تغيير سير الدينامو وسير الكاتينة

[simsim_scorpio]

السلام عليكم ورحمة الله وبركاته

من حوالي شهرين كده حسيت ان صوت العربية عالي شوية وزي ما يكون في دوشة في الماتور المهم روحت للميكانيكي اللي بتعامل معاه بص علي العربية وقالي مفيهاش حاجه ولما بص علي السيور قولتله محتاجه تتغير قالي لأ لو حابب تغيرها ممكن تغيرها علي العيد الكبير مش قبل كده ( طبعا الكلام من شهرين تقريبا ) وانا بصراحه بفكر اغيرهم يمكن يكونوا هما السبب في تغير نغمة الماتور فكنت عايز اعرف العمر الافتراضي بتاعهم اد ايه او المفروض يتغيروا كل كم ولا كل كام شهر عموما انا شاري العربية من 9 شهور وعملوا لغاية النهاردة حوالي 15.000 كم ولما كنت بشتريها صاحبها وقتها قالي متغيرهمش لانه كان لسه مغيرهم علي كلامه وفعلا سير الدينامو كان باين انه جديد .
عايز اعرف المفروض يتغيروا كل اد ايه ؟
اغيرهم دلوقتي ولا استني شوية زي الميكانيكي مقال ؟
هل فعلا ليهم تأثير كبير علي صوت الماتور سواء مزعج او هادي ؟
هل هحتاج اغير السيور والبلي بتاعها كمان ولا السيور بس ؟
افضل نوع لسير الدينامو وسير الكاتينة ؟ وسعرهم كام ؟ وسعر البلي بتاعهم كام في حالة لو هحتاج اغيره ؟
تنصحوني بتغيير ايه تاني لاني من يوم ما اشترتها مغيرتش حاجه غير الفلاتر والموبينة ؟

تحياتي للجميع

[MohammedAladel]

إنت تعرف السيور اللى فى العربية دى أصلية ولا لأ ؟؟

وبعدين الميكانيكى عرف إزاى إنهم ممكن يقعدوا شوية أو بايظين
على حد معلوماتى إن السيور مينفعش تقدير ليها غير بالكيلومترات يعنى مشيت كذا كيلو يبقى تتغير

بس فيه فى سير الكاتينة بكرة كدا لو خشنة يبقى التغيير حان وقته هل هو بص على البكرة دى

هو السيور لو فيها حاجة ممكن تعلى صوت العربية بس هيبقى باين إنه من السيور والله أعلم

أكيد فيه أسباب تانية لعلو صوت الموتور غير السير زى الزيت مثلا لو مش بنفس اللزوجة أو ردئ النوع بس أنا مش هقدر أفيدك
إنتظر آراء الملاك

[ehab_mansour]

و عليكم السلام و رحمة الله و بركاته

أولا سير الكاتينة و الدينامو بيتغيرو كل 50 الي 60 الف كيلومتر و ميزيدش عن كده و فيه انواع الماني اصلي ممكن تسيبها لحد 80 الف و لكن لسوء حالة قطع الغيار عموما فأحسن يتغير كل 50 الف و سعر الاتنين في حدود 100 الي 120 جنيه و ممكن تصل الي 140 و ده حسب الماركة

ثانيا يستحسن مع تغيير السيور تغيير بلية الشداد لكل سير و هنا المشكلة لأن بلية شداد الكاتينة غالية بغباء و كمان مضروبة يعني هتلاقي في السوق الماني و ايطالي و صيني و للعلم هما كلهم صيني و لكن درجات لأن حضرتك لو بصيت علي البلية الداخلية نفسها هتلاقيها مجهولة الهوية و ده مستحيل مع المصنعين المحترمين و هتلاقي سعرها من 150 الي 250 جنيه و ده سعر مبالغ فيه جدا جدا و سعر بلية شداد الدينامو هتلاقيها في حدود 80 الي 100 جنيه و ده برضه سعر مبالغ فيه
انا في عربيتي الابيزا السابقة كانت بلية الشداد ليها صوت بسيط و اشتريت بلية ب 250 جنيه و ركبتها و خلعتها خلال اسبوع لأن التجهيزة بتعتها و الشداد طلعو بايظين و رجعت ركبت القديمة تاني و من يومها عمري مشتريت بلية شداد كاتينة ابدا و حتي الكوردوبا غيرت السير من غير تغيير البلية

