ملاحظاتكم عن ابيزا 2006

[kyrillos]

السلام عليكم
عايز أسأل على الابيزا 2006, أنا خلاص تعبت من ال 94, كفاية عليا كده
وشفت أن الابيزا 2006 تعمل حوالى 50, طبعا فى ناس كتير قالوولى ابعد عنها وخليك فى الكورى وكده عشان سعر اعادة البيع وقطع الغيار والحاجات دى وبصراحة معاهم حق
بس الالمانى ركوبه برضه مهما كان ومتانة وأمان
أنا ال94 اللى معايا دى بقرص عليها جدا وبطلع عنيها ولا بتشتكى, وبحط بيها على عربيات كتيييييييييييير
المهم عشان مطولش عليكم, عايز اعرف ايه رأيكم فى الابيزا 2006 وتقريبا تعمل كام لو حالتها كويسة وأى ملاحظات عليها

شكرا

[S O P H O S]

السر فالبوابة بتاعت العربية دي لحد دلوقتي شوف وانا متابع معاك
علشان بدور علي 2008 او 2010 والوضع غير مطمئن بصراحة
وتحس ان مفيش حد معاه 2006 الي 2008 ..

[hossamalsadik]

موديل مهم أحنا عوزين حد جربها بنفسه لأن مواضيعها قليله بس فى ناس ركباها وخصة القرطبه 2006

[S O P H O S]

الايجابي

http://www.nilemotors.net/Nile/10465-2006-2008-a.html

وفي للاوتو بس بعيدا عن الموضوع ..

[kyrillos]

شكرا يا باشا, بس برضه مافيش رد شافى على السؤال
هى تعمل كام؟ أنا شفت كذا واحدة 2006 على كونتاكت كار, بيبتدوا فى اول الخمسينات وفى ناس بتطلب ستينات
وملهاش تسعيرة واضحة عشان مش منتشرة
المهم هى أصلا تسوى 50 ؟ ولا الواحد يركب حاجة تانية ؟ وزى ايه كده

[S O P H O S]

لا هي تسوي خمسين طبعا
بس المهم تبقي العربية نظيفة علشان متتعبكش وتقعد تلف علي الحاجات
لان مثلا البوابة لو عرفت هي بكام توكيل هتفكر كتير
ولو تحب اجبلك مشاركات لملاك العربية دي للتوضيح
عندي كل كلام العربية دي من اول ما قسم سيات فتح وحتي الان
والله اعلم ..

[kyrillos]

الصراحة الموضوع بيلعب فى دماغى, العربية رغم انها صغيرة بس ممتازة
حجمها مناسب قوى لمصر, أحيانا الواحد بيحتاج الشنطة طبعا, بس دايما الواحد محتاج الحجم الصغير ده
امان واستهلاك بنزين مناسب جدا, بس مش منتشرة قوى وتقريبا هاتعدى الخمسين لو لاقيتها يعنى
بس عايزة تدوير شوية علشان لسعتها هاتبقى وحشة قوى قوى
ايه موضوع البوابة اللى تاعبك ده ؟؟؟

[S O P H O S]

الصراحة الموضوع بيلعب فى دماغى, العربية رغم انها صغيرة بس ممتازة
حجمها مناسب قوى لمصر, أحيانا الواحد بيحتاج الشنطة طبعا, بس دايما الواحد محتاج الحجم الصغير ده
امان واستهلاك بنزين مناسب جدا, بس مش منتشرة قوى وتقريبا هاتعدى الخمسين لو لاقيتها يعنى
بس عايزة تدوير شوية علشان لسعتها هاتبقى وحشة قوى قوى
ايه موضوع البوابة اللى تاعبك ده ؟؟؟

يعني ايه الجملة الاخيرة دي ؟؟
انا بقول لحضرتك الي اعرفه والموضوع مفتوح للنقاش والرد العام
لو الكلام في شئ يحتاج النقاش مش كده ..

[kyrillos]

يا باشا أنا مش بنكر أو بقول انك غلط ولا أى حاجة
أنا أصلا لوقت قريب ماكنتش أعرف ان البوابة ده جزء فى العربية
أسف لو الاسلوب ضايقك

[S O P H O S]

طبعا بعد اذن اصحاب المشاركات احب اضيف ليك
بعض من الكلام الي حصل علي العربية دي منذ بداية القسم وحتي الان



ده للتفكير الجماعي ليس الا
اتمني يكون قصدي وصل ..

[أحمد يونس]

العربية معايا ممتازة جدا بس النظيف منها ب60 الف

[SYD]

العربية معايا ممتازة جدا بس النظيف منها ب60 الف

اهلا بحضرتك استاذ احمد يونس عضو جديد معانا في سيات نايل موتورز

ربنا يباركلك فيها
بس ياريت لو حضرتك تعملنا تقرير بيها بما ان حضرتك احد ملاكها بعد استخدام لأكثر من 6 سنوات
تذكرلنا فيه سعة المحرك ونوع ناقل الحركة والمواصفات بتاعة العربية اللي نزلت بيها سنة 2006
والمميزات والعيوب وتوافر قطع الغيار جوة التوكيل وبرة جديد واستيراد ومستوي الاسعار بالامثلة
وتقييمك ليها كسيارة في نقاط مثل التسارع والاستهلاك والثبات والرفاهية والمساحات الداخلية والتخزينية
يعني لو حضرتك تعملنا تقرير متكامل نكون شاكرين جدا لحضرتك

واهلا بيك مرة تانية

والله المستعان
،
،

[ehab_mansour]

السلام عليكم
لدي بعض المتابعات قديما مع بعض الاصدقاء من المنتدي هنا اتكلمنا اكتر من مره عن مشاكل في العربية دي و موديل 2006 بالذات و تابعتهم فيه و كذلك للكوردوبا و حاجات اخري خاصة بالبوابة و تجارب شخصية ايضا مع العربية دي و برده الموديل ده مع احد الاصدقاء المقربين و برضه معرفة من المنتدي و لكنه مش بيشارك غير قليل جدا
ان شاء الله هجمع كل ده و اعمل بيه مشاركة هنا عن كل شيء اعرفه عنها للافادة و لكن انتظروني حتي استطيع تجميع كل ده و الله المستعان و الموفق

[S O P H O S]

فعلا محتاجين تقيم يكون فالمكان هنا بعد سنوات تجربة
لاني عديت علي القسم هنا من اول موضوع لاخر موضوع وكل كلمة خاصة بالعربية
ووصلت لحاجات غير مؤكده بنسبة كبيرة
ولو التقيم اتعمل عن العربية دي هيبقي ضمن اعمدة المواضيع الهامة فالمكان
وزي ما قال استاذ سيد والاخوة الافاضل ..