العربية مش بدور من اول مرة

[SYD]

هو صوت ورررررررر بزنه زى ترسين بيحكو فى بعض او زى صوت حاجة بتلف بس خشنه شوية .. والصوت دة العربية مبتلقطش معاه اى حاجة يعنى استحالة تدور .. لازم اقفل واعيد المحاولة لحد ما تلقط مرة واحدة
والعربية لما بتلقط يعنى الصوت اللى كان بيطلع دة مبسمعوش نهائى يعنى تلقط على طول من غير صوت كانها زى الفل ...

يعنى يوم الاثنين اروح للميكانيكى مش كهربائى ؟؟؟

علي فكرة من كلامك دة - أشك انها شربون المارش
ودي هتروح لكهربائي وليس ميكانيكي
هتشتري شربون للمارش (اعتقد هتلاقيه ب 15- 20 جنيه) وهتركبه
عارف شربون المارش دة عامل زي حجر الولاعة لما يكون خلصان
ممكن تولع من اول مرة وممكن تلف الساقية 3 او 4 مرات علي ماتلقط معاك

شوف كدة وقولنا وصلت لأيه مع الكهربائي

[mahmoud ghanem]

علي فكرة من كلامك دة - أشك انها شربون المارش
ودي هتروح لكهربائي وليس ميكانيكي
هتشتري شربون للمارش (اعتقد هتلاقيه ب 15- 20 جنيه) وهتركبه
عارف شربون المارش دة عامل زي حجر الولاعة لما يكون خلصان
ممكن تولع من اول مرة وممكن تلف الساقية 3 او 4 مرات علي ماتلقط معاك

شوف كدة وقولنا وصلت لأيه مع الكهربائي

ربنا يطمنك يا استاذ سيد
انا عارف الشربون بتاع المارش

بكرة ان شاء الله هروح للكرهربائى وارجع اقلكم ما تم

مش عارف اقلكم ايه ياجماعة .. متشكر جداً على تعاونكم واهتمامكم

[hossamalsadik]

انا متاكد ان العيب فى المرش بعد الأطلاع على المشاركات السابقه .......... وبالتوفيق والله المستعان

[SYD]

ها وصلت لأيه ؟؟
ياريت تطمنا عملت ايه في المشكلة والحل كان ايه

[mahmoud ghanem]

كل سنه وانتم بالف خير ..
وعيد سعيد على كل اعضاء المنتدى
بعد الشغل عديت على الكهربائى النهاردة ..
دور دارات زى الفل شوية كدة وعملت الحركة اياها .. اول ما سمع صوتها قلى دة ترس البندكس

انا قلتله اية ترس البندكس دة راح جايبلى واحد قديم عنده وقلى زى دة وقالى دة اللى بيدور الماتور والصوت اللى العربية بتعملة دة علشان الترس بيلف على الفاضى

وطبعاً قالى مش النهاردة لن الوقت كان 8 م تقريباً ..
فا المفروض الصبح هرحله بيها علشان يفك المرش ويغير الترس !!!
وسألته احنا هنجيبة جديد ولا استيراد .. قالى جديد طبعاً ..

بما انى ابيض من الصينى فى الكهرباء والميكانيكا مش عارف رئيكم اية فى الكلام دة ؟؟؟
ولو ترس البندكس دة فعلا هيتغير حد عنده فكرة الموضوع دة يتكلف كام ؟؟
يعنى هو جديد بكام ؟؟ ومن فين ؟؟ فتح الباب مثلا ؟؟ والمصناعية فى حدود كام ؟؟
محتاج رأيكم ومسعدتكم ياشباب والله

واكيد هقلكم انا عملت اية ووصلنا لـ ايه ..

[SYD]

اخخخخخخ
ترس البندكس
تصدق نسيت خالص الموضوع دة
معلش فاتت عليا
لو عايز تعرف هو ولا لا
اول لما تعملها معاك - اديها اول وتاني اول وتاني كام مرة ورة بعض
لو دارت بعدها يبقي هو

مش هتفرق كتير جديد من مستعمل

بصراحة مش عارف ممكن يعمل كام جديد

[mahmoud ghanem]

اخخخخخخ
ترس البندكس
تصدق نسيت خالص الموضوع دة
معلش فاتت عليا
لو عايز تعرف هو ولا لا
اول لما تعملها معاك - اديها اول وتاني اول وتاني كام مرة ورة بعض
لو دارت بعدها يبقي هو

مش هتفرق كتير جديد من مستعمل

بصراحة مش عارف ممكن يعمل كام جديد

اولا : انا قاعد مستنى ردك وعارف انك مش هتتأخر عليا بالرد كعادتك فا ربنك يباركلك
ثانياً : ولا يهمك يا باشا ده انت مغرقنا بنصيحك واستشاراتك المفيدة بجد
انا هجرب الطريقة بتاعتك اديها غيار وهى مبطلة اول وتانى كام مرة كدة
وخير ان شاء الله
طب انا لو استحملت الحركة دى و اجلتها شوية كدة فيها مشكلة على حاجة تانية ؟؟

[SYD]

