معدل استهلاك الابيزا ؟!!

[simsim_scorpio]

بسم الله الرحمن الرحيم

في البداية احب اشكر الاستاذ / سيد منسق قسم سيات علي مجهوداته المتميزة في المنتدي وعلي مساعدته للاعضاء سواء في الرد علي الاستفسارات داخل المنتدي او حتى خارجه .

لك كل الشكر والتقدير

اما الموضوع فهو بخصوص معدل الاستهلاك الطبيعي للابيزا موديل 98 موتور 1000 cc بالنسبة ليا معدل الاستهلاك غير طبيعي . المشوار اليومي بتاعي حوالي 60 كم ولمدة 6 ايام في الاسبوع يعني الاجمالي 360 كم في الاسبوع . بالنسبة للطريق والسرعة الصبح طبعا بيكون الطريق تقريبا فاضي وبيكون متوسط السرعة من 100 كم/ ساعه الي 140 كم / ساعه المشوار بياخد معايا وقت من 30 الي 40 دقيقة وبالنسبة للعوده فالطريق بيكون فيه وقوف كتير وللعلم انا بستهلك تيل فرامل بسرعه تقريبا 4 شهور مع العلم انه تيل ecg الماني 135 جنية تقريبا بالنسبة لمتوسط السرعة في العودة فبيكون حسب ظروف الطريق لكن في مسافه ثابته في الذهاب والعودة تقريبا 10 كم الطريق بيكون فاضي فيها ودي المسافة اللي بقدر اوصل فيها لسرعه 140 كم / ساعه سواء في الذهاب او في العودة اما باقي الطريق فبيكون حسب الظروف اوقات زحمه واوقات ماشي وبياخد معايا وقت من 45 الي 60 دقيقة .
* معدل الاستهلاك :
360 كم في الاسبوع
كل اسبوع بفول التنك والاحتياطي بـــ 60 او 65 جنية ده المتوسط يعني تقريبا بحط من 32 لتر الي 35 لتر لكل 360 كم.
يعني الصفيحة ( 20 لتر ) بتعمل 205 كم تقريبا
وبالمناسبة كنت عايز اسأل علي موضوع الاحتياطي ده لان بلاحظ ان العربية بتستهلك الاحتياطي الاول فهل ده طبيعي ولا العربيه بتستهبل المفروض انه اسمه احتياطي يعني العربيه تستخدمه لما التنك يفضي !!!!!
* مؤشر التانك :
بالنسبة لمؤشر التنك في التابلوه انا طبعا زي ما قولت لحضراتكم اني بفول العربية للزور زي مابيقولوا كل اسبوع ووقتها المؤشر بيبقي علي full وبيفضل علي علامة دي لمدة يومين او تلاتة تقريبا وبعد كده الاقيه نزل في اليوم الرابع ربع يعني يبقي علي علامة الثلاث ارباع وفي اليوم الخامس المؤشر ينزل الي نص التنك واليوم السادس بيكون بين النص والربع الاخير الثلث تقريبا .
في حاجه برده عايز اقولها اني اوقات لما بدور العربية الصبح بلاقي المؤشر في النص بالرغم من ان العربية متفوله علي الاخر وبعد كده يبدأ المؤشر في الصعود لحد ما اوصل شغلي ( يعني بعد 30 كم يكون وصل لعلامة full هل ده عيب في العوامة ؟ هو مش دايما بيعملها بس اوقات كتير بيحصل .
السؤال ؟
انا عارف ان معدل الاستهلاك مش طبيعي طبعا السؤال بقي هو الاستهلاك الغير طبيعي ده راجع لسواقتي ولا لعيب في العربية ؟
مع العلم انا سواقتي عنيفة شوية للاسف يعني بجري و كده وده لاني علي طول بكون مستعجل لاني دايما بكون محكوم بوقت وجربت كتير اعمل زي ما بعض الاعضاء بيقولوا نظام الانزلاق والحاجات دي بس بصراحة لقتها حاجة ممله طحن وعايزة واحد فاضي .
ولو العيب في العربية يبقي عيب ايه بالظبط ؟
ياريت لو حد من الاعضاء معاه نفس العربية يقولنا متوسط استهلاكه كام كم في الصفيحة و قيادته للعربية معتدلة ولا عنيفة.

