احسن اضافة وزيت للفتيس المانيوال بتاع vw

[eraser]

اصدقائى الاعزاء فى قسم سيات جمعة مباركة عليكم ان شاء الله
كنت حابب استفيد بخبراتكم فى موضوع احسن اضافة لزيت الفتيس المانيوال
ده لينك الموضوع الاصلى

http://www.nilemotors.net/Nile/387920-a.html

بس انا زى ما قولت عايز اتناقش معاكم ونستفيد كلنا
انا بفكر اجيب MOS2 او revitalizant (المرمم) بتاع زادو
كمان احتمال اغير زيت الفتيس تانى عشان شاكك فيه دلوقتى بدأت اسمع ونة وعايز اجيب زيت تخليقى بالكامل ويكون 75W-90 API GL-4
ليكوى مولى عندهم زيت حلو اوى وكمان GL-4+ بس للاسف ما بينزلش مصر على حسب اخر مرة سألت بفكر اقولهم يطلبوهولى

[Karim Ibiza]

الونة دى سببها ان الزيت ناقص
اكشف عليه وزوده او غيره

[hossamalsadik]

فعلا زى مقال كريم بيه الونه ممكن تكون سببها الزيت الناقص
أسال على الزيت عند فافولين ده رقمهم 19728
Valvoline Lubricant Advisor - Valvoline

وبالنسبه للأضافه من زادو أنا مجربتهاش بس من الكلام أنها مررم كويس وناوى أجيب الخاص بالماتور أجربه ان شاء الله
بس الاول غير الزيت وجرب الأداء

[eraser]

لسه كاشف عالزيت ومستواه كويس وكمان لسه مغيره قريب
بس انا شاكك يكون قديم او كان متخزن غلط مثلا مش عارف
انا كنت جايب valvoline durabelnd 75W-90 API GL-4 (على فكرة ده بطل ينزل وبقى GL-5 )
كنت مغيره عشان الفتيس رخم فى النقلات لازم استنى شوية بين كل نقلة والتانية وكمان مش سلس واوقات المرش بيجي من تانى مرة وكمان التالت لازم يجى فى معاده بالظبط ولو هسقطه الفتيس يعمل صوت

[eraser]

المهم اجيب زيت ايه (نفسى فى ليكوى مولى الصراحة)
وانهى اضافة احسن ؟؟

[hossamalsadik]

لو انتا حاسس ان الفتيس تحت أيدك عيب زيت مش تيش او فبرة عصاية فتيس كده
خلاص جرب لكولى مولى وعندك فى الأضافات اما من عند لكولى نفسه او من عند زادو وتستفيد بخصم 10%
وبكده تبقى قطعت الشك باليقين وان شاء الله الفتيس يديك الأداء الى يرضيك

[eraser]

ماهو ليكوى مولى موجود API GL-5 بس فى مصر اللى عايزه هحاول اكلمهم يطلبهولى مخصوص لو ما نفعش اجيب ايه بقا !!
فالفولين durablend ده بقى بينزل API GL-5 بردو واللى موجود فالفولين معدنى واستحالة هجيبو
وكمان رأيك احط انهى اضافة (انا ميال اكتر للمرمم بتاع زادو مبدئيا)

[hossamalsadik]

حاجه غريبه يعنى فافولين معندوش 75W-90 API GL-4 مع ان فى حد كان جابه منهم من قريب
البديل
زيت إيسو العلبه الجركن الابيض وده w80-90
زيت oilibya grar oil hd 90 -- api gl 4 ودة جركن ابيض 4
tamoil gl-4-90
دور عند محلات بيع الزيوت ومحلات قطع الغيار وسال فى التوكيل أنتا عندك مشكله فى الفتيس فعيزك تحط الزيت الموصى بيه عشان عشان نعرف الاداء أخباره أيه مش اكتر

http://www.nilemotors.net/Nile/231103-a.html#post3873633138

http://www.nilemotors.net/Nile/273713-gl4.html

بالنسبه لاضافات زادو انا شايف ان التجربه مفيش منها مشكلة ان شاء الله وللعلم انا بردو بفكر اجيبه مع الزيت ان شاء الله بس لما يجى معاد التغيير عندى

[eraser]

حاجه غريبه يعنى فافولين معندوش 75w-90 api gl-4 مع ان فى حد كان جابه منهم من قريب

انا الى كنت جايبه

[ehab_mansour]

