عاوز اسقط مكنة

[ehab_mansour]

أ / ايهاب
السلام عليكم
انا كمان كنت حابب استفيد من خبرة حضرتك ، انا كمان عندي ابيزا 2002 والموتور عندي جايب شمبر وكنت ناوي إن شاء الله اسقط 1400 وكان عاجبني اوي الموتور 1400 اللي كوده bxw و ده 86 حصان و عزم 132 نيوتن متر لأني حسيته انه اقوي موتور في 1400 خصوصا في عزمه (132) وكمان اقوي من المحركات aub , bbz و دول 101 حصان بعزم 126 نيوتن متر فقط ................ هل انا كدة صح ولا بعك واحضرتك تنصحني بأيه ؟؟؟؟؟؟

و عليكم السلام

شوف يا استاذ جرجس حضرتك الموتور ده نزل في ابيزا 2003 الي 2008 ...يعني الموديل اللي بعد عربيتك و دي قواعد تثبيت الموتور فيها مختلف غير عندك و محتمل ميركبش و محتمل ينفع لأني سمعت ان فيه محركات لفولكس نزلت بأماكن تثبيت مختلفة ... يعني ينفع ننقل القاعده من الجنب للأمام و العكس ...

لكن الاضمن لك المحركات اللي نزلت في موديل عربيتك اللي ذكرناها فوق و لو عايز حاجه افضل عزم خش علي 1600 ال 8 فالف و ريح دماغك

[seatibiza]

و عليكم السلام

شوف يا استاذ جرجس حضرتك الموتور ده نزل في ابيزا 2003 الي 2008 ...يعني الموديل اللي بعد عربيتك و دي قواعد تثبيت الموتور فيها مختلف غير عندك و محتمل ميركبش و محتمل ينفع لأني سمعت ان فيه محركات لفولكس نزلت بأماكن تثبيت مختلفة ... يعني ينفع ننقل القاعده من الجنب للأمام و العكس ...

لكن الاضمن لك المحركات اللي نزلت في موديل عربيتك اللي ذكرناها فوق و لو عايز حاجه افضل عزم خش علي 1600 ال 8 فالف و ريح دماغك

اشكرك با استاذ ايهاب ...... بس انا اعرف كذا حد مسقط موتور 1400 بتاع ابيزا الاصلية الموديلات 2003 وما بعدها ....... كدة يبقي في امكانية ؟؟؟؟؟

[BiGGuY]

السلام عليكم
1- بما يخص ابيزا 2001 حضرتك قدامك انك تسقط محرك 1400 8 فالف بفتيسه فقط مكان اللي عندك علي نفس الضفيرة و ممكن الكنترول و لكن انا مبحبش كده لأن كل محرك و له اعدادات مختلفة طالما اختلف الهورس باور و العزم و حجم البساتم لذلك الصح هتشتري موتور بفتيسه و تشيل اللي عندك و تحط الجديد في ساعتين زمن و شكرا علي كده و لكن هتكون استفدت من 10 حصان زيادة و عزم حوالي 30 نيوتن متر زياده (يعني فرق و لكن مش كبير قوي )

او تسقط ماكينة 75 حصان و دي متوفرة في نوعين ... محرك 1400 16 فالف و ده هيحتاج موتور بضفيرة و كنترول و فتيس كامل بكل حاجه تشيل كل اللي عندك في الحوض و تركب الجديد و ... او تسقط ماكينة 1600 8 فالف 75 حصان زي اللي ذكرها الاخ اللي لسه مسقط فوق و دي نفس الهورس باور و عزمها اعلي شوية من 1400 و دي برضه هتحتاج تغير كل حاجه في الحوض
الاسعار ماليش فيها و تعرفها من لفه كويسه في الحرفيين و اي مكان اخر و تفاصل و تحاول مع ناس كتير لحد ما توصل لسعر كويس لأن الاسعار ملهاش اساس ولا نظام و كتير بتبقي انت نصيبك و مزاج التاجر
2- ابيزا 98 نفس الخيارات اللي فوق بالضبط و لكن الفرق انك هتلاقي محركات موديل 98 شبه بالضبط الماكينه ال 1000 اللي عندك و كذلك ال 2001

طيب لو انا هعمل ايه ؟؟؟؟
انا شخصيا لو هسقط هنزل بالمحرك ال 1400 16 فالف 75 او 1600 8 فالف 75 او 100 حصان ... اللي هلاقيه محرك كويس و شكله يعجبني هو و فتيسه و مش هلكان و افكه من نص قدامي بكل مشتملاته من دول هسقطه مباشرة و اريح دماغي

