تغيير اويل سيل لابيزا 94

[ehab_mansour]

الف الف الف شكر لردودكم الى بتخلى الواحد يحس انه مش لوحده وفيه حد بيساعده فى مشاكل عربيته

الحمد لله ، عرفت ايه مشكله موضوع رجة الدركسيون ...
طلعت الاسكترا عايزه تتغير
كشفت عند واحد اسمه درش فى عين شمس ورا مزلقان كوفرتينا ، بصراحه شكله فاهم قوى ،بعد ماكشف على العربيه هو الى قالى انت عندك تخبيط فى الدركسيون من غير ما أقوله ومحتاج تغير الاسكترا . بس معرفتش اجيبها امبارح علشان الوقت كان متأخر ... والنهارده ان شاء الله انزل اجيبها من الحرفيين بعد الشغل. انا اتصلت بالسراج وقالى 450 جنيه بالبارات مش عارف بقى ده كده كويس ولا ايه ، سألت عليها جديده ب 400 جنيه صينى ولوحدها من غير البارات . على العموم هنزل بكره وزى ماتيجى .. ادعولى

اما بالنسبه للاويل سيل ياريت تانى لو حد يعرف ميكانيكى كويس بدل ماروح لواحد يشتغلنى ، لانى محددتش لحد دلوقتى هو مشكله الاويل سيل بتاع الفتيس ولا بتاع الكرنك لحسن موضوع الزيت ده تاعبنى جداً و بيطلع ريحه لما بينزل عالشكمان .

والله الموفق

الحمد لله انك لقيت حل مشكلة العفشة .... بخصوص موضوع الزيت بكل بساطة انزل انت تحت العربية و شوف هل الزيت جاي من تحت المحرك ولا من تحت الفتيس و هتلاقي أكس بيلمع كده خارج من الفتيس لو لقيت الزيت جاي من حوالية و الدنيا معكوكه علي جسم الفتيس يبقي من الاولسيل

لقيت الزيت من مكان أخر يبقي ياريت تصور المكان و ترفعلنا الصورة هنقلك جاي منين

و الله الموفق

[hossamalsadik]

استاذ يااااااا بشمهندس ايهاب والله وربنا يجزيك كل الخير على مساعدتك للأعضاء ونا بقرأ الموضوع انفعلت بسبب جشع التجار واستهبلهم .... وهما عرفين ان انتا هتشترى عشان محتاج وتجار الألمانى بالذات لأن الأعتقاد ان كل 10 تجار شغاله فى الكورى مثلا واحد بس شغال المانى وده سبب واحد بس من الى بيخليهم يدلعوا ويستهبلوا وكدا