فتيس الابيزا 98 1000 cc

[mohamedhassan]

انا عندى عصاية الفتيس فيها بوش جامد لدرجة ان انا ممكن احرك العصاية وهى وخدة غيار يمين وشمال والميكانيكى قالى لازم تجيب فتيس تانى
2-وبردة فى صوت خروشة والعربية دايرة لما ادوس دبرياج بتروح خالص
3-ومشكلة اخرى لما اجى انقل ودوس دبرياج بسمع صوت خبطة وبعد النقل بشيل رجلى من على الدبرياج بسمع الخبطة تانى يعنى اثناء النقل بين الغيارات بسمع مرتين صوت الخبطة مرة وانا بدوس دبرياج ومرة وانا بشيل رجلى من على الدبرياج
4-وكمان لما اجى اطلع بالعربية بحس برجة والميكانيكى قالى دة الكبالن الداخلية هل دة حقيقى وسعرهم كام جديد واستيراد
معلش اعزرونى طولت عليكم بس انا عايز اشرح بدقة اللى بيحصل معايا

[SYD]

انا عندى عصاية الفتيس فيها بوش جامد لدرجة ان انا ممكن احرك العصاية وهى وخدة غيار يمين وشمال والميكانيكى قالى لازم تجيب فتيس تانى

الكلام دة مش مظبوط
انت عايز حشو عصاية فقط

2-وبردة فى صوت خروشة والعربية دايرة لما ادوس دبرياج بتروح خالص

بلية دبرياج
امشي عليها لحد لما تغير الطقم كله علي بعضه

3-ومشكلة اخرى لما اجى انقل ودوس دبرياج بسمع صوت خبطة وبعد النقل بشيل رجلى من على الدبرياج بسمع الخبطة تانى يعنى اثناء النقل بين الغيارات بسمع مرتين صوت الخبطة مرة وانا بدوس دبرياج ومرة وانا بشيل رجلى من على الدبرياج

اكشف علي قواعد الفتيس وقواعد الموتور

4-وكمان لما اجى اطلع بالعربية بحس برجة والميكانيكى قالى دة الكبالن الداخلية هل دة حقيقى وسعرهم كام جديد واستيراد

رجة جاية منين بالظبط

معلش اعزرونى طولت عليكم بس انا عايز اشرح بدقة اللى بيحصل معايا

في انتظار ردك

[mohamedhassan]

بالنسبة لموضوع قواعد الفتيس والماتور دية ممكن تعمل خبطة فى النقل ولا اهتزاز لان انا بسمع صوت خبط حديد فى حديد
وبالنسبة لموضوع الرجة انا بحس ان النصف الامامى للسيارة لحد الكابوت بيترج كلة فى الطلعة ومع الغيارات لحد التانى فية نتشة بسيطة لو حد قاعد جنبى وان بدى التانى بحس انة بيرجع لورا

[hossamalsadik]

طبعا المهندس سيد جوبك على حجات كتير
وللاضافه
هيا دواسة الدبرياج واطيه ؟ ممكن يكون الدبرياج عاوز يعلى
او هتحتاج طقم دبرياج
الرجه ممكن تكون قواعد ماتور او فتيس وممكن يكون الكبلن الداخلى
بالنسبه لقواعد الماتور استيراد من 100 الى 150ج للواحده والفتيس من 75ج الى 100ج
بالنسبه للكبالن الكبلن كامل ( داخلى وخارجى مع بعض) الجنب الواحد إستيراد 150ج

[ehab_mansour]

طبعا الاخوه جاوبوك فوق لكن انا برجحلك تكون خطواتك كالتالي :-
1- غير الميكانيكي لأنه فتاي و كل تصنيفه للمشاكل غلط
2- ابدا بقاعدة الموتور الامامية هتبص عليها و تختبرها و دي الميكانيكي عارف ازاي يختبرها و اعتقد لو فيها مشكلة تغيرها
3- تغير تيش عصاية الفتيس اللي بين العصاية و اكس الفتيس تحت العربية
4- تغير قاعدة العصاية الداخلية اللي بتثبت العصاية جوه
5- لو مازال عندك مشاكل و رجه في الطلعه و خبطه مع النقل يبقي لازم تفك و تبص علي طقم الدبرياج فورا و دون تردد او تأخير عشان ممكن تحصل مشاكل اكبر من كده

و شوف موضوعي عن تغيير طقم الدبرياج و القاعده الامامية للموتور هيفيدك اكيد
ده

http://www.nilemotors.net/Nile/384066-2002.html

[mohamedhassan]

شكرا على التوضيح من كل الاعضاء وعاوز اقول انى جبت جوز كبالن استيراد وتم تركبهم ولكن تم حل مشكلة الرجة بنسبة 60% ولكن لاتزال موجودة بشكل اقل من الاول صوت الخبط عند النقل مازال موجود وبالنسبة للدسك والاسطوانة فانا العربية سحبها حلو وكمان النقلات بين الغيارات سلسة ونعمة والدبرياج مش واطى خالص

[mohamedhassan]

معلش ياجماعة ممكن ترشحولى ميكانيكى يكون بيفهم وعندة ضمير واسلوبة فى التعامل كويس

[mahmoud ghanem]

عصام اللى فى الهرم وفى الزعيم اللى فى صقر قريش المعادى

[mohamedhassan]

ممكن العنوان بالتفصيل

[mahmoud ghanem]

عصام : فى شارع الاشول .. الشارع اللى بعد الوفاء والامل من على شارع الهرم فى اتجاه الرماية يمين اخر الشارع دة عصام الميكانيكى وهتلقيه معلق علامة الفولكس

من شارع فيصل : شارع الوفاء والامل شمال فى اتجاه ميدان الرماية 3 او رابع شارع يمين على ناصيته معهد ازهرى هتدخل الشارع دة فى اخرة شمال وبعد 50 متر ورشة عصام

الزعيم ممكن تشوف الموضوع دة

http://www.nilemotors.net/Nile/327563-a.html