استفسار هي اسعار الابيزا 94 رفعت ولا اللي عالنت ده تهيؤات؟؟؟؟

[Hazem_Ahmed]

السلام عليكم ورحمة الله وبركاته
انا بفكر ان شاء الله اجيب عربية ابيزا 94 وطبعا زي الناس كلها اللي بتدور علي النت دورت
المفرود ان سعر العربية ما بين 23 ل 27 الف ( علي حد علمي ) واللي بشوفه ان اقل واحد حاطت سعر 25 والعربية عاوزة مصاريف كتير واللي حاطت 35 واللي حاطت 42 طبعا المفروض اني هفاصل في السعر بس هفاصل لغاية كام يعني الف الفين ثلاثة مش هفاصل في 7 ولا 10 طبعا بتتسد نفسي اصلا ان اكلم حد من اللي حاطين الاعلانات
ممكن حد يقوللي هي الاسعار رفعت ولا الناس بتحط سعر فوق قوي واهو اي رقم وخلاص وما عليهوش جمرج
ارجو الافادة

الاسعار دى انت ورزقك
انا هقلك تجربتى الشخصيه يمكن تفيدك
انا من شهرين تقريبا اشتريت ابيزا 94 بـ25 وده طبعا بعد ما صاحبها كن ماسك ف 29 وكان اخره 27 والحمد لله انه مكانش تاجر علشان التجار ف حاجه زى كده بيتكلموا ف 30 وانت طالع
المهم العربيه كان فيها مصروف 5 الاف لانى عارف ان عربيه بالسعر ده صعب انك تلاقيها مش محتاجه حاجه
ع الاقل هتحون محتاج لمستك انت ف العربيه وبالتالى لازم تصرف
بعد القصه دى كلها طبعا مستحيل افكر ابيع اقل من 30 واسمها ف الاخر ابيزا 94
شوفت بقا تضارب الاسعار عامل ازاى
وزى ما قلتلك انت ورزقك
وربنا يوقع ف حاجه تستاهل فلوسها

[night_angel0007]

بايع على 27 يا حازم :d

[SYD]

شرفتنا بمرورك يا باشمهندس
طيب لو استني استني شهر شهرين كده ولا استني اد ايه؟

ممكن تصبر للصيف
هتلاقي المعروض كتير ان شاء الله

[ViLMoS]

ممكن تصبر للصيف
هتلاقي المعروض كتير ان شاء الله

ان شاء الله

[Hazem_Ahmed]

بايع على 27 يا حازم :d

خلينا اصحاب احسن

[mohammad isdf]

اصبر شوية او شوف موديل اعلى .. سعر الإبيزا 94 من 30 - 27 بالكتير جدا وممكن لو انت شاطر تجيب حاجه موديل اعلى بال 27 دى