معدل استهلاك الابيزا ؟!!

[windofchange]

الزيت اللي علبة فلتر الهواء ده بيبقي موجود المفروض بسبب ان خرطوم الفائظ راكب ومعناه ان المكنة خفيفة شويه واعتقد وظيفة خرطوم الفائظ انه بيلين الصبابات ببخر الزيت ولما يزيد بخر الزيت ويعمل بقعه زيت ده بيبقي معناه ان المكنة خفيفة شويه ولو زادت البقعة الميكانيكي بيفكه من عمه فلتر الهواء لانه بيبرجل بوابة الهواء ويخلي العربية تبرجل وبيوصلوه بخرطوم عالارض عشان دخة الزيت دي متطلعش عليك وانت سايق وتخنقك....فالمفروض ان البقعة دي بسبب الخرطوم راكب ازاي بيقلك مش موجود وهو عموما بيتجاب استيراد واكيد فيه جديد بس تجيب نفس المقاس طبعا وتنظف البقعة دي من العم فكها واغسلها فالبيت بمياه وصابون وعيش *).....الخراطيم اللي هي لونها اصفر دي قطرها صغير صح عاملة زي خراطيم الهواء بتاعت اسماك الزينة؟ لو هي المفروض الخراطيم دي لها علاقة بالبوابة مش الشكمان ووظيفتها مش فاكر دلوقتي بس اكيد لازم تكون واصلة امال هما عملوها ليه اصل ممكن تقابل ميكانيكي يقلك ملهمش لازمة ويشيلهم والله اعلم

[ehab_mansour]

من خلال ردك في المشاركة اللي قبل دي فحضرتك عملت السيرفيس لسه من وقت قصير يعني لا اعتقد انه هو المشكلة ابدا و لكن لما نتقابل نشوف أفضل
سؤال :- هو انت بتعاني من موضوع زيادة الاستهلاك من يوم ما جبت العربية ولا لسه مؤخرا و هل حسيت بفرق لما عملت سيرفيس ليها بعد ما اشتريتها ؟

بخصوص موضوع البرجلة عايزك تجرب حاجه و قلي هتعمل ايه :- لما بتيجي تدور العربية بتنتظر لما الفلاش اللي قدامك في العدادات ينتهي ولا بتدور علطول بمعني بتفتح كونتاكت و تدور لحظي ولا بتفتح كونتاكت و تنتظر حوالي 5 الي 10 ثواني و بعدين تدور ؟

و أفضل تنتظر لما نشوفها مع بعض و المقابلة دي لسه هنعلن عنها هنا و نجمع بعض قريبا ان شاء الله

نسيت اقول لحضرتك علي نقطتين مهمين الاولي ان امبارح لما فتح علبه فلتر الهواء لقيت فيها شوية زيت ولما سألته الزيت ده من ايه قالي علشان خرطوم الفايظ مش موجود ابقي اشتري واحد وهاته اركبهولك عدم وجود خرطوم الفايظ ده ايه اضراره وهل بيسبب نقص مستوي الزيت ؟ والنقطة التانية لما سألته صوت العربيه عالي شوية قالي ايوه علشان علبه البيئة مش موجودة ووراني خرطومين لونهم المفروض انه شفاف بس هو مصفر شوية وقالي المفروض ان الخرطومين دول بيتوصلوا بعلبه البيئة وراح موصلهم ببعض مباشرة وفعلا الصوت وطي شوية فهل ده غلط ولا ايه ؟
تعديل بسيط عداد الكيلومترات عندي 169.969 كم مش 160.000 كم

عربيتك مش عاملة كيلومتر كتير دا انا بعت أختها و كانت بسنتر و انذار بس عامله 300 الف كيلومتر بدون ما يتفتح موتورها و كان بيعمل المعدلات اللي ذكرتها سابقا و كان ماشاء الله عليه طلقه في السحب ربنا يبارك لصاحبها فيها