اولا : انا قاعد مستنى ردك وعارف انك مش هتتأخر عليا بالرد كعادتك فا ربنك يباركلك
ثانياً : ولا يهمك يا باشا ده انت مغرقنا بنصيحك واستشاراتك المفيدة بجد
انا هجرب الطريقة بتاعتك اديها غيار وهى مبطلة اول وتانى كام مرة كدة
وخير ان شاء الله
طب انا لو استحملت الحركة دى و اجلتها شوية كدة فيها مشكلة على حاجة تانية ؟؟

ربنا يبارك فيك
بص يا باشا
سبب التعليقة ان ترس البندكس مكسور منه سنة او اتنين او اكثر
ولما بتيجي (بالحظ) السنة المكسورة قصاد ترس المارش بيفوت معاك ومش بتدور
ولما حضرتك بتديها غيار اول وتاني بتلف الترس لحد لما تيجي سنة سليمة قصاد ترس المارش فبتدور معاك
اعتقد التأخير ممكن يتسبب في كسر سنون اخري من الترس وهتوصل لمرحلة انها مش هتدور بعد كدة

بس ما تقلقش يعني
الترس مش هيتكسر كله في يوم ولا اتنين

استني لبعد العيد واعملها

تحياتي

وياريت تشارك معانا في الموضوع دة

http://www.nilemotors.net/Nile/314897-2012.html#post3874591621

[Karim Ibiza]

كل سنه وانتم بالف خير ..
وعيد سعيد على كل اعضاء المنتدى
بعد الشغل عديت على الكهربائى النهاردة ..
دور دارات زى الفل شوية كدة وعملت الحركة اياها .. اول ما سمع صوتها قلى دة ترس البندكس

انا قلتله اية ترس البندكس دة راح جايبلى واحد قديم عنده وقلى زى دة وقالى دة اللى بيدور الماتور والصوت اللى العربية بتعملة دة علشان الترس بيلف على الفاضى

وطبعاً قالى مش النهاردة لن الوقت كان 8 م تقريباً ..
فا المفروض الصبح هرحله بيها علشان يفك المرش ويغير الترس !!!
وسألته احنا هنجيبة جديد ولا استيراد .. قالى جديد طبعاً ..

بما انى ابيض من الصينى فى الكهرباء والميكانيكا مش عارف رئيكم اية فى الكلام دة ؟؟؟
ولو ترس البندكس دة فعلا هيتغير حد عنده فكرة الموضوع دة يتكلف كام ؟؟
يعنى هو جديد بكام ؟؟ ومن فين ؟؟ فتح الباب مثلا ؟؟ والمصناعية فى حدود كام ؟؟
محتاج رأيكم ومسعدتكم ياشباب والله

واكيد هقلكم انا عملت اية ووصلنا لـ ايه ..

وانت طيب وعيد سعيد عليك

الحمد لله انها جت على قد كده وانا كنت قايلك انه ترس فى المارش مفوت ومحتاج تغيير
بس بلاش تستنى عليه وحاول تعمله بكره عشان ميقرفكش فى العيد وهو هيكون ثمنه بسيط بس اشترى نفسك لأن الموضوع ده كان بيحصل معايا فى عربيتى لادا قبل الابيزا وكنت لازم اعشق غيار وانزل اهزها ورا و قدام لحد ماتلقط وكانت بتفرهدنى ومتهيألى المصنعية هتكون فى حدود 20 جنيه والله أعلم

[mahmoud ghanem]

فعلاً يا استاذ كريم انت قلت ترس مفوت ..
متشكر يا رجالة والله مشعارف اقولكم اية ..
ان شاء الله هروح له بكرة واخلص .. بس كنت مقلق من انه بعد مايفك المارش منلقيش الترس دة وانتم عارفين ان بكرة اخر يوم ومن يوم الخميس الناس كلها مأجزة يمكن للاسبوع اللى بعده كمان علشان كدة سئلت لو أتأجلت هتبقى فيها مشكلة ..

بس هتوكل على الله واخلص بكرة

[mahmoud ghanem]

فعلاً يا استاذ كريم انت قلت ترس مفوت ..
متشكر يا رجالة والله مشعارف اقولكم اية ..
ان شاء الله هروح له بكرة واخلص .. بس كنت مقلق من انه بعد مايفك المارش منلقيش الترس دة وانتم عارفين ان بكرة اخر يوم ومن يوم الخميس الناس كلها مأجزة يمكن للاسبوع اللى بعده كمان علشان كدة سئلت لو أتأجلت هتبقى فيها مشكلة ..

بس هتوكل على الله واخلص بكرة

كل سنه وانتم طيبين وعيد سعيد علينا كلنا ان شاء الله

انت كنت ناوى بصراحة اروح للكهربائى النهاردة بس مقدرتش اروح نظراً لظروف العيد وطبعاً الاولاد فى البيت قعدوا فوق دماغى عايزين وعايزين .. والعربية دى هتاخد اليوم كله ومش هنلحق والخركات اياها اللى كل المتجوزين بيعانوا منها ..
المهم علشان مطولش عليكم بعد مظاهرة الاحتاجاج اللى كانت عندى فى البيت قررت انى اجلها الى بعد العيد ان شاء الله ..
وكل سنه وانتم طيبين

[SYD]

وانت طيب يا باشا وربنا يصلحلك الحال