زيت على البوجية

[mohamedhassan]

من كام يوم ونا ماشى بالعربية حسيت انها متلتة روحت لميكانيكى فك البوجيهات والمفاجئة ان البوجية رقم 4 علية زيت فقطع وانا ماشى راح مغيرلى البوجية بواحد سن قصير وقالى العربية محتاجة شمبر انا دلوقتى مشيت بالبوجية الجديد حوالى 250 كيلو ولما كشفت علية تانى لقيت ان حرقة كويس ومش علية زيت اية رايكم فى الكلام دة وبعدين هو لو فعلا العربية محتاجة شمبر انا مش عايز اخش فى الحوار دة فهل تنصحونى انى اجيب شورت بلوك 1400 واحد كلمة بالفتيس بتاعها واستخدم ادوات التغذية بتاعتى افضل والسع هيكون فى حدود كام للشورت بلوك بالفتيس العربية ابيزا 98 1000 سى سى كود الماتور aer

[khaled_sabry]

واضح من كلامك ان الموتور عاوز شنبر فعلا
و ده لأن الزيت وصل للبوجيه اللى سنه طويل - و ده معناه ان فيه زيت بيدخل السلندرات و بيتحرق
لكن واضح برضه ان الموضوع لسه فى اوله - لأن الزيت ماوصلشى للبوجيه اللى بسن قصير
هو اسلم حل انك تعمله طقم شنبر دلوقتى - لكن لو العمليه مزنقه معاك ممكن تصبر عليها شويه
و حط زيت شنبر (مكون بيضاف على الزيت ) علشان تقلل معدل تسرب الزيت
و قيس مستوى الزيت باستمرار

و بصراحه ماعرفشى ايه هو الشورت بلوك ده

[م أحمد]

أنا لسة كان فيه بوجيه قاطع معايا فى ال128 امبارح ، فكيت الاربعة و عملت لهم ارضى خارجى بواسطة جسم العربية و دورت و طلعت البوجيه اللى قاطع و كان معرق زيت ، غيرته بواحد ثلاثى الشمعات سن طويل برضه ، علشان لو شمعة قطعت ينقل على التانية بشرط تساوى الخلوص للثلاثة و الا هيصبح حمل زيادة على الابلاتين و الكوندنسر

المهم طول ما العربية سحبها كويس فى المطالع و ناس راكبة معاك و خاصة الجراجات شديدة الميل او حاجة زى سيتى ستارز (بالاضافة للديسك و الاسطوانة بحالة جيدة و الكاربيراتير و الشكمان تمام) و لا يهمك اى حاجة و لا تعمل اى عمرة و لا نص خصوصا ان الكلام دا بسمعه من ساعة ما جبت العربية من اربع سنين و ان الموتور خفيف و الكلام دا

و بعدين شنبر ايه فى الشتا و الحديد بينكمش بطبيعته ، يعنى عمرة ربانى من غير فلوس

[dr.hazem]

أنا لسة كان فيه بوجيه قاطع معايا فى ال128 امبارح ، فكيت الاربعة و عملت لهم ارضى خارجى بواسطة جسم العربية و دورت و طلعت البوجيه اللى قاطع و كان معرق زيت ، غيرته بواحد ثلاثى الشمعات سن طويل برضه ، علشان لو شمعة قطعت ينقل على التانية بشرط تساوى الخلوص للثلاثة و الا هيصبح حمل زيادة على الابلاتين و الكوندنسر

المهم طول ما العربية سحبها كويس فى المطالع و ناس راكبة معاك و خاصة الجراجات شديدة الميل او حاجة زى سيتى ستارز (بالاضافة للديسك و الاسطوانة بحالة جيدة و الكاربيراتير و الشكمان تمام) و لا يهمك اى حاجة و لا تعمل اى عمرة و لا نص خصوصا ان الكلام دا بسمعه من ساعة ما جبت العربية من اربع سنين و ان الموتور خفيف و الكلام دا

و بعدين شنبر ايه فى الشتا و الحديد بينكمش بطبيعته ، يعنى عمرة ربانى من غير فلوس

مفيش بوجيه 3 شمعة بيتظبطله خلوص

لو جه زيت عالالكترود الوسطاني التلات شمعات مش هتشتغل!!

صاحب الموضوع محتاج طقم شنبر وهو لسا في اوله
لو ماتورك بخلاف الموضوع ده ممتاز اعمله الطقم اضمن من انك تجيب شورت بلوك جديد متعرفش ملته ايه
تحياتي

[م أحمد]

مفيش بوجيه 3 شمعة بيتظبطله خلوص

لو جه زيت عالالكترود الوسطاني التلات شمعات مش هتشتغل!!