عموما انت ممكن يكون البلي فعلا عامل صوت خشونة و ممكن ميكنش هو و يكون بلي الدينامو هو اللي عامل الصوت او طرمبة المياة كل ده محتاج فحص دقيق عشان تعرف مصر الصوت ولو مش مزعج انصحك كبر دماغك لأني في الابيزا عملت زيك و غيرت كل انواع البلي و طرمبة المياة (بلي الدينامو و الشدادات ) و برضه لم اجد فرق يذكر فكبر دماغك شوية طالما الصوت ضعيف و مش واضح

و انصحك متغيرش حاجه دلوقتي لو مش حاسس بصوت عالي او فيه مشكلة طالما لسه متغيرين

و متغيرش حاجه طالما عامل السيرفيس الطبيعي و عربيتك مظبوطة و استهلاكك في البنزين مناسب و مش عالي و اداء العربية مافيهوش مشاكل ... و موفق ان شاء الله

[thunder155]

روح لميكانيكى يكون شاطر , و خليه يغيرلك السيور و يسمع الصوت , فيه ميكانيكيه بيسمع الصوت بيعرف الصوت جاى منين بالظبط

[SYD]

و عليكم السلام و رحمة الله و بركاته

أولا سير الكاتينة و الدينامو بيتغيرو كل 50 الي 60 الف كيلومتر و ميزيدش عن كده و فيه انواع الماني اصلي ممكن تسيبها لحد 80 الف و لكن لسوء حالة قطع الغيار عموما فأحسن يتغير كل 50 الف و سعر الاتنين في حدود 100 الي 120 جنيه و ممكن تصل الي 140 و ده حسب الماركة

ثانيا يستحسن مع تغيير السيور تغيير بلية الشداد لكل سير و هنا المشكلة لأن بلية شداد الكاتينة غالية بغباء و كمان مضروبة يعني هتلاقي في السوق الماني و ايطالي و صيني و للعلم هما كلهم صيني و لكن درجات لأن حضرتك لو بصيت علي البلية الداخلية نفسها هتلاقيها مجهولة الهوية و ده مستحيل مع المصنعين المحترمين و هتلاقي سعرها من 150 الي 250 جنيه و ده سعر مبالغ فيه جدا جدا و سعر بلية شداد الدينامو هتلاقيها في حدود 80 الي 100 جنيه و ده برضه سعر مبالغ فيه
انا في عربيتي الابيزا السابقة كانت بلية الشداد ليها صوت بسيط و اشتريت بلية ب 250 جنيه و ركبتها و خلعتها خلال اسبوع لأن التجهيزة بتعتها و الشداد طلعو بايظين و رجعت ركبت القديمة تاني و من يومها عمري مشتريت بلية شداد كاتينة ابدا و حتي الكوردوبا غيرت السير من غير تغيير البلية

عموما انت ممكن يكون البلي فعلا عامل صوت خشونة و ممكن ميكنش هو و يكون بلي الدينامو هو اللي عامل الصوت او طرمبة المياة كل ده محتاج فحص دقيق عشان تعرف مصر الصوت ولو مش مزعج انصحك كبر دماغك لأني في الابيزا عملت زيك و غيرت كل انواع البلي و طرمبة المياة (بلي الدينامو و الشدادات ) و برضه لم اجد فرق يذكر فكبر دماغك شوية طالما الصوت ضعيف و مش واضح

و انصحك متغيرش حاجه دلوقتي لو مش حاسس بصوت عالي او فيه مشكلة طالما لسه متغيرين

و متغيرش حاجه طالما عامل السيرفيس الطبيعي و عربيتك مظبوطة و استهلاكك في البنزين مناسب و مش عالي و اداء العربية مافيهوش مشاكل ... و موفق ان شاء الله

