احسن اضافة وزيت للفتيس المانيوال بتاع vw

[eraser]

السلام عليكم
حضرتك انا معايا النترا 2010 مانيوال و الزيت بتاعها 75-90 Gl-4
و دوخت عليه عشان اجيبه FULLY SYNTHETIC ما لاقيتش أصلا ال GL-4
أقرب حاجه الفالفو و كان DUREBLEND مش FULLY SYNTHITIC
ال 75-90 FULLY SYNTHETIC GL-4

مش في مصر تقريبا
بره مصر تعالي بقي أقولك
CASTROL + TOTAL + AMSOIL
كل دول عندهم الزيت بتاعنا و فيه زيت اسمه RED حاجه بيشعروا فيه

حاجه كمان بقي فيه أقاويل و كلام ان ال GL-4 ممكن تستخدمله ال GL-5
بس مش متأكد من المعلومه ديه تمام الثقه
لو ينفع يبقي عندك ال BIZOL 75-90 gl-5 و كمان FULLY SYNTHETIC
ده غير ان فيه زيوت بره بتمشي الاتنين gl-4 و gl-5

بس انا مش مقتنع
و البديل انني أجيبه من بره عن طريق ادفعلي مثلا و هيتكلف ال 3 كيلو 600 -700 بلبل مصري !!!

و لنا الله في البلد ديه

انا معاك فاللى قولته
بص هوا الزيت دا مكتوب عليه synthetic وانا كمان جربت الفالفو وكان semi- synth فالمفروض دا يكون احسن
انا لسه محطيتوش فى العربية هقولكوا لما اجرب عملى

[eraser]

انا حطيت الزيت بتاع meguin من حوالى اسيوعين كدا ومعاه الاضافة بتاعت xado المرمم وقولت اجرب شوية قبل ما اقولكوا
النتيجة هايلة الصراحة الفتيس بقا انعم فى النقلات كتير والسحب اتحسن وصوت الونة بدا يقل شوية يشوية
مكتوب عالمرمم انه بيخلص المالجة بعد 1500 كم ساعتها نقدر نحكم عليه بس بالنسبة للزيت انا مبسوط من ادائه وكمان مطمن انى حاطط زيت تخليقى وانتاج جديد ومن شركة محترمة زى liqui moly

على فكرة انا فاض عندى ازازة لتر متبرشمة مش محتاجها عشان قولت اجيب بزيادة احسن لو حد محتاجها يقولى

[the lawyer]

عندي سؤال ... دلوقتي التوكيل بيقول ان لزوجة زيت الفتيس80/90 بس الفتيس بيبقي تقبل اوي الصبح لازم امشي بالعربية 5 كيلو علشان يبقي طبيعي ... هل كدا لازم اقلل اللزوجة

[azwoz65]

السلام عليكم مهندس شريف

موضوع النقلات و مشاكل الفتيس مش لازم تكون كلها زيوت و اخوك خبره في قصص زيوت الفتيس بالذات سواء مع الابيزا او الكوردوبا حاليا المهم ان فيه شوية حاجات حابب اضيفها هنا :-
1- ونة الغيار الخامس بيكون سببها حاجتين اما نقص زيت الفتيس و ده اكبر سبب اللي حصل معايا اكتر من مرة و كنت بحس بيه بنقص الزيت و اروح ازوده اول ما اسمعها بسبب التسريب اللي كان عندي .... و التاني ان يكون حصل تأكل في تروس الغيار و الثالث ان عندك بلية داخل الفتيس خشنة قليلا و مش بتظهر غير مع الخامس و السرعات
2- مهما حطيت من انواع زيوت غلط و غير مناسبة و خليط للفتايس دي مش بتأثر فيها علي المدي القريب و بسرعه و لكن بتأثر بعد فترات تشغيل طويلة تصل الي 50 الي 100 الف كيلومتر و مش بتكون هي السبب الرئيسي لخشونه الغيارات و اكبر سبب دايما بيكون ضبط عصاية الفتيس في الوضع السليم للتعشيق لكل الغيارات

و حط تحت اخر جملة دي اللي كبرتها مليون خط لأني جربت كتير في القصة دي و اكتشفت ان ده السبب الاكبر

3- الزيوت الغير مناسبة كلزوجة و نوع اخرها معاك هتقرفك شوية 10 دقايق الي ربع ساعه صباحا و في البرد و الشتاء فقط و بعد كده هتبقي تمام و ده بسبب ان لزوجتها عالية و لما بتسخن خلاص بتبقي زي الفل

الخلاصة :- انا شايف ان الزيت اللي انت حطيته كويس و مش هو المشكلة و لكن المشكلة عندك في ضبط العصاية صح سواء اذا كان تيش العصاية فيه تأكل و بوش مخليك مش بتدي غيارات مرتاح او مفكوكه او محتاجه ضبط و اتحركت من مكانها او دبرياجك واطي قوي و مش بيفصل مرتاح ... و شايف انك ولا تحط اضافات ولا غيره الزيت الغالي اللي انت اشتريته كافي و زياده إلا لو حابب تجرب ... براحتك ... يمكن تفيد و يمكن تحسن من الاداء

عندي تفاصيل اكتر عن كيفية ضبط العصاية لكن محتاجه صور للشرح هدور عليها و نتكلم فيها ان شاء الله

فى انتظارك وبالتوفيق ان شاء الله