تحياتي للجميع

[SYD]

اهلا بحضرتك
اولا ليا كذا تعليق علي الأستهلاك وعلي كلام حضرتك وانت وضحت اشياء لم تذكرها في المكالمة الي دارت بينا

اولا استهلاكك عالي جدا ودة بسبب السرعة الزائدة
بمعني
ان الأستهلاك بيزيد بمعدل واحد ونص مرة فوق سرعة 96 تقريبا وانسب استهلاك للسيارة علي سرعة 90 - بيعتبروها السرعة المثالية مع الأستهلاك المثالي

ثانيا بالنسبة للتانك الأضافي - علي فكرة مش احتياطي - فعلا بيتم السحب منه الأول وليس الأساسي
ودة بيكون سعته 10 لتر تقريبا
والأساسي بيكون 40 لتر تقريبا
هتلاقي الكتالوج بيقول 45 تقريبا يبدو انه يقصد الأساسي + ألأضافي

وبالنسبة لعلاقة الأستهلاك بالتانك فهي عكسية
كل ما كان التاك مليان - الأستهلاك يقل
كل ما كان التانك فاضي - الأستهلاك يزيد
وعلاقته بالهواء داخل التانك طردية
كل ماكان الهواء داخل التانك زيادة (نتيجة عدم وجود بنزين) - الأستهلاك زيادة
كل ماكان الهواء داخل التانك قليل - الأستهلاك قليل
والمعلومة دي عن تجربة وحضرتك لسة ذاكرها بس مالحظتهاش
يعني حضرتك بتقول 3 ايام بالتانك الأضافي (10لتر) واول شرطة (10لتر) يعني حضرتك استهلك 60*3 =180كم ب 20 لتر
وبعد كدة كل يوم بشرطة يعني 60 كم ب 10 لتر

تمام ؟؟

النقطة الثالثة ودي في غاية الأهمية
ان المؤشر بيعلق شوية وبعدها يرجع يروح لمكانه الصحيح (عند الfull)
دة معناه ان العوامة متسخة اتساخ شديد مأثر علي الشريحة الألكترونية chip الموجودة فيها والتي بدورها بتنقل قراءة الرداخ للطابلوه او لوحة العدادات يعني

وحضرتك يجب عليك تنظيفها
عن تجربة احسن منظف للعوامة والدورة بالكامل لحد الرشاشات هو أضافات stp مع التفويلة
وشوف الموضوع دة هيفيدك اوي في موضوع تنظيف الدورة

http://www.nilemotors.net/Nile/278279-stp.html#post3874184940

Best Practice
1- تنظيف العوامة والدورة ب stp
2- تغيير فلتر البنزين علي فترات منتظمة وليكن كل 10,000
3- تنظيف البوابة لما لها من اكبر الأثر علي الأستهلاك وضبط المحرك (http://www.nilemotors.net/Nile/26750...post3874060499)
4- تغيير البوجيهات واستخدام انسب بوجيه (http://www.nilemotors.net/Nile/26953...post3874084326)
5- المراجعة علي سلوك البوجيهات والتأكد من سلامتها
6- المراجعة علي اطراف سلوك البوجيهات من ناحية غطاء الأسبراتير
7- المراجعة علي غطاء الأسبراتير والشاكوش والتأكد من عدم وجود اي كربون والتأكد من سلامتهم
8- تنظيف الرشاشات يدوياً (http://www.nilemotors.net/Nile/28711...post3874289929)
9- تغيير فلتر الهواء بأخر جديد كل 10,000 كم وتنظيفه علي فترات متقاربة وليكن كل شهر مرة علي الأقل.
10- تغيير زيت الموتور بأخر مناسب للمحرك حسب توصيات فولكس
11- القيادة الرشيدة ولتكن الغيارات بحد اقصي علي 3 ار بي ام
12- اقصي سرعة 95 كم/ساعة

