تسقيط ماتور ابيزا 94

[gogo_125]

بسم الله الرحمن الرحيم

اولا احب اعرفكم بنفسي
انا احمد عضو جديد معاكم و ده اول موضوع ليه

انا محتاج حد لية خبرة فى الابيزا و يارب يفدنى و يسعدنى فى الاسئلة دى

انا عربيتى المتور بتاعها خلاص قرب يشتمنى و يقولى ارحمنى و انا من النوع الى مدام العربية
ماشية تبقا العربية تمام و مفهاش اى مشاكل.

فا اخيرا كررت انى اغير المتور و اصرف على العربية

عايز اعرف اسعار متور 1600 و 1300

و لو عايز اغيرها اخليها بور هعمل ايه و هتتكلف كام عشان الدركسيون بيديقنى

و هل تغير الماتور يبقا هغير الفتيس كمان ؟؟؟؟معلش اصلى مليش فى العربيات اووى

و لو عايز اظبط العفشة هتتكلف كام بردو ؟؟ مع العلم انها مش في الضياع اووى حالتها نص نص

و لو حبيت اعمل الكلام ده اعملة فيين مين اكتر حد حرفى و فى نفس لوقت بيراعى ربنا في شغله و مش حرامى

اتمنة حد يساعدنى و يجاوب على الاسئلة دى

[Hazem_Ahmed]

اهلا بيك يا احمد ومنور المنتدى

بس ياريت تقولنا عربيتك كام سي سي اصلا لانك لو هتعلى بـ الـ سي سي فده بيحتاج شغل ف العفشه والفرامل

[Ahm662]

http://www.nilemotors.net/Nile/341077-98.html


طب شوف الموضوع ده وحدد قرارك

[nesr6060]

لو موتورك 1300 ممكن تعمره او تعمله بلوكه بما لا يزيد عن 2000 جنيه بالمصنعيه وكلوا انما لو عاوز مكنه 1600 يبقى المكنه بالفتيس والضفيره والكونترول ب 3000 جنيه وعفشه للمكنه ال 1600 علشان كبيره عن ال1400 و ال 1300 ب 500 جنيه وحوالى 1500 جنيه مصنعيه غير طقم السرفيس يعنى اعمل حسابك فى 6 الاف لو هتغير مكنه انما لو هتجيب بلوكه على الوش اللى عندك يبقى بحوالى 1500 و حوالى 500 جنيه مصنعيه يبقى بالكتير 2500 ومش هتحتاج تغير عفشه

ملحوظه الكلام اللى فات ده لو مكنتك 1300 او 1400

صحيح نسيت اقولك لو هتجيب مكنه كربراتير 1600 يبقى هتوفر حوالى 1000 جنيه . بس كقوه مش اوى

صحيح بالنسبه للباور الباور كامل بخراطيمه مع المكنه عامل 1000 جنيه من غير المكنه كامل عامل من 1000 ل 1500 جنيه
الاسعار دى من شهر ونص بالظبط

[gogo_125]

شكرا جدا ليكم كلكم على الرد

المكنة 1400 و انا مش عايز اعمل عامرة انا عايز اغير الماتور عشان اريح دماغى

و انا عايزها انجكشن مش كاربرتير

نسر باشا انا قريت المواضيع ولاحظت ان انته عملت نفس الى انا عايز اعملة فا اتمنة مساعدتى

انتة قلبتها بور وله لا ؟

انا عايز اغير المكنة و اخليها بور ؟؟

و هل قابلتك مشاكل بعد التغير دة ؟؟

و الموضوع كلة هيتكلف كااام ؟؟

و يترا استفت من الماتور القديم وله لا ؟؟

مع العلم ان انا لسة مغير للماتور الاقديم عندى كربرتير و ديسك و اسطوانة و فيلام و الفتيس حلو مش وحش بتاع المكنة....... يعنى ممكن الحاجات دى تجبلي فلوس

[nesr6060]

شكرا جدا ليكم كلكم على الرد

المكنة 1400 و انا مش عايز اعمل عامرة انا عايز اغير الماتور عشان اريح دماغى

و انا عايزها انجكشن مش كاربرتير

نسر باشا انا قريت المواضيع ولاحظت ان انته عملت نفس الى انا عايز اعملة فا اتمنة مساعدتى

