معلش عايز اي حد معاه ابيزا 94-2000 يشارك

[ser3a]

معلش يا جماعه هتعبكو
بس انا العربيه دي عمالالي قالو هههههههه
بعشقها بجد
انا بعت الكريستاله و كان فيها موتور 1500 توين كام
كان موتور جبار
و طبعا ثباتها مش هتكلم عليه
المهم مش هطول عليكو
دلوقتي انا عايز اجيب عربيه
و كل م اقارن الابيزا مع حاجه بتشد ليها
ف ياريت لو هجيب عربيه ابيزا كامله مانوال و يفضل 1400
اخبار التسارع و الباور و التكيف ايه
و هي فعلا عفشتها ضعيفه ؟؟؟؟
و لو جبت 1300 و سقط موتور الاسعار كام للعربيه
اهم حاجه تكون فبريقه جوه و حتي لو عايزه رش بره مش مهم
منتظر الماركات و لراي العام في العربيه

[Ahmed_Gallant]

http://www.nilemotors.net/Nile/265249-1-4-a.html

اقرا الموضوع ده اظن هيفيدك وهيعرفك على العربيه اكتر
بس انا حاسس انك كده نزلت لتحت لان الكرستاله اعلى وتقريبا مقاربه للابيزا موديل 2002
لازم تلاحظ فرق بين اليابانى والالمانى اولها ان اليابانى ناعم بزياده فى كل حاجه وان عدد لفات الطاره فى الالمانى اقل وطبعا اسعار قطع الغيار اعلى فى الالمانى يقابلها طبعا عمر طويل لهذه القطعه
اليابانى مفيش كلام عليه بس الالمانى ليه قوه غريبه مينفعشى تحكم عليه غير لما تجربه
ممكن تشرفنا فى المقابله وبكده اكيد هتستفاد لاننا كلنا معانا ابيزا باختلاف الموديلات

http://www.nilemotors.net/Nile/266099-a.html

ارجو انى اكون افدت

[SYD]

العربية الأبيزا بالموتور ال1400 اداءاها الله اكبر عليه فعلا حلو
تسارع جميل مش طبعا زي الياباني ولكن افضل من عربيات كتير
انا شخصيا بعربيتي الأبيزا طالع من لانسر بومة ونيو اكسنت
وطبعا من غير ما أقول كل ماهو سبارك وi10 وسبرانزا بيتردموا ورايا

بالنسبة للباور في الأبيزا مش ناعم وخفيف زي الياباني ولكنه ارحم شوية من عدمه
التكييف بردو علي قده انا طبعا ماشغلتوش في ال1400 بس هو معروف ان تكييف الأبيزا ضعيف ولا يقارن بردو بالياباني

عموما هي عربية تتحب لو ركبتها حتي لو بالتي هي ايه وفيها عبر الدنيا بس بردو هتحبها لو ركبتها

بالنسبة للأسعار
ابيزا 99 عليها مكنة 1400 بتعمل في حدود من 33 لحد 36 حسب الحالة والكماليات
ابييزا 94 عليها مكنة 1400 بتعمل في حدود من 30 لحد 32 حسب الحالة والكماليات

ابيزا 99 عليها مكنة 1000 بتعمل في حدود من 33 لحد 36 حسب الحالة والكماليات
ابيزا 94 عليها مكنة 1300 بتعمل في حدود من 28 لحد 32 حسب الحالة والكماليات

الأسعار متقاربة جدا لأن الفارق الحقيقي في الحالة والكماليات ولكن بوجه عام ماتدفعش اكتر من 32 في عربية 94 ولا اكتر من 36 في عربية 99 ولو هتدفع اكتر يبقي اركب موديل 2000 و 2001

والله المستعان
،
،

[alzelafy]

كلام مظبوط ميه فى الميه وركز اوى على الحاله و مش مهم الموديل و لا الفلوس

[ser3a]

مشكوووووووووووووور لكل الناس
و ينفع بقي التكيف يتعدل ياباني ؟
و حد جرب ددي ؟
و بكام ؟

[ehab_mansour]

مشكوووووووووووووور لكل الناس
و ينفع بقي التكيف يتعدل ياباني ؟
و حد جرب ددي ؟
و بكام ؟

انا مع كل اللي ناس قالوه و لكن اختلف معاهم في موضوع التكييف لأنها سمعه واخدينها علي الاوروبي و بس