بالنسبة لكلامك عن الخراطيم فالكلام عكس بعضه للأسف !!!!!!!
خرطوم الفايظ لما بيتركب مكانه بيظهر زيت دائما في العمه و السبب هو نسبة البخر اللي بتخرج من الفايظ ده أولا
ثانيا : خرطوم الفايظ ده بيخرج هواء سخن من منطقة الكرنك و الكارتيره و بيخرج مع الهواء ده الضغوط الزياده و أبخرة الغازات اللي موجوده في المنطقة دي و أكثرها بخار زيت دي ميزة الخرطوم ده و لكن له عيب وهو انه بيأثر تأثير طفيف علي كفاءة الاحتراق لأن الغازات دي بتدخل تتحرق مع الهواء و لكن لو سيبت الخرطوم ده في الهواء فبيكون تأثيره رهيب جدا علي البيئة لذلك ياريت تشتري الخرطوم ده و تركبه حفاظا علي البيئة من الغازات اللي بتخرج من المحرك فأفضل نها تتحرق من انها تضر البيئة و الانسان

ثالثا كلما زادت نسبة بخار الزيت الخارج من الفايظ كلما تبين ان الموتور بقي خفيف دي احدي علامات الكشف علي المحركات من الداخل

بخصوص الخرطومين التانيين الشفافين فدول أعتقد انهم خراطيم مبخر البنزين و اللي اكيد انه مش موجود بدليل ان الخراطيم مرميه كده فأفضل انك تسد تماما الخرطوم اللي جاي من البوابة لأنه بالفعل هيؤثر معك علي استهلاك البنزين (طالما المبخر مش موجود) و هيبرجل العربية ... فياريت تأكد ان الخرطوم ده واحد خارج من عند بوابة الحقن و الأخر رايح علي التانك فحضرتك هتقف اللي جاي من عند البوابة تماما

و للعلم مافيش حاجه اسمها علبة بيئة بيتركب فيها خراطيم ده كلام فتي حضرتك علبة البيئة دي جزء راكب في الشكمان موجود تحت عصاية الفتيس تقريبا و لكن من تحت العربية طبعا

اعمل اللي قلتلك عليه ده لحد ما نتقابل ان شاء الله وربنا يوفقنا جميعا لما يحبه و يرضاه

[simsim_scorpio]

من خلال ردك في المشاركة اللي قبل دي فحضرتك عملت السيرفيس لسه من وقت قصير يعني لا اعتقد انه هو المشكلة ابدا و لكن لما نتقابل نشوف أفضل
سؤال :- هو انت بتعاني من موضوع زيادة الاستهلاك من يوم ما جبت العربية ولا لسه مؤخرا و هل حسيت بفرق لما عملت سيرفيس ليها بعد ما اشتريتها ؟
موضوع الاستهلاك بصراحة مبتدتش احسبه غير مؤخرا يعني الاول مكنش في دماغي ومش هقدر احدد لاني اوقات كنت بروح مشاوير كتير تتعدي 150 كم في اليوم لكن مؤخرا مبروحش غير مشوار الشغل رايح جاي وبالتالي ابتديت احس بالاستهلاك.
علشان اكون صريح معاك انا اتعلمت السواقة علي عربيتي بعد ما اشترتها وعملت السرفيس وانا لسه بتعلم فاكيد مش هقدر احدد لكن افتكر انها وصلت مرة لسرعة 150 كم / ساعة بعد السرفيس مباشرة ولغاية النهاردة ممكن توصل لسرعة 145 كم بسهولة وصوت المكنة بيكون معقول مش مزعج وبخصوص موضوع المكنة خفيفة انا مستصعبه شوية لان كان اكيد العربية كانت هتاكل زيت او تخرج دخان ابيض من الشكمان علي حد علمي البسيط جدا وبخصوص الزيت اللي في فلتر الهواء انا سألت ميكانيكي عندي في الشغل من شوية وورتهاله قالي لازم يكون في نسبة بخر للزيت مع السخونة وطبيعي انها تكون موجودة !!
اما خرطوم الفايظ اللي الميكانيكي قصده عليه هو عباره عن خرطوم اسود رفيع جدا عامل زي الشاليموه بتاع علب العصير ده كان اتفك منه وهو بيغير الموبينه قبل كده ولاننا كنا واقفين في الشارع بالليل والدنيا ضلمه قالي خليه معاك وابقي عدي عليا اركبهولك وقالي عموما هو ملوش لازمه بس ابقي هاته برده اركبهولك ( في ملحوظة عايز اقولها الميكانيكي اللي شالي الخرطوم الاسود الرفيع ده صاحب الورشة اما اللي اتعاملت معاه امبارح ده صنايعي شغال معاه انا واثق في صاحب الورشة لكن الصنايعي بتاعه ده واضح انه علي اده ) بمعني اوضح ممكن يكون مش ده خرطوم الفايظ وانا عموما وصفتلكم الخرطوم اللي اتشال من العربية . وانت تحددوا ده خرطوم ايه .