ومازالت هناك عوامل اخري
مثل وزن السيارة وحمولتها
حالة الطريق
اتجاه الريح

وعوامل اخري كثير جدا

ولكن مايسعنا هنا هو ذكر العوامل الفنية المرتبطة بالسيارة

لكم مني جزيل الشكر علي حسن الأستماع والمتابعة

والله المستعان
،
،

[ehab_mansour]

طبعا مهندس محمد قال كل شيء ولكن الغريب هو موضوع العلاقة بين التانك و امتلائه و بين الاستهلاك !!!! اول مره أسمع الكلام ده

مش معني اننا لما بنملي التانك للأخر و معاه الاحتياطي و في وقت استهلاك الاحتياطي و الزور و اول شوية من التانك بياخد وقت طويل يبقي كل ما كان التانك مليان يبقي الاستهلاك اقل

هوضح الحتة دي :-
أقصد هنا ان احساسك ان الساتهلاك بيكون أقل لما التانك يتملي هو عدم تحرك المؤشر امامك و السبب ان التانك الاحتياطي و الزور و اول 10 الي 15% من التانك كل دول بيكون المؤشر قدامك مديك ان التانك full تخيل الكمية دي قد ايه تصل الي 15 او 17 لتر
لذلك مافيش علاقة خالص بكمية البنزين في التانك و بين الاستهلاك نهائيا و كمان التانك اساسا مغلق تماما يعني لا بيخرج منه بخر بنزين ولا اي حاجه

طبعا أعتقد ان فيه عندك حاجات ممحتاجه تتظبط في العربية و ياريت تراجع كل النقاط اللي ذكرها مهندس محمد سيد فوق

علي فكرة انا سواقتي زيك كده عنيفة لحد كبير و كانت معايا الابيزا زي دي بالضبط و لكن بدون تكييف و مستحيل الاستهلاك كان ينزل عن 290 كيلومتر في الصفيحة و مشيت بالعربية دي 110 الف كيلومتر خلال 3سنوات و نصف و بمعدل استهلاك ثابت 320 كيلومتر في ال 20 لتر وده من خلال شيت اكسل كنت عامله ليها

بس للأمانه انا كنت بسافر بيها ولا ازيد السرعه عن 120 كيلومتر في الساعه ولما كنت بمشي سرعات 140 و 150 كان البنزين بيتشفط بسرعه ولكن مكنش بيقل عن 290 كيلومتر في الصفيحة


علي العموم راجع كل النقاط اللي فوق ولو فيه جديد احنا معاك هنساعدك قدر المستطاع ان شاء الله و منور قسم سيات

[simsim_scorpio]

متشكر جدا يا جماعه علي ردودكم وانا فعلا حاسس ان الموضوع مش موضوع سواقة لاني سالت ناس كتير برده قالولي مدام الار بي ام مبيتعداش ال 3 او 3.5 يبقي انت مبتحرقش للدرجة دي وانا فعلا كده وبالنسبة لموضوع السرعة 140 كم فده برده بيكون لمدة خمس دقايق يوميا يعني مش بصفة مستمرة و محصلش قبل كده اني حرقت علي غيار اكتر من 3.5 ار بي ام الا فيما ندر . عموما انا اتصلت بالميكانيكي وهعدي عليه النهاردة بعد الشغل علشان نشوف ايه الموضوع وحتى هو رفض اني اجيب معايا الفلاتر ( هواء - بنزين - زيت ) الا لما يشوفها الاول . وفي نقطة كمان لسه عارفها النهارده من موضوع البوجيهات http://www.nilemotors.net/Nile/26953...post3874084326 (تجربة تغيير البوجيهات)) وهي اني كنت مركب بوجيهات استاندرد العادية مش الكتروني فهل ده له تأثير مع العلم برده ان اوقات كتير العربية لما تكون سخنة واقف وابطل العربية لفترة ربع ساعة مثلا واجي ادورها بعد كده الاقيها مخنوقة علي السلانسيه ولو دوست بنزين تفضل تقطع والار بي ام يقل وبحس زي ما يكون بزودلها مياه مش بنزين. ده هيكون عيب ايه وهل ليه علاقه بالاستهلاك ولا لأ ؟

