتار اركب الكوعه دي ولا اسيبها كده

[ehab_mansour]

وليه منقولشى ان المشكله مش فى الزيت ودورته قد ما المشكله هى اختلاف درجات الحراره بين الزيت والمياه والبساتم او بمعنى اصح الاسطوانات اللى البساتم بتجرى فيها والنظريه كالاتى
الاسطوانات درجه حرارتها عايزه تعلى بسرعه والزيت معندوش مشكله فى كده لكن لما الترموستات يكون مفتوح على طول ده بيخلى المياه تبرد الاتنين بشكل مستمر والمعدل الطبيعى اللى هو 90 بيوازن بين التلاته من غير ما يحصل مشاكل لاى حد فيهم اما بالنسبه لموضوع العربيات اللى المروحه راكبه على سير فهى ادائها بيقل جدا فى الشتاء عن تجربه انا كان معايا موتور الكرسيدا ال2000 سىسى وكانت بتغلبنى لحد ما تدينى الاداء المقبول
بدون مبالغه كنت بمشى بيها لحد الشغل على الدائرى فى الشتاء مسافه 10 كيلو ويادوب لما بوصل هناك بحس انها يادوب بدات تفوق كنت بنزل الاقى غطاء التاكيهات مش دافى حتى
بالنسبه للزيت فطرمبه الزيت بتقدر تغرق الموتور بالزيت فى خلال 60 ثانيه للعربيات القديمه واقل من 30 ثانيه فى العربيات الجديده اظن بعد سنه 2000 و ده من كتالوج الميجان 2006
وفى معلومه تانيه كنت بسمعها ان فى علاقه بالموضوع ده وجوان وش السلندر وانه ممكن يضرب وده من بق واحد صاحبى ثانوى صناعى قسم سيارات بس طبعا مقدرشى اسنده لسبب علمى

كلام زي الفل و عايز بس أوضح ان المحركات اللي عليها مروحة شغالة معاها باستمرار ده اختراع مصري لأني شفته من قبل في عربيات فيات كتير و لكنها نازلة من مصنعها بدورة تبريد و ثرموستات فصل و تشغيل طبيعي زي العربيات الحديثة و لكن الصنايعية بيفهمو اكتر و بيلغو كل ده و يحطلك مروحة علي صدر الموتور

[agaty1st]

كلام زي الفل و عايز بس أوضح ان المحركات اللي عليها مروحة شغالة معاها باستمرار ده اختراع مصري لأني شفته من قبل في عربيات فيات كتير و لكنها نازلة من مصنعها بدورة تبريد و ثرموستات فصل و تشغيل طبيعي زي العربيات الحديثة و لكن الصنايعية بيفهمو اكتر و بيلغو كل ده و يحطلك مروحة علي صدر الموتور

لا يا أيهاب باشا ستوب
البيجو 504 و 505 و مرسيدس 200 و بعض البي أم و ال 131 و ال 132 ال 1600 و 1800 دول كلهم مروحه على سير مع طنبورة الكرنك ستوك بدون اي تعديل

[Ahmed_Gallant]

كلام زي الفل و عايز بس أوضح ان المحركات اللي عليها مروحة شغالة معاها باستمرار ده اختراع مصري لأني شفته من قبل في عربيات فيات كتير و لكنها نازلة من مصنعها بدورة تبريد و ثرموستات فصل و تشغيل طبيعي زي العربيات الحديثة و لكن الصنايعية بيفهمو اكتر و بيلغو كل ده و يحطلك مروحة علي صدر الموتور

