السيات عربية اعتمادية جدا - الجزء التاني من موضوع طرمبة البنزين بعافية

[SYD]

معلش يا جماعة انا تعبتكم معايا
بس دة عشمي فيكم
كل بصراحة الي شاركوني في الموضوع السابق http://www.nilemotors.net/Nile/267484-a.html استفدت منهم كتير وبجد هما علي دراية وخبرة الحمد لله احسن مني بكتير

أنا شوفت اني أعمل موضوع منفصل عن الموضوع الأولاني لأنه بصراحة خرج عن نطاق طرمبة البنزين واحتوي علي نقاط اخري كتير
وبالنسبة لل مش متابع معايا من الأول معلش يتعب شوية ويقرا الموضوعات التالية (فيها تفاصيل اكتر)

http://www.nilemotors.net/Nile/260326-a.html

http://www.nilemotors.net/Nile/264984-a.html

http://www.nilemotors.net/Nile/257861-a.html#post3873959549

http://www.nilemotors.net/Nile/257861-a.html#post3873970850

انا هقولكم علي شوية حاجات في دماغي و عايز أرائكم فيها

1- العربية عندي قعدت ما يزيد عن الشهرين ونص بتتصلح ما بين سمكري و كهربائي وميكانيكي (واحد طبعا غير عصام) وانا ذكرت كدة في موضوع حكايتي مع الأبيزا - مش دة المهم دلوقتي
المهم هنا ان العربية قعدت الفترة دي من غير موتور وكل الخراطيم والمواسير كانت مش متغطية ولما سقطت الموتور بتاعها (ال1000 سي سي الأستوك بتاعها) كان التانك فاضي تماما وروحت بيها عند الكهربائي وجبت بنزين في جركن 4 لتر (جركن زيت قديم وقذر وماكنش بغطا) ولما دورتها عند الكهربائي روحت عند الميكانيكي (هو نفسه الي أجهض قصدي سقط الموتور) يكمل عك قصدي تصليح وروحت جبت جركن تاني اقذر من الأولاني ورجعت حطيت 10 لتر 92 من المحطة زي البني أدمين

2- لما الموتور الأستوك (ال1000 سي سي) ودع وسقطت المكنة ال1400
المهم يعني لما كنت في مرحلة الشكوي من الفيش والحساسات والكلام دة
واحنا بنفك الرشاشات لقيت الرشاشات الي طالعة منها بدل ما يبقي لون الصمام بتاع الرشاش اصفر دهبي كان لونه بني مسود غامق والأربع اخرام بتوع الرشاش مسدودين وعليهم زي الطينة او اوساخ في شكل حبيبات
أضطريت اغيرهم برشاشات تانية كانت عندي من الأول (اصل اول لما اشتريت العربية غيرت رشاشات واحتفظت بالقدام واهو الرشاش الأبيض ينفع في اليوم الأسود)

3- البوجيهات الي راكبة حاليا بوجيهات كنت بس بدور بيهم العربية بعد مشاكل الفيش والعك بتاع الضفيرة وكان المفروض اغيرهم بس الصراحة انا عامل فيها فهمي وماغيرتهمش لحد دلوقتي والبوجيهات دي عصام جابهملي من الورشة عنده (بوجيهات خلع وكانت مرمية عنده)
المهم ان الأربع بوجيهات مشكلين 3 شمعة علي 1 شمعة NGK علي بوش علي بوسنة علي هرسك علي دنسو ياباني علي الماني علي انجليزي علي روسي (الأمم المتحدة كلها في الموتور ويمكن كمان الأتحاد الأوروبي)

المهم

انا شكوكي كلها منحصرة في التالي

أ- التنك متوسخ وعمال يرمي طينة علي الرشاشات بيسدها
لأني سامع صوت الطرمبة شغالة كويس والحمد لله
انا شاكك اما في وساخة بتسد المصفاة بتاعة الطرمبة بتخليها مش عارفة تسحب
او الوساخة بتسد الرشاشات بتخليها تتكتم ماتوصلش بنزين للبوجيهات

