عاوز ابيع العربيه مجننانى ومش عارف اعمل فيها ايه

[وائل عطيه]

اولا :-

هى ابيزا 2002 مكنه 1400

المكنه ضعيفه جدا وكل شويه مشكله السحب ضعيف بسمع اصوات غريبه فيها علبة شكمان البيئه اتسدت وغيرتها والنهارده وانا رايح الشغل الصبح سمعت صوت كركره وانا ماشى افتكرتو الشكمان لانى لسه مغير العلبه المهم وصلت الشغل وفتحت الكبوت لقيت المكنه جايبه زيت من الجنب من ناحيه قربة مياه المساحات والزيت نازل على الارض انا خلاص زهقت لو حد عايز يشتريها على كدا انا عاوز ابيعها
ارجو الافاده من اصحاب الخبره فى المواتير لو حبيت اغير الموتور لموتور يكون كويس هدفع كام ومنين لانى معنديش استعداد اتعامل مع صنايعيه تانى زهقتتتتتتتتتتتتتتتتتتتتتتتتتتتتتتتتتتت
01110103101

[nesr6060]

تبدل بابيزا 94 معدله 98 موتور 1600 لسه مسقطه

[tito32]

ركبلها موتور جلف

[nesr6060]

دى صولا عربيتى

http://www.nilemotors.net/Nile/423018-a.html

وده موضوع عن موتور حصله نفس الى حصلك وغير شوت بلوك بس زى مابقولك اعمل

http://www.nilemotors.net/Nile/411985-1400-98-a.html

وده موضوع الاستاذ حسام لما عمل العمره الكامله زى ماقولتلك ربنا يكرمه بعربيته والحمد الله التجربه نجحت ورجع زيرو

http://www.nilemotors.net/Nile/413984-2000.html

[mohammad isdf]

ربنا يكون فى عونك .. انت محتاج صنايعى فاهم وأمين، والمشاركة بتاعة أخونا نسر ( السابقة) فيها لينكات مهمة وهتفيدك بإذن الله

[وائل عطيه]

ياا جماعه عاوز ابيعها انا زهقت من الصنعيه والقرف بتاعهم او عاوز حل يكون كويس مش مؤقت وانا خايف من المواتير الاستيراد

[وائل عطيه]

انا عاوز اعرف لو هبيعها على حالتها تجيب كام

[nesr6060]

لو هتبعها على حالتها هتجبلك بين 40 وممكن تجيب ل 43 بي نصيحه برده جرب الاسطى عصام الى قولتلك عليه

[وائل عطيه]

اللى حابب يجى يبص عليه اهلا وسهلا انا اللى قدامى وفى دماغى دلوقتى انى ابيعا مش عارف بكره فيه ايه لان الدنياا مذنقه معاياا فى الفلوس
01110103101

[SYD]

البيع مش حل
لان بثمنتها بردو هتشتري مستعمل بمشاكل جديدة واعطال جديدة
انت ممكن تجرب الموتور ال1.4 ال16 صباب بتاع الجولف 4
وممكن تجرب ال1.6 بتاع الاوكتافيا والجولف 4

اي موتور وارد تحصل فيه مشاكل
صلحها دلوقتي وامشي بيها شوية لحد لما تستقر علي رأي وتشوف هتعمل ايه

تحياتي

[hossamalsadik]

الحمد الله على كل حال
انا شايف انك تصبر شويه عشان ماتخسرش وفعلا اى عربيه هتجبها مستعمله وارد ان يكون فيها شوية مشاكل ومحتاجه منك تظبط بردو فا الى تعرفو افضل من الى ماتعرفوش
ولو مشكلتك فى الصنيعيه عندك الى اتعملت معاه ( مركز طنانى باشا ) وتجربتى ناجحه بحميع المقاييس الى وقتنا هذا والحمد لله وعندك الاسطى عصام فى الهرم وفى غيرهم فى الموضوع المثبت تجارب الاعضاء للورش والصنايعيه دول الى تم التعامل معاهم وكانوا ثقه
وأخيراً عندك عربية أحمد بك ( نسر ) سليمه والماتور ماشاء الله قوى وسليم وبيعرق ربنا يبركله فيها وده من واقع رؤيتنا لها فى اخر مقابلة للقسم

ربنا يوفقك للصالح أن شاء الله

[Mahmoudelsayed]

استخير ربنا وبالتوفيق