و انا بفكر كمان لما احتاج القصة دي اني اسقط اوتو كامل .... نص اوتوماتيك 1600 و افضيه في عربيتي بكل حاجه حتي الصالون و دواسات و كل حاجه .... و بكده اشتري دماغي تماما من العربية دي .... و بفكر اعمل ده مع المحرك ال 1.6 sr اللي نزل في الجولف و البورا و الاوكتافيا لأني ركبته اوتوماتيك في البورا و دخل دماغي جدا

عجبتني اوي فكرة الاوتوماتيك دي
انا معايا ابيزا 94 وعاوز اقلبها اوتو 1600 اجيب النص منين (مكان موثوق) وعاوز اتعامل مع مركز بنقله بحيس انه ميكانيكا وكهربا وعفشة كله يكون عنده
مع العلم اني من اسيوط والعربية في اسيوط فبالتالي انا هنزل القاهرة مخصوص للموضوع ده
وياريت حد يتكرم ويقولنا الموضوع هيكلفني كام تقريبا

[hossamalsadik]

اشكرك با استاذ ايهاب ...... بس انا اعرف كذا حد مسقط موتور 1400 بتاع ابيزا الاصلية الموديلات 2003 وما بعدها ....... كدة يبقي في امكانية ؟؟؟؟؟

فى اللنك ده فى ماتور 100hp نزل من موديلات 99 الى 2003 الى هيا 2004 عندنا وبما انه نزل بداية من 99 يبقى ممكن القواعد تركب بدون مشاكل

http://www.ultimatespecs.com/car-specs/Seat/6186/Seat-Cordoba-Coupe-16-100.html

[ehab_mansour]

عجبتني اوي فكرة الاوتوماتيك دي
انا معايا ابيزا 94 وعاوز اقلبها اوتو 1600 اجيب النص منين (مكان موثوق) وعاوز اتعامل مع مركز بنقله بحيس انه ميكانيكا وكهربا وعفشة كله يكون عنده
مع العلم اني من اسيوط والعربية في اسيوط فبالتالي انا هنزل القاهرة مخصوص للموضوع ده
وياريت حد يتكرم ويقولنا الموضوع هيكلفني كام تقريبا

شوف من وجهة نظري ان الموضوع بسيط .... الفكرة فقط انك يكون قدامك نص كامل زي عربيتك اوتو .... هتفك كل حاجه و تنقلها في اللي جنبها بما فيها التبريد بتبريد زيت الفتيس بما فيها طقم الدوارة بالكنترول متكود بما فيها العدادات و لو حتي التابلوه .......... الفكرة كلها انك تلاقي النص اوتو كامل ... و شكرا ... كده اي حد هيفك و يركب و يظبط المهم يكون بيفهم و دماغه عالية و شغال في فولكس

و بالتوفيق لك و للجميع

[seatibiza]

فى اللنك ده فى ماتور 100hp نزل من موديلات 99 الى 2003 الى هيا 2004 عندنا وبما انه نزل بداية من 99 يبقى ممكن القواعد تركب بدون مشاكل
http://www.ultimatespecs.com/car-spe...pe-16-100.html

اشكر حضرتك يا استاذ / حسام .... دايما كدة بتدعمنا بالوثائق المطلوبة
اعتقد كدة ان الموتور اللي هيناسب عربياتنا يا استاذي هو Seat Ibiza 6K2 1.4 16v 75
ودة اللينك بتاعه http://www.ultimatespecs.com/car-spe...K2-14-16v.html
عموما هو مايفرقش عن الموتور اللي كان نفسي اسقطه بتاع 2006 اللي هو
Seat Ibiza 6L 1.4 16v 85 كتير غير انه 85 حصان والعزم 130 نيوتن عن 3800 rpm واحنا بتاعنا 75 حصان والعزم 126 نيوتن عند 3300 rpm واعتقد دة مش فرق كبير اوي يا استاذنا صح ؟؟؟؟
وطبعا افضل الموتور دة عن الموتو 1600 لأن ال 1400 16 فالف لكن 1600 8 فالف ودة طبقا لنصائح بشمهندس ايهاب هيفرق كتير ........ تمام كدة يا بشمهندس ايهاب ؟؟؟؟؟