[SYD]

مهندس ايهاب:
يا باشا دة مش احساس
دي حقيقة وللأسف مش لاقي المشاركة الي كان فيها المعلومة دي
بس انا شخصيا عن تجربة فعلا لاحظتها في عربيتي

سمسم:
ادخل الموضوع دة
هيفيدك اوي في موضوعك

http://www.nilemotors.net/Nile/182568-a.html#post3873060483

والله المستعان
،
،

[simsim_scorpio]

سؤال اخير بخصوص ال stp بعد اضافته مع التفويله لازم استني لما التنك يفضي ولا ممكن افول في الثلث الاخير وهل فعلا لازم اغير فلتر البنزين بعد استعماله ولا لأ ؟ لان في ناس بتقول انه بيجمع الرواسب والشوائب اللي في التنك في الفلتر

[SYD]

متشكر جدا يا جماعه علي ردودكم وانا فعلا حاسس ان الموضوع مش موضوع سواقة لاني سالت ناس كتير برده قالولي مدام الار بي ام مبيتعداش ال 3 او 3.5 يبقي انت مبتحرقش للدرجة دي وانا فعلا كده وبالنسبة لموضوع السرعة 140 كم فده برده بيكون لمدة خمس دقايق يوميا يعني مش بصفة مستمرة و محصلش قبل كده اني حرقت علي غيار اكتر من 3.5 ار بي ام الا فيما ندر . عموما انا اتصلت بالميكانيكي وهعدي عليه النهاردة بعد الشغل علشان نشوف ايه الموضوع وحتى هو رفض اني اجيب معايا الفلاتر ( هواء - بنزين - زيت ) الا لما يشوفها الاول . وفي نقطة كمان لسه عارفها النهارده من موضوع البوجيهات http://www.nilemotors.net/nile/26953...post3874084326 (تجربة تغيير البوجيهات)) وهي اني كنت مركب بوجيهات استاندرد العادية مش الكتروني فهل ده له تأثير مع العلم برده ان اوقات كتير العربية لما تكون سخنة واقف وابطل العربية لفترة ربع ساعة مثلا واجي ادورها بعد كده الاقيها مخنوقة علي السلانسيه ولو دوست بنزين تفضل تقطع والار بي ام يقل وبحس زي ما يكون بزودلها مياه مش بنزين. ده هيكون عيب ايه وهل ليه علاقه بالاستهلاك ولا لأ ؟

خنقة لما بتدوس بنزين
دة غالبا فلاتر
بنزين - هواء

وعلي العموم اعمل كل السيرفيس بتاعك
وان شاء الله مشاكلك كلها تتحل
وقولنا عملت ايه والنتيجة ايه
واحنا متابعين معاك لو في اي حاجة

والله المستعان
،
،

[SYD]

1- حاول على قدر استطاعتك أن تملأ خزان الوقود في ساعات الصباح الباكر . حيث ان درجة الحرارة الجو المنخفضة تؤديالي تقليل نسبة التطاير والتبخر .

2- لا تجعل دائما مستوى البنزين لديك ينخفض عن النصف ؟ كلما زاد مستوى الهواء في خزان الوقود لديك كلما زادت نسبة التبخر والتطاير للبنزين . في محطات الوقود يوجد بها نظالم الي معين تمنع ملامسة الهواء للوقود وذلك عن طريق طبقة معدنية متحركة تبقى عائمة فوق سطح البنزين وتنخفض كلما انخفض مستوى البنزين في الخزان ولكن هذا النظام غير موجود في خزان وقود السيارة .

