تظبيط النور العالى والواطى بنفسك - ابيزا 98

[mahmoud ghanem]

السلام عليكم
انا مشكلتى كلها ان النور الواطى و العالى كان ضارب لفوق شوية فكان الواطى بيضرب فى عين سائق الجهة المقابلة والعالى كان بيصطاد العصافير من على الشجر .. وكنت بسمع تعليقات بسبب الموضوع دة تفتح النفس
فريحت نفسى وبقيت مش بشغلة غير على الطرق المفتوحة سواء الواطى او العالى .. وكنت بلبس مطبات وحفر زى الرز بسبب الموضوع دة

وكنت لازم اروح للكهربائى علشان يظبط الدنيا وقبل مااروح قرأت شوية على النت وفهمت ان فى بكرة بتظبط بيها النور موجودة فى الفانوس .. قلت مبدهاش انزل واشوف الدنيا فيها اية !!!
وفعلاً لو فتحت الكبوت هتلاقى بكرة موجودة فى الفانوس من تحت من ناحية الرفرف بتتحكم بيها فى ارتفاع وانخفاض النور .. واحسن حاجة تظبط بيها النور بتاعك تركن امام حائط على بعد 12 - 15 متر تقريباً وبليل طبعاً - علشان تقدر تظبط بيها ارتفاعت النور عندك

البكرة دى متحركة عندى يعنى بتلفها يمين وشمال ( شمال بنزل النور لتحت - يمين بيرفع النور لفوق ) لحد ماتظبط المستوى المطلوب وفيها كمان تحكم زى الدراع بينزل لتحت ويطلع لفوق ..
فعلاً اظبط النور عندى والفانوسين بقوا مسترة والحمد الله .. ومن غير ما تروح للكهربائى فاضل عندى بس لمبة النور الارضى فى الفانوس الشمال محروقة وهغيرها ان شاء الله
يارب يكون الموضوع مفيد

تحياتى

[wsamir]

شكرا على المشاركة

[SYD]

تسلم ايدك
شغل تمام
بس مفيش صور للبكرة و للرجلاش
ياريت صور علشان التقرير يكتمل

تحياتي

[mahmoud ghanem]

اوك .. هصورهم النهاردة وانزلهم علشان الكل يستفيد

[mahmoud ghanem]

دة كان الحال قبل التظبيط




1- دى صورة الفانوس الشمال اللى هبداء بيه


ودى البكرة لتظبيط مستوى ارتفاع وانخفاض الانوار ( يمين - شمال )


ودة الزراع وبكرة ايضاً ممكن ايضاً التحكم فى ارتفاع الاضواء ( فوق - تحت - شمال - يمين )


2- دى صورة الفانوس اليمين


دى البكرة لتظبيط مستوى ارتفاع وانخفاض الانوار ( يمين - شمال )


3- النتيجة بعد رجلشة وتظبيط الانوار


يارب الموضوع ينال اعجابكم
تحياتى

[mshmshm3]

خلي بالك من نقطة ان الفانوس اليمين من و انت جوة العربية بيكون اعلي من الشمال او بمعني اصح الشمال بيكون اوطي عشان العربية المقابلة

[mahmoud ghanem]

انا عملت الكلام دة الصبح .. و لسة مجربتش على الطريق الوض هيبقى اية ( يعنى محتاج يعلى شوية - يوطى شوية ) .. بس كدة او كدة احنا عرفنا نتحكم فيها ازاى وكل واحد هيظبطها على الاضاءة اللى هيرتاح معاها

[Ahmed_Gallant]

متابع بشده

[طارق _عبد السلام]

تسلم ايدك
شغل تمام

[mahmoud ghanem]

بعد التجربة .....

10/10
فرق شاسع بصراحة ومفيش وجه مقارنة بالاول ..
مشكلة واتحلت الحمد الله

[ehab_mansour]

الف مبروك يا استاذ محمود و هو ده الشغل لأن الكفتجيه طهقوني و طلعوني من هدومي خلاص مع اول تجربة حقيقية لي عند ميكانيكي محترم حسب قولهم

[Ahmed_Gallant]

بحب اسمع كلمه انها اتحلت خلاص برتاح نفسيا
مبروك عليك يا صديقى

[mahmoud ghanem]

الف مبروك يا استاذ محمود و هو ده الشغل لأن الكفتجيه طهقوني و طلعوني من هدومي خلاص مع اول تجربة حقيقية لي عند ميكانيكي محترم حسب قولهم

الله يبارك فيك ياهندسة .. بس الاول الف حمد لله على السلامة يا بشمهندس والحمد لله انها جت على قد كده .. ثانياً : الواحد لو ركز شوية هيلاقى حجات كتير يقدر يعملها بدون مايحتاج لصنايعى ودة طبعا بفضل الله و روح التعاون الموجودة فى المنتدى
انا أحييك علي مجهودك انت و الاستاذ محمد سيد و الاستاذ صلاح وباقى الاعضاء فى المنتدى
وربنا يكفينا شر الطريق

بحب اسمع كلمه انها اتحلت خلاص برتاح نفسيا
مبروك عليك يا صديقى

الله يبارك فيك يا جميل ومتحرمش من زوقك .. بصراحة لما تكون بتعانى من مشكلة فى عربيتك بتبقى حاجة تخنق
بس لما بتتحل بتحس بطعم ركوبك للعربية وهى مظبطة وخصوصاً لو مظبطها بأيدك :)

[hesham ahmed]

انا عندي نفس المشكله بس في كورسا سيدان
كان المشكله ان العالي و الواطي ضاربين ل فوق
بس المشكله بقي هو الريجلاش دا بيتحكم في انهي واحد فيهم
اصل عايز انزل الواطي ... الاقي العالي كمان نزل .....
اعلي العالي ... الاقي الواطي كمان طلع ........ و كل اللي جاي لازم يقولي تعليق .... احلفله ان دا الواطي :)))

[mahmoud ghanem]

انا عندي نفس المشكله بس في كورسا سيدان
كان المشكله ان العالي و الواطي ضاربين ل فوق
بس المشكله بقي هو الريجلاش دا بيتحكم في انهي واحد فيهم
اصل عايز انزل الواطي ... الاقي العالي كمان نزل .....
اعلي العالي ... الاقي الواطي كمان طلع ........ و كل اللي جاي لازم يقولي تعليق .... احلفله ان دا الواطي :)))

انا مش عارف فوانيس الكورسا زى اللى عندى ولا لاء ..
بس المفروض عندى الرجلاش دة بيتحكم فى الاتنين مع بعض فى نفس الوقت بمعنى ان لما انزل من البكرة الموجودة فى الفانوس .. نور الاتنين بينزلوا مع بعض الواطى والعالى
ولما بعلى النور من البكرة بردوا التنين بيعلوا مع بعض الواطى والعالى