ب- البوجيهات نفسها تكون بتقطع لأن اكيد الي غير البوجيه ورماه عند الميكانيكي اكيد مش منتظر منه انه يشتغل واكيد من كتر الرمية مرطب وبايظ

ج- يكون في لووز Lose في اي فيشة او حساس او ماشابه (بس دة مستبعد شوية وهخليه اخر احتمال لأني المفروض اني مغير ضفيرة)
الي خلاني بقول كدة اني ماشتكتش من الطرمبة غير لما بعد ما غيرت الضفيرة


انا كدة تقريبا خلصت كلام

ارجوكم يا جماعة تساعدوني
انا مش عايز ارمي اي مليم في الأرض
انا شبعت مصاريف من شهر 8 الي فات لحد دلوقتي صارف اقسم بالله مايزيد عن ال10,000 جنيه واساسا كان تمن العربية لسة مابردش ومش عارف اركب العربية يومين علي بعض

فعلا السيات عربية اعتمادية جدا
بتعلمك الأعتماد علي النفس بعيد تماما عن استخدامك ليها

الذ حاجة في الموضوع نسيت اقولكم عليها
انها لما بتعملها معايا بسيبها 3 او 4 ساعات وباجي ادور بدور عادي ولا كأن في حاجة
عملتها معايا لحد دلوقتي 3 مرات
اول مرة يوم الخميس الي فات 12-1-2012
تاني مرة يوم الخميس بردو 19-1-2012
تالت مرة يوم الجمعة 20-1-2012

وفي ال3 مرات بسيبها شوية وادور بدور
اول مرة لما خبطت علي الطرمبة اشتغلت
تاني مرة بخبط مافتحتش قصدي ماشتغلتش وسيبتها 8 ساعات وروحت الشغل ورجعت بدور دارت
ثالث مرة (كنت اتعلمت بقي) سيبتها 4 ساعات وبدور دارت

ملحوظة:
طوول ما العربية ماشية ودايرة مش بتقطع مني
بتقطع بس لما ابطلها واجي ادور تاني

ملحوظة تانية:
مش بتعملها مني تحت البيت
لا ،بتسيبني اخرج وابعد عن البيت وتعملها (عشان احتاس واتشحطط واركب مواصلات وافضل اتصل بأخويا الكبير واتعبه معايا ويجيلي وفي الأخر تدور وأتأسفله اني تعبته علي الفاضي) في تاني مرة فضل مستنيني ساعتين ونص في الشارع في عز البرد جمب العربية مكان ما عطلت خايف عليها تتسرق ولقيته جايب معاه واحد صاحبنا معاه فورد مونديو وجايبين سلبة (حبل غليظ) وكانوا عاملين حسابهم علي انهم يقطروني

والله المستعان
،
،

[SYD]

تفتكروا الموضوع دة ليه علاقة بيا ؟؟؟؟؟

السلام عليكم ورحمة الله وبركاته
يا شباب انا عربيتى 94 عليها موتور 1800 بى بى انجكشن المفروض انى لما افتح الكونتاك بتضخ بنزين و تقف مشكلتى بقا ان الطرمبة بتشتغل على طول و البوجية بيغرق بنزين فا العربية ما بتدورش موش عارف من اية حد شاف كدا قبل كدا يقولى ارجوكو و رشاد ربنا يكرمة بيفتح الساعة 12 و مابعرفش اروحلة على شان الشغل عايز يوم اجازة لو حد فابلتة المشكلة دى يقولى على الحل بحيس اروح لاى كهربائى اقولة يعملها
و اسف على الاطالة .
و شكراَ للاهتمام

بسم الله الرحمن الرحيم
الحمد لله يا شباب طلع كتاوت الطرمبة بايظ و غيرتة الحمد لله

[ehab_mansour]