معنى مروحه على صدر الموتور لوحده ده مش هيعمل حاجه لو الترموستات اللى بيقفل الدوره موجود لان الموتور هيحتفظ بدرجه حرارته مع الجرى ومش هيفتح غير لما درجه الحراره تعلى عن كده وطبعا لو الترموستات موجود والمروحه شغاله على طول معنى كده انك هتخرج مياه درجه حرارتها 100 او 120 وهيخش مكانها مياه درجه حرارتها تقريبا 25 فى الصيف واقل من 10 فى الشتاء وده اكيد هيبوظ جوان وش السلندر واللى كان عندى مكان المروحه مش مطبوخ لا شغل فبريكه ومعمول حسابه ده غير ان فى سير تانى كان راكب من خلال المروحه يعنى المروحه وسيط بينهم والعربيه مافيهاش ترموستات من الاساس والدوره كلها بتبقى درجه حرارتها تقريبا واحده لانى فتحت الردياتير وهى سخنه ولقيت ان المياه بتلف على طول ومكنشى فى اى ضغط لما فتحت الغطا
بس انا كتبت فى انطباعى عن الابيزا انا العربيه دى مش بتديك اللى انت عايزه غير وعداد الحراره فى النص وانا كان عندى الترموستات ده وباظ وكان المفروض اجيب واحد غيره نظرا لظروف البرد اللى احنا فيه بس ماشى من غيره ولما بجرى بالعربيه الاداء بيقل بنسبه 30% ولما كنت بجرب بيها مشيت بيها على طريق مقفول عشان العربيه متبردشى من الجرى وكانت النتيجه ممتازه والمروحه اشتغلت اكتر من مره بس بعد حرق شديد على العربيه

[SYD]

فعلا انا معاك في موضوع المرسيدس ال200 والبيجو 504 مروحتهم طوالي مع الكاتينة

بس انت بتتكلم في عربيات احدث واحدة انتاج 81 سواء المرسيدس او البيجو او الفيات وان كنت اشك في الفيات بالذات لأني كنت راكب اكتر من فيات سواء 28 او 32 او لادا موديل 83

الدنيا بتطور واعتقد حضرتك ملاحظ الموضوع دة

ولا مانع ان يكون في مصنع كان بيعمل حاجة غلط وبعد كدة صلحها بدليل ان المرسيدس 2012 اكيد مش نازلة مروحتها دريك او البيجو 405 حتي او الفيات بونتو

انا قريت الموضوع بتاع no comment في قسم هوندا ولقيتهم بيقولوا نفس كلامنا بالظبط

ليه حضرتك ممانع ومازلت متمسك برأيك
مش علشان عربية حضرتك القديمة كانت من غير كوع او كانت بتبرد وهي ماشية وماحستش بمشكلة يبقي لازم كل العربيات هي كمان تمشي زيها

معروف ان الياباني درجة حرارته قليلة ودة بسبب ان شرق اسيا درجة حرارة الجو مرتفعة زي عندنا في مصر ولذلك مفضلة جدا في الخليج اكتر من الألماني

معروف ان العربيات الأوروبي درجة حرارة تشغيلها اعلي لأن جو اوروبا بارد او قاسي البرودة كمان
انا مرة شوفت فيديو علي اليوتيوب جايب عربية اوبل فيكترا الثلج مغطيها تماما وبردو دارت عادي جدا

انا تجربتي الشخصية كانت مع عربيتي اللادا الي قبل السيات ابيزا

كان فيها كوعة زي باقي العربية الي في الدنيا روحت انا شايل الكوعة مغيرها وجيبت واحدة من غير ثرموستات وكانت النتيجة
لما بكون مسافر بلاقي الموتور بيتنفض من الببرد والله كأنه بيترعش زي البني ادم واحيانا كانت تبطل مني لما اهدي عند مطب ولا حاجة
وكنت لازم اركن واسيبها تسخن شوية وطبعا اول لما بطلع بيها مفيش 5 دقايق والا قيها بقت تلاجة
بالظبط 3 سنين والموتور ودعني وبقي بياكل زيت

مثال أخر

ليه في مؤشر الحرارة بيعمل 3 الوان ؟؟؟؟؟؟ ابيض اخضر أحمر ؟؟؟؟
ابيض يعني بارد
اخضر يعني ملائم
احمر يعني خطر

بغض النظر ان عربياتنا مفيهاش الثلاث الوان ولكن في بعض العربيات بيكون موجود هذه الألوان

انا مش بتكلم ولا كلمة علمية او ليها اساس من العلم
انا مجرد بنقل تجربة
بفسر بعض المعاني

بعيد تماما عن تخصص حضرتك في الزيوت
بعيد تماما عن خصائص المعادن والسبيكة

تقبل مروري

ولكم منا وافر التحية

والله المستعان
،
،

[agaty1st]