الحمد لله لقيت المشاركة يا بشمهندس ايهاب

ودة رابط الموضوع

http://www.nilemotors.net/Nile/280163-a.html#post3874207291

ودة موضوع بتاعي كنت عامله عشان توفير الأستهلاك

http://www.nilemotors.net/Nile/267122-a.html#post3874055768

والله المستعان
،
،

[simsim_scorpio]

انا معاك يا باشمهندس / محمد بس مش للدرجة دي 205 كم في الصفيحة ده كتير قوي علي موتور صغير 1000 cc وانا فعلا بغير علي 3 او 3.2 ار بي ام بالكتير في الخامس بس اللي ممكن يوصل ل 4.5 ار بي ام عند سرعة 140 كم زي ما قولت لحضرتك في التليفون وده زي ما قولتلك لمدة خمس دقايق يوميا لكن في المعتاد حتى علي سرعة 120 كم الار بي ام بيكون علي 3.5 تقريبا وصوت الموتور بيكون هادي يعني مش مزعج بيتهيألي ده ميستهلكش الكمية دي كلها ولا ايه ؟

[SYD]

يا باشا زي انا ماقولتلك وزي المهندس ايهاب ما قال لحضرتك
اظبط دنيتك هتستمتع بعربيتك
وماتخليش الميكانيكي يلعب في حاجة تانية

1- غير فلتر بنزين
2- غير فلتر هوا
3- حاول تحط منظف الأنجيكشن في اقرب فرصة (stp ابو 70 جنيه من موبيل اون زا رن)
4- خلي الميكانيكي ينظفلك البوابة (خليها دلوقتي بالأسبراي مؤقتاً)
5- غير البوجيهات وهات ال3 شمعة حسب الكود

حاول تمسك نفسك شوية لمدة اسبوع وامشي بحد اقصي 95
وقولنا ايه النتيجة بعد ماعملت التغيرات المذكورة مع اسلوب القيادة المتأني

the end of the story

والله المستعان
،
،

[simsim_scorpio]

روحت للميكانيكي كشف علي البوجيهات لقاها سليمة وقالي دي تمشي 10.000 كم كمان وفلتر الهواء نفضه وقالي برده مش محتاج يتغير وكذلك فلتر البنزين . وبالمناسبة البوجيهات طلعت 3 شمعه NGK سألته طيب الاستهلاك مش طبيعي ليه ؟ قالي المعدل الطبيعي 250 كم في الصفيحه قولتله لو افترضنا ان كلامك مظبوط العربية استهلاكها 205 في الصفيحة بص علي الشكمان وقالي استحاله العربيه دي تكون بتحرق بتزين قالي ممكن يكون من الزحمة وكده بتسحب !!!
ولما سألته علي البرجلة في الدواره قالي مش بتاخد دقيقة او دقيقتين وتتظبط لوحدها قولتله ايوة قالي ده عادي !!!!
ونضف البوابة باسبراي بالرغم من انها تقريبا كانت نظيفة ووش الاسبراتير وقالي جرب وشوف هتعمل معاك ايه ؟ وطلب مني اشتري وش اسبراتير علشان اللي عندي جاب اخره
طبعا خليته قفل وسبته وروحت لواحد تاني - وانا في الطريق حسيت ان العربيه فاقت - جاب جهاز كده المفروض انه بتاع الكشف علي الاعطال عباره عن مسدس خارج منه سلكين وصلهم في البطارية وبينور فلاش ابيض متقطع قلي دور واثبت علي 2000 ار بي ام وبعدها بصلي بصه حسسني ان العربية ماتت وقالي محتاجه صيانه ! يعني ايه يا دكتور قالي بوجيهات وفلاتر ووراني طقم بوجيهات عنده NGK بس مش اربعه منفردين في علب صفراء لا دول اربعه في علبه واحده لونها رمادي وعليها شعار فولكس وسيات واودي وسكودا والبوجيهات هي نفس اللي عندي بالظبط الفرق ان البوجيهات بتاعته الجزء الخزف الابيض مطبوع عليه شعار فولكس واودي وسيات وسكودا ونفس الكود سالته بكام الطقم ده قالي 175 !!!!!!!
ووراني فاتورة بالسعر من شركة اسمها الهاشمية وقالي دول مش للبيع دول بتوع زبون كان طالبهم منه للسرفيس بتاعه وفعلا الفاتورة كان فيها فلتر زيت وبنزين ..... الخ
سالته تاني يعني المشكلة مشكلة بوجيهات متأكد قالي وبثقة طبعاً البوجيهات اللي عندك تعبانه - بالرغم انه مشفهاش هو سألني علي سعرها بس وقولتله 80 جنيه - ركب الاصلي وهتشوف الفرق . سالته السؤال اللولبي هو معدل الاستهلاك الطبيعي للعربيه دي كام يا نجم قالي 250 كم / الصفيحة قولتله بس دي ماتورها 1000 سي سي بصلي بصه كده فهمت منها انه بيحاول يداري مفاجأته ههههههههههههههه . ايوة الدكتور مخدش باله انه الموتور 1000 سي سي .
بصراحه انا اتخنقت وعلشان اكون صريح معاكم انا العربيه مش مضايقاني في حاجه يعني حتى استهلاكها الزايد ده مش مضايقني انا بس الفكرة بالنسبالي اني مش عايز العربية يكون فيها مشكلة وعارف ان حوارات الميكانيكية ملهاش اول من اخر وكلهم بيفتوا .
دلوقتي في اختيارين ان اغير الفلاتر والبوجيهات بالرغم من اني عارف انهم مش هيفرقوا في حاجه بعد ما شفتهم النهاردة وشفت ان حالتهم فعلا كويسه ومش محتاجين تغيير . او اني اسيبها واكتفي بتغيير الزيت وفلتر الزيت وتجربه منظف دورة البنزين STP .
ايه رأيكم ؟