باختصار شديد عايزك تمشي معايا واحده واحده ولو حد شاركنا يبقي عمل فينا خير و ساعدنا
1- عشان تنهي موضوع الطرمبة تماما حضرتك كل ميحصل معاك المشكلة دي دور علي المشكلة فين بالضبط
أولا شيل أفيز خرطوم البنزين من عند المحرك و افتح كونتاكت للحظه و ياريت لو حد يفتحلك وانت تمسك الخرطوم عشان تشوف هل البنزين واصل ولا لأ عن المحرك لو واصل يبقي انسي الطرمبه تماما ولو مش واصل تبقي هي المشكلة
ثانيا لو البنزين واصل حضرتك تراجع تماما علي الكهرباء بتاعت العربية (الموبينه + الأسبراتير + البوجيهات)تتأكد ان فيه كهرباء واصلة البوجيهات وانها مافيهاش مشكلة و تأكد تماما تماما ان البوجيهات مهما كانت ضايعه مستحيل تخلي العربية متدورش لأن المحرك لو طبيعي دون مشاكل ممكن يدور علي 2 بوجيه و لكن هيهرتل و لكن هيدور المهم انسي قصة البوجيهات دلوقتي اهم شيء يكون واصلها كهرباء
ثالثا لو السببين اللي فاتو مافيهمش مشكلة نهائيا يبقي هتخش في المرحلة الثالثة و هي الرشاشات و دي من اهم أسباب ان العربية هتبقي دايرة طبيعي ولما تبطلها متدورش و السبب ان الرشاش بيسقط بنزين زيادة ف غرفة الاحتراق وقت متبطل العربية و لما تحاول تدورها مش هتدور لأنها مخنوقة بس المفروض تدور بعد محاولتين او ثلاثة
رابعا أكد علي فيش (جمع فيشة) العربية كلها و خاصة الفيوز بوكس اللي عندك فوق رجليك وانت سايق محتمل يكون فيه شيء مهزوز او فيشة مش راكبه كويس يعني تكون متركبه ولكن السوكت غير مغلق جيدا
خامسا هناك احتمال اخير وهو ان الموبينه عندك فيها حاجه يعني بتهرب كهرباء او بتسخن ولما تسخن بزيادة من سخونة المحرك تقوم متخرجش كهرباء وده هيبان معاك من محاولا الكشف اللي قلتلك عليها في ثانيا

لازم تعرف يا صديقي ان المحرك يلزمه ثلاث أشياء فقط ليدور (هواء +بنزين +كهرباء = المحرك يدور) بعد كده ممكن تفكر في الحساسات و البوابة و الحركات دي كلها و اللي تأثيرها لا يمتد سوي الي ان المحرك داير ولكن مش مضبوط او سحبه ضعيف او ......................... أسباب كثير تخلينا نشك ان هناك حساس فيه مشكلة ولكن قبل كل ذلك لازم المحرك يدور أولا طالما وجدت الأسباب الثلاثة السابقة

دور جيدا في سكة هذه الأشياء و اللي اهمها البنزبن و الكهرباء لأن حتي لو البوابة مفتحتش المحرك هيدور من غير ما تفتح و ده عن تجربة مني شخصيا لأنها فيها نسبة تنفيس خفيف مش مغلقة تماما يعني الهواء كده كده موجود وحتي لو مفتحتش افتحها برجلك (دوس علي دواسة البنزين وانت بتدور)
عايزك تتعب معاها شوية مرة واحده و انت هتحل مشكلتك بنفسك دون الرجوع لأحد
واي سؤال تليفوني معاك ولو حصل اي مشكلة اي وقت و اتصلت بي انا معاك ولو أعرف أجيلك هجيلك ان شاء الله و الله الموفق و المستعان

[Ahmed_Gallant]

