انا كلمت توكيل سيات بخصوص ليون الجديدة

[برنس الليالي]

170 الف دا المانيوال و لا ال dsg ?!!!!!!!!!

لو دا سعر ال dsg يبقى بجد هتقعد الجولف ف البيت
لان ال2 نفس الشاسية و الموتور و الفتيس و فرق 60 الف جندى

طبيعى ان سعر الليون يكون اقل من الجولف
لكن مش لدرجة 60 الف ,, دا الفرق بينهم بره مصر
ف حدود 3 الاف £

مش عارف هما قالو حتبقى في حدود الـ170 الف انما حكاية تأكيد السعر وتعدد الفئات (إن وجدت) معنديش معلومات انا مسئلتهمش بصراحة

بس معتدقش انهم ممكن ينزلوها مانيوال وكمان لو نزلت مانيوال حتبقى دي حجة يعلو بيها سعر العربية للاوتوماتيك بعد كدا والله اعلم

- انا معنديش معلومات عن الجولف بس لو نفس الموتور والشاسية تبقى الليون الجديدة اولى منها

[Eng.Sameh]

أنا سألت عليها برضو في التوكيل .. بس للأسف بيقولوا هتنزل موتور 1.2 تيربو ١٠٥ حصان لكل فئاتها .. موتور محبط جدا !!!! واضح انهم بيحافظوا على مكان الجولف فمنزلوهاش بالموتور ال 1.4 اللي في الجولف .. احد عيوب انتقال التوكيل ... متهيألي النقطة دي هتوقع العربية ده غير الفتيس ...

متهيألي ال ٣٠٨ هي اللي هتعمل جو السنه دي في الفئة دي ...

[kariko]

Copied today from some egyptian newspaper

تطرح شركة كيان ايجيبت للتجارة والاستثمار الجيل الجديد من سيات ليون بالسوق المصري لتصبح أحد أهم خطوات بدأ تاريخ جديد للعلامة الأسبانية العريقة في مصر، ولتبدأ السيارة قصة نجاح جديدة لسيات في سوق جديد بعد نجاحها في الأسواق العالمية.
حينما يلتقي جمال التصميم بأحدث صيحات التكنولوجيا
لن يختلف عقلك وقلبك علي سيات ليون، فتصميمها خاطف للأنظار يحمل شخصية رياضية صريحة تعبر عنها خطوط السيارة الحادة والأنيقة، فيما تحمل السيارة أحدث تكنولوجيا فولكس فاجن في صناعة المحركات بمحركها TSI ذو الأداء الفائق والتوفير الكبير في استهلاك الوقود، وذلك بسعة 1200 سي سي وقوة 105 حصان، مع متوسط استهلاك للوقود يبلغ 4.5 لتر لكل 100 كيلومتر، وتبلغ السرعة القصوي للسيارة 191 كيلومتر/الساعة، وتصل لسرعة 100 كيلومتر/الساعة من وضع الثبات في خلال 10.2 ثانية فقط، ويتصل المحرك بناقل حركة DSG أوتوماتيكي ذو 7 سرعات.
3 فئات من التجهيزات للعديد من الاختيارات
ينتقل السحر الخاص بسيات ليون من تصميمها الخارجي الأنيق إلي داخل المقصورة بتصميمها المميز وتجهيزاتها التي تحول قيادة سيات ليون إلي تجربة فريدة من نوعها لن تحصل عليها إلا مع سيات ليون، التي تطرحها كيان ايجيبت بثلاثة فئات من التجهيزات لتناسب كافة الاحتياجات، وتضم الفئة الأولي تكييف هواء، نظام ترفيهي يتكون من شاشة ملونة تعمل باللمس قياس 5 بوصة، فتحات USB وAUX مع إمكانية إضافة بطاقة ذاكرة SD Card، Bluetooth مع إمكانية بث تسجيلات صوتية من خلاله، عجلة قيادة متعددة الوظائف، فتحات لمكيف الهواء للمقاعد الخلفية، امكانية تعديل ارتفاع مقعد السائق، غلق مركزي للأبواب مع 2 ريموت كنترول للتحكم به، كمبيوتر لمعلومات السيارة مع عرض درجة الحرارة الخارجية، مقاعد خلفية قابلة للطي. فيما تضم الفئة الأولي في التجهيزات الخارجية مصابيح هالوجين أمامية ومرايا يتم التحكم بها كهربائياَ.
تزيد الفئة الثانية في تجهيزاتها الداخلية بضمها لتكييف هواء أوتوماتيكي مزدوج Climatronic، عجلة قيادة متعددة الوظائف من الجلد، ومقبض لناقل الحركة وفرامل اليد من الجلد، إمكانية تعديل ارتفاع كرسي السائق والراكب الأمامي، مثبت سرعة. بالإضافة إلي جنوط رياضية قياس 16 بوصة، ومرايا كهربائية يمكن تسخينها في الأجواء الضبابية.
أما الفئة الثالثة فهي الأكثر تجهيزاَ وتزيد عن تجهيزات الفئة الثانية بفتحة سقف بانوراما إليكترونية، بالإضافة لنظام إضافة Full LED بالكامل للمصابيح الأمامية والخلفية.
التصنيف الأعلي علي الاطلاق في إختبارات السلامة الأوروبية
حصلت سيات ليون علي تصنيف 5 نجوم في اختبارات السلامة الأوروبية Euro NCAP الأكثر صرامة علي الاطلاق في معايير اختبارات السلامة حول العالم. وتضم السيارة العديد من مواصفات الأمان، منها عدد 6 وسادة هوائية، نظام التحكم الإليكتروني في ثبات السيارة ESC، نظام المكابح المانع للإنغلاق ABS، نظام منع تزحلق الاطارات ASR، مثبت لمقعد الأطفال، تنبيه عند عدم ربط حزام الأمان للسائق والراكب الأمامي، مكابح أوتوماتيكية عند الاصطدام، تحذير عند انخفاض ضغط الاطارات.
فيما تزيد تجهيزات الفئتين الثانية والثالثة بمصابيح ضباب تقوم بتعديل اتجاه الضوء حسب اتجاه السيارة، ونظام Hill Hold الذي يقوم بتفعيل المكابح حتي تحصل السيارة علي العزم الكافي من المحرك للحركة إلي الأمام.

