المفروض يبقي كام Rpm

[mohamed ibiza]

الابيزا 94 علي الغيار الرابع بتبقي 4000 Rpm و السرعة 100 علي الخامس بتبقي 3000rpm والسرعة 100

[mohamed ibiza]

بصوا يا جماعة.........

أنا لسا شاري ابيزا المفروض انها 1400 مو 2001

انا أول لما اشترتها طلعت علي الاسماعيلية الصحراوي عشان أشد و أشوف اية ظروفها حسيت ان ال Rpm بتاعها عالي جدا يعني الغيار الخامس ال Rpm علي 3 و السرعة علي 80

طبعا روحت لميكانيكي اسمة سيد جولف شرحتلة قالي العربية دي متسقتلها مكنة 1400 علي فتيس ألف........

روحت لواحد تاني عند حديقة بدر عملت سيرفس و قولتلة علي المشكلة........

جرب و قالي الفتيس فية خشونة روحت جبت فتيس 1400 مو 99 مفكوك من علي مكنة...

و غيرت بلية دبرياج و ديسك و الفتيس ال Rpm نزل شوية بقي علي الغيار الخامس ال Rpm 3 و السرعة 90 و أنا شايف انة عالي برضة....

و المشكلة القائمة ايضا ان استهلاك البنزين عالي........

يا جماعة ممكن حد يفيدني لاني بجد تعبان أوي من الموضوع دة...............

مش مستاهل الموضوع يا مصطفي مفرقتش كتير مكنتش تغيره اساسا...

استهلاك البنزين اد ايه معاك؟؟؟

[Rsarabia]

انا مش عارف عندك كام بس هو فى البومة

70 تعمل 2 Rpm
110 تعمل 3 Rpm

[Moustafa Al-mansy]

عالي جدا لدرجة اني مشيت 113 كم ب 16 لتر بالتكييف..........

[Moustafa Al-mansy]

أنا جبت امبارح أرقام الفتيس اللي ينفع مع المكنة بتاعتي.........

ادعولي اني أعرف أجيبة و أركبة

[fadynabil]

بقول ايه يا شباب أنا لسه مجرب عربيه ذي بتاعتي
لقيت فرق جامد في السحب يعنى مثلاً عندي ع التاني لو قرصت ع الأخر بتجيب 60 بس
ف تحس ان العربيه مكتومه مش بتجري
فهل ده بسبب طقم الدبرياج وهو السبب ان ال Rpm بيبقى عالي

وهل من الممكن حد يقولي اذاي اتأكد ان السبب فعلا من الاسطوانه ؟؟؟
مع ملاحظة ان الاسطوانه مش بتفللت أو بتجيب Rpm عالى وبعد كده ينزل

[mahmoudzaied]

انا عندى فى لانسر بوما 1300 سى سى
107 كيلو تقريبا على Rpm 3 (لحد 110 بيعلى سنة عن ال3 ) دا على الغيار الخامس
انا شايف كدة انو عالى جدا والعربية كمان 1300 يعنى على الاقل ان العربية لو سرعتها 100 يكون مابين ال3 و 3.5 على الغيار الخامس

[fadynabil]

علي فكره أنا غيرت علبة الشكمان العربيه فاقت أوي أوي أوي وبقي سحبها حلو وصوتها نعم أوي
بس موضوع ال Rpm ذي ماهو
بس سألت ناس كتير وقالولي إنه عادي
وسأالت كمان مهندس هاني اللي ورا حديقة بدر وقالي نفس الكلام وقاللي إنه شيء طبيعي
بس هواللي قاللي علي موضوع علبة الشكمان والكربراتير والحمدلله ظبتهم