بخصوص موضوع البرجلة عايزك تجرب حاجه و قلي هتعمل ايه :- لما بتيجي تدور العربية بتنتظر لما الفلاش اللي قدامك في العدادات ينتهي ولا بتدور علطول بمعني بتفتح كونتاكت و تدور لحظي ولا بتفتح كونتاكت و تنتظر حوالي 5 الي 10 ثواني و بعدين تدور ؟
غالبا وبنسبة 80 % بدور علي طول واوقات بستني خمس ثواني - وده غالبا بيكون الصبح - وادور الاول بحط المفتاح والفه نص لفه بيظهر علي الشاشة IN 2 واللمبات بتاعة البطارية والزيت ينوروا وبعد ثواني بلاقي عداد الكيلومترات ظهرووقتها بدور العربيه بس ده بيكون الصبح بس واوقات بنسي بصراحه وبدور علي طول

و أفضل تنتظر لما نشوفها مع بعض و المقابلة دي لسه هنعلن عنها هنا و نجمع بعض قريبا ان شاء الله

يا ريت وده هيكون شرف ليا اتعرف بحضراتكم

عربيتك مش عاملة كيلومتر كتير دا انا بعت أختها و كانت بسنتر و انذار بس عامله 300 الف كيلومتر بدون ما يتفتح موتورها و كان بيعمل المعدلات اللي ذكرتها سابقا و كان ماشاء الله عليه طلقه في السحب ربنا يبارك لصاحبها فيها
بالنسبالي معنديش اي مشاكل نهائي في السحب والعربية بتجري وبتوصل 140 كم بسهولة يعني معظم النقلات بتكون علي 3 ار بي ام والخامس بس اللي بيعدي الثلاثة يعني مثلا علي سرعه 120 كم عكس اتجاه الريح بتكون علي 3 او 3.2 ار بي ام وبتوصل لسرعه من 140 الي 145 كم علي 4.5 او 4.8 ار بي ام وزي ما قولت لحضرتك صوت المكنة بيكون عالي سنة بسيطة لكن مش مزعج او يخوف واكيد برده حضراتكم هتشوفوها وهتقدورا تحددوا المشكلة فين بالظبط

بالنسبة لكلامك عن الخراطيم فالكلام عكس بعضه للأسف !!!!!!!
ده لاني معرفش شكل الخرطوم ومعرفش اي حاجه عن الميكانيكه بتاعت العربية معظم معلوماتي البسيطة جدا اكتسبتها من المنتدي هنا لكن غير كده معنديش اي خبرة نهائي وممكن ميكونش اللي الصنايعي قصده عليه هو خرطوم الفايظ
خرطوم الفايظ لما بيتركب مكانه بيظهر زيت دائما في العمه و السبب هو نسبة البخر اللي بتخرج من الفايظ ده أولا
ثانيا : خرطوم الفايظ ده بيخرج هواء سخن من منطقة الكرنك و الكارتيره و بيخرج مع الهواء ده الضغوط الزياده و أبخرة الغازات اللي موجوده في المنطقة دي و أكثرها بخار زيت دي ميزة الخرطوم ده و لكن له عيب وهو انه بيأثر تأثير طفيف علي كفاءة الاحتراق لأن الغازات دي بتدخل تتحرق مع الهواء و لكن لو سيبت الخرطوم ده في الهواء فبيكون تأثيره رهيب جدا علي البيئة لذلك ياريت تشتري الخرطوم ده و تركبه حفاظا علي البيئة من الغازات اللي بتخرج من المحرك فأفضل نها تتحرق من انها تضر البيئة و الانسان

ثالثا كلما زادت نسبة بخار الزيت الخارج من الفايظ كلما تبين ان الموتور بقي خفيف دي احدي علامات الكشف علي المحركات من الداخل
يعني المفروض ميكونش في رواسب تبخير خالص ولا ايه انا مش فاهم يعني النسبة اللي موجودة عندي دي طبيعية ولا لأ ؟