[monamize4]

أنا سألت عليها برضو في التوكيل .. بس للأسف بيقولوا هتنزل موتور 1.2 تيربو ١٠٥ حصان لكل فئاتها .. موتور محبط جدا !!!! ...

كدة يبقى التوكيل موت العربية ,,,,, هى الناس دى غاوية خسارة

[corolladestroyer]

كدة يبقى التوكيل موت العربية ,,,,, هى الناس دى غاوية خسارة

ل والله يا monamize خالص على فكره وانا لسه كاتب الكلام ده في موضوع تاني الموتور ده بجد كويس وهو مع واحد جاري على الجولف 7 المانيوال وبجد موتور جبار ويطلع من اي 1600 بجد العربيه اذهلتني فعلا...المشكله اني الناس مش هتفهم الموتور ده مش اكتر كله هيقولك 1200 اما اللي يجربه بجد هيذهله ان الكلام ده يطلع من 1200

[SYD]

في البداية احب اشكر برنس الليالي صاحب الموضوع
وحابب اقول تعليقاتي علي الموضوع

اولا سعر 170 دة هتلاقيه لأقل فئة خالص من العربية واعلي فئة ممكن ثمنها يوصل لل220 او اكثر وفي اعتقادي ممكن تقترب جداً من ثمن الجولف
لأن معني ان الفئة الثالثة فيها Full LED فدة لوحدة علي ما اعتقد هيزود من ثمن العربية 30 الف لعدة اسباب
1- الFull LED يبقي فيها حساس التحويل التلقائي من الHigh Beam للLow Beam لو قابلت عربية في المقابل او لو كان الطريق معتم
2- لمبات الFull LED بيسموها Lifetime Free Maintenance يعني طول عمر السيارة اللمبات مش محتاجة تتغير او يتعملها صيانة
3- فئة الFull LED بتنزل بتجهيزات اخري كثيرة جداً غير اللمبات زي علي سبيل المثال نظام الصوت والملاحة بشاشة لمسية بالكامل Full Touch Screen بقياس 5.8" والتحويل بين ثلاث اختيارات لأنظمة القيادة Sport - Eco - Normal وتغيير لون فرش الأبواب بناء علي نظام القيادة Drive Profile