طبعا الكلام دة مظبوط 100%
السيور الأحسن ليها كل 50,000
والبلي حسب خشونته (وانت بتغير خليه يكشف علي البلية - لأنك مش هتعرف تجيب حاجة انظف من اللي راكبة فيها)
انا شخصيا غيرت سير الدينمو قريب رغم انه ماكملش معايا 20,000 ودة لأنه كان ماركة زبالة اسمها كونتينتال (الماركة طبعا ألماني وزي الفل - المشكلة في المضروب) فضل ينسل مني لحد لما بقي 3 مجري فقط من اصل 6 مجري
وكل لما تنسل منه حتة كنت بقصها بالقطر لدرجة بقيت ماشي بالقطر في العدة بتاعتي
هتسمع ارقاام غريبة في السيور رغم ان نفس السير لعربية ماركة اخري هتلاقيه بسعر اقل من النص

ودة اللي انا عملته
اشتريت سير من عند قطع غيار أوبل وفي الأخر ادالي سير بتاع عربية امريكاني
بس بالفعل بنص الثمن واقل
سير الدينامو للأبيزا 1125 - 6 مجري ب 85 جنيه
انا اشتريت سير 1025 - 6 مجري ب40 جنيه - ومختوم عليه Made in USA ومحمل وطري وزي الفل اللي في الدنيا كلها
انت ليك بالمقاس وعدد المجاري انشاله تجيب سير توكتوك

http://www.nilemotors.net/Nile/303389-99-1-4-mpi.html#post3874472332

[simsim_scorpio]

متشكر جدا لردودكم الشافية هي المشكلة عندي مش مشكلة استهلاك او اداء العربية الحمد لله معدل الاستهلاك في متوسط 275 كم في الصفيحة وده خلال اخر 10 تفويلات وانا شايف انه معدل كويس جدا وبالنسبة لاداء المحرك عموما تمام الحمد لله المشكلة عندي ان نغمة الصوت اتغيرت شوية يعني بقت اعلي شوية انا بصراحه اول ما اشترتها مكنش ليها صوت خالص تقريبا علشان كده خايف تكون في مشكلة .
وسؤال للمهندس / محمد سيد انا شوفت مشاركة لحضرتك كنت بتقول فيها انك بتغير علي 2.000 ار بي ام مش شايف ان ده قليل جدااااااااااااااا بيتهيألي المعدل المقبول من 2.8 لحد 3 الاف ار بي ام ولا انت الار بي ام بتاعك غير اللي عندي انا عندي تقريبا 7 الاف ار بي ام ولا انا كده بحرق علي الغيار ولا ايه بالظبط ؟
ومتشكر جدا لكل من شارك في الموضوع

[SYD]

لا هي مش مسألة اختلاف ار بي ام
رغم ان الأر بي ام عندي اخره 6.5
بس انا مش بحب اعلي صوت الموتور وخصوصا ان مشيي هادي نوعا ما
وكمان عندي الشكمان عايز جوان وصوته عالي وطرمبة الباور فيها مشاكل وصوتها عالي
فمش بحب اسمع النعر بتاعهم وبقتصر الشر

[MohammedAladel]

أناكمان مبحبش أسمع صوت الموتور ولكن العربية أوتو معايا لازم أسمعه شوية فى الطلعة بس بعد كدا الصوت بيهدى والعربية مع سواقتى بتنقل على 2000 تقريبا برضه وفوق دا كله استهلاك البنزين هيبقى كويس إلى حد ما

[simsim_scorpio]

لا هي مش مسألة اختلاف ار بي ام
رغم ان الأر بي ام عندي اخره 6.5
بس انا مش بحب اعلي صوت الموتور وخصوصا ان مشيي هادي نوعا ما
وكمان عندي الشكمان عايز جوان وصوته عالي وطرمبة الباور فيها مشاكل وصوتها عالي
فمش بحب اسمع النعر بتاعهم وبقتصر الشر