اولا قلبى معاك
ثانيا كلام الاستاذ ايهاب مظبوط 100% بس احب اضيف ان موضوع البوجيهات ده كان بيفرق معايا لما كان معايا الجولف 1 ولان البوجيهات اللى كانت عندى بتهبب بسرعه وبيتكون عليها رواسب نتيجه ان العربيه مكانشى فيها امبير بنزين وكانت بتشطب كتير قوى تقريبا مرتين او تلاته فى الاسبوع المهم مظنش ان ده كان السبب الرئيسى امال الفلتر بتاع البنزين جاى ليه جاى يشتغل ولا يهرج
المهم ان العربيه كانت فعلا بتعمل بالظبط زى ما المهندس محمد سيد بيقول شغاله زى الفل بس اول دواره صعبه قوى عليها كنت بنزل واشفط بنزين واحطه جوه الكربراتير برضه مفيش فايده اروح للميكانيكى زق واقوله استلم يبص شويه وشويه شمال يروح فاكك البوجيه الاول يلاقيه اسود فحمه يروح راميه وراه اقوله ايه يا عم انا جايبه من اسبوع يقولى باظ يروح داخل الورشه جايب واحد تانى معفن ابن ستين كلب بس لون السن بنى فاتح يروح مركبه وهكذا دور يا معلم تدور من اول مره لو انا مكنتش شفطت بنزين وشرقت المهم بقيت بستخدم بوجيهاتى زى بنزينى بغير كل تفويله وساعات كانت تشتغل زى القرده بس الكلام ده فى الصيف غالبا لكن فى الشتا ظبطتنى فى دماغى واعذرونى على الكلام اللى بقوله اللى بيدل على حموريه وعدم خبره بالهبل بس العربيه كانت اول عربيه لينا كاخوات وكلنا كنا مبنعرفشى حتى نسوق اول ما جبناها تخيل واحد صاحبى جابهالنا عند البيت وركناها كام يوم لحد ما اتعلمنا السواقه وللاسف الكلام ده من اكتر من 5 سنين يعنى قطع الغيار كانت بتموتنا

[ehab_mansour]

بسيطة جدا يا أحمد بيك خليه يفك البوجيهات و يبص عليها لأني عاشرت بوجيهات كتير و عربيات ببوجيهات بايظة و مهببه و برده بتدور ولكن مش هتفرق عايزينه بس يوصل للبوجيهات ولو هيا يبقي بسيطة جدا جدا جدا

[SYD]

باختصار شديد عايزك تمشي معايا واحده واحده ولو حد شاركنا يبقي عمل فينا خير و ساعدنا
1- عشان تنهي موضوع الطرمبة تماما حضرتك كل ميحصل معاك المشكلة دي دور علي المشكلة فين بالضبط
أولا شيل أفيز خرطوم البنزين من عند المحرك و افتح كونتاكت للحظه و ياريت لو حد يفتحلك وانت تمسك الخرطوم عشان تشوف هل البنزين واصل ولا لأ عن المحرك لو واصل يبقي انسي الطرمبه تماما ولو مش واصل تبقي هي المشكلة

انت قصدك الخرطوم الي بيدخل بنزين للرشاشات ؟؟
كما هو واضح في الصورة



اوك دة هيبين ان كانت الطرمبة بتضخ ولا لاء
انا بتشيك عليها بشكل تاني وهو عند طريق السمع
لو سمعت صوتها يبقي شغالة
بس المشكلة اني احيانا مش بسمع صوتها (يبقي كأنها اتحرقت)
ولما بسيب العربية كام ساعة بدور بتدور (يبقي سليمة ومش محروقة ولكن مقطوع عنها الكهرباء)
وعن شرط عايز أقولك ان تاني وثالث مرة عملتها معايا كنت مشيت مسافة لا تزيد عن 2 كيلو متر يعني العربية مالحقتش تسخن السخونة الي تعطلها وكمان كنت مفول ولحد دلوقتي العربية مفولة التانك الأساسي والأضافي ومشيت عليها اجمالي 67 كيلو متر يعني لحد دلوقتي مازالت مفولة والعداد ماتحركش عن الفوول


ثانيا لو البنزين واصل حضرتك تراجع تماما علي الكهرباء بتاعت العربية (الموبينه + الأسبراتير + البوجيهات)تتأكد ان فيه كهرباء واصلة البوجيهات وانها مافيهاش مشكلة و تأكد تماما تماما ان البوجيهات مهما كانت ضايعه مستحيل تخلي العربية متدورش لأن المحرك لو طبيعي دون مشاكل ممكن يدور علي 2 بوجيه و لكن هيهرتل و لكن هيدور المهم انسي قصة البوجيهات دلوقتي اهم شيء يكون واصلها كهرباء

