مطلوب راى الخبراء فى كوردوبا 2002

[Sayread]

السلام عليكم

افكر فى شراء سياره فى حدود 45 الف جنيه معروض عليا كوردوبا 2002 وهذه مواصفاتها

(ابيزا كوردوبا مو 2002 فبريكه جوا و برا كامله مانيول تكييف بور زجاج كهرباء مريات كهرباء ارباج تكييف تاتش كاسيت تاتش سنتر مفتاح ريمود السياره عامله 160 الف بلكتلوجات )

يا ترى ايه رايكوا فى السياره بشكل عام وتوفر قطع الغيار واسعارها مقارنه لاكورى او اليابانى مثلا

وهل السعر المطلوب ف السياره المذكوره جيد ام لا

اسف على الاطاله وشكرا

[ehab_mansour]

وعليكم السلام و رحمة الله وبركاته
أهلا بحضرتك في قسم سيات
بخصوص الكوردوبا فهي عربية محترمة جدا و هي معايا و شاريها بقالي سنة و قطع غيارها جميعا متوفرة و متلقلش من شيء
لو حابب تعرف أكتر عن العربية انا عامل تقرير كامل عنها وعن كل شيء فيها داخليا و خارجيا و محرك و كل شيء و ده لينك الموضوع

http://www.nilemotors.net/Nile/277707-2002.html

موضوع السعر أعتقد انه مناسب لو فعلا حالة العربية فبريكة بره و جوه و سليمة من كله و محركها بحالته الاستوك غير كده لو كشفت عليها و لقيت اي شيء مختلف او المحرك حالته أقل من 75% يبقي لازم تنزل من السعر شوية
يعني السعر يعتمد علي الحالة العمة من كل شيء
يعني انا كنت شاري بأكتر من السعر ده شوية و لكن بفضل الله العربية كانت مافيهاش غلطة ولا في عفشة و لا محرك ولا دهان و الحمد لله
كل اللي عملته سيرفيس كامل و زودت التكييف فريون و بس و عربيتي كنت شاريها عامله 100 الف فقط وانا شايف ان العربية دي عامله كيلومتر كتير شوية ولكن المهم حالة المحرك

بخصوص قطع الغيار فهي أعلي قليلا من الكوري ولكنها معمرة جدا جدا بس المهم تشتري الأصلي و تمشي مع العربيات دي بجدول صيانة مضبوط هتستمتع بيها جدا و مش هتخذلك أبدا
و ربنا يوفقك لما فيه الخير و لا تنسي الاستخارة

[kar!m]

التقرير بتاعك يا ايهاب ممتاااااااز لأبعد الحدود.

[ehab_mansour]

التقرير بتاعك يا ايهاب ممتاااااااز لأبعد الحدود.

ربنا يكرمك يا أستاذ كريم و منور القسم

[Sayread]

الف شكر مش عارف اقلك ايه طمنتنى الله يباركلك

معلش سوال كمان عايز طبعا اعمل كشف على العربيه سمكره وميكانيكا

فين انسب مكان وكم التكلفه حتى لو بالتقريب

والف شكر مره اخرى

[ehab_mansour]

الف شكر مش عارف اقلك ايه طمنتنى الله يباركلك

معلش سوال كمان عايز طبعا اعمل كشف على العربيه سمكره وميكانيكا

فين انسب مكان وكم التكلفه حتى لو بالتقريب

والف شكر مره اخرى

موضوع الكشف بصراحة انا كشفت علي عربيتي بنفسي و كان معايا أحد أصدقائي و حطيتها علي جهاز الكشف و كشفت علي كل شيء فيها بالجهاز من تكييف ومحرك و كاسيت و ايرباج و كل شيء ده غير الكشف بالعين علي كل حاجه
موضوع تكشف عند مين فدي محتاجه حد متخصص في فولكس و فيه في الحرفيين كتير و شارع الأربعين خلف حديقة بدر فيه أشهر مركز لفولكس بتاع هاني عصمت تقريبا و فيه اكتر من واحد هناك
ومنتظرين رأي بقية الأعضاء عن موضوع الكشف ده لأني لا اتعامل مع مراكز صيانة بالقاهرة نهائيا حتي الأن

[SYD]

في البداية احب ارحب بيك في قسم سيات

الباشمهندس ايهاب رد بما فيه الكفاية مما لا يدع لأحد المجال بالأضافة

الله ينور عليك يا ايهاب

كل الي اقدر اقوله عن الكوردوبا
انها عربية مرتفعة عن الأرض وطبعا دة ميزة مش عيب
شنتطها واسعة
شكلها جرئ ورياضي

ربنا يوفقك ان شاء الله

والله المستعان
،
،

[Sayread]

الف شكر على سرعه الرد والله حببتونى ف العربيه بزياده

انا للاسف رحت شفتها النهارده لكن اتضح ان الى مكتوب فى الاعلان غير الحقيقه خالص

فهل حد يعرف عربيه كويسه للبيع يدلنى ياريت

[Sayread]

الف شكر على سرعه الرد والله حببتونى ف العربيه بزياده

انا للاسف رحت شفتها النهارده لكن اتضح ان الى مكتوب فى الاعلان غير الحقيقه خالص

فهل حد يعرف عربيه كويسه للبيع يدلنى ياريت

[ehab_mansour]

في البداية احب ارحب بيك في قسم سيات

الباشمهندس ايهاب رد بما فيه الكفاية مما لا يدع لأحد المجال بالأضافة

الله ينور عليك يا ايهاب

كل الي اقدر اقوله عن الكوردوبا
انها عربية مرتفعة عن الأرض وطبعا دة ميزة مش عيب
شنتطها واسعة
شكلها جرئ ورياضي

ربنا يوفقك ان شاء الله

والله المستعان
،
،

ربنا يكرمك يا هندسة هو احنا نعرف نعمل زيك !!!

الف شكر على سرعه الرد والله حببتونى ف العربيه بزياده

انا للاسف رحت شفتها النهارده لكن اتضح ان الى مكتوب فى الاعلان غير الحقيقه خالص

فهل حد يعرف عربيه كويسه للبيع يدلنى ياريت

عليك و علي كونتاكت كار و ربنا ييسرلك الحال و تلاقي عربية كويسة لأني نصيحتي ليك العربيات دي متركبش غير فبريكة و حالة محترمة والله الموفق

[SYD]

ربنا يكرمك يا هندسة هو احنا نعرف نعمل زيك !!!

شوف التواضع
دة انت الأستاذ

عليك و علي كونتاكت كار و ربنا ييسرلك الحال و تلاقي عربية كويسة لأني نصيحتي ليك العربيات دي متركبش غير فبريكة و حالة محترمة والله الموفق

1+

الألماني كله كدة
الحالة ثم الحالة ثم الحالة

والله الموفق والمستعان
،
،