تقرير تسقيط مكنه 1600 aee

[mahmoudayman]

المقصود بالعباره ديه تكويد ecu ( الكنترول يونت ) الى مجازا اسمه كمبيوتر العربيه وتعريفه على جميع الحساسات الى ركبه عشان يبدأء فى القراءه منها والتعامل معها بس كده
وناوى على ماتور ايه أن شاء الله

ان شاء الله انا ناوي علي موتور جولف 4 بس لازم يكون فيه دواسه بنزين كهربا لو ملقيتش حاجه كده هسقط ال 1400 بتاعها 60 حصان عشان هجيبه رخيص عشان مش هاخد الضفيره بتاعته و مش عايز العب كتير في العربيه
طمني بس حضرتك عملت ايه في المفتاح بريموت

[hossamalsadik]

ربنا ييسرلك الأحوال 1400ccv8 كويس موفر فى البنزين وشغال زى الفل أنا نفسى بفكر فيه ليا
ياااه موضوع المفتاح هو النيه ان شاء الله أما اجيبه استيراد وأكوده أو أجيب الخاص الى بيطوى وكوده بردو بس كده أن شاء الله فى التجديد عن قريب

[mohammad isdf]

أستاذ محمود بالنسبه لمتورك top speed بيكون 151 km/h والتسارع من 0الى 100 فى 16.8 ثانية
واقصى عدد دوران للماتور في الدقيقة 3200 تحت نسبة أنضغاط 9.5 الى بتظبط عليها فلر البوجيهات

يعنى انتا كده ماتور كويس اسأل الله العلى ان يبارك لك فيه

انا شاكر ليك جدا مهندس حسام على اهتمامك ربنا يزيدك من فضله اللهم آمين

[ehab_mansour]

معلش يا ساده لكن لي تصحيح بسيط
تكويد الموتور ده معناه تكويد وحدة ال ecu الجديدة مع وحدة الايموبلايزر اللي كانت راكبه اساسا في العربية في الدركسيون و في المفتاح لكن موضوع تشغيل الكنترول و الحساسات فده لا يتم تكويده ولا شيء هو كنترول مبرمج جاهز فقط تركبله ضفيره و توصله بحساسات العربية هيشتغل طالما هذا الكنترول تم تصنيعه لهذا النوع من المحرك بهذه النوعية من الحساسات

اوقات كتير مش بنحتاج لا تكويد ولا شيء و ده لما بنفك قطمه بالايموبلايزر بطقم الدوارة بكنترول بضفيرة بمحرك و ننقله من عربية لأخري هنا كله بيشتغل مع بعضه و مش بيحتاج لاعادة تكويد لشفرة المفتاح بالايموبلايزر علي الكنترول او العكس

اما بخصوص بنجيب المعلومات عن المحركات دي منين فمواقع الانترنت كتير و منها ويكيبيديا و غيرها كتيييييييييييير بيجيبلك مواصفات المحركات بالضبط و كل شيء عنها

[hossamalsadik]

يعنى مثلا لو غيرت بوابه مش محتاج أكود أو أعمل رست لل ecu