استفسار عن درجة الحرارة الطبيعية - ابيزا 98

[abb]

السلام عليكم اولا
المشكله عندىبدات لما لاقيت ان مؤشر الحراره بقا ع النص بلضبط وطبعا كل اللى معاهم الابيزا عارفين ان الطبيعى بتاعها قبل النص بشرطه المهم قلت دورت ع الميه والمرواحه ولاقيت كله تمام فاضل ايه الترومستات بتاع الميه قلت اكيد معلق رحت لمكانيكى قلته ع المشكله وفعلا فكينا وهووووبا اكتشفنا ان الترومستات مش موجود اصلا طب ازاى العربيه الحراره مش بتعلا ع الحراره الطبيعى سوء ف السفر او جو البلد شتا او صيف وع فكره بعدها بيومين رجعت للطبيعى بتاعها من غير معمل حاجه يا ريت الاقى تفسيرا
واسف للاطاله

[SYD]

وعليكم السلام ورحمة الله وبركاته
مبدئياً كدة كل اللي حضرتك بتقوله مش طبيعي
كل الابيزا - الطبيعي بتاعها تكون علي النص بالظبط
ولازم تجيب ثرموستات الكوع وتركبه

تحياتي

[monamize4]

الترموستات مهمة و لازم تركبها
بعض الميكانيكية ال*&^$ بيشيلوها عن قصد لكن دا غلط

[Mecha]

blow radiator from dust

[Mecha]

from experience , in hot countries like egypt
removing thermostat could be beneficial .ibiza and many cars made for europe can not sustain egypt heat

[mahmoudayman]

باشا انا كمان كانش عندي كوع ترموستات انا معايا ابيزا 2001 طول ما انا في البلد العربيه عمرها ما زادت عن 90 بس لو جربت تسافر بيها هتلاقيها تحت ال 60 طبعا الناس هتقولك كده احسن و طبعا ده كله كلام فارغ عشان درجه حراره الموتور لما توصل 90 بيكون الزيت وصل لدرجه اللزوجه المثاليه للموتور و تاخد اعلي كفاءه ده طبعا غير توفير البنزبن لان بوجود كوع الترموستات الميه مش علي طول بتلف في المكنه

ارجو اني اكون افدتك

[hossamalsadik]

القصه مش طبيعيه ومش ركبه معيا
بس عمتا مؤشر الحراره بيكون فى النص بالظبط ده الطبيعى
لو كان ترموست الحراره مش موجود فلازم تركبه
واظن بكده يكون مؤشر الحراره مش مظبوط هوا كمان لانه كان المفروض يعلى جامد
طيب المراوح بتشتغل ديركت مباشر على طول
راجح على دوة المياه والترموستات والمراوح و مؤشر الحراره تتابع حركته وكله

بالتوفيق

[ibiza50]

http://www.nilemotors.net/Nile/94393-98.html

ده لينك قديم بس بيشرح كل حاجه
و احب اضيف ان الثيرموستات ده مهم جدا و لا زم يكون متركب
و هو مهم لجميع انواع المواتير التى تعمل بتبريد المياه على مستوى العالم سواء فى شمال روسيا عند 40 تحت الصفر او على خط الاستواء فى جميع انواع السيارات الاوربيه او الاسياويه او حتى الامريكيه لازم يكون متركب

اما بالنسبه لمشكلتك فمن المحتمل و ده احتمال ان تكون ثيرموستات المروحه و ده مكانه فى الريداتير ممكن يكون بيعلق وهو بيدى اشارتين اشاره للسرعه العاديه و اخرى للسرعه العاليه ممكن يعلق فى احداهم و ده ممكن يسخن العربيه شويه

و يارب اكون استطعت التوضيح

[abb]

القصه مش طبيعيه ومش ركبه معيا
بس عمتا مؤشر الحراره بيكون فى النص بالظبط ده الطبيعى
لو كان ترموست الحراره مش موجود فلازم تركبه
واظن بكده يكون مؤشر الحراره مش مظبوط هوا كمان لانه كان المفروض يعلى جامد
طيب المراوح بتشتغل ديركت مباشر على طول
راجح على دوة المياه والترموستات والمراوح و مؤشر الحراره تتابع حركته وكله