[ehab_mansour]

الحمد لله لقيت المشاركة يا بشمهندس ايهاب

ودة رابط الموضوع

http://www.nilemotors.net/nile/280163-a.html#post3874207291

ودة موضوع بتاعي كنت عامله عشان توفير الأستهلاك

http://www.nilemotors.net/nile/267122-a.html#post3874055768

والله المستعان
،
،

انا مش مقتنع تماما بالموضوع ده و مشاي حاجه تتنقل و تقال بدون دليل علمي واضح تبقي صح مش كده يا هندسة
لو الكلام ده صح يبقي انا لو سيبت العربية شهر مثلا و فيها 10 لتر لما اجي ادورها هلاقيهم مثلا بقو 8 لتر !!!!!!!!!!!! مش ممكن ولا حتي 9لتر و نصف مستحيل لأني سيبت العربية فيها بنزين قليل حوالي ثلاث اسابيع او شهر تقريبا مركونه و لم يتغيرو
البنزين بيطير في الجو فعلا و لكن السبب هو وجود حيز له للتطاير و لكن انا عندي مثلا التانك مغلق بقفل بسوسته داخلية بيقفل لوحده لبره و بيتفتح ببوز المسدس و كمان فيه الغطاء الخارجي دول مسئولين عن قفل حيز التانك تماما لمنع تبخر البنزين

يا سيدي الفاضل مافيش حد قال كده خالص قبل كده علي العموم انا هبحث في الموضوع ولو وصلت لحاجه لن اتردد في تاكيد المعلومة تماما او نفيها تماما
كل الشكر و التقدير لك يا هندسة

[ehab_mansour]