بخصوص الخرطومين التانيين الشفافين فدول أعتقد انهم خراطيم مبخر البنزين و اللي اكيد انه مش موجود بدليل ان الخراطيم مرميه كده فأفضل انك تسد تماما الخرطوم اللي جاي من البوابة لأنه بالفعل هيؤثر معك علي استهلاك البنزين (طالما المبخر مش موجود) و هيبرجل العربية ... فياريت تأكد ان الخرطوم ده واحد خارج من عند بوابة الحقن و الأخر رايح علي التانك فحضرتك هتقف اللي جاي من عند البوابة تماما
هو فعلا الخرطوم اللي حضرتك قولت عليه ده لما بسده بايدي صوت المكنة بيهدي ولما بشيل ايدي يرجع يعلي تاني انا دلوقتي موصلهم في بعض مباشرة اسيبهم زي ما هما كده ولا افصلهم عن بعض واسد اللي جاي من البوابه بس؟

و للعلم مافيش حاجه اسمها علبة بيئة بيتركب فيها خراطيم ده كلام فتي حضرتك علبة البيئة دي جزء راكب في الشكمان موجود تحت عصاية الفتيس تقريبا و لكن من تحت العربية طبعا
طيب معني كده ان الخرطومين دول بتوع مبخر البنزين اللي هو مش موجود في العربية دلوقتي وعلي كلام حضرتك ( هيبرجل العربية ) يبقي لازم اشتريه النهاردة واركبه انا كده ولا كده هعدي علي الحرفيين وانا مروح علشان اجيب فلتر الزيت ووش اسبراتير بالنسبة للمبخر في منه جديد ولا استيراد ويا ريت لو حضرتك تعرف سعره تقولي كام ؟

اعمل اللي قلتلك عليه ده لحد ما نتقابل ان شاء الله وربنا يوفقنا جميعا لما يحبه و يرضاه

[ehab_mansour]

كده انا فهمت
1- الخرطوم الاسود الرفيع ده خرطوم فاكيوم (شفط) جاي من المانيفول و له وظيفة و لكن يصعب شرحها دلوقتي خلينا في انه لازم الجزء منه اللي واصل في المانيفول (الجزء الفيبر الاسود الكبير اللي تحت بوابة الحقن) ده تسده تماما لأنه هيعملك زي خرطوم المبخر و هيبرجل العربية و يرفع الأر بي ام و يزود الاستهلاك تمام وولو معاك اجزاء منه خليها معاك لما نتقابل وانا هشرحلك كل حاجه تخص قصة الخراطيم الرفيعة و غيرها لأن الموضوع يطول شرحه
2-خرطوم الفايظ بالفعل واصل عندك وهو خرطوم تخين شويتين و تلافيه راكب في جنب العمه من ناحية الشمال وانت واقف قدام المحرك و الدليل هو وجود نسبة الزيت البسيطة اللي داخل العمة

بخصوص كمية الزيت و المحرك خفيف ولا لأ فده مش بيعتمد علي الكمية اللي داخل العمه لأن احنا منعرفش هي اتكونت خلال فترة قد ايه و بتعتمد اكتر علي نوعية الزيت و لزوجته و قصص كتير و لكن اللي يهمنا دلوقتي هو ان المحرك بيبان خفيف ولا لأ حسب ما تمسك الخرطوم في ايدك و تزود للمحرك و تشوف نسبة البخر و دي كبر دماغك منها طالما المحرك عموما حالته كويسه انا اعتقد انه مش خفيف ولا حاجه وان شاء الله كويس حسب كلامك

3- بخصوص خراطيم المبخر و المبخر نفسه
فكبر دماغك برده من انك تفكر تشتري المبخر ده لأني اساسا كنت لاغيه في الابيزا لأنك لو رحت قلت لحد انا عايز اشتري المبخر هيستعجب لأنه جزء يعتبر بالنسبالهم ملهوش لازمه و هو فعل تأثير علي المحرك و الاستهلاك طفيف جدا فكبر دماغك منه تماما و برضه هبقي احاول اكتب موضوع بيتكلم عنه هنا او لما نتقابل نبقي نحيك براحتنا لأن الكلام كتير