صاحب الموضوع محتاج طقم شنبر وهو لسا في اوله
لو ماتورك بخلاف الموضوع ده ممتاز اعمله الطقم اضمن من انك تجيب شورت بلوك جديد متعرفش ملته ايه
تحياتي

البوجيه اللى انا استخدمته نوع denso ثلاثى الشمعات بخلوصات مختلفة 0.5 ، 0.6 ، 0.7 من المللى ميتر و كنت راميه فى الشنطة لوقت حاجة


و ضبط الخلوص ينفع طبعا فى اى نوع باستخدام طقم فيللر ، بس بيبقى اصعب شوية فى متعدد الاقطاب ، بس انا ببنسة ضميت سن ال 0.6 على سن ال 0.7 حتى أصبح خلوص ال 0.6 اصبح 0.5 و مش كدة و بس لقيت حاجة جديدة و على خلاف الشائع من ان شرارة واحدة بس بتطلع ، اثناء تدوير المحرك و اختبار البوجيه لقيت (( شرارتين ))

العربية بسم الله ما شاء الله النهاردة الصبح تتفرج على ماسورة بخار مياه من اول لحظات التدويرة !!!

الالكترود الوسطانى على كلامك كدة غرقان زيت من جميع الجوانب سطح و جوانب !!! ، فى بوجيه الدينسو الثلاثى السن على جانب الاكترود مش عمودى عليه زى البوجيهات العادية يعنى صعب الزيت يترسب فى جدران سطح الاكترود كمان من كل الجوانب

ودا ما يمنعش ان لو حالة صعبة للموتور مع بنزين ال 80 او مشاكل فى الكاربيراتير ان الاكترود يقطع

[mohamedhassan]

بس ياجماعة الميكانيكى لما لقى البوجية حرقة كويس قالى اصبر لحد منشوف هيقطع تانى امتى لان ممكن يكون اللى حصل دة مجرد رواسب وجت على البجية فقطع اية رايكم فى الكلام دة

[أحمد جودة]

أنا عندي معلومة بخصوص الموضوع دة

أولا ان الزيت ياتري على سن البوجية ولا على القلاووظ فقط لو على السن يبقي فعلا طقم شنبر
أما لو كان الزيت على القلاووظ فدة محتاج تظبيط جوان وش التاكيهات وييمكن الوش محتاج يتربط مش اكتر


ياريت حد يأكدلي المعلومة او ينفيها وكمان على فكرة كنت عند ميكانيكي وقال ممكن تركب كرسي للبوجية ودة هيفيد كتير لتعريق الزيت ياتري مدي صحة الموضوع دة

[م أحمد]

أنا عندي معلومة بخصوص الموضوع دة

أولا ان الزيت ياتري على سن البوجية ولا على القلاووظ فقط لو على السن يبقي فعلا طقم شنبر
أما لو كان الزيت على القلاووظ فدة محتاج تظبيط جوان وش التاكيهات وييمكن الوش محتاج يتربط مش اكتر


ياريت حد يأكدلي المعلومة او ينفيها وكمان على فكرة كنت عند ميكانيكي وقال ممكن تركب كرسي للبوجية ودة هيفيد كتير لتعريق الزيت ياتري مدي صحة الموضوع دة

تركيب الكرسى فائدته إطالة المسافة بين البوجيه و راس المكبس و الفائدة من ذلك محاولة تفادى الزيت المتسرب من الشنابر و عدم التأثير على البوجيه ، و كذلك تركيب السن القصير تماما فهو علاج للعرض و ليس للمرض

الزيت اللى على القلاووزفعلا قد يكون بسبب تسريب زيت من غطاء وش التاكيهات او عدم احكام غلق غطاء الزيت

[Karim Ibiza]

ماشاء الله الاعضاء قاموا بالواجب وزيادة

من الواضح ان موضوع الشنبر لسه فى أوله بس استنى لغاية ما تتأكد اذا الزيت طال البوجيه السن القصير

[mohamedhassan]

متشكر جدا ياجماعة على المعلومات المفيدة بس محدش قالى راية فى شورت بلوك 1400 والاسعار

[dr.hazem]

البوجيه اللى انا استخدمته نوع denso ثلاثى الشمعات بخلوصات مختلفة 0.5 ، 0.6 ، 0.7 من المللى ميتر و كنت راميه فى الشنطة لوقت حاجة

و ضبط الخلوص ينفع طبعا فى اى نوع باستخدام طقم فيللر ، بس بيبقى اصعب شوية فى متعدد الاقطاب ، بس انا ببنسة ضميت سن ال 0.6 على سن ال 0.7 حتى أصبح خلوص ال 0.6 اصبح 0.5 و مش كدة و بس لقيت حاجة جديدة و على خلاف الشائع من ان شرارة واحدة بس بتطلع ، اثناء تدوير المحرك و اختبار البوجيه لقيت (( شرارتين ))

العربية بسم الله ما شاء الله النهاردة الصبح تتفرج على ماسورة بخار مياه من اول لحظات التدويرة !!!