هو فعلا طلع اخره عندي 6.5 اصل اخر رقم ظاهر في الار بي ام 6 وبعد كده مسافه صغيرة شوية .
المهم ان انا جربت النهاردة الصبح انقل علي 2.000 زيك كده حسيت ان العربية بتاخد وقت طويل علشان تاخد سرعتها لان بعد نقل الغيار الار بي ام بينزل 1.2 تقريبا والعربية بحس انها مش عايزه تمشي ( زي ما اكون راكب توكتوك ) هي فعلا صوتها كان هادي جدا . ولو اني شايف ان لما تنقل علي 3.000 ار بي ام بتديك صوت رياضي شوية ولا ده يعتبر حرق علي الغيار ؟
وانسب نقل يحافظ علي العربية وعمر الماتور يكون علي كام ار بي ام لاني غيرت زيت امبارح و الميكانيكي بيقولي الزيت نازل محروق رغم اني منزله علي 3200 كم بس انا قولت ده اكيد لان الزيت ردئ جدا لاني لاحظت وهو بيفضي الزيت انه عامل زي المياة ( موبيل xhp ) وناوي ان شاء الله المرة الجاية اغير لشل لاني حاسس ان اللزوجة بتاعته اعلي من الموبيل .

[SYD]

هو فعلا طلع اخره عندي 6.5 اصل اخر رقم ظاهر في الار بي ام 6 وبعد كده مسافه صغيرة شوية .
المهم ان انا جربت النهاردة الصبح انقل علي 2.000 زيك كده حسيت ان العربية بتاخد وقت طويل علشان تاخد سرعتها لان بعد نقل الغيار الار بي ام بينزل 1.2 تقريبا والعربية بحس انها مش عايزه تمشي ( زي ما اكون راكب توكتوك ) هي فعلا صوتها كان هادي جدا . ولو اني شايف ان لما تنقل علي 3.000 ار بي ام بتديك صوت رياضي شوية ولا ده يعتبر حرق علي الغيار ؟
وانسب نقل يحافظ علي العربية وعمر الماتور يكون علي كام ار بي ام لاني غيرت زيت امبارح و الميكانيكي بيقولي الزيت نازل محروق رغم اني منزله علي 3200 كم بس انا قولت ده اكيد لان الزيت ردئ جدا لاني لاحظت وهو بيفضي الزيت انه عامل زي المياة ( موبيل xhp ) وناوي ان شاء الله المرة الجاية اغير لشل لاني حاسس ان اللزوجة بتاعته اعلي من الموبيل .

بص يا باشا
بالنسبة للغيارات وانسب توقيت للنقل من غيار للتاني فدة مالوش اي مقياس غير طريقة قيادتك والشركة المصنعة لم تتدخل في توقيت الغيار غير ان كل ماهو نالك انها بتقول ان اقصي عزم للموتور بيطلع عند 3200 لفة في الدقيقة يعني تقريبا عند 3 ار بي ام
وبالتالي لحد 3 ار بي ام انت مشيك كويس بالعربية ومدي العربية اقصي عزم ليها ومعاك لحد 6 ار بي ام لحد لما توصل لأقصي قوة للمحرك -
بس احنا لاحظنا ان من 2 - 3 ار بي ام هو انسب توقيت للأستهلاك الجيد للموتور ومش بتاكل بنزين كتير - ولكن اكثر من ذلك افتري وهتلاقيها غول بنزين

بالنسبة للزيت المناسب - انا جربت شل الأصفر وكان ممتاز وبينزل علي 5000 كم
وبردو جربت زيت كاسترول الجركن الأبيض وبردو ممتاز معايا وبنزله علي 3000 كم

http://www.nilemotors.net/Nile/296608-99-1-4-a.html#post3874402010

تحياتي ليك

[simsim_scorpio]

تسلم ايدك يا محمد باشا اكتر حاجه بتعجبني في اجاباتك انها من توصيات الشركة المصنعه وبالمناسبة الصوت طلع من بلية شداد الدينامو وسألت عليها لقتها 100 جنية والسير ب 80 من فتح الباب والماركة توبران ولو اني ميال لكلام المهندس ايهاب بعدم تغير بلية الدينامو وهغير السيور بس بعد فترة لان الميكانيكي اكد انهم كويسين
تحياتي ليك ولجميع الاعضاء

[SYD]

يا باشا
بلية شداد الدينمو وبلية شداد الكاتينة ليهم عمر
احنا بنقول لو شغالة اوعي تغيرها لأنك مش هتعرف تعوضها (مش معني كدة انك ماتغيرهاش - بس المقصود بانك مش هتعرف تعوضها - انك مش هتعرف تجيب واحدة بتعيش قد هي ما عاشت) لكن لو باظت بتتغير