انتة قلبتها بور وله لا ؟
لااا لان لاقيت الباور مالوش لزمه وبيبوط بسرعه وصوته عالى فالى يخلينى احط بور لا احط كمان الف ونص واركب تكيف
انا عايز اغير المكنة و اخليها بور ؟؟
لو هتغير المكنه يبقى هتغير المكنه بالفتيس والضفيرره والكونترول و العفشه بتاعه المكنه الكبيره علشان تستحمل
و هل قابلتك مشاكل بعد التغير دة ؟؟
اه طبعا لغايه دلوقتى المكنه مش زى ماكنت متوقعها يعنى اخرها 180 و غير العفشه اللى ضربت عندى ولسه عاوز اغير شكمان ولسه ماجبتش ورق المكنه لحد دلوقتى
و الموضوع كلة هيتكلف كااام ؟؟
3000 جنيه مكنه فتيس وضفيره وكونترول + 750 جنيه مصنعيه ميكانيكى + 750 جنيه مصنعيه كهربائى (رشاد ) + 550 جنيه طرمبه بنزين شديده علشان ال 1600 عاوزه طرمبه اشد من ال 1400 ده غير طقم السرفيس ولسه عاوز اجيب شكمان هيدخله فى 1000 + عفشه لسه هاجيبها لان اللى عندى خلاص ادمرت بسبب المكنه والجنوط الجداد ب 500 جنيه
و يترا استفت من الماتور القديم وله لا ؟؟
والله ولا استفدت حاجه غير 100 جنيه بس والواير بتاع البنزين وسبت الموتور للعيال الميكانيكيه بدل مانقله ب 200 و اديهم الشاى يعنى كان هيبقى 300 جنيه والموتور مفيهموش حاجه تجيب اصلا ال 200 جنيه دول
مع العلم ان انا لسة مغير للماتور الاقديم عندى كربرتير و ديسك و اسطوانة و فيلام و الفتيس حلو مش وحش بتاع المكنة....... يعنى ممكن الحاجات دى تجبلي فلوس
لو هتجيب معتقدش هتجيبلك اكتر من 200 جنيه تمن النقل والصراحه حرام يبقى عندك الوش بتاع السلينر حلو وتغير المكنه انا شايف انك تجيب بلوكه احسنلك

انا لما غيرت المكنه غيرتها لان كنت عامل للوش القديم جيوان وماسحه عند الخراط و كانت البلوكه عاوزه طقم شنبر والفتيس بدا يطلع ريحه يعنى كان المكنه مفيهاش غير ال الكونترول بس اللى شغال حتى البوابه كانت ضاربه
المهم لو هتغير اعمل حسابك فى مبلغ من 5000 ل 7000 من غير الباور

[mohammad isdf]

Bash a el desk Ely 3ndk no3o eah we 7alto eah w t7b tbe3o wala la2?

[gogo_125]

استاذ نسر متشكر جدا بجد لاهتمامك


انا لسة اصلن مش كررت انى اسقط الماكنة 1600 لانى بصراحة خايف توجعلى دماغى

و بصراحة بعد الى انته قلتة ربنا يكون فى عونك بس من كلامك شكلك من هواء السرعة عشان كدة سقط 1600

انا كان فكرى انى الفرق بين 1400 و 1600 مش هيكون كتير بكتير 2000 جنية

فقلت لو كدة اركب 1600 احسن

بس انتة على كلامك الموضوع ممكن يخشلو فى 4

طب هو فى ماكنة 1400 انخكشن و لو فى عاملة كام ؟؟

معلش انا اسئلتى كتير بس انتة لسة عامل نفس الحوار فا اكيد سائل و عارف

[gogo_125]

bash a el desk ely 3ndk no3o eah we 7alto eah w t7b tbe3o wala la2?

نوعه فاليو بس انا لسة مش قررت انا هعمل اية و الموضوع مطول معاية عشان انا لسة بردو هاخدلى لفة في الحرفين.

اول لما اخلص هقولك و ساعتها شوف انته عايزه بكام و خدو ده لو عاجبك يعنى :d

[gogo_125]

لو هتجيب معتقدش هتجيبلك اكتر من 200 جنيه تمن النقل والصراحه حرام يبقى عندك الوش بتاع السلينر حلو وتغير المكنه انا شايف انك تجيب بلوكه احسنلك

انا لما غيرت المكنه غيرتها لان كنت عامل للوش القديم جيوان وماسحه عند الخراط و كانت البلوكه عاوزه طقم شنبر والفتيس بدا يطلع ريحه يعنى كان المكنه مفيهاش غير ال الكونترول بس اللى شغال حتى البوابه كانت ضاربه
المهم لو هتغير اعمل حسابك فى مبلغ من 5000 ل 7000 من غير الباور