كهرباء
هي دي مشكلتي
انا شاكك في حاجتين
1- انا لسة مغير ضفيرة وفيش زي مانت عارف
2- غيرت الأسبراتير والشاكوش بردو قريب بعدها بيوم تقريبا يعني من اسبوعين بالظبط

http://www.nilemotors.net/nile/260326-a-5.html#post3874035022

ودي المشاركة الي قولت فيها اني غيرت اسبراتير وجبته من عند عصام - تفتكر يكون بيعلق ؟؟؟؟
انا ممكن اركب الأسبراتير بتاعي القديم واجرب عليه بس عيبه انه كان بيخلي العربية فيها نتشة كدة في الأر بي ام بينزله لحد 0.5 ويرجع تاني طبيعي

ثالثا لو السببين اللي فاتو مافيهمش مشكلة نهائيا يبقي هتخش في المرحلة الثالثة و هي الرشاشات و دي من اهم أسباب ان العربية هتبقي دايرة طبيعي ولما تبطلها متدورش و السبب ان الرشاش بيسقط بنزين زيادة ف غرفة الاحتراق وقت متبطل العربية و لما تحاول تدورها مش هتدور لأنها مخنوقة بس المفروض تدور بعد محاولتين او ثلاثة

دة بردو احتمال وارد
انا عندي لسة الرشاشات الي كانت راكبة بس للأسف تاهت وسط الرشاشات القديمة لأني حطيتهم كلهم في علبة واحدة مع بعض واعتقد بقي صعب تمييزهم عن الجداد وخصوصا انهم كلهم نفس الكود والبارت نمر مكتوب عليهم زي بعض

رابعا أكد علي فيش (جمع فيشة) العربية كلها و خاصة الفيوز بوكس اللي عندك فوق رجليك وانت سايق محتمل يكون فيه شيء مهزوز او فيشة مش راكبه كويس يعني تكون متركبه ولكن السوكت غير مغلق جيدا

أشك في الموضوع دة
الكهربائي الي عمل الضفيرة لا غبار عليه
بس بردو كله وارد

خامسا هناك احتمال اخير وهو ان الموبينه عندك فيها حاجه يعني بتهرب كهرباء او بتسخن ولما تسخن بزيادة من سخونة المحرك تقوم متخرجش كهرباء وده هيبان معاك من محاولا الكشف اللي قلتلك عليها في ثانيا

مش عارف ليه مستبعد كل مايخص الignition system من موبية ومارش وحاسس انهم شغالين كويس لأن العيب دة ماظهرش غير لما غيرت الضفيرة والأسبراتير


لازم تعرف يا صديقي ان المحرك يلزمه ثلاث أشياء فقط ليدور (هواء +بنزين +كهرباء = المحرك يدور) بعد كده ممكن تفكر في الحساسات و البوابة و الحركات دي كلها و اللي تأثيرها لا يمتد سوي الي ان المحرك داير ولكن مش مضبوط او سحبه ضعيف او ......................... أسباب كثير تخلينا نشك ان هناك حساس فيه مشكلة ولكن قبل كل ذلك لازم المحرك يدور أولا طالما وجدت الأسباب الثلاثة السابقة

دور جيدا في سكة هذه الأشياء و اللي اهمها البنزبن و الكهرباء لأن حتي لو البوابة مفتحتش المحرك هيدور من غير ما تفتح و ده عن تجربة مني شخصيا لأنها فيها نسبة تنفيس خفيف مش مغلقة تماما يعني الهواء كده كده موجود وحتي لو مفتحتش افتحها برجلك (دوس علي دواسة البنزين وانت بتدور)
عايزك تتعب معاها شوية مرة واحده و انت هتحل مشكلتك بنفسك دون الرجوع لأحد
واي سؤال تليفوني معاك ولو حصل اي مشكلة اي وقت و اتصلت بي انا معاك ولو أعرف أجيلك هجيلك ان شاء الله و الله الموفق و المستعان

ربنا يخليك يا باشمهندس
انت تنورنا في اي وقت طبعا
انا إن شاء الله هجرب كدة كل الأحتمالات السابقة بس مش النهاردة الصراحة لأني هقوم دلوقتي البس وانزل اروح الشغل
وهقولكم علي النتيجة اول لما اوصل لشئ

