الموضوع: الزعيم لصيانة السيارات الألمانية....فتح ورشة جديدة فى صقر قريش

السلام عليكم ورحمه الله وبركاته

انا كنت عامل موضوع قديم بخصوص اهم وامهر ميكانيكه الايبيزا فى مصر وكان من ضمنهم والى انا بتعامل معاه شخصياً هو محمد الزعيم وهو متخصص فى الماركات ده ( الاسكودا - السيات - الآودي - الفولكس واجن ) ، هو فتح دلوقتى ورشة جديدة في المعادى فى صقر قريش من على الدائري
وناس كتير من المنتدى راحوا واتعاملوا معاه فى المكان القديم بتاعه فى جسر السويس ، انا كنت بتكلم معاه كتير عن المنتدى وهو قرر يعمل العرض ده بس لاعضاء المنتدى ، المهم العرض كالتالى :

1 - صيانه مجانية للسيارات ( تغيير زيت موتور - فلاتر - بوجيهات ) .

2- كشف مجاني على السيارة ( عفشة وميكانيكة ) .

3- اكتشاف اى عطل محير اى حد فى عربيته والوصول له (كنت كتير اقوله ان الناس بتبقى محتاره فى أمور كتير فى عربيتها ومش عارفه ده منين وبتبقى عايزة تاخد راى الناس فى سبب المشكلة وده وانا بشرحله المنتدى بيعمل اية وفايدته اية ، وهو اقترح عليا العرض ده ان لو اى حد عنده مشكلة ومش قادر يحددها يدخل جوى العرض ويروحله وهو هيفضل معاه لما يحددله المشكلة اية سواء قام بالتصليح عنده او عند غيره ) .


ده غير بقى الثوابت الطبيعيه الى هى اساس شغله من توفير قطع الغيار الاستيراد بضمانه ، وتسقيط المواتير والتعيدل فى السيارات ، والعفشة وتعديلات العفشه ، وعمل الصيانات الدورية للسيارات وإنقاذ السيارات فى حالة عطلها وفى حالة انه زبون المحل من اى مكان فى مصر مش القاهرة وبس .

وهو عامل العرض ده بمناسبة افتتاح ورشته الجديدة ومحدد يوم ميعن فى الاسبوع وهو السبت من كل اسبوع من الصبح من 10 صباحاً لحد 8 مساءاً ، وقبل الذهاب بيتم الاتصال بيه واخباره انه من منتدى السيارات الى على الانترنت علشان يحجز معاه ميعاد فى اليوم الى قلتلكم عليه .

عنوان المركز :

عماره 105 محل رقم 4 عمارات صقر قريش - المعادى / بجوار مركز شباب صقر قريش

احلا ما فى المكان ده من وجهه نظرى الشارع واسع جدا جدا واماكن كتير جدا للركنات وشوارع مسفلته وتمام مع طبعا الاحتافظ بحق تواجد المطبات الصناعيه فى الشوارع رغم انف الجميع

الوصفه بالبلدى :
وانت جاى من على الدائري اتجاه المنيب مثلا يعنى هتقابل كارفور هيبقى على شمالك ، وبعدها بشوية بسيطة هتلاقى بنزينة وطنية على يمينك فى نفس اتجاهاك بعد وطنية على طول ما فيش 2 كيلو هتلاقى نزلة المعادى / اوتوستراد ، هتنزل من النزله ده وتمشي هتلاقى قدامك كوبري تطلعه وتنزل منه على صقر تانى يمين من بعد الكوبري ده ادخل فيه هتلاقى مركز الشباب فى صينية فى ويط الطريق هتقايلك هو الشارع هناك بقى فى التقاطعات ده وبعد الصينيه يمين تحديداً .

تحياتى للجميع ويا رب يكون العرض ده الى اتفقت معاه عليه يعجبكم واقدر اردلكم جمايلكم فى وقفكم معايا فى اى حاجة الواحد بيعرضها على المنتدى .
ما تنسوش اهم حاجة ان العرض ده يوم السبت ويتم الاتصال واعلامه انك من منتدى العربيات الى على الانترنت علشان يحجز معاه ميعاد فى اليوم ده ، والعرض الى الان مفتوح ولم يحدد له ميعاد انتهاء ، ويا ريت الى يروح يبقى ينقلنا تجربته هناك ، والمعاملة والمهارة فى العمل علشان فى الاول وفى الأخر اهم حاجة راحه ومصلحه أعضاء المنتدى .

اخوكم / حسين الصواف ( أبو باسل )

تم تعديل العنوان بالأتفاق مع إدارة المنتدي
م ع 3