انا شخصيا لما اشتريت عربيتي اللي معايا دلوقتي كان التكييف ضعيف نوعا ما ولكن قلت أكيد هو ده كده زي ما الناس بتقول انه تكييف الأوروبي ضعيف و مشيت بيها فترة لحد ما الصيف دخل قوي لقيته زي عدمه و اخويا معاه لانوس و كل الناس بتقول ان تكييفها رائع المهم قلي تعالي نكشف علي الفريون و نشحنها لأني شاريها جديد و معرفش مشحونه صح ولا لأ المهم شحنته و بسم الله ماشاء الله اكثر من رائع و أفضل من تكييف اللانوس و النوبيرا و الاسبرانزا
المهم انه مظبط العربية تماما في عز الحر وفي الزحمه و غيرها و في السفر مبقدرش انزله لأقل درجه فيه و بيوصل لدرجة حراره 18 في وقت قليل و بيخليها ثلاجه لدرجة اني بضطر اخلي المروحة علي 1 في السفر (المروحة عندي 6 سرعات)

للأمانه انا عربيتي التكييف فيها ديجيتال و الكمبوريسور 7 بستون يعني أكبر من كمبوريسور الابيزا اللي هو 5 بستون فاحتمال يكون ده الفرق (المقارنة هنا بين كوردوبا 2002 و ابيزا 2000)

وربنا يوفقك لما فيه الخير

[ser3a]

طمنتني و الله
انا بتكلم كمان عن التعديل دي مهمه اوي ولا ايه رايك
لو يركب بتاع تويتا او لانسر

[ser3a]

http://www.nilemotors.net/nile/265249-1-4-a.html
اقرا الموضوع ده اظن هيفيدك وهيعرفك على العربيه اكتر
بس انا حاسس انك كده نزلت لتحت لان الكرستاله اعلى وتقريبا مقاربه للابيزا موديل 2002
لازم تلاحظ فرق بين اليابانى والالمانى اولها ان اليابانى ناعم بزياده فى كل حاجه وان عدد لفات الطاره فى الالمانى اقل وطبعا اسعار قطع الغيار اعلى فى الالمانى يقابلها طبعا عمر طويل لهذه القطعه
اليابانى مفيش كلام عليه بس الالمانى ليه قوه غريبه مينفعشى تحكم عليه غير لما تجربه
ممكن تشرفنا فى المقابله وبكده اكيد هتستفاد لاننا كلنا معانا ابيزا باختلاف الموديلات

http://www.nilemotors.net/nile/266099-a.html

ارجو انى اكون افدت

انا طبعا اكيد بنزل
بس انا بعت لظروف و الحمدلله علي كل حاجه
انا بالنبالي النعومه مش الفرق اللي يتعبني اوي
انا اهم حاجه الاداء (هسقط لو مش 1400 ) التكيف الراحه
بس ربنا يكرم ان شاء الله و اظبط

[SYD]

انا مع كل اللي ناس قالوه و لكن اختلف معاهم في موضوع التكييف لأنها سمعه واخدينها علي الاوروبي و بس

انا شخصيا لما اشتريت عربيتي اللي معايا دلوقتي كان التكييف ضعيف نوعا ما ولكن قلت أكيد هو ده كده زي ما الناس بتقول انه تكييف الأوروبي ضعيف و مشيت بيها فترة لحد ما الصيف دخل قوي لقيته زي عدمه و اخويا معاه لانوس و كل الناس بتقول ان تكييفها رائع المهم قلي تعالي نكشف علي الفريون و نشحنها لأني شاريها جديد و معرفش مشحونه صح ولا لأ المهم شحنته و بسم الله ماشاء الله اكثر من رائع و أفضل من تكييف اللانوس و النوبيرا و الاسبرانزا
المهم انه مظبط العربية تماما في عز الحر وفي الزحمه و غيرها و في السفر مبقدرش انزله لأقل درجه فيه و بيوصل لدرجة حراره 18 في وقت قليل و بيخليها ثلاجه لدرجة اني بضطر اخلي المروحة علي 1 في السفر (المروحة عندي 6 سرعات)

للأمانه انا عربيتي التكييف فيها ديجيتال و الكمبوريسور 7 بستون يعني أكبر من كمبوريسور الابيزا اللي هو 5 بستون فاحتمال يكون ده الفرق (المقارنة هنا بين كوردوبا 2002 و ابيزا 2000)

وربنا يوفقك لما فيه الخير

كلام حضرتك مظبوط 100% يا باشمهندس وانا شخصيا جربت تكييف عربيتك وكان ماشاء الله عليه
بس انا كمان عندي التكييف كان ضعيف وحضرتك شوفته بنفسك لو تفتكر

وعموما مش كل الأوروبي كدة
بدليل البيجو 405 و 406
الأوبل فيكترا 96-2008 تكييفها ثلاجة بمعني الكلمة

لكن احنا بنتكلم علي مستوي ابيزا 94-99 تكييفها لو مظبوط 100% هيبقي حلو ولكن في ايام اغسطس الشديدة الحرارة التكييف ضعيف مقارنة بالكرستالة

والله المستعان
،
،

[ser3a]

طيب يا سيد مش هو ينفع يتعدل ولا ايه رايك؟
ده الناس بتحط في البي ام ياباني دلوقتي