الدنجل اتعوج

[ehab_mansour]

الف مبروك يا كريم بيك علي تظبيط العربية و صدقني من وقت ما عكيت في الدنجل و انا قلقان انه هيعمل معاك كده لأنه يستحيل تتزن العربية بعد استعداله لأن الحاجات دي مستحيل يعرف صنايعي يظبطها زي شغل المصنع لأني شفت حاجات زي دي بتتصنع

ربنا يستر طريقك و يباركلك فيها و تستمتع بيها و سافر بيها بقي متقلقش اخوك هاري العربيات دي سفر من شرق مصر الي غربها و من شمالها لجنوبها المهم المتابعه الصحيحة و المستمرة للعربية و تكون فاهم ايه اللي بيحصل دائما

علي فكرة اوقات بتحصل معايا مشاكل و انا خارج مسافر بيها و بسافر بيها و طرق مافيهاش اي حاجه تنفع و لكن بكون عارف ان دي حاجه غير مؤثرة علي اداء العربية و اتزانها

و بالتوفيق للجميع

[Karim Ibiza]

الف مبروك يا كريم بيك علي تظبيط العربية و صدقني من وقت ما عكيت في الدنجل و انا قلقان انه هيعمل معاك كده لأنه يستحيل تتزن العربية بعد استعداله لأن الحاجات دي مستحيل يعرف صنايعي يظبطها زي شغل المصنع لأني شفت حاجات زي دي بتتصنع

ربنا يستر طريقك و يباركلك فيها و تستمتع بيها و سافر بيها بقي متقلقش اخوك هاري العربيات دي سفر من شرق مصر الي غربها و من شمالها لجنوبها المهم المتابعه الصحيحة و المستمرة للعربية و تكون فاهم ايه اللي بيحصل دائما

علي فكرة اوقات بتحصل معايا مشاكل و انا خارج مسافر بيها و بسافر بيها و طرق مافيهاش اي حاجه تنفع و لكن بكون عارف ان دي حاجه غير مؤثرة علي اداء العربية و اتزانها

و بالتوفيق للجميع

الله يبارك فيك يا بشمهندس والحمد لله انها عملت كده قبل ما ابعد عن البلد وفعلا غلطتى انى مسئلتش على سعر الدنجل استيراد قبل ما استعدله لان الفرق طلع 50 جنيه + 120 جنيه مصنعية اكيد لو كنت اعرف كده مكنتش استعدلته

ربنا يسترها معاك ومعانا ان شاء الله

[SYD]

مبروك يا كريم تظبيط العربية
والحمد لله علي كل حال
الواحد مننا مش بيتعلم ببلاش وحاجة بتشيل حاجة

وعلي فكرة العربيات دي بتتحمل والحمدلله بس خلي بالك منها عشان زعلها وحش

والله المستعان
،
،

[ahmedfrancais]

مبروووووك ياكريم على تصليح العربية ... وانا تقريبا زيك ياكريم بحاول افهم العربية دى لانى عارف انها كويسة بس للاسف مش فاهم فيها حاجة ... بس هية شغالة معايا تمام بصراحة ... بس عندى سوال بخصوص موضوعك اية هوة الدنجل بالظبط ؟ وكانة فين ..ووظيفتة اية ؟

[Karim Ibiza]

مبروك يا كريم تظبيط العربية
والحمد لله علي كل حال
الواحد مننا مش بيتعلم ببلاش وحاجة بتشيل حاجة

وعلي فكرة العربيات دي بتتحمل والحمدلله بس خلي بالك منها عشان زعلها وحش

والله المستعان
،
،

الله يبارك فيك يامحمد وفعلا العلام مش ببلاش بس اهم حاجة يكون بعيد عن ارواح الناس

فعلا العربيات دى مصنوعة بذمة وضمير وعشان كده هى بتستحمل

وبالنسبة لموضوع الزعل فأنا لحد دلوقتى مش عارف اصالحها من ساعة مااشترتها وللاسف كل حاجة مرتبطة ببعضها, يعنى لازم تعمل كل الحاجات مرة واحدة, يعنى مثلا هقولك على شوية حاجات هى زعلانة فيهم:

جوز كبالن كاملين
اسكتر
رولمان بلى امامى
بطاحات
2 مساعد خلفى
4 فرد كاوتش
قواعد موتور
الحاجات اللى سابق ذكرها لازم يتغيرو مع بعض عشان مفيش حاجة تبوظ حاجة

وفيه شوية حاجات تانية ممكن استنى عليها بس مينفعش استنى عليها كتير عشان عندى فحص فى شهر مارس اللى جاى زى رفرف امامى شمال ورفرف خلفى شمال واحتمال باب امامى شمال (لو منفعش يتعدل) وطوربيدو وفانوس خلفى شمال وطبعا وش دوكو

وفى بقى شوية كماليات ودى بقى هتبقى حسب الظروف زى طقم فرش باب كامل و عاكس الشنطة اليمين و سبويلر وعتب وجنط الكوبرا