نوص البلوكة قريبة جدا من سعر الماتور الكامل على ما اعتقد ؟

[nesr6060]

استاذ نسر متشكر جدا بجد لاهتمامك


انا لسة اصلن مش كررت انى اسقط الماكنة 1600 لانى بصراحة خايف توجعلى دماغى

و بصراحة بعد الى انته قلتة ربنا يكون فى عونك بس من كلامك شكلك من هواء السرعة عشان كدة سقط 1600

انا كان فكرى انى الفرق بين 1400 و 1600 مش هيكون كتير بكتير 2000 جنية

فقلت لو كدة اركب 1600 احسن

بس انتة على كلامك الموضوع ممكن يخشلو فى 4

طب هو فى ماكنة 1400 انخكشن و لو فى عاملة كام ؟؟

معلش انا اسئلتى كتير بس انتة لسة عامل نفس الحوار فا اكيد سائل و عارف

الاول كنت بخاف من السرعه بس لما سقطت المكنه حبيت السرعه وجبت بالمكنه 170 و 180 بالعافيه بس كنت زعلان انى مسقطش ال 2000 سىسى 2e غلشان كنت اقفل ال 200 بس المشكله ان المكناه ال 2000 سىسى اغلى حوالى 2000 جنيه
المهم المكنه ال 1400 انا لما دورت وسالت عليها لاقيتها عامله كامله بالفتيس والضفيره ولكونترول و العفشه 3000 جنيه يعنى ارخص من ال 1600 حوالى 500 جنيه

بس فى حالتك انت فانت كان ععندك مكنها 1400 يبقى كل اللى هتحتاجه هو بلوكه بس ب 1200 جنيه وتركبها على الوش اللى عندك واداوات التغذيه وبالكتير اوى هتجيبها ب 1500 جنيه

انما لو عندك البلوكه بايظه والوش كمان وده يبقى المكنه عندك خربانه يبقى هات موتور بلوكه ووش ب 2000 جنيه بالكتير بس من غير ضفيره ولا كونترول ولا فتيس علشان انت اللى عندك هينفعوا


يبقى قدامك حلول
عاوز توفر هات بلوكه 1400 ب 1200 جنيه وهتركبها والموضوع كله هيكلفك بالكتير 2000 جنيه
موتورك قفش وش سليندر وبلوكه وده مش بيحصل على طول لان اللى اللى اعرفه ان اللى بيبوظ حاجه من الاتنين مش الاتنين مره واحده يبقى هات موتور بلوكه ووش ب 2000 جنيه وسقطه وهيكلفك كلوا على بعضه من 2500 ل 3000 جنيه بالكتير
الحل التالت هو ان يكون الوش بتاع موتورك هو اللى باظ فى الحاله دى ممكن تجيبله وش بس زى اللى عندك وده بحوالى 1000 جنيه وتركبه ياما تجيبله وش مختلف بالضفيره والكونترول وده هيدخله فى 1500 او 2000 وتركبه
الحل الاخير انك تسقطمكنه كامله وده تعمل حسابك فى 5000 جنيه مقفولين على الاقل علشان المكنه تمشى وبعدها تحضر قدهم علشان تاخد اعلى قوه من المكنه وتظبط عربيتك

على فكره لو قررت تسقط مكنه 1400 يبقى هتحتاج الفتيس و الضفيره والكونترول اللى عندك والعفشه هتفضل زى ماهى انما لو سقطت اكبر او 1400 2 كامه هتغير ده كلوا

[nesr6060]

نوص البلوكة قريبة جدا من سعر الماتور الكامل على ما اعتقد ؟

نص البلوكه سعرها نص تمن سعر الموتور سعرها يتراوح من 1000 ل 1500 وغالبا الناس بتاخدها الدرجه اولى ب 1200 حلو اوى
بس بتفرق بقى فى مصنعيه تركيبها لان مصنعيتها مش هتاخد اكتر من 500 جنيه على عكس الموتور اللى مصنعيته دخلت معايا على 3000 جنيه ولسه عاوز اغير الشكمان

[gogo_125]

تسلم يا ابو النسور

و ان شاء الله اعملكم موضوع كامل على انا عملتى بتفصيل

انا وراية بحث الايام دى لازم اسلمة و ان شاء الله اول لما اخلصة هفضا للعربية و اعيش انا و هى