المهم دلوقتي و اللي هيفرق معاك هو انك تقفل الخرطوم ده تماما من ناحية المانيفول و من ناحية التانك كمان (شوف مسمار أتخن شوية منه و حطه في الخرطوم زنق لحد ما يقفله تماما ) لحد ما نتقابل برده هنشوف و لكن مبدئيا كل ده هيظبطلك المحرك و الاستهلاك ان شاء الله


من الأخر انت مشكلتك كلها تتلخص ان فيه عندك خراطيم المفروض ليها وظيفة معينه و كلها واصلة تحت البوابة و البوابة دي هي الجزء الأساسي في المحرك المسئول عن ادخال الهواء بنسبة محددة و محسوبة لتحصل علي اداء مضبوط و استهلاك مضبوط و اللي بيحصل ان الخراطيم دي بتدخل هواء زيادة فبيحس بيها حساس المانيفول فبيخلي الكنترول يرفع الأر بي ام بنسب تناسب كمية الهواء ده فيحصل معاك استهلاك زيادة (ده من خلال كلامك عن صوت الموتور و اختلافه و اختلاف الأر بي ام لما بتقفل الخرطوم)

ممكن يكون فيه حاجات تانيه زي وش الأسبراتير و الشاكوش او اي حاجه ولكن من رأيي الأهم حاليا هو الخراكيم و تقفيلها جيدا و بعدين نشوف لأن فيه ناس كتير بتفكر ان الحاجات دي ملهاش لازمة ولكن هي مهمة جدا جدا في و بالذات في محركات الحقن الالكتروني ذات أنظمة التحكم بالكنترول

[ehab_mansour]

ياريت مترحش لحد و تعمل الحاجات دي بنفسك لأنها بسيطة جدا و لكنها مهمه و مش محتاجه تروح لميكانيكي و متشتريش حاجه دلوقتي اعمل بس اللي قلتلك عليه لحد ما نلتقي و الموضوع بسيط جدا متقلقش ان شاء الله

[simsim_scorpio]

كده انا فهمت
1- الخرطوم الاسود الرفيع ده خرطوم فاكيوم (شفط) جاي من المانيفول .....
الميكانيكي قالي كده وقتها فعلا بس انا مفهمتش منه حاجه وقالي راجع وحاجات زي دي بس انا مكنتش مركز معاه لاني تركيزي وقتها كله كان بينصب علي الموبينه الجديدة.



من الأخر انت مشكلتك كلها تتلخص ان فيه عندك خراطيم المفروض ليها وظيفة معينه و كلها واصلة تحت البوابة و البوابة دي هي الجزء الأساسي في المحرك المسئول عن ادخال الهواء بنسبة محددة و محسوبة لتحصل علي اداء مضبوط و استهلاك مضبوط و اللي بيحصل ان الخراطيم دي بتدخل هواء زيادة فبيحس بيها حساس المانيفول فبيخلي الكنترول يرفع الأر بي ام بنسب تناسب كمية الهواء ده فيحصل معاك استهلاك زيادة (ده من خلال كلامك عن صوت الموتور و اختلافه و اختلاف الأر بي ام لما بتقفل الخرطوم)
الله ينور عليك يا هندسه مليون علي عشرة فعلا انا مشكلة الار بي ام دي جننتي وروحت لطوب الارض وكل واحد كان يفتي فتوه شكل لحد ما زهقت وكبرت دماغي وقولت مدام العربية ماشية ومش مضايقاني في حاجة خلاص لكن لغاية النهاردة المشكلة موجودة ومعظم الميكانيكية قالولي راجع علي الكهرباء دي مشكلة كهرباء وفي اللي قاللي دي اسطوانه !!! والمشكلة كانت كالاتي وانا ماشي عادي اوقات الاقي الار بي ام رفع لوحده يعني مثلا لو داخل علي مطب بهدي وامور العربية الاقي الار بي ام رفع لحد 2000 ولو دوست دبرياج واديت العربية غيار الاقيه برده معلق علي العشرين وصوت الموتور عالي فعلا كاني ماشي علي الفين ار بي ام بالرغم اني دايس دبرياج !!!!!