يعني انا مثلا مغير في عربيتي بلي الكوبلن الداخلي ودي من اخطر انواع البلي في العربية وبجد مش هتتعوض حتي لو جبتها استيراد
ودي خطورتها انها لو فركت او ملصت هتلاقي الكوبلن والفردة والمقص ويمكن تاخد الموتور نفسه وتطير من العربية
ومع ذلك غيرتها وجبتها صيني
بس لأنها الأصلية كانت بايظة - فهل معني انها الأصلية أقوم ما اغيرهاش ؟؟؟؟

لو بلية الشداد خشنة او بتصفر او تقيلة او باظت - فلازم تتغير
عواقبها مش حلوة ومش عايز زي ما بيقولوا افسر في وشك

تحياتي

[SYD]

وانصحك بلاش توبران
لف لفة كدة ولو مالقتش في السوق غير توبران يبقي الله غالب وهتجيبها غصب عنك

[simsim_scorpio]

عموما انت ممكن يكون البلي فعلا عامل صوت خشونة و ممكن ميكنش هو و يكون بلي الدينامو هو اللي عامل الصوت او طرمبة المياة كل ده محتاج فحص دقيق عشان تعرف مصر الصوت ولو مش مزعج انصحك كبر دماغك لأني في الابيزا عملت زيك و غيرت كل انواع البلي و طرمبة المياة (بلي الدينامو و الشدادات ) و برضه لم اجد فرق يذكر فكبر دماغك شوية طالما الصوت ضعيف و مش واضح

و انصحك متغيرش حاجه دلوقتي لو مش حاسس بصوت عالي او فيه مشكلة طالما لسه متغيرين

و متغيرش حاجه طالما عامل السيرفيس الطبيعي و عربيتك مظبوطة و استهلاكك في البنزين مناسب و مش عالي و اداء العربية مافيهوش مشاكل ... و موفق ان شاء الله

باشمهندس محمد سيد الفكرة يا باشا ان الصوت عندي مش مزعج فعلا هو زي ما وضحت لحضراتكم الصوت اتغير بقي اعلي شوية والميكانيكي لما بص علي العربية قالي ان في صوت خشانه بسيط خالص من بلية الدينامو وكان رأيه انها تمشي بس يستحسن اغيرها انا من ساعة ما قرأت مشاركة المهندس ايهاب وانا بصراحه قلقت لاني مش عايز ادخل نفسي في متاهات لاني بصراحة ما صدقت فوقت شوية لاني كنت عامل حادثة قبل العيد بثلاثة ايام - ربنا يستر طريقي وطريقكم - ومش عايز اسحل نفسي تاني مع العربية .
حضرتك تفضل اجيب ايه غير توبران او ايه افضل ماركة في قطع الغيار عموما لعربيتنا .
تحياتي للجميع

[SYD]

باشمهندس محمد سيد الفكرة يا باشا ان الصوت عندي مش مزعج فعلا هو زي ما وضحت لحضراتكم الصوت اتغير بقي اعلي شوية والميكانيكي لما بص علي العربية قالي ان في صوت خشانه بسيط خالص من بلية الدينامو وكان رأيه انها تمشي بس يستحسن اغيرها انا من ساعة ما قرأت مشاركة المهندس ايهاب وانا بصراحه قلقت لاني مش عايز ادخل نفسي في متاهات لاني بصراحة ما صدقت فوقت شوية لاني كنت عامل حادثة قبل العيد بثلاثة ايام - ربنا يستر طريقي وطريقكم - ومش عايز اسحل نفسي تاني مع العربية .
حضرتك تفضل اجيب ايه غير توبران او ايه افضل ماركة في قطع الغيار عموما لعربيتنا .
تحياتي للجميع

يا باشا انا مش بقولك غيرها
فقط لما فعلا تحتاج للتغير يبقي لازم تغيرها - لو لسة فيها الروح خليها شوية ، لحد لما بجد يبقي لازم تغيرها

اما بالنسبة للأنواع فأنا للأسف ماشتريتهاش جديدة
انا لما غيرت شورت بلوك جالي فيه بلي الشداد سواء للدينمو او الكاتينة وبردو حالتهم متوسطة ويجب تغييرهم ولكن انا منتظر زيك كدة لحد لما يجيبوا اخرهم

تحياتي

والله المستعان
،
،