روحت للميكانيكي كشف علي البوجيهات لقاها سليمة وقالي دي تمشي 10.000 كم كمان وفلتر الهواء نفضه وقالي برده مش محتاج يتغير وكذلك فلتر البنزين . وبالمناسبة البوجيهات طلعت 3 شمعه NGK سألته طيب الاستهلاك مش طبيعي ليه ؟ قالي المعدل الطبيعي 250 كم في الصفيحه قولتله لو افترضنا ان كلامك مظبوط العربية استهلاكها 205 في الصفيحة بص علي الشكمان وقالي استحاله العربيه دي تكون بتحرق بتزين قالي ممكن يكون من الزحمة وكده بتسحب !!!
ولما سألته علي البرجلة في الدواره قالي مش بتاخد دقيقة او دقيقتين وتتظبط لوحدها قولتله ايوة قالي ده عادي !!!!
ونضف البوابة باسبراي بالرغم من انها تقريبا كانت نظيفة ووش الاسبراتير وقالي جرب وشوف هتعمل معاك ايه ؟ وطلب مني اشتري وش اسبراتير علشان اللي عندي جاب اخره
طبعا خليته قفل وسبته وروحت لواحد تاني - وانا في الطريق حسيت ان العربيه فاقت - جاب جهاز كده المفروض انه بتاع الكشف علي الاعطال عباره عن مسدس خارج منه سلكين وصلهم في البطارية وبينور فلاش ابيض متقطع قلي دور واثبت علي 2000 ار بي ام وبعدها بصلي بصه حسسني ان العربية ماتت وقالي محتاجه صيانه ! يعني ايه يا دكتور قالي بوجيهات وفلاتر ووراني طقم بوجيهات عنده NGK بس مش اربعه منفردين في علب صفراء لا دول اربعه في علبه واحده لونها رمادي وعليها شعار فولكس وسيات واودي وسكودا والبوجيهات هي نفس اللي عندي بالظبط الفرق ان البوجيهات بتاعته الجزء الخزف الابيض مطبوع عليه شعار فولكس واودي وسيات وسكودا ونفس الكود سالته بكام الطقم ده قالي 175 !!!!!!!
ووراني فاتورة بالسعر من شركة اسمها الهاشمية وقالي دول مش للبيع دول بتوع زبون كان طالبهم منه للسرفيس بتاعه وفعلا الفاتورة كان فيها فلتر زيت وبنزين ..... الخ
سالته تاني يعني المشكلة مشكلة بوجيهات متأكد قالي وبثقة طبعاً البوجيهات اللي عندك تعبانه - بالرغم انه مشفهاش هو سألني علي سعرها بس وقولتله 80 جنيه - ركب الاصلي وهتشوف الفرق . سالته السؤال اللولبي هو معدل الاستهلاك الطبيعي للعربيه دي كام يا نجم قالي 250 كم / الصفيحة قولتله بس دي ماتورها 1000 سي سي بصلي بصه كده فهمت منها انه بيحاول يداري مفاجأته ههههههههههههههه . ايوة الدكتور مخدش باله انه الموتور 1000 سي سي .
بصراحه انا اتخنقت وعلشان اكون صريح معاكم انا العربيه مش مضايقاني في حاجه يعني حتى استهلاكها الزايد ده مش مضايقني انا بس الفكرة بالنسبالي اني مش عايز العربية يكون فيها مشكلة وعارف ان حوارات الميكانيكية ملهاش اول من اخر وكلهم بيفتوا .
دلوقتي في اختيارين ان اغير الفلاتر والبوجيهات بالرغم من اني عارف انهم مش هيفرقوا في حاجه بعد ما شفتهم النهاردة وشفت ان حالتهم فعلا كويسه ومش محتاجين تغيير . او اني اسيبها واكتفي بتغيير الزيت وفلتر الزيت وتجربه منظف دورة البنزين STP .
ايه رأيكم ؟

رأيي انك تكبر دماغك من العالم دي كلها لأنهم اساسا ميعرفوش العربية دي بتعمل كام و لا ايه مشاكلها وايه الجهاز العجيب اللي الميكانيكي جابهولك يكشف بيه ده ؟؟؟؟؟؟؟؟؟؟؟؟

يلا ولسه هنشوف عجب من الفتايين
المهم
عايزك تقلي عربيتك عاملة كام الف كيلو و ايه الاوبشنز اللي فيها ؟
بتستخدم زيت نوعه ايه و تصنيع مين ؟
ايه موضوع البرجله ده ياريت توصفه اكتر يعني بيحصل امتا و ايه اللي بيحصل و الار بي ام بيكون كام وقتها ؟
بتستخدم بنزبن ايه ؟
أخر سيرفيس كامل عملته امتا للعربية (بوجيهات و فلاتر )؟
هل غيرت وش الاسبراتير و الشاكوش قبل كده ؟
وفي النهاية اريح لك و لينا ابقي هات عربيتك نشوفها سويا المقابلة القادمه واللي اكيد هيكون فيها شحم و زيت و عك و ربك ييسر الحال ان شاء الله

مضطرين يا ابو السيد !!!!!!!!!