بس انا كتبت فى انطباعى عن الابيزا انا العربيه دى مش بتديك اللى انت عايزه غير وعداد الحراره فى النص وانا كان عندى الترموستات ده وباظ وكان المفروض اجيب واحد غيره نظرا لظروف البرد اللى احنا فيه بس ماشى من غيره ولما بجرى بالعربيه الاداء بيقل بنسبه 30% ولما كنت بجرب بيها مشيت بيها على طريق مقفول عشان العربيه متبردشى من الجرى وكانت النتيجه ممتازه والمروحه اشتغلت اكتر من مره بس بعد حرق شديد على العربيه[/quote]
يا باشا انتا كدا جبت الزتونه
و هو ده اللي انا بقصده ان فقد حرارة المحرك ممكن يأثر على السحب في الأبيزا و حين انه مبيأثرش على الياباني مثلا انما انا مكنتش متأكد و برضه محدش جاب دليل قاطع على أن عدم وجود الكوعه دي يفوت الموتور
و انا ميال برضه لكلامك ده لسبب تاني وهو ان تحت الكربراتير داخل المنافول دي صوابع كده عامله زى الشوك و دي عباره عن سخان و له فيشه كهربا بتسخن البنزين المخلوط بالهوا قبل وصوله للموتور

[agaty1st]

فعلا انا معاك في موضوع المرسيدس ال200 والبيجو 504 مروحتهم طوالي مع الكاتينة

بس انت بتتكلم في عربيات احدث واحدة انتاج 81 سواء المرسيدس او البيجو او الفيات وان كنت اشك في الفيات بالذات لأني كنت راكب اكتر من فيات سواء 28 او 32 او لادا موديل 83

الدنيا بتطور واعتقد حضرتك ملاحظ الموضوع دة

ولا مانع ان يكون في مصنع كان بيعمل حاجة غلط وبعد كدة صلحها بدليل ان المرسيدس 2012 اكيد مش نازلة مروحتها دريك او البيجو 405 حتي او الفيات بونتو

انا قريت الموضوع بتاع no comment في قسم هوندا ولقيتهم بيقولوا نفس كلامنا بالظبط

ليه حضرتك ممانع ومازلت متمسك برأيك
مش علشان عربية حضرتك القديمة كانت من غير كوع او كانت بتبرد وهي ماشية وماحستش بمشكلة يبقي لازم كل العربيات هي كمان تمشي زيها

معروف ان الياباني درجة حرارته قليلة ودة بسبب ان شرق اسيا درجة حرارة الجو مرتفعة زي عندنا في مصر ولذلك مفضلة جدا في الخليج اكتر من الألماني

معروف ان العربيات الأوروبي درجة حرارة تشغيلها اعلي لأن جو اوروبا بارد او قاسي البرودة كمان
انا مرة شوفت فيديو علي اليوتيوب جايب عربية اوبل فيكترا الثلج مغطيها تماما وبردو دارت عادي جدا

انا تجربتي الشخصية كانت مع عربيتي اللادا الي قبل السيات ابيزا

كان فيها كوعة زي باقي العربية الي في الدنيا روحت انا شايل الكوعة مغيرها وجيبت واحدة من غير ثرموستات وكانت النتيجة
لما بكون مسافر بلاقي الموتور بيتنفض من الببرد والله كأنه بيترعش زي البني ادم واحيانا كانت تبطل مني لما اهدي عند مطب ولا حاجة
وكنت لازم اركن واسيبها تسخن شوية وطبعا اول لما بطلع بيها مفيش 5 دقايق والا قيها بقت تلاجة
بالظبط 3 سنين والموتور ودعني وبقي بياكل زيت

مثال أخر

ليه في مؤشر الحرارة بيعمل 3 الوان ؟؟؟؟؟؟ ابيض اخضر أحمر ؟؟؟؟
ابيض يعني بارد
اخضر يعني ملائم
احمر يعني خطر

بغض النظر ان عربياتنا مفيهاش الثلاث الوان ولكن في بعض العربيات بيكون موجود هذه الألوان

انا مش بتكلم ولا كلمة علمية او ليها اساس من العلم
انا مجرد بنقل تجربة
بفسر بعض المعاني

