إبيزا ٩٤ .... تعمل كام

[fadynabil]

ولاهى كلامكم جميل اذا كان شاركى او ابيزا كلوا كلام مظبوط بس انا لما بقول 32000 عارف انا بقول ايه لو عايز يعرضها ب50 الف يعرضها بس مين المهم الى حيشترى انا اعرف ان الحاجة مهما كانت نضيفة ليها توب مينفعش تزيد عنة للكلام الناس الى عارضة ابيزا 94 ب 42 دة ملامم غير صحيح انا متابع السوق بقالى 6 شهور و بروح كل يوم جمعة سوق السيرات و بشوف المشيس و بشوف النضيف و بيبان على العربيه مشفتش حد بيبيع بالسعر دة ابدا و اؤكد ليكم ان اعلى سعر شوفت ابيزا بيتخلص فيها ادامى كان 35000 لان الاسعار الى بتتكلموا فيها دى ال 42 تجيب ابيزا 2001 من 42 لحد 45
و تجيب بولو 2000 و تجيب ولاهى بلاوى بس انا بتكلم فى الالمانى
و ممكن تزود 3 الاف يعنى نوصل 45000 و تجيب هوندا سيفك 93 بحالة ممتازة ولاهى
و للناس الى بتقول 40000 فى ابيزا موديل 94
قائمة الاختيارت الى فى السوق فى نفس السعر دة
1- هايوندايى اكسنت موجيل 98 سعر البيع فى السوق لا يتعدى 39000 و اكان بيتطلب 43000 ملحوظة حالة ممتازة
2- دايوا لانوس وان ب 41000 و خلصت ادامى ب39500 حلتها جميلة جدا
3- اوبل كورسا موديل 97 1200سىسى فتحة سقف و جنوط اصلى ب 34000 و اتباعت بالعفيه كمان صحبها كان فاكر انة حيبيع ب39000
حلتها ممتازة
4- بولو فوكس لو حلتها تمام 35000 لو اسسيتها تمام بس يعنى عايزة تتظبط 32000
5- بولو 99 حدود 40000 ممكن توصل 42000 على حسب الحالة و اشيه اد ايه
6- بونتو 1300 75 حصان مكيفة و فتحة سقف و بور و كل حاجة حالة تحفة موديل 2000 ب40500
7- بونتو موديل 95 نفس الكلام بس الشكل الى ابها الى انا بعشقة عن نفسى لو حالة الى بيتقال عليها ملهاش حل تعمل 32000 و الى حلتة مش تمام بس اساسيات سليمة فى الضياع مش بيعدى 30000 باى حال ولاهى كان معروض عليا واحدة ب27000 و اعد فترة يعلن عنها فى مصراوى
8-سينا موديل 2001 42000
9- فورد اسكورت 1300 سىسى ب 32000
10-فورد اسكوت 1600 سىسى المتور البوكسر 35000
11-لانسر البطة موديل 92 41000 دة فى حالة الحالة الى محصلتش و فول ابشن
و فيه حجات تانيه كتير بس دى الحجات الى جت فى زهنى دلوقتى و الى معايا اغلب تلفونات اصحبها لو تحبوا تتأكدوا تكلمهم حتى لو كانوا باعو تسألوهم باعو
دة غير ان فيه ناس كتير ادامى عارضين ابيزا بأسعار زى ما بقول لو حد عايز يقولى و انا اديه نمرت التليفون و هو يعاين بنفسة

شكرا ليك يا باشا وصدقني أنا مش من النوع اللي بيستهبل لما يجي يبيع وأنا عن نفسي أجلت قرار البيع شويه لحد ما الدنيا تستقر
وصدقني أنا نفسي الأسعار اللي إنت بتقول عليها تكون مظبوطه وتقل عن كده كمان ياسيدي
أنا في رأي لو إحنا في بلد محترمه المفروض العربيه دي متزيدش عن ٢٠٠٠ جنيه
عربيه مستعمله شوف من كام سنه
بس تعالا شوف أسعار السيارات الجديده الموجوده دلوقتي
أنا كنت أعرف واحد صاحبي في أوربا كان شاري مرسيدس موديل ٩٥ تقريبا بــ ٩٠٠ يورو والكلام ده من حوالي ٦ سنين
المهم باعها أو رماها تقريبا .. وإشتري جولف ٤ وكانت بــ ٥٠٠٠ يورو طبعا إشتراها زيرو في سنتها

شوف بقي إنتا اللي بيحصل هنا في بلدنا

يا باشا آلشعب المصري هو اللي بيحدد صلاحيه المنتج .. مش المصنع :D

[shankosi]

الPolo Fox نزلت سنة 1995 و فى ناس بتقول نزلت 1996 كمان, هى 1300cc و فيها تكييف.

الPolo العادية نزلت مصر 1998 و 1999 و كانت 1000cc و اغلبها فية تكييف و باور.

شكرا يا جنتل وربنا يخليلنا أهل الخبرة اللي زيك...