والله المستعان
،
،

[SYD]

اولا قلبى معاك
ثانيا كلام الاستاذ ايهاب مظبوط 100% بس احب اضيف ان موضوع البوجيهات ده كان بيفرق معايا لما كان معايا الجولف 1 ولان البوجيهات اللى كانت عندى بتهبب بسرعه وبيتكون عليها رواسب نتيجه ان العربيه مكانشى فيها امبير بنزين وكانت بتشطب كتير قوى تقريبا مرتين او تلاته فى الاسبوع المهم مظنش ان ده كان السبب الرئيسى امال الفلتر بتاع البنزين جاى ليه جاى يشتغل ولا يهرج
المهم ان العربيه كانت فعلا بتعمل بالظبط زى ما المهندس محمد سيد بيقول شغاله زى الفل بس اول دواره صعبه قوى عليها كنت بنزل واشفط بنزين واحطه جوه الكربراتير برضه مفيش فايده اروح للميكانيكى زق واقوله استلم يبص شويه وشويه شمال يروح فاكك البوجيه الاول يلاقيه اسود فحمه يروح راميه وراه اقوله ايه يا عم انا جايبه من اسبوع يقولى باظ يروح داخل الورشه جايب واحد تانى معفن ابن ستين كلب بس لون السن بنى فاتح يروح مركبه وهكذا دور يا معلم تدور من اول مره لو انا مكنتش شفطت بنزين وشرقت المهم بقيت بستخدم بوجيهاتى زى بنزينى بغير كل تفويله وساعات كانت تشتغل زى القرده بس الكلام ده فى الصيف غالبا لكن فى الشتا ظبطتنى فى دماغى واعذرونى على الكلام اللى بقوله اللى بيدل على حموريه وعدم خبره بالهبل بس العربيه كانت اول عربيه لينا كاخوات وكلنا كنا مبنعرفشى حتى نسوق اول ما جبناها تخيل واحد صاحبى جابهالنا عند البيت وركناها كام يوم لحد ما اتعلمنا السواقه وللاسف الكلام ده من اكتر من 5 سنين يعنى قطع الغيار كانت بتموتنا

ربنا يخليك يا أحمد
انا البوجيهات عندي مفيش واحد شبه التاني سواء في النوع او في عدد الشمعات

ربنا يسهل واغيرهم

والله المستعان
،
،

[SYD]

انا بالظبط مغير اسبراتير يوم الجمعة الموافق 6-1-2012

وبداية المشكلة كان يوم 12-1-2012

تفتكروا ليهم علاقة ببعض مع العلم
انا كنت راكن العربية في خلال ال6 ايام دوول عشان موضوع البنزين والأزمة
ونزلت بيها يوم او اتنين بالكتير في خلال الأسبوع دة (من يوم 6 لحد 12)

والله المستعان
،
،

[ehab_mansour]

هو الخرطوم ده تفك افيزه و تخلي حد يفتحلك كونتاكت للحظة و اول ما يفتح لو الخرطوم غرقك بنزين يبقي الطرمبة زي الفل ولو لأ تبقي مش شغالة يبقي كده حصرنا العيب في الطرمبة و كهرباتها و حالها كله

موضوع تغيير الأسبراتير أعتقد مالهوش علاقة فقط تأكد ان الشاكوس راكب كويس علي أكس عمود الكامات و الوش سليم و بس وكده يبقي مافيهوش مشكلة

تصدق ممكن حساس ال hall sensor ده فيه مشكلة او فيشته بتعلق و اللي هو موجود في الأسبراتير !!!!!!
لأنه مسئول عن نقل حركة عمود الكامات و المحرك عموما للكنترول و بيتقاس من خلالها سرعة المحرك

