تجربة تفريغ نص بولو كلاسيك فى ابيزا 98 (الجزء الأول)

[Karim Ibiza]

ايهاب انا قايلك
الله اكبر عليه
خبرة تسقيط - قعد فوق ال6 شهور بحث في الحرفيين وراء قصة التسقيط دي
ربنا يباركله في عربيته

تحياتي

6 شهور!!!!!!
ربنا يديله الصحة :b4_611:

[qwezo]

لونه رصاصى ميتالك بالفرش الداخلى بتاعه


هبأة أصوره صورة أوضح

شكرا للرد و هستنى الصورة ان شاء الله

[hossamalsadik]

أيه الحلاه ديه الناس مدلعاك ياكريم باشا بكل مايملكون من معلومه
ومتهيألى موضوعك ممكن يكون مرجع لملاك السيات الموديل ده بس عوزين تنسيق وصور كتييير

متابع بأهتمام

[windofchange]

6 شهور!!!!!!
ربنا يديله الصحة :b4_611:

ههههههه تصدق في الفترة دي اكثر من 6 شهور ياسيد باشا اه يااانا ياممه فعلا 9 شهور يعني دخلت علي سنة انا متأكد ان التجار ممكن يكون افتكروني مجنون هههههه من كتر اتصالتي بيهم واللف عليهم وده لان الانصاص اللي كانت موجودة كانت اغلبها 1000 و1400 وال1800 بس كان غالي لان كنت هجيب عفشة قطعية خلفية معاه وشكمان كامل مواسير وعلب وطرمبة بنزين اقوي اكيد ووقف ب8500 وده كتير اووي بالنسبة لي وكان في دماغي دائما استهلاك البنزين وكان عندي جزئية شك ان الموتور ال1600 فيما فوق هيبوظ الشاسية (خايف عالعربية يااعملها وتاخد امتياز يا مش لاعب بس الدنيا مش كده اكيد بس اهو بنحاول) فاتأخرت اكتر وضيعت قطعية ايبيزا بموتور alm 1600 دفعت عربون وسحبته من التاجر !!!! (الانذار الفابريكة كان في ضفيرة العربية الايبيزا دي وقطعية البولو كانت من غيره فعربيتي لما غيرت الضفيرة الانذار وقف فيها جزئيا للاسف ضاع كده الانذار الفابريكة وكان حلو طبعا) (هنا يبان فايدة المنتدي والرجالة اللي هنا في سيات ونايل عموما ربنا يجمعنا في جنته آمييييين)وضيعت قطعية ايبيزا تانية بموتورaft ويوم مااستقريت ان الموتور خلاص مش هيبوظ الشاسيه رحت خدت واحد صاحبي بيفهم المفروض فالعربيات قالي الموتور ده مش كويس بسبب ... مش فاكر ساعتها وبعدها قلت اخلص فيه وخلاص لقيت العفشة طلعا التاجر من القطعية حقه طبعا فقفلت معايا (كان ممكن اجيب موتور من عالارض واجزاءه لكن انا شايف ان ده اغلي ومش صح)وسبب استقراري الحمدلله ان في ناس معانا في المنتدي زمان زي IBIZA ربنا يرجعه بالسلامه ويوفقه اين ماكان..كان مسقط ال6 سلندر VR6 وكلمته ومحصلش حاجة ماشاء الله شاسيه كويس مااشتكاش من حاجة وانا خايف عالعربية طبعا كانوا 9 شهور ضغط نفسي وحلمت مرتين اني جوه الكبوت بصلح بالمفتاح ايه مش فاكر هههه لااااا الحمدلله كانت ايام

[graffittiii]

توبيك جميل جدا ... وإن شاء الله تخلص التسقيط علي خير ..
متابع من قسم الفيات ...
.