ممكن يكون فيه حاجات تانيه زي وش الأسبراتير و الشاكوش او اي حاجه ولكن من رأيي الأهم حاليا هو الخراكيم و تقفيلها جيدا و بعدين نشوف لأن فيه ناس كتير بتفكر ان الحاجات دي ملهاش لازمة ولكن هي مهمة جدا جدا في و بالذات في محركات الحقن الالكتروني ذات أنظمة التحكم بالكنترول

انا بالفعل هغيره النهارده لانه علي كلام الميكانيكي مدمر عندي وبكره ان شاء الله هقولكم النتيجة بعد تقفيل الخراطيم وتغيير وش الاسبراتير وتغير الزيت والفلتر وبكره الصبح هفول واحط المنظف بتاع دورة البنزين وهشغل التريب واجرب ونشوف النتيجة
مش عارف اشكرك ازاي علي متابعتك واهتمامك جزاك الله خيرا

وتحياتي لكل من شارك في الموضوع

[ehab_mansour]

انا بالفعل هغيره النهارده لانه علي كلام الميكانيكي مدمر عندي وبكره ان شاء الله هقولكم النتيجة بعد تقفيل الخراطيم وتغيير وش الاسبراتير وتغير الزيت والفلتر وبكره الصبح هفول واحط المنظف بتاع دورة البنزين وهشغل التريب واجرب ونشوف النتيجة
مش عارف اشكرك ازاي علي متابعتك واهتمامك جزاك الله خيرا

وتحياتي لكل من شارك في الموضوع

الله ينور عليك متقول كده من الصبح ان الأر بي ام عندك مرتقع و مش مضبوط !!!!!!!!!!!!!!

ظبط الخراطيم كما قلتلك بالضبط و غير الوش و الشاكوش و خليه يظبطلك الأسبرباتير في النص بالضبط و متعملش حاجه تانيه وان شاء الله كل شيء هيتظبط يبقي زي الفل و بالتوفيق لك و للجميع ان شاء الله

[SYD]

كلام ايهاب سليم 100%
ودي صورة الخراطيم عشان الأمور توضح معاك





وراجع الموضوع الأصلي هتفهم اكتر

http://www.nilemotors.net/Nile/287113-a.html#post3874289929

[docfleed1983]

معلش ممكن سؤال ايه هو افضل بوجيه للابيزا افضل نوع وكمان يكون شمعه ولا 2 عشان المكانيكى قال هات ngk شمعه واحده

[ehab_mansour]

معلش ممكن سؤال ايه هو افضل بوجيه للابيزا افضل نوع وكمان يكون شمعه ولا 2 عشان المكانيكى قال هات ngk شمعه واحده

حسب ما شفت ان حضرتك عندك ابيزا 2002 1000 سيسي و دي البوجيهات الاوريجينال ليها ngk واحد شمعه فعلا و شوف كده الموقع ده هتعرف منه كود بوجيهاتك ايه
Seat Spark Plugs, Glow Plugs and Recommended Products

الثلاثة شمعه مالهوش اي لازمة في الموتور ده وعن تجربة مع عربية احد الزملاء

[ehab_mansour]

كلام ايهاب سليم 100%
ودي صورة الخراطيم عشان الأمور توضح معاك





وراجع الموضوع الأصلي هتفهم اكتر
http://www.nilemotors.net/nile/28711...post3874289929

+1
الصورة الأولي فيها الخرطوم الرفيع و الصورة التانية فيها الخرطوم التخين اللي خارج رايح للمبخر


الله ينور يا هندسة

[docfleed1983]

شكرا م/ ايهاب

[simsim_scorpio]

+1
الصورة الأولي فيها الخرطوم الرفيع و الصورة التانية فيها الخرطوم التخين اللي خارج رايح للمبخر


الله ينور يا هندسة

علي فكرة يا بشمهندس ايهاب مش ده الخرطوم اللي انا اقصده الخرطوم ده واصل ومتركب التاني ارفع من كده بكتير وصلب شوية عامل زي الشاليموه بالظبط و الخرطموين اللي كلمتك عنهم انا هصورهم وهرفعلك صورهم وعموما انا هعدي علي الميكانيكي وانا مروح علشان يركب وش الاسبراتير وهصورلك كل حاجه ولما اروح هرفعلك الصور علشان تقدروا تحددوا كل حاجه بوضوح

[SYD]

طب فين مكانهم ؟؟

[windofchange]

دول بيبقوا من تحت عند كارتيره العجل من عند الدينامو