بالنسبة للاعضاء الجدد اللى ميعرفوش قصتى من الاول, هيقولو ان كدا مفيش حاجة سليمة غير الموتور احب اقولوهم ان ده اول حاجة انا غيرتها فى العربية بعد ما اشترتها بأسبوع وده كان فى شهر 6 اللى فات وجبته 1400 بالفتيس والكونترول بتاعه

وفى النهاية اتمنى انى مكنش جبت لحد احباط على الصبح

ربنا يسترها معايا ومعاكم

[Karim Ibiza]

مبروووووك ياكريم على تصليح العربية ... وانا تقريبا زيك ياكريم بحاول افهم العربية دى لانى عارف انها كويسة بس للاسف مش فاهم فيها حاجة ... بس هية شغالة معايا تمام بصراحة ... بس عندى سوال بخصوص موضوعك اية هوة الدنجل بالظبط ؟ وكانة فين ..ووظيفتة اية ؟

الله يبارك فيك يا أحمد

الدنجل ده عبارة عن قضيب بعرض العربية ماسك الطنابير الخلفية بالشاسيه ومربوط فيه المساعدين الخلفية يعنى باختصار هو اللى شايل العربية من الخلف

ودى صورته

[SYD]

الله يبارك فيك يامحمد وفعلا العلام مش ببلاش بس اهم حاجة يكون بعيد عن ارواح الناس

فعلا العربيات دى مصنوعة بذمة وضمير وعشان كده هى بتستحمل

وبالنسبة لموضوع الزعل فأنا لحد دلوقتى مش عارف اصالحها من ساعة مااشترتها وللاسف كل حاجة مرتبطة ببعضها, يعنى لازم تعمل كل الحاجات مرة واحدة, يعنى مثلا هقولك على شوية حاجات هى زعلانة فيهم:

جوز كبالن كاملين
اسكتر
رولمان بلى امامى
بطاحات
2 مساعد خلفى
4 فرد كاوتش
قواعد موتور
الحاجات اللى سابق ذكرها لازم يتغيرو مع بعض عشان مفيش حاجة تبوظ حاجة

وفيه شوية حاجات تانية ممكن استنى عليها بس مينفعش استنى عليها كتير عشان عندى فحص فى شهر مارس اللى جاى زى رفرف امامى شمال ورفرف خلفى شمال واحتمال باب امامى شمال (لو منفعش يتعدل) وطوربيدو وفانوس خلفى شمال وطبعا وش دوكو

وفى بقى شوية كماليات ودى بقى هتبقى حسب الظروف زى طقم فرش باب كامل و عاكس الشنطة اليمين و سبويلر وعتب وجنط الكوبرا

بالنسبة للاعضاء الجدد اللى ميعرفوش قصتى من الاول, هيقولو ان كدا مفيش حاجة سليمة غير الموتور :_alshmokh22[1]: احب اقولوهم ان ده اول حاجة انا غيرتها فى العربية بعد ما اشترتها بأسبوع وده كان فى شهر 6 اللى فات وجبته 1400 بالفتيس والكونترول بتاعه :ta_clap[1]:

وفى النهاية اتمنى انى مكنش جبت لحد احباط على الصبح

ربنا يسترها معايا ومعاكم

ربنا يقدرك ويعينك علي مصاريفها

[tmsoo]

ربنا يعوض عليك انشاء الله ويعطرك في صنيعية يكونو كويسيين بالنسبة للي عملتة في الدنجل دة غلط الدق علية واللي حصل كل دة بيضعف الدنجل لكن معلش ملحوقة انشاء الله بص ياسيدي الدنجل انا جايبة من تلات سنين من الحرفيين من عند محل اسمة عبدو طيرة كنت جايبة كامل ب200 جنية شيلت القديم وحطيط الاستيراد والحمد لله زي الفل وممكن تفاصل لحد ماتجيب سعر كويس فية لكن سعرة دلوقتي مش اعرف كام بامانة بس ممكن تسال في الحرفيين

[Karim Ibiza]

ربنا يعوض عليك إن شاء الله ويعطرك في صنيعية يكونو كويسيين بالنسبة للي عملتة في الدنجل دة غلط الدق علية واللي حصل كل دة بيضعف الدنجل لكن معلش ملحوقة إن شاء الله بص ياسيدي الدنجل انا جايبة من تلات سنين من الحرفيين من عند محل اسمة عبدو طيرة كنت جايبة كامل ب200 جنية شيلت القديم وحطيط الاستيراد والحمد لله زي الفل وممكن تفاصل لحد ماتجيب سعر كويس فية لكن سعرة دلوقتي مش اعرف كام بامانة بس ممكن تسال في الحرفيين

شكرا لذوقك ومتابعتك

فعلا الدنجل من الاجزاء اللى مينفعش فيها لعب

انا لسه جايبه بطنابيره ب 350 جنيه وبعد الفصال ب 300 جنيه

شكرا لاهتمامك

[Greeko]

قدر الله وما شاء فعل
علي فكرة انا كمان عندي إتعوج ولسه شاريه امبارح ب 350 جنيه إستيراد
وان شاء الله هركبه السبت .. وفعلا انا سمعت من ناس كتير ان بلاش لعب فيه
شوف اللي يريحك وربنا يعينك