[eleanor]

انا بصراحه بقدر الشخص اللى بيهتم بعربيته بالشكل ده انا مريت بالتجربه دى مع عربيتى البيجو 505 وكانت سحله بس ليها متعه خصوصا لما تستلم العربيه وتجربها وان شاء الله عربيتك تخلص على خير و تنقلنا اخر التطورات وربنا معاك

[EngAhmedSayed]

موضوع عاوز جراءه
و الجراءه دى لازم تيجى من حد فاهم
ربنا يبركلك فى موضوع التسقيط و التجديد و التعديل
و ان شاء الله متابع معاك الموضوع لانه يستحق المتابعه
ربنا يوفقك و يكفيك شرها يارب
تحياتى ليك بالتوفيق

[Karim Ibiza]

أيه الحلاه ديه الناس مدلعاك ياكريم باشا بكل مايملكون من معلومه
ومتهيألى موضوعك ممكن يكون مرجع لملاك السيات الموديل ده بس عوزين تنسيق وصور كتييير

متابع بأهتمام

الحمد لله القسم هنا ماشاء الله عليه كل الناس بتفيد بعض وحدش بيبخل على حد
ربنا يسهل الحال ان شاء الله

[Karim Ibiza]

توبيك جميل جدا ... وإن شاء الله تخلص التسقيط علي خير ..
متابع من قسم الفيات ...
.

اهلا بيك وشكرا لمرورك

[Karim Ibiza]

انا بصراحه بقدر الشخص اللى بيهتم بعربيته بالشكل ده انا مريت بالتجربه دى مع عربيتى البيجو 505 وكانت سحله بس ليها متعه خصوصا لما تستلم العربيه وتجربها وان شاء الله عربيتك تخلص على خير و تنقلنا اخر التطورات وربنا معاك

على قد ما الواحد بيدفع دم قلبه فى موضوع زى ده بس فى الاخر بيبقى فخور بعربيته
ال 505 من العربيات اللى بيبان عليها الصرف وفعلا مش خسارة فيها التعب ولا الفلوس

[Karim Ibiza]

موضوع عاوز جراءه
و الجراءه دى لازم تيجى من حد فاهم
ربنا يبركلك فى موضوع التسقيط و التجديد و التعديل
و ان شاء الله متابع معاك الموضوع لانه يستحق المتابعه
ربنا يوفقك و يكفيك شرها يارب
تحياتى ليك بالتوفيق

مخاطرة كبيرة جدا عاملة زى البطيخة وانت وحظك
متابعتك للموضوع شرف لينا
شكرا لمرورك

[Karim Ibiza]

شكرا للرد و هستنى الصورة ان شاء الله

باشا انا بعتذرلك
انا مش هبيع الكبوت عشان هخليه لما اعمل سمكرة لعربيتى
ياريت لو عندك شبكة بولو مكسورة تقولى عشان محتاجها

[المنسي]

انتم السابقون ونحن اللاحقون الف مبروك مقدما وان تقريبا شكلى هحصلك بس لسه قدامى 3 شهور كمان عقبال ماستقر والم الموضوع كله من حيث الدراسة

[Karim Ibiza]

انتم السابقون ونحن اللاحقون الف مبروك مقدما وان تقريبا شكلى هحصلك بس لسه قدامى 3 شهور كمان عقبال ماستقر والم الموضوع كله من حيث الدراسة

توكل على الله ياباشا واحنا معاك
وطبعا حضرتك عارف ان الاسكودا زيها زى السيات تحت مجموعة فولكس

[المنسي]

توكل على الله ياباشا واحنا معاك
وطبعا حضرتك عارف ان الاسكودا زيها زى السيات تحت مجموعة فولكس

ان شاء الله قريب وناوى اسقط موتور 1600 mpi من AFE بس للاسف الوحيد اللى بيبع ليه قطع غيار هو فتح الباب بس اللى اعرفه لغاية دلوقتى بس ليا سؤال بخصوص موضوع البنزين وده اللى قلقان منه وموضوع انه هيغلى ده ايه رايك فيه