بعيد تماما عن تخصص حضرتك في الزيوت
بعيد تماما عن خصائص المعادن والسبيكة

تقبل مروري

ولكم منا وافر التحية

والله المستعان
،
،

أستاذ سيد هو لما نكون بنتناقش و تقول رايك في موضوع و أقول انا مش مقتنع بيه دي حاجه تزعلك ؟ و تخليك تكتب كلام شديد اللهجه بالشكل ده ؟
1- موضوع الزيوت ده مش هوه اساس الموضوع لكن الكلام جاب بعضه و انا كلامي في الموضوع ده مبني أساس معامل و مستودعات دخلتها و اختبارات للزيت شفتها بعنيا و أضافات عارف بتيجي منين و حصص لشركات أجنبيه داخل مصر بتشتريها من شركات مصريه لما قولت كده مكنتش بألف و مستعد أوريك الكلام ده بعينيك
2- انا كل مشاركتي في الموضوع ده أستفسار عن مدى أهمية الكوعه عشان هيه مش موجوده عندي ولو كانت مهمه للدرجه دي أركبها لكن كلامك عن ان الموتور وهو بارد يتاكل انا مختلف معاك فيه و دي حاجه متزعلش
3- مين اللي قال ان عشان عربيتي القديمه كده يبقى كل العربيات لازم تبقى زيها - انا بديك مثال ان لو كان برودة المحرك تخليه يتاكل كان يبقى مبدأ على كل المحركات و لكن بدرجات حراره مختلفه زي كده مايكزن كل موتور و ليه زيت مناسب ليه
4- انا أؤكدلك ان ال 132 1600 و ال 1800 مروحتهم أما ال2000 لأ عشان طنبورة الكرنك فيها شفه زياده عشان طرمبة الباور و ال128 و الريتمو و الريجات مينفعش لأن الموتور بالعرض !
5- أينعم الدنيا بتتطور لكن حتى الأن في عربيات مروحتها درك مش على ترموستات و التطور مش معناه ان مرسيدس و بيجو مثلا كانوا بيعملوا حاجات غلط و بعدين عرفوا الصح بدليل ان المحركات بتاعت زمان دي كانت بتتحمل اكتر من دلوقتي
6- الكوعه دي كل الميكانيكيه في مصر معظمهم بيشيلوها على طول حتى الأن و دي معلومه معروفه للجميع ، فهل كل العربيات بتفوت بسبب كده ؟
و السلام

[SYD]

أستاذ سيد هو لما نكون بنتناقش و تقول رايك في موضوع و أقول انا مش مقتنع بيه دي حاجه تزعلك ؟ و تخليك تكتب كلام شديد اللهجه بالشكل ده ؟
1- موضوع الزيوت ده مش هوه اساس الموضوع لكن الكلام جاب بعضه و انا كلامي في الموضوع ده مبني أساس معامل و مستودعات دخلتها و اختبارات للزيت شفتها بعنيا و أضافات عارف بتيجي منين و حصص لشركات أجنبيه داخل مصر بتشتريها من شركات مصريه لما قولت كده مكنتش بألف و مستعد أوريك الكلام ده بعينيك
2- انا كل مشاركتي في الموضوع ده أستفسار عن مدى أهمية الكوعه عشان هيه مش موجوده عندي ولو كانت مهمه للدرجه دي أركبها لكن كلامك عن ان الموتور وهو بارد يتاكل انا مختلف معاك فيه و دي حاجه متزعلش
3- مين اللي قال ان عشان عربيتي القديمه كده يبقى كل العربيات لازم تبقى زيها - انا بديك مثال ان لو كان برودة المحرك تخليه يتاكل كان يبقى مبدأ على كل المحركات و لكن بدرجات حراره مختلفه زي كده مايكزن كل موتور و ليه زيت مناسب ليه
4- انا أؤكدلك ان ال 132 1600 و ال 1800 مروحتهم أما ال2000 لأ عشان طنبورة الكرنك فيها شفه زياده عشان طرمبة الباور و ال128 و الريتمو و الريجات مينفعش لأن الموتور بالعرض !
5- أينعم الدنيا بتتطور لكن حتى الأن في عربيات مروحتها درك مش على ترموستات و التطور مش معناه ان مرسيدس و بيجو مثلا كانوا بيعملوا حاجات غلط و بعدين عرفوا الصح بدليل ان المحركات بتاعت زمان دي كانت بتتحمل اكتر من دلوقتي
6- الكوعه دي كل الميكانيكيه في مصر معظمهم بيشيلوها على طول حتى الأن و دي معلومه معروفه للجميع ، فهل كل العربيات بتفوت بسبب كده ؟
و السلام

