زيت على البوجية

[mohamedhassan]

طب لوعايز بالفتيس بتاعة هيبقى فى حدود كام ووش التقسيمة للبلوك وطرمبية المياة مثل الماتور 1000

[Karim Ibiza]

طب لوعايز بالفتيس بتاعة هيبقى فى حدود كام ووش التقسيمة للبلوك وطرمبية المياة مثل الماتور 1000

الموتور كامل بالضفيرة والكونترول والفتيس هيعمل 3500 - 3000 جنيه
وش السليندر طبعا مختلف عن الـ 1000
طرمبة المياه واحدة

[SYD]

طرمبة المياة مختلفة

ال1.4 كوبي من ال1.0 فيما عدا طرمبة المياة فقط لا غير
اي حاجة تانية متشابهة 100% واي قطعة غيار تمشي مع ال1.0 تمشي مع ال1.4

[Karim Ibiza]

فعلا الطرمبة مختلفة
اسف على الخطأ

[mohamedhassan]

معلش ياجماعة عندى استفسار بسيط دلوقتى البوجية ابو سن قصير مفروض يجى علية زيت بعد اد اية انا ماشى لحد دلوقتى حوالى 250 كيلو من ساعة مغيرتة

[Karim Ibiza]

طول ما انت مش بتقرص على العربية يبقى عمره ما هيطوله زيت

[ابو لؤى]

أنا لسة كان فيه بوجيه قاطع معايا فى ال128 امبارح ، فكيت الاربعة و عملت لهم ارضى خارجى بواسطة جسم العربية و دورت و طلعت البوجيه اللى قاطع و كان معرق زيت ، غيرته بواحد ثلاثى الشمعات سن طويل برضه ، علشان لو شمعة قطعت ينقل على التانية بشرط تساوى الخلوص للثلاثة و الا هيصبح حمل زيادة على الابلاتين و الكوندنسر

المهم طول ما العربية سحبها كويس فى المطالع و ناس راكبة معاك و خاصة الجراجات شديدة الميل او حاجة زى سيتى ستارز (بالاضافة للديسك و الاسطوانة بحالة جيدة و الكاربيراتير و الشكمان تمام) و لا يهمك اى حاجة و لا تعمل اى عمرة و لا نص خصوصا ان الكلام دا بسمعه من ساعة ما جبت العربية من اربع سنين و ان الموتور خفيف و الكلام دا

و بعدين شنبر ايه فى الشتا و الحديد بينكمش بطبيعته ، يعنى عمرة ربانى من غير فلوس

ممكن اعرف من حضرتك وطبعا بعد اذن صاحب الموضوع البوجيهات دى بكام وياترى بتفرق مع ال 128 ولا مافيش فرق لانى بفكر اجربها وجزاك الله كل خيرا

[mohamedhassan]

طب ازاى اعرف ان انا مش قارص على العربية ولو كدة مش هقرص على العربية خالص بس هشيك على الزيت علطول ولو فية نقص ازودة صح ولا اية ولو مشيت على كدة هل ياترى اية التاثير السلبى على العربية

[mohamedhassan]

متابع

[hossamalsadik]

القرص أنك تجيب اخر الغيار وتعلى rpm وزود زيت لما الزيت تكشف عليه وتلاقيه ناقص ويكون المنسوب بتاعه بين علامة MAX و MIN على مقياس الزيت

[mohamedhassan]

معلش يعنى rpm يكون على كام فى كل غيار

[Karim Ibiza]

حاول متخليش ال rpm يزيد عن ال 30 فى كل نقلة
وحافظ على مستوى الزيت وبلاش تخلى مستوى الزيت فوق ال max

[م أحمد]

السادة الاعضاء المحترمين اللى بيسالو على سعر البوجيه انا كنت جايب الطقم من التوفيفية من سنة تفريبا ب 47 و كان فيه طقم بوش انقح منه رباعى الشمعات ب 50 جنيه،اظن الاسعار دلوقتى مش اقل من 20 جنيه زيادة
بالنسبة للغرق هو مش بيفرق عن احادى الشمعة لان محصلتهم فى النهاية شرارة تشعل البنزين ولكن متعدد الشمعات يعطى حرية و تعدد لمسارات الاشعال ، ايها كان اسهل يقوم بالانطلاق خلالها
الشرارة فى حالة البوجيه المذكور كنت بلاحظ الشرارة بتمشى فى المسار صاحب اقل مقاومة الا و هو ال 0.5 مللى يعنى لازم اكون عامل فى حسابى الخلوص الموصى به للسيارة لا اقل ولا اكثرلان كلاهما يعطى نتيجة عكسية ، علشان كدة انا ضيقت خلوص ال0.6 و خليته 0.5 بالبنسة لضمان مسار ثانى، غير كدة بصراحة مش عارف كان هيلقط شرارة مع ال 0.6 او ال 0.7 مللى بسهولة و لا ﻷ

احسن حاجة تجيبه متساوى الخلوص من البداية ، و بمقدار خلوص مناسب للسيارة ، بتاع ال128 هو 0.625 مللى على الورق طبعا و مع موبينة فابريكة و ابلاتين فابريكة
فى ميكانيكية يقولك البوجيه دا بياكل راس البستم و مش لاى عربية ، دا طبعا كلام خطا تماما لان المحصلة فى النهاية شرارة واحدة
ان شاء الله بكرة اجيب رقم البوجيه من اخواته اللى مش راكبين علشان مكسل انزل دلوقتى ههههه

[م أحمد]

W20epb
دا كود البوجيه