الالكترود الوسطانى على كلامك كدة غرقان زيت من جميع الجوانب سطح و جوانب !!! ، فى بوجيه الدينسو الثلاثى السن على جانب الاكترود مش عمودى عليه زى البوجيهات العادية يعنى صعب الزيت يترسب فى جدران سطح الاكترود كمان من كل الجوانب

ودا ما يمنعش ان لو حالة صعبة للموتور مع بنزين ال 80 او مشاكل فى الكاربيراتير ان الاكترود يقطع

ممكن تبعتلي رقم البوجيه ده بالظبط؟
لان اي بوجيه اكتر من شمعه مبيتظبطش مش لانه صعب مالبنسه ممكن تظبط اي سن والفيلر موجود بس المفروض اي بوجيه باكثر من شمعه مبتظبطش لانه مش مصمم للظبط...
فحابب اشوف الدينسو هل ممكن ظبطه ولا لا فياريت تجيبلي كود البوجيه عشان اتعرف عليه،،،
تحياتي

Sent from my Xperia Arc S using Forum Runner

[SYD]

طقم شنبر في مكنة 1.0 مش بالسهولة اللي انت متصورها دي
والميكانيكي اللي بيقولك كدة حاجة من 2
اما بيفتي بأي كلام بدون علم او عارف وعايز يعمل عليك شغل
انا عارف ان طقم الشنبر مش يعتبر عمرة كاملة ولكن اي فتح للموتور ال1000 غير محبز ولا ينصح به تماماً

انت لسة في الأول
جرب الأول الأضافات اللي بتقلل الخلوصات
ثانياً جرب الزيوت التقيلة اللي بيسموها زيوت شنبر
ثالثاً اعمل كرسي للبوجيه البايظ

واخر حل خالص تجيب شورت بلوك وان جيت للحق هو افضل الحلول كلها ولكنه الأكثر كلفة

تحياتي

[khaled_sabry]

البوجيه اللى انا استخدمته نوع denso ثلاثى الشمعات بخلوصات مختلفة 0.5 ، 0.6 ، 0.7 من المللى ميتر و كنت راميه فى الشنطة لوقت حاجة


و ضبط الخلوص ينفع طبعا فى اى نوع باستخدام طقم فيللر ، بس بيبقى اصعب شوية فى متعدد الاقطاب ، بس انا ببنسة ضميت سن ال 0.6 على سن ال 0.7 حتى أصبح خلوص ال 0.6 اصبح 0.5 و مش كدة و بس لقيت حاجة جديدة و على خلاف الشائع من ان شرارة واحدة بس بتطلع ، اثناء تدوير المحرك و اختبار البوجيه لقيت (( شرارتين ))

العربية بسم الله ما شاء الله النهاردة الصبح تتفرج على ماسورة بخار مياه من اول لحظات التدويرة !!!

الالكترود الوسطانى على كلامك كدة غرقان زيت من جميع الجوانب سطح و جوانب !!! ، فى بوجيه الدينسو الثلاثى السن على جانب الاكترود مش عمودى عليه زى البوجيهات العادية يعنى صعب الزيت يترسب فى جدران سطح الاكترود كمان من كل الجوانب

ودا ما يمنعش ان لو حالة صعبة للموتور مع بنزين ال 80 او مشاكل فى الكاربيراتير ان الاكترود يقطع

ياريت تقولى انتا جبت البوجيه ده منين و بكام

[Karim Ibiza]

متشكر جدا ياجماعة على المعلومات المفيدة بس محدش قالى راية فى شورت بلوك 1400 والاسعار

الشورت بلوك حل كويس جدا بس قدام شوية لغاية ما تجيب أخر موتورك

لو شورت بلوك فقط هيعمل فى حدود الـ 1500 جنيه ويركب على كل حاجة عندك عادى جدا طالما واحد كامة
والكود بتاعه aex

[SYD]

الشورت بلوك حل كويس جدا بس قدام شوية لغاية ما تجيب أخر موتورك

لو شورت بلوك فقط هيعمل فى حدود الـ 1500 جنيه ويركب على كل حاجة عندك عادى جدا طالما واحد كامة
والكود بتاعه aex

او apq