السلام عليكم مهندس شريف

موضوع النقلات و مشاكل الفتيس مش لازم تكون كلها زيوت و اخوك خبره في قصص زيوت الفتيس بالذات سواء مع الابيزا او الكوردوبا حاليا المهم ان فيه شوية حاجات حابب اضيفها هنا :-
1- ونة الغيار الخامس بيكون سببها حاجتين اما نقص زيت الفتيس و ده اكبر سبب اللي حصل معايا اكتر من مرة و كنت بحس بيه بنقص الزيت و اروح ازوده اول ما اسمعها بسبب التسريب اللي كان عندي .... و التاني ان يكون حصل تأكل في تروس الغيار و الثالث ان عندك بلية داخل الفتيس خشنة قليلا و مش بتظهر غير مع الخامس و السرعات
2- مهما حطيت من انواع زيوت غلط و غير مناسبة و خليط للفتايس دي مش بتأثر فيها علي المدي القريب و بسرعه و لكن بتأثر بعد فترات تشغيل طويلة تصل الي 50 الي 100 الف كيلومتر و مش بتكون هي السبب الرئيسي لخشونه الغيارات و اكبر سبب دايما بيكون ضبط عصاية الفتيس في الوضع السليم للتعشيق لكل الغيارات

و حط تحت اخر جملة دي اللي كبرتها مليون خط لأني جربت كتير في القصة دي و اكتشفت ان ده السبب الاكبر

3- الزيوت الغير مناسبة كلزوجة و نوع اخرها معاك هتقرفك شوية 10 دقايق الي ربع ساعه صباحا و في البرد و الشتاء فقط و بعد كده هتبقي تمام و ده بسبب ان لزوجتها عالية و لما بتسخن خلاص بتبقي زي الفل

الخلاصة :- انا شايف ان الزيت اللي انت حطيته كويس و مش هو المشكلة و لكن المشكلة عندك في ضبط العصاية صح سواء اذا كان تيش العصاية فيه تأكل و بوش مخليك مش بتدي غيارات مرتاح او مفكوكه او محتاجه ضبط و اتحركت من مكانها او دبرياجك واطي قوي و مش بيفصل مرتاح ... و شايف انك ولا تحط اضافات ولا غيره الزيت الغالي اللي انت اشتريته كافي و زياده إلا لو حابب تجرب ... براحتك ... يمكن تفيد و يمكن تحسن من الاداء

عندي تفاصيل اكتر عن كيفية ضبط العصاية لكن محتاجه صور للشرح هدور عليها و نتكلم فيها ان شاء الله

[eraser]

السلام عليكم مهندس شريف

موضوع النقلات و مشاكل الفتيس مش لازم تكون كلها زيوت و اخوك خبره في قصص زيوت الفتيس بالذات سواء مع الابيزا او الكوردوبا حاليا المهم ان فيه شوية حاجات حابب اضيفها هنا :-
1- ونة الغيار الخامس بيكون سببها حاجتين اما نقص زيت الفتيس و ده اكبر سبب اللي حصل معايا اكتر من مرة و كنت بحس بيه بنقص الزيت و اروح ازوده اول ما اسمعها بسبب التسريب اللي كان عندي .... و التاني ان يكون حصل تأكل في تروس الغيار و الثالث ان عندك بلية داخل الفتيس خشنة قليلا و مش بتظهر غير مع الخامس و السرعات
2- مهما حطيت من انواع زيوت غلط و غير مناسبة و خليط للفتايس دي مش بتأثر فيها علي المدي القريب و بسرعه و لكن بتأثر بعد فترات تشغيل طويلة تصل الي 50 الي 100 الف كيلومتر و مش بتكون هي السبب الرئيسي لخشونه الغيارات و اكبر سبب دايما بيكون ضبط عصاية الفتيس في الوضع السليم للتعشيق لكل الغيارات

و حط تحت اخر جملة دي اللي كبرتها مليون خط لأني جربت كتير في القصة دي و اكتشفت ان ده السبب الاكبر

3- الزيوت الغير مناسبة كلزوجة و نوع اخرها معاك هتقرفك شوية 10 دقايق الي ربع ساعه صباحا و في البرد و الشتاء فقط و بعد كده هتبقي تمام و ده بسبب ان لزوجتها عالية و لما بتسخن خلاص بتبقي زي الفل

الخلاصة :- انا شايف ان الزيت اللي انت حطيته كويس و مش هو المشكلة و لكن المشكلة عندك في ضبط العصاية صح سواء اذا كان تيش العصاية فيه تأكل و بوش مخليك مش بتدي غيارات مرتاح او مفكوكه او محتاجه ضبط و اتحركت من مكانها او دبرياجك واطي قوي و مش بيفصل مرتاح ... و شايف انك ولا تحط اضافات ولا غيره الزيت الغالي اللي انت اشتريته كافي و زياده إلا لو حابب تجرب ... براحتك ... يمكن تفيد و يمكن تحسن من الاداء

عندي تفاصيل اكتر عن كيفية ضبط العصاية لكن محتاجه صور للشرح هدور عليها و نتكلم فيها ان شاء الله

منور الموضوع يام/ايهاب والله
انا عارف انك خبرة بس مش فى قصص زيوت الفتيس بس دا فى كله ما شاء الله بس انا عايز اوضح شوية حاجات
1- الونة عندى للاسف باينة اكتر فى الاول والتانى (ممكن تكون فى الباقى وممكن لا) هيا ونة بسيطة بتيان اكتر لما يكون عزم الموتور قليل عالغيار ( RPM about 2000 ) يمن عشان صوت الموتور واطى ؟؟؟
وهنا انا عندى سؤال هل المشى على RPM قليل اقل من 2000 غلط على حاجة ولا بس العزم بيكون ضعيف ؟؟

