انا كلمت توكيل سيات بخصوص ليون الجديدة

[برنس الليالي]

السلام عليكم ... انا كلمت توكيل سيات انهاردا وسئلتو عن سيات ليون الجديدة عشان اعرف حتنور امتى

قالي انها ستتوافر خلال شهر نوفمبر يعني الشهر الجاي خلاص والغرابة انه قالي ان سعرها حيبقى في حدود الـ170 الف

بس انا مش عارف ازاي عربية جديدة تنزل بنفس سعر الموديل القديم ؟

والحمد لله انه اكدلنا على حاجة لإنه قال انها حتنزل بتكنولوجيا الـFull Led يعني حتنزل زي منتو شايفنها في الصورة كدا بس مش متأكد من الجنط













الف مبروك لكل الجماهير الحبيبة العاشقة للسيات ... في امان الله

[Mohamed.Hany]

بسم الله ما شاء الله لو بالسعر ده هتنتشر

[hossamalsadik]

على بركة الله
تسلم على المعلومه

[Hunting_Eagle]

شكلها جميل و ملفت

[saddam]

صديقي المواطن
شكرا لمشاركتك اﻹخوة الأعضاء معلوماتك القيمة وننتظر منك كل جديد وبالتوفيق وإلى اﻷمام ومن نصر إلى نصر
ودمتم للنضال

[برنس الليالي]

بسم الله ما شاء الله لو بالسعر ده هتنتشر

انا شايف كدا بردو بس الكلام دا لو مش حتنزل بكذا فئة يعني ممكن والله اعلم تكون الفئة اللـFull Led ممكن متكونش هي اللي بـ170 الف وممكن تكن هي لسا مش عارفين

على بركة الله
تسلم على المعلومه

تسلم على مرورك الكريم يا استاذ حسام

شكلها جميل و ملفت

بكل تأكيد والعربية دخلة دماغي جداً بسبب شكلها ونتائج التقارير بتاعتها في بلاد برا ... منور الموضوع يا باشا

صديقي المواطن
شكرا لمشاركتك اﻹخوة الأعضاء معلوماتك القيمة وننتظر منك كل جديد وبالتوفيق وإلى اﻷمام ومن نصر إلى نصر
ودمتم للنضال

منور الموضوع يا صدام باشا وإن شا الله نشوفك بخير دايماً .. في امان الله

[برنس الليالي]

دي يا جماعة تجربة قاسية اوي للسيات ليون الجديدة على طرق مافيهاش غير مطبات عامل زي المسترة المشرشرة بالظبط والعربية بتكتسح بجد

2013 New SEAT Leon tested to the extreme - Footage - YouTube

[برنس الليالي]

ودي تقييمات العربية المشرفة من اشهر المواقع والخبراء

SEAT Leon hatchback review | CarBuyer
Seat Leon Hatchback Review | What Car?

[monamize4]

شكرا ع الخبر الجامد دا

و لو انى اشك انها تنزل بالسعر دا ,, كدة هيقعدوا الجولف ف البيت

[damasry]

يارب ما تنزل بالdsg

[ehab_mansour]

شكرا علي المعلومات القيمة دي

الليون يا افندم طول عمرها رائعه و تحفة و سابقة زمانها بكتييييييييييييير موديلها بينزل غيره و لا يزال القديم تحفه و مرغوب جدا

[Karim Ibiza]

العربية لازم تكون ارخص من الجولف لأن الطبيعى ان سيات ارخص من الفولكس مع انها نفس المحتوى ولكن بتختلف فى الشكل الخارجى والداخلى واعتقد ان سعر الـ 170 ده هيكون منافس جدا فى الفئة بتاعتها

ولازم هتنزل dsg لأن كل المواتير الجديدة فى السيات والفولكس والاسكودا نازلة بالفتيس ده

عموما الـ dsg مبقاش يتخاف منه بل بالعكس اصبح ميزة قوية جدا فى العربية اللى بينزل فيها

[برنس الليالي]

شكرا ع الخبر الجامد دا

و لو انى اشك انها تنزل بالسعر دا ,, كدة هيقعدوا الجولف ف البيت

العفو يا برنس .. انا والله لما كلمت التوكيل اتفاجئت بالسعر جداً انا قلت حيقولي حتبقى في حدود سعر الجولف كدا وربنا يسهل وتنزل إن شاء الله

يارب ما تنزل بالdsg

جروب فولكس كله بالـdsg مش حيتغير اعتقد

شكرا علي المعلومات القيمة دي

الليون يا افندم طول عمرها رائعه و تحفة و سابقة زمانها بكتييييييييييييير موديلها بينزل غيره و لا يزال القديم تحفه و مرغوب جدا

العفو يا استاذ ايهاب وبالتأكيد الليون ممتازة حسب كلامكم وحسب كلام الناس بتوع برا والخبراء

العربية لازم تكون ارخص من الجولف لأن الطبيعى ان سيات ارخص من الفولكس مع انها نفس المحتوى ولكن بتختلف فى الشكل الخارجى والداخلى واعتقد ان سعر الـ 170 ده هيكون منافس جدا فى الفئة بتاعتها

ولازم هتنزل dsg لأن كل المواتير الجديدة فى السيات والفولكس والاسكودا نازلة بالفتيس ده

عموما الـ dsg مبقاش يتخاف منه بل بالعكس اصبح ميزة قوية جدا فى العربية اللى بينزل فيها

ارخص منها وسبحان الله حصلت على تقييم اعلى منها في كل المواقع بس اعتقد في حتة الوسع الداخلي الجولف تكسب

هو السعر دا اللي سمعتو من التوكيل واتمنى انها تنزل رسمي عندنا بالسعر دا قبل ما الوسواس يمسكهم ويعلو السعر

هو في ناس حبة الـdsg جداً خصوصاً الناس ملاك الجولف بيحبوه جداً وبيصرفو نظر عن اي مشاكل سمعوها عنه بس عموماً في ناس بتعرف تتعامل مع الفتيس دا

[برنس الليالي]

تفاصيل العربية

Seat Leon 2013 FR In depth review Interior Exterior - YouTube

Seat Leon SC FR - Test/Review - Deutsch - HD - YouTube

[monamize4]

170 الف دا المانيوال و لا ال dsg ?!!!!!!!!!

لو دا سعر ال dsg يبقى بجد هتقعد الجولف ف البيت
لان ال2 نفس الشاسية و الموتور و الفتيس و فرق 60 الف جندى

طبيعى ان سعر الليون يكون اقل من الجولف
لكن مش لدرجة 60 الف ,, دا الفرق بينهم بره مصر
ف حدود 3 الاف £