ثانياً المحرك وناقل الحركة
لما تعرف ان الباسات والأوكتافيا والجيتا نازلين بمحرك 1.4 يبقي معقول اوي علي الليون لما تنزل ب1.2 وعلي فكرة الأبيزا الأستيشن نازلة بنفس المحرك ال1.2
احب أضيف ان المحرك ال1.2 مش محرك 1.2 عادي زي مثلا اللي نزل في الكورسا موديل 95 (مع احترامي للكورسا) لا دة محرك متطور جداً بيطلع عزمه وقوته علي عدد لفات منخفض جداً ودة لأنه مزود بشاحن توربيني وسوبر تشارجر ودة عشان يحقق المعادلة بتاعة فولكس وهي محركات قوية بأقل نسبة انبعاثات لثاني اكسيد الكربون وفي نفس الوقت اقل نسبة استهلاك للوقود ودي معادلة صعبة جداً في تحقيقها وكان دائماً الأختيار بين الأداء او الأستهلاك لحد لما TSI حسم الأمر بأنه يوفرلك اعلي اداء بأقل استهلاك واقل انبعاثات
ولا يمكن ننسي دور الفتيس الذكي جداً والمتطور جداً DSG اللي كان لازم ينزل مع الTSI لأنك مش هتعرف تاخد الأداء العالي ولا تقلل الأستهلاك بدون فتيس متطور بعدد لفات سريعة جداً تعوض تأخير التربو Turbo Lagوصغر حجم المحرك ودة لأن الفتيس بيغير بين النقلات في اجزاء من الثانية بفضل تقنية الDual Clutch اللي بتخليه دائماً جاهز بالغيار سواء الأعلي او الأقل
بالأضافة لأنه بيفصل الحركة عند عدم الحاجة لتقليل الأستهلاك لأقل حد ممكن

واحب أضيف نقطة كمان - سيات مش بتنزل بفتيس مانيول من 2012 واعتقد ولا عربية فولكس نزلت مانيوال من 2012 لأن فولكس مش بتعتبر الDSG اوتوماتيك - بتعتبره مانيوال بقابض اتوماتيك والدليل وجود اسطوانة وديسك ومش اسطوانة واحدة لا دوول طقمين دبرياج يعني كأنه فتيسين مانيوال في قلب بعض بدبرياج بيتم التحكم فيه بعقل الكتروني Meca-tronic Unit

بشكرك مرة تانية علي موضوعك

تحياتي للجميع

[windofchange]

الله يا سيد بك *)

[hossamalsadik]

سيد بيه جبت الخلاصة
الله ينور عليك

[kariko]

Here are the specs & prices of the new LEON, highest category with only 185K not 220
موديل Reference هو الموديل صاحب التجهيزات الدنيا و تشمل :
6 وسائد هوائية
نظام الثبات الإلكتروني
أنظمة ABS و ASR
نقاط تثبيت كراسي الأطفال ISOFIX
نظام تنبيه لأحزمة أمان السائق و الراكب الأمامي
نظام Automatic Post Collision Braking System
نظام التنبيه لضغط الإطارات
عجلة إحتياطية ( استبن صغير )

نظام تكييف الهواء
نظام ترفيهي بشاشة تعمل باللمس 5 بوصة ملونة بالإضافة إلى مداخل USB و AUX وSD
نظام Bluetooth مع خاصية تشغيل الموسيقى عبره
عجلة قيادة مزودة بأزرار ال Multi-function
شماسات مزودة بمرايا
فتحات تكييف خلفية
صندوق قفازات مزود بإضاءة داخلية
إمكانية تعديل إرتفاع مقعد السائق
نوافذ كهربائية أمامية و خلفية
مقغد خلف منقصل قابل للطي
مسند أذرع أمامي مزود بأماكن للتخزين
نظام إقفال مركزي مع 2 مفتاح ريموت كونترول قابل للطي
كمبيوتر في لوحة القيادة مع عرض لدرجة الحرارة الخارجية

عجلات حديدية قياس 15 بوصة
مصابح هالوجين أمامية
مراية جانبية كهربائية

الفئة الثانية في التجهيزات Style تزيد عن الأولى :
مصابيح ضباب أمامية و خلفية مع خاصية الإنعطاف
نظام Hill Hold لتفعيل الفرامل على الطرق المائلة

نظان تكييف Climatronic ثنائي المناطق
عجلة القيادة و عصا ناقل الحركة و فرامل اليد مة الجلد
مرايا الشماسات مزودة بإضاءة
إمكانية تعديل إرتفاع مقعد السائق و الراكب الأمامي
نظام Cruise Control

جنوط قياس 16 بوصة
إمكانية تسخين المرايا الجانبية


الفئة الأخيرة Style Plus و تزيد عن ما سبق :
مصابيح أمامية Bi-xenon مع إضاءة أمامة و خلفية LED
زجاج مظلل
فتحة سقف كهربائية

الفئة الأولى Reference - سعرها 160.000 جنيه
الفئة الثانية Style - سعرها 173.000 جنيه
الفئة الثالثة Style Plus - سعرها 186.000 جنيه
Copied

[S O P H O S]

بس كده سعرها قليل فرأي