[Mohamed_Ibiza]

فادي بيه

انا بس كنت عايز اسال حضرتك على موضوع تعديل الاكصدامات وتركيب اكصدامات 98 او 99

هل فيه مشكلة في التعديل ولا مجرد انك تشيل الاكصدام القديم وتركب الجديد وخلاص

ياريت توضحلي لاني بفكر اعدل الشكل

[fadynabil]

فادي بيه

انا بس كنت عايز اسال حضرتك على موضوع تعديل الاكصدامات وتركيب اكصدامات 98 او 99

هل فيه مشكلة في التعديل ولا مجرد انك تشيل الاكصدام القديم وتركب الجديد وخلاص

ياريت توضحلي لاني بفكر اعدل الشكل

يا باشا إنت تأمر ....

بص يا سيدي إنت طبعا تروح لواحد بتاع دوكو محترم لأن سعادتك هتجيبهم إستيراد

عشان الجديد موش كويس الخامات بتاعته أي كلام ..

المهم هتجيب الإكصدامات وتروح ترشهم طبعا بلون العربيه وتركبهم عند واحد سمكري نضيف

بس الأول قبل ماترش تركبهم وتشوف شكلهم عشان يطبعوا علي البودي بتاع العربيه

وعلي فكره هتبقي محتاج تركب شبكه معاهم عشان طبعا شكلها أجمد من ٩٤

وتقريبا كده فوانيس ٩٤ مش هتنفع فلازم تجيب بتوع ال ٩٨ .. بس أنا مش متأكد من معلومة الفوانيس دى

أصلي كنت شاري عربيتي بصراحة متعدله جاهزه

بس هات الإكصدامات والشبكه الأول وركبهم وجرب الفوانيس القديمه وشوف

وصدقني مش هتندم هيبقي شكلها حاجه تانيه أصلي بصراحه مش بحب شكل إكصدامات وشبكه ال ٩٤ شكلهم كلابي شويه :D

[Mohamed_Ibiza]

فعلا معاك حق شكل اكصدامات ال 94 مش لطيف برغم انها ممكن تكون اكثر امانا من الاكصدامات بتاعت ال 98 بسبب وجود الكاوتش اللي في مقدمة الاكصدام

بس عموما الف شكر يا فادي بيه ع الافادة وان شاء الله اعمل الموضوع ده قريب

[kaboo4]

ولاهى يا جماعة الاسعار الى بقول عليها دى فعلا موجودة و بحق و حقيقى
بس دى حالات فرديه لان فعلا السوق نايم جدا الى عايز يبيع مش بيعرف يبيع حتى لو منزل سعر العرربيه بس انا ملاحظ حاجة غريبه فى الشعب المصرى دة انه بيقلق اصلا من الحاجة الرخيصة تخيلوا لو ادامة واحد مزنوق لو مش فاهم فى العربيه و العربيه نزلة جماد ممكن يخاف يشتريها يجى هنا التجار هما الى بيشتروا لانهم طبعا فاهمين
حاجة كمان موضوع الاسعا ر انا اتوقع ان اسعار السيرات حينزل و خصوصا المستعمل بس عمرة ما حيوصل للصورة الى موجودة برة نهائيا اخرنا ينلوا من 2000 الى 6000 مش اكتر الى ممكن ينزل عن كدة موديلات قبل ال90 غير كدة على ما اعتقد انه بينزل و هما حاليا فى السايرات الجديدة 2009 بيغلوا اغلبها اذا مكنش كلها علشان لما يقولوا رخصنا ينزلوها زى مكانت او الف ولا افين بالكتير نظام ضحك على الضكون زى الاوكازيون فى مصر اسعار الحاجة تولع قبل الاوكازيون علشان لما يكى الاكوكزين نلاقى الحاجة سعرها نزل هذة مصر يا عبله

[mous]

السلام عليكم ازيكم يا جماعة ممكن صور للعربية اللى بتتباع عشان انا بشترى اليومين دول وياريت الموديل والكماليات

[fadynabil]

السلام عليكم ازيكم يا جماعة ممكن صور للعربية اللى بتتباع عشان انا بشترى اليومين دول وياريت الموديل والكماليات

يا باشا لأ ده كان إستفسار عن رينچ السعر وليس بغرض البيع .. وربنا يوفقك وتشتري عربيه كويسة

[mous]

طب انتم اة رايكم اشترى موديل كام واسعارها اة العربيات دية

[fadynabil]

علي حسب إنت ناوي تشتري في حدود كام .. ، يعني أنا أعرف إن رينچ
الإبيزا الــ ٩٤ والـ ٩٨ معاك من ٣٣ إلي ٤٠ حسب الحالة والكماليات

بس بصراحة أنا أنصحك تستني شوية لما الأسعار تستقر عشان أنا مش عارف السوق ماشي إزاي دلوقتي

[adawy]

مخالفة القاعدة 6ب

إدارة المنتدى - 3

[adawy]

يا جاماعة انا كنت عايز اسأل عن حاجة ؟؟؟.....بكام الاكسدام الي ورا و الي الادام بتاع ال ibeza 98 ؟؟؟؟ و يارييييت كمان سعر الفتيس بتاع ال 94 ؟؟؟