2- ال pointer انا عارف انها متعبة فى موضوع قطع الغيار الاصلية (مش هيا لوحدها طبعا بس هيا زيادة حبة) والموضوع دا عامللى قلق وبيخلينى احيانا اوفر (انا معترف) وببقى زعلان اوى لما بفك منها الحاجة الاصلية واركب قطعة جديدة مش ضامنها حتى لو الاصلية باظط

المهم انا متفق معاك فى كل اللى انت قولته بس انا قولت اعمل اللى عليا والغى الاحتمالات واحد واحد وهبدا بموضوع الونة
1- هغير الزيت بنوع مكتوب عليه انه بيمشى مع مواصفات VW االلى فالكتالوج
(وده انا لقيته وكمان المانى و تخليقي حاجة هايلة مش كده ؟ )
2- هحط المرمم بتاع زادو عشان لو فيه تاكل فى التروس (بعد الشر) يمكن يعالجها

موضوع الخشونة ده بقى البركة فيك عشان ده اصعب وفيه احتمالات كتير و ممكن يطلع فى الاخر عيب صناعة عشان انا كنت قريت على منتديات اجنبية الناس بتشتكى من البوينتر ان فتيسها خشن وكمان مكتوب فى الكتالوج انك تفضل دايس دبرياج كام ثانية وبعد كدا تنقل (انا ما كنتش مصدق بردو اللى بقراه الناس دى بتهرج !!!!!!)

حاجة كمان انا لما بكون واقف ومدور العربية الغيارات كلها بتيجى سلسة وزى الفل

[eraser]

عندى ليكو خبر حلو
كنت بجيب حاجات من ش دمشق ومعدى من جنب سامى فخرى (كان موزع ليكوى مولى) قولت اساله على زيت الفتيس اللى عايزه قالى انه بيجيب دلوقتى زيوت اسمها MEGUIN المانية ودى نفس الشركة بتاعت LIQUI MOLY المهم جابلى الزيت ابص عليه وعجبنى جدا الصراحة عشان كذا سبب:
معمول فى المانيا ومكتوب عليه متوافق مع مواصفات VW وتخليقى وكمان من موزع معتمد
مقدرتش اقاوم وجبتو على طول والصور بتاعته اهى
Uploaded with ImageShack.com
Uploaded with ImageShack.com
سعر اللتر 80 ج
ملحوظة بره الموضوع : لقيت عندو كمان زيت باور febi بردو المانى ومتوافق مع VW وتخليقى كمان سعر اللتر 100 ج تقريبا
واحنا بنتكلم بقوله عايزين نعمل خصم لنايل موتورز الراجل رحب بالفكرة وقولتلوا هخلى حد من المسئولين عن الموقع يظبط معاك
انا للاسف مش معايا رقم م/محمد سيد منسق القسم فياريت حد يبلغوا ولو عايز رقسم رؤوف سامى فخرى يكلمنى (هو اللى اتكلمت معاه)
انا لسه مجربتش الزيت لما اجربه هقولكوا الاخبار ان شاء الله

[hossamalsadik]

ممتاز يابشمهندس شريف
هوا ده الشغل الله يفتح عليك
ان شاء الله التجربه تكون تمام

[eraser]

ممتاز يابشمهندس شريف
هوا ده الشغل الله يفتح عليك
ان شاء الله التجربه تكون تمام

امين يا رب
يلا بقا ظبطولنا معاه deal كويس عشان نستفيد من الخصم عالحاجات اللى عنده

[Kareem.ElAraby]

السلام عليكم
حضرتك انا معايا النترا 2010 مانيوال و الزيت بتاعها 75-90 Gl-4
و دوخت عليه عشان اجيبه FULLY SYNTHETIC ما لاقيتش أصلا ال GL-4
أقرب حاجه الفالفو و كان DUREBLEND مش FULLY SYNTHITIC
ال 75-90 FULLY SYNTHETIC GL-4

مش في مصر تقريبا
بره مصر تعالي بقي أقولك
CASTROL + TOTAL + AMSOIL
كل دول عندهم الزيت بتاعنا و فيه زيت اسمه RED حاجه بيشعروا فيه

حاجه كمان بقي فيه أقاويل و كلام ان ال GL-4 ممكن تستخدمله ال GL-5
بس مش متأكد من المعلومه ديه تمام الثقه
لو ينفع يبقي عندك ال BIZOL 75-90 gl-5 و كمان FULLY SYNTHETIC
ده غير ان فيه زيوت بره بتمشي الاتنين gl-4 و gl-5

بس انا مش مقتنع
و البديل انني أجيبه من بره عن طريق ادفعلي مثلا و هيتكلف ال 3 كيلو 600 -700 بلبل مصري !!!

و لنا الله في البلد ديه