طيب ممكن ترجع الأسبراتير القديم كله بحاله كده بحساسه و بعدين نشوف

انا عايزك يا هندسة تمسك كل سكه لوحدها لحد ما توصل للعيب جاي من انهي اتجاه لأنه ممكن يكون مشكلتك هايفه جدا ولكن اوقات دماغك توديك لسكك معقده و تدوخ حوالين نفسك و في الأخر تلاقيها هايفة و بسيطة
فركز كويس و خلص السكك واحده واحده لحد متحط ايدك علي العيب فين

امشي مع الخطوات فوق في المشاركة الاولي و ربك هيسهلها ان شاء الله

[SYD]

ربنا يسهل

بس انا كمان كنت عايز اعرف مكان كتاوت الطرمبة يمكن تكون هي كمان بتعلق ولا حاجة

انا هجرب بأذن الله بكرة مش النهاردة

وهقولك علي النتائج بأذن الله

والله المستعان
،
،

[SYD]

بس مشكلتي الوحيدة معنديش بيبة 10 عشان افك بيها وش الموتور الي مكتوب عليه 1.0

يارب اعرف افك الأسبراتير من غير ما أفك الوش

والله المستعان
،
،

[ehab_mansour]

ربنا يسهل

بس انا كمان كنت عايز اعرف مكان كتاوت الطرمبة يمكن تكون هي كمان بتعلق ولا حاجة

انا هجرب بأذن الله بكرة مش النهاردة

وهقولك علي النتائج بأذن الله

والله المستعان
،
،

احد الريليهات (اللي بيسموه كتاوت )اللي راكبه عند الفيوز بوكس هدورلك علي رقمه كام بالضبط و أرد عليك ان شاء الله

تعديل
خد الموضوع ده هينفعك جدا

http://www.seatcupra.net/forums/showthread.php?t=201815

وده كمان

http://www.seatcupra.net/forums/showthread.php?t=219953

اي خدمه بس ادعيلي بس

[ehab_mansour]

بس مشكلتي الوحيدة معنديش بيبة 10 عشان افك بيها وش الموتور الي مكتوب عليه 1.0

يارب اعرف افك الأسبراتير من غير ما أفك الوش

والله المستعان
،
،

نصيحة من اخوك
بلاش تعك اشتري البيبه و فك صح احسنلك وإلا !!!!!!!!!!
هتقرف نفسك في الفاضي و اهو تبقي بدأت تظبطلك عده صح في العربية و تعيش حياتك

[Dr.cairoky]

إزيك يا محمد باشا عامل ايه يارب تكون بخير

مش عارف أقولك ايه والله لإنى فعلا قرفان اخر قرف من العربيه انا كمان وطلمبة البنزين والقلب ونفس الفيلم ده كله

أنا اخر ما اتخنقت امبارح سيبت العربيه لعصام وقلتله بكره بليل هعدى عليك

لأنى حاسس برده انى صرفت مصاريف الدنيا كلها والعربيه برده مش حاسسها مظبوطه

[alzelafy]

قلبى معاك و الله يا سيد باشا فكرتنى بالماساة بتاعتى العربيات دى لما بتمسك القرف مبتسبش صاحبها فى حاله عموما كان حصلى الموضوع دة العربيه كانت تمشى عادى و بعد ثلث ساعه كانت تبطل و ما تدورش الا لما تبرد و دا سبب انى بعت العربيه و الله المهم الكهربائى قالى فى الغالب دا حساس مياة ؟؟؟؟؟ و سبتلو العربيه الظهر ورجعتلو بالليل لقيتو ملمسهاش فقلت و الله منا عاملها و اخدت قرار البيع ..... شوف كدة السكه دى بردو

و فى مرة تانيه عند كفتجى تانى قصدى كهربائى تانى كنت بعمل عوامه البنزين عشان المؤشر مهرتل قالى معلومه اكيد غلط ان الطرنيه اول ما بتشتغل بتشتغل كهرباء و لما تسخن بتفصل كهرباء و بتشتغل بضغط البنزين ؟؟؟؟؟؟؟؟؟؟؟؟ الله اعلم
و بعد ما مشيت من عندو ب 2 كيلو المؤشر هرتل تانى شىء اساسى

اظبط عربيتك يا ريس و اخلععععععععععععععععععععع زى ما انا ما عملت