[simsim_scorpio]

رأيي انك تكبر دماغك من العالم دي كلها لأنهم اساسا ميعرفوش العربية دي بتعمل كام و لا ايه مشاكلها وايه الجهاز العجيب اللي الميكانيكي جابهولك يكشف بيه ده ؟؟؟؟؟؟؟؟؟؟؟؟

يلا ولسه هنشوف عجب من الفتايين
المهم
عايزك تقلي عربيتك عاملة كام الف كيلو و ايه الاوبشنز اللي فيها ؟
160.000 كم تقريبا الاوبشنز سنتر - زجاج امامي كهرباء - هاف باور فقط بدون تكييف

بتستخدم زيت نوعه ايه و تصنيع مين ؟
استخدمت شيل الاصفر في اول ومرة ولقيته نقص جدا بعد 2.800 كم بالظبط وبعد كده غيرته بموبيل XHP والحمد لله تمام عامل 5.000 كم لغاية النهاردة وهنزله النهاردة ان شاء الله واغير الفلتر

ايه موضوع البرجله ده ياريت توصفه اكتر يعني بيحصل امتا و ايه اللي بيحصل و الار بي ام بيكون كام وقتها ؟
موضوع البرجله بيحصل لما تكون العربيه سخنه وابطلها لمدة ربع ساعه مثلا او نص ساعه اجي ادور بعد كده الاقي صوت الموتور مش مظبوط بحس ان العربيه عايزه تبطل لو دوستلها بنزين الاقيها سوري في اللفظ يعني بتفتف والاقي الار بي ام بيقل مش بيزيد !!!!
والموضع مبيحصلش الصبح ابدا هو دايما يحصل لو دورت العربيه بعد مشوار
بتستخدم بنزبن ايه ؟
بنزين 92 ودايما بفول من وطنية اللي علي طريق الاتوستراد
أخر سيرفيس كامل عملته امتا للعربية (بوجيهات و فلاتر )؟
في اول شهر يناير اللي فات فلتر زيت - بنزين - هواء - بوجيهات وهما دلوقتي عاملين 10.000 كم تقريبا
هل غيرت وش الاسبراتير و الشاكوش قبل كده ؟
لا لاني لسه شاري العربية واشترتها في 16 / 12 / 2011
وفي النهاية اريح لك و لينا ابقي هات عربيتك نشوفها سويا المقابلة القادمه واللي اكيد هيكون فيها شحم و زيت و عك و ربك ييسر الحال ان شاء الله
امتي هتكون المقابلة دي وفين ؟
مضطرين يا ابو السيد !!!!!!!!!

[simsim_scorpio]

نسيت اقول لحضرتك علي نقطتين مهمين الاولي ان امبارح لما فتح علبه فلتر الهواء لقيت فيها شوية زيت ولما سألته الزيت ده من ايه قالي علشان خرطوم الفايظ مش موجود ابقي اشتري واحد وهاته اركبهولك عدم وجود خرطوم الفايظ ده ايه اضراره وهل بيسبب نقص مستوي الزيت ؟ والنقطة التانية لما سألته صوت العربيه عالي شوية قالي ايوه علشان علبه البيئة مش موجودة ووراني خرطومين لونهم المفروض انه شفاف بس هو مصفر شوية وقالي المفروض ان الخرطومين دول بيتوصلوا بعلبه البيئة وراح موصلهم ببعض مباشرة وفعلا الصوت وطي شوية فهل ده غلط ولا ايه ؟
تعديل بسيط عداد الكيلومترات عندي 169.969 كم مش 160.000 كم