بالتوفيق

والله رجعت ع المؤشر واتاكدت انوا شغال عند كهربائى بعدها والمروحه بتفصل عادى جدا ودوره المياه كل سنه مع دخله الصيف بعملها غسيل واغير الميه

[abb]

http://www.nilemotors.net/Nile/94393-98.html

ده لينك قديم بس بيشرح كل حاجه
و احب اضيف ان الثيرموستات ده مهم جدا و لا زم يكون متركب
و هو مهم لجميع انواع المواتير التى تعمل بتبريد المياه على مستوى العالم سواء فى شمال روسيا عند 40 تحت الصفر او على خط الاستواء فى جميع انواع السيارات الاوربيه او الاسياويه او حتى الامريكيه لازم يكون متركب

اما بالنسبه لمشكلتك فمن المحتمل و ده احتمال ان تكون ثيرموستات المروحه و ده مكانه فى الريداتير ممكن يكون بيعلق وهو بيدى اشارتين اشاره للسرعه العاديه و اخرى للسرعه العاليه ممكن يعلق فى احداهم و ده ممكن يسخن العربيه شويه
مضبوط كلامك وعندى السرعه البطيئه مش شغاله ومع ذلك الحراره ثابته

و يارب اكون استطعت التوضيح

[abb]

باشا انا كمان كانش عندي كوع ترموستات انا معايا ابيزا 2001 طول ما انا في البلد العربيه عمرها ما زادت عن 90 بس لو جربت تسافر بيها هتلاقيها تحت ال 60 طبعا الناس هتقولك كده احسن و طبعا ده كله كلام فارغ عشان درجه حراره الموتور لما توصل 90 بيكون الزيت وصل لدرجه اللزوجه المثاليه للموتور و تاخد اعلي كفاءه ده طبعا غير توفير البنزبن لان بوجود كوع الترموستات الميه مش علي طول بتلف في المكنه

ارجو اني اكون افدتك

المشكله هنا ان الترومستات مش موجود ومع ذلك الحراره ثابته ف السفر او جو البلد ودى اللى هتجننى

[abb]

شكرا لكل الاخوه اللى شاركوا بس ليه سؤال صغيره مكان الترموستات فين لانى لما فكيت المكانيكى فك شجره الميه اللى ف نص المكنه فوق الفتيس بشويه

[SYD]

شكرا لكل الاخوه اللى شاركوا بس ليه سؤال صغيره مكان الترموستات فين لانى لما فكيت المكانيكى فك شجره الميه اللى ف نص المكنه فوق الفتيس بشويه

دة مكانها فعلا

[mahmoud ghanem]

شكرا لكل الاخوه اللى شاركوا بس ليه سؤال صغيره مكان الترموستات فين لانى لما فكيت المكانيكى فك شجره الميه اللى ف نص المكنه فوق الفتيس بشويه

دى ثرموستات الكوعة ودى اللى بتحافظ على ثبات درجة الحرارة على المنتصف على الطريق الطوالى

لكن الثرموستات اللى بتبقى موجودة فى الردياتير دى بتاعت المراوح ودى بتشتغل لو درة الحرارة زادت عن 90 درجة ودى لا يمكن التحرك بدونها ابداً

بالنسبة لدرجة الحرارة اللى عندك المفروض الطبيعى بتعها على المنتصف بالظبط سواء داخل البلد او على الطريق الطوالى ( السفر ) واللى بيتحكم فى ثبات الدرجة دى ثرموثتات الكوعة الموجودة فى شجرة المياة

عاوز تتأكد جرب اخر النهار واطلع مشوار طوالى سريع 10 دقائق وشوف مؤشر الحرارة لازم هتلاقيه ينزل عن المنتصف ... ( ودى وظيفة ثرموستات الكوعة )

تحياتى

[kete]

اخى الفاضل --- المفروض يكون المؤشر في المنتصف دائما لو كانت الترومستات شغاله ومره شيلتها لاقيت العربيه بارده فعلا بس لاحظت ان سحبها ضعيف والموتور مصمم على ان يعمل على درجه حراره معينه عن طريق الترومستات وانصحك ضرورى جدا وجود الترومستات وتمنها في حدود 55 ج مصرى فقط تلاقيها في ش رمسيس بعد بنزينه موبيل وتليفون المحل 25775994 اسئله ؟ واعرف مكانه بالتحديد والتوفيق من عند الله وحده --- سلاام