انا ماكملتش قراية علي فكرة

انا فورا رديت اول لما لقيت كلام شديد اللهجة

ابدا والله

انا بكلمك بمنتهي الهدوء وماقصدش ابدا شديد اللهجة دي خالص

انا مجرد بقولك ملاحظات وتجربة وماقصدش خالص اي حاجة جت في بالك

هكمل الرد بتاعك وبعدها ارد

[agaty1st]

انا ماكملتش قراية علي فكرة

انا فورا رديت اول لما لقيت كلام شديد اللهجة

ابدا والله

انا بكلمك بمنتهي الهدوء وماقصدش ابدا شديد اللهجة دي خالص

انا مجرد بقولك ملاحظات وتجربة وماقصدش خالص اي حاجة جت في بالك

هكمل الرد بتاعك وبعدها ارد

ماشي يا كبير و تأكد اني مقصدش اقلل من كلامك خالص ده بس اختلاف في وجهات النظر

[SYD]

أستاذ سيد هو لما نكون بنتناقش و تقول رايك في موضوع و أقول انا مش مقتنع بيه دي حاجه تزعلك ؟ و تخليك تكتب كلام شديد اللهجه بالشكل ده ؟

طبعا مفيش حاجة تزعل، عادي
انا مش فرديناند بورشة ولا انا مخترع، انا مستخدم عادي زيي زيك ويمكن خبرتي أقل منك كمان

1- موضوع الزيوت ده مش هوه اساس الموضوع لكن الكلام جاب بعضه و انا كلامي في الموضوع ده مبني أساس معامل و مستودعات دخلتها و اختبارات للزيت شفتها بعنيا و أضافات عارف بتيجي منين و حصص لشركات أجنبيه داخل مصر بتشتريها من شركات مصريه لما قولت كده مكنتش بألف و مستعد أوريك الكلام ده بعينيك

انا مصدقك من غير ماتوريني بعينيا
وشوفت اكتر من موضوع هنا في المنتدي بيتكلموا عن مصدر الزيوت التخليقية والمعدنية

2- انا كل مشاركتي في الموضوع ده أستفسار عن مدى أهمية الكوعه عشان هيه مش موجوده عندي ولو كانت مهمه للدرجه دي أركبها لكن كلامك عن ان الموتور وهو بارد يتاكل انا مختلف معاك فيه و دي حاجه متزعلش

لا يا باشا مش زعلان
ولو الكوعة مضيقاك اوي انا ممكن اشيلها من عربيتي انا كمان عشان اثبتلك اني مش زعلان من كلامك

3- مين اللي قال ان عشان عربيتي القديمه كده يبقى كل العربيات لازم تبقى زيها - انا بديك مثال ان لو كان برودة المحرك تخليه يتاكل كان يبقى مبدأ على كل المحركات و لكن بدرجات حراره مختلفه زي كده مايكزن كل موتور و ليه زيت مناسب ليه



4- انا أؤكدلك ان ال 132 1600 و ال 1800 مروحتهم أما ال2000 لأ عشان طنبورة الكرنك فيها شفه زياده عشان طرمبة الباور و ال128 و الريتمو و الريجات مينفعش لأن الموتور بالعرض !

فاتتني حتة ال128 ان موتورها بالعرض

5- أينعم الدنيا بتتطور لكن حتى الأن في عربيات مروحتها درك مش على ترموستات و التطور مش معناه ان مرسيدس و بيجو مثلا كانوا بيعملوا حاجات غلط و بعدين عرفوا الصح بدليل ان المحركات بتاعت زمان دي كانت بتتحمل اكتر من دلوقتي

مجرب والله المرسيدس ال200 وعارف انت تقصد ايه

6- الكوعه دي كل الميكانيكيه في مصر معظمهم بيشيلوها على طول حتى الأن و دي معلومه معروفه للجميع ، فهل كل العربيات بتفوت بسبب كده ؟
و السلام

يا باشا انا والله مش زعلان ولا قاصد ازعلك

انا كنت بتناقش معاك زيي زي غيري ماعرفش انت قفشت علي كلامي انا ليه مع انك كنت مؤيد ومرحب لرأي الغير

حقك عليا ومش هتكلم تاني في الموضوع دة

تقبل مرور ضيف غير مدعو

والله المستعان
،
،