سيات كوردوبا عربية كويسة ولا لا

[batats14]

السلام عليكم
انا معروض عليا كوردوبا 2001 وواحدة 2002 والاتنين ماشاء الله عليهم بس 1000cc سى سى..بس كل اما اسال حد يقولى ابعد عنها دى قطع غيارها غالية ومش هتعرف تبيعها..وناس بتقول انها عربية كويسة جدا.ياريت حد يقولى هى كويسة ولا لا وسعرها كام..وتنصحونى بايه جزاكم الله خير؟

[batats14]

بس ياريت تفيدونى بسرعة بالله عليكم

[Ahmed Mubarak]

العربية جميله جدا بس تقيلة فى بيعها وقطع غيارها ذيها ذى الابيزا 2000-2002 مع بعض الاختلاف البسيط
وعلى فكرة انا بدور على كردوبا 2000-2002 وهبيع الابيزا ان شاء الله

[Ahmed Mubarak]

المهندس إيهاب منصور وجرائد فوكس هيفيدوك أكثر مني الاثنين معاهم نفس العربيه

Sent from my GT-I9500 using Forum Runner

[batats14]

الف شكر ياباشا

[grandfox]

السلام عليكم

بص يا باشا العربيه ما تفرقش عن الابيزا فى اى حاجة غير ان الكاسيت اللى بينزل مع الابيزا الاوروبى اللى فيه شاشة بيان وتكييف تاتش و كمبيوتر الرحلات وده طبعا فى منتهى الشياكة ويحسسك انك راكب عربية محترمة بجد بالاضافه ان ماتور الكوردوبا 1000 cc بس 16 صمام 2 كامه يعنى اداء موتور 1300 cc مستريح بالاضافة لتوفير رهيب فى البنزين اما الابيزا 1000 cc لكنها 8 صمام . اما الاختلاف الجوهرى عن الابيزا فهيا الشنطة ودى كبيرة فعلا بشكل مبالغ فيه بالرغم انك لما تشوفها ماتحسش ان الشنطة كبيرة الا لما تفتحها تلاقيها ما شاء الله تاخد شخصين بالغيين جواها وديه نقطه قوه وليس نقطة ضعف واسأل اللى عندهم ابيزا لما بيسافروا بيعانوا اد ايه بسبب عدم وجود مساحة كافيه للاغراض الخاصة بالعائلة واللى ممكن يختلف مع الابيزا الفوانيس الخلفيه والحمد لله موجوده جديد واستيراد . اما عن موضوع اعادة البيع فا ماتقلقش العربيه دى ليها ناسها ومدام العربيه نضيفة يبقى ما تقلقش فى موضوع البيع
لو بتفكر تشترى عربيه تركبها اتكل على الله .... واوعدك مش هتندم ...بس بشرط الحاله

وربنا يوفقك لما فيه الخير

[batats14]

السلام عليكم

بص يا باشا العربيه ما تفرقش عن الابيزا فى اى حاجة غير ان الكاسيت اللى بينزل مع الابيزا الاوروبى اللى فيه شاشة بيان وتكييف تاتش و كمبيوتر الرحلات وده طبعا فى منتهى الشياكة ويحسسك انك راكب عربية محترمة بجد بالاضافه ان ماتور الكوردوبا 1000 cc بس 16 صمام 2 كامه يعنى اداء موتور 1300 cc مستريح بالاضافة لتوفير رهيب فى البنزين اما الابيزا 1000 cc لكنها 8 صمام . اما الاختلاف الجوهرى عن الابيزا فهيا الشنطة ودى كبيرة فعلا بشكل مبالغ فيه بالرغم انك لما تشوفها ماتحسش ان الشنطة كبيرة الا لما تفتحها تلاقيها ما شاء الله تاخد شخصين بالغيين جواها وديه نقطه قوه وليس نقطة ضعف واسأل اللى عندهم ابيزا لما بيسافروا بيعانوا اد ايه بسبب عدم وجود مساحة كافيه للاغراض الخاصة بالعائلة واللى ممكن يختلف مع الابيزا الفوانيس الخلفيه والحمد لله موجوده جديد واستيراد . اما عن موضوع اعادة البيع فا ماتقلقش العربيه دى ليها ناسها ومدام العربيه نضيفة يبقى ما تقلقش فى موضوع البيع
لو بتفكر تشترى عربيه تركبها اتكل على الله .... واوعدك مش هتندم ...بس بشرط الحاله

وربنا يوفقك لما فيه الخير

تسلم يا باشا...انت رفعت معنوياتى عشان بصراحة العربية داخلة دماغى وكل اما اسال حد يعقدنى منها...طيب هى موديل 2002 متوسط سعرها يبقى حوالى كام

[ehab_mansour]

السلام عليكم

طبعا الاخوه فوق قالولك علي كل حاجه و ده تقرير مني عن العربية دي و فيه كل حاجه عنها

http://www.nilemotors.net/Nile/277707-2002.html

غير كده العربية دي معايا و ليها مميزات و عيوب زي اي عربية و لكن انا بعتبر العربيات دي من افضل العربيات في الفئة السعرية دي للمستعمل و مينفعش ابدا اقارنها بنفس العربيات اللي زيها في السعر كمستعمل من كوري و غيره اللي مبالغ فيها جدا

العربيات دي معمره جدا و افضل بمراااااااااااااحل في استهلاك البنزين و في حاجتها للصيانه و طبعا انا قلتلك في التليفون بيننا كل شيء
اهم اهم اهم شيء في العربيات دي و انت بتشتريها هي الحاله العامة تكون كويسه كموتور و جسم العربية و خاصة كهرباء العربية تكون متلعبش فيها
و ربنا يوفقك لما يحبه و يرضاه

[batats14]

السلام عليكم

طبعا الاخوه فوق قالولك علي كل حاجه و ده تقرير مني عن العربية دي و فيه كل حاجه عنها

http://www.nilemotors.net/Nile/277707-2002.html

غير كده العربية دي معايا و ليها مميزات و عيوب زي اي عربية و لكن انا بعتبر العربيات دي من افضل العربيات في الفئة السعرية دي للمستعمل و مينفعش ابدا اقارنها بنفس العربيات اللي زيها في السعر كمستعمل من كوري و غيره اللي مبالغ فيها جدا

العربيات دي معمره جدا و افضل بمراااااااااااااحل في استهلاك البنزين و في حاجتها للصيانه و طبعا انا قلتلك في التليفون بيننا كل شيء
اهم اهم اهم شيء في العربيات دي و انت بتشتريها هي الحاله العامة تكون كويسه كموتور و جسم العربية و خاصة كهرباء العربية تكون متلعبش فيها
و ربنا يوفقك لما يحبه و يرضاه

تسلم يا هندسة

[grandfox]

بالنسبة للسعر اعتقد انه يترواح من 40000 الى 45000 حسب الحاله

[hossamalsadik]

الاساتذة قالوا المفيد
عربيه جميله معمرة قطع غيار متوفرة جديد واستيراد باسعار معقوله
دور على حالة كويسه وهتستمتع بيها