كستبانات - ابيزا 94

[Hazem_Ahmed]

الحمد لله اولا وقدر الله ما شاء فعل

وانا ماشى بالعربيه وكنت لسه طالع بيها عطلت وروحت بيها ع الميكانيكى وقالى جابت صبابات
المهم قولته اتصرف فراح مغير الصبابات ما علينا قولت فداهيه وحاجه تفادى حاجه

بس بعد كده,,,,,,,,

صوت الكستبانات بقى عالى وكانها عربيه ديزل مش بنزين مع العلم انى مشيت بيها يومين قولت يمكن تظبط بس للاسف مزبطتش والميكانيكى قالى حطلها زيت تعاون اتقل شويه يمكن يجيب معاك

بعد تغيير الزيت مباشره لما ادوس بنزيت العربيه بدخن دخنه بيضه مع الار بي ام العالى فقط,, الله اعلم يمكن كانت كده قبل الزيت وانا مجربتش

محتاج مساعدتكم لانى بدات اسمع كلام كتير زى (روح اظبط تاكيهات "مستغربش" - اغسل كاستبانات - غير وش سلندر - هاتلك مكنه جديده ...... الخ الخ ) والواحد تعب الصراحه

لان عفشه ودينمو و صبابات ف 15 يوم حراااااام انا مش تاجر اثار ولامخدرات وربنا يغنينا بالحلال

مع العلم ان بعد الصبابات سحب العربيه كويس والعزم زى ما هوا وقبل الصبابات عمرى ما اشتكيت من المكنه لا بسحب ولا صوت ولا دخان

فما الحل: لصوت الكستبانات والدخان الابيض وهل ده ليه توابع اخرى ولو سكت عليها كده فيها حاجه لان الصراحه مخلتش معايا جنيه اصرفه عليها تانى

المرحومه: ابيزا 94 - 1300 كربراتير

ولكم الشكر جميعا,,,,,,,,,,

[nesr6060]

معلش بس موتور 1300 مشاكله فى طقم الشنبر و الصبابات كتير انصحك تغيره

[skayroad]

استاذي استاذ حازم انا عندي العربية لما بتكون برده بسمع صوت التاكيهات روحت لواحد اسمه سيد عبده في جسر السويس استاذ الماني قالي لو بتسمع الصوت ده و هي بارده بس يبقى انت عايز زيت اخف مش تقيل بس لو انت بتسمعه على طول مش بيبطل حتى لو سخنت يبقى انتا محتاج تغير كستبان و الطقم عامل 180 ..

[Karim Ibiza]

ازاى يعنى جابت صبابات؟؟

[Hazem_Ahmed]

معلش بس موتور 1300 مشاكله فى طقم الشنبر و الصبابات كتير انصحك تغيره

ياباشا انا هغير العربيه كلها مش الموتور بس

استاذي استاذ حازم انا عندي العربية لما بتكون برده بسمع صوت التاكيهات روحت لواحد اسمه سيد عبده في جسر السويس استاذ الماني قالي لو بتسمع الصوت ده و هي بارده بس يبقى انت عايز زيت اخف مش تقيل بس لو انت بتسمعه على طول مش بيبطل حتى لو سخنت يبقى انتا محتاج تغير كستبان و الطقم عامل 180 ..

لو عندك تفاصيل اكتر تفيدنى يبقى كتر خيرك لانى فعلا زهقت من الموضوع ده

ازاى يعنى جابت صبابات؟؟

اقسملك بالله انى ابتسمت لما شوفت سؤال حضرتك لانى مش عارفله اجابه ولا تفسير

قدر الله ماشاء فعل - الحمد لله

[SYD]

ممكن فعلا الصبابات تكون عايزة تنظيف لا اكثر
او تغيير بالكامل
ودة بردو شئ عادي ووارد

[hossamalsadik]

يعنى أنتا قبل ماتعطل حصل ايه عشان تغير الصبابات ؟
وهل ودا وش السلندر عند الخراط وعمل روديه ومسح وكده ؟
واعتقد انك تروح لحد تانى يكشفلك عليها

[Hazem_Ahmed]

يعنى أنتا قبل ماتعطل حصل ايه عشان تغير الصبابات ؟
وهل ودا وش السلندر عند الخراط وعمل روديه ومسح وكده ؟
واعتقد انك تروح لحد تانى يكشفلك عليها

محصلش اي حاجه لوحدها كده يادوب طلعت بالعربيه راحت مسقفه ومرزعه ومردتش تدور تانى
ولما حاولت ادورها بالعافيه صوت المكنه كان خشن جدااااااا وصوت التكتكه كان عالى قوى

والميكانيكى قالى ان سير الكاتينه نط سنه او اكتر ومعتقدش انه ودا وش السلندر عن خراط لانه مجبليش سيره هوا غير صبابات وجوان وش سلندر فقط وقفل على كده

وبدات بعدها الحاجات الغريبه اللى بتحصل دى

[Hazem_Ahmed]

ممكن فعلا الصبابات تكون عايزة تنظيف لا اكثر
او تغيير بالكامل
ودة بردو شئ عادي ووارد

الحمد لله

[hossamalsadik]

شوف أستاذ / حازم
الشغل الى أتعمل ده ناقص ومازلت عند رأى ممكن يكون الصنايعى شاف انه يوفرلك ويلمهالك
على امل ان ممكن كله يكون تمام والتجربه هتبين
لاكن لايصح الا الصحيح
يعنى لا يعملها صح أو لو ملوش فيها روح لحد تانى يعملهالك
فى ناس بتصرف فى عقل فتيس ثمن ماتورك كله مرتين فنحمد ربنا ان عربيتنا شيلانا وده عن طريق انى أعملها صح ولو ماعييش دلوقتى أستنى ( أركن العربيه) لما ربنا يكرم وبدأ الشغل وكلنا بنعمل كده كل واحد حسب وضعه
ماتتسرعش دلوقى استنا لما تكون مستعد وصرف عليها صح

[Hazem_Ahmed]

شوف أستاذ / حازم
الشغل الى أتعمل ده ناقص ومازلت عند رأى ممكن يكون الصنايعى شاف انه يوفرلك ويلمهالك
على امل ان ممكن كله يكون تمام والتجربه هتبين
لاكن لايصح الا الصحيح
يعنى لا يعملها صح أو لو ملوش فيها روح لحد تانى يعملهالك
فى ناس بتصرف فى عقل فتيس ثمن ماتورك كله مرتين فنحمد ربنا ان عربيتنا شيلانا وده عن طريق انى أعملها صح ولو ماعييش دلوقتى أستنى ( أركن العربيه) لما ربنا يكرم وبدأ الشغل وكلنا بنعمل كده كل واحد حسب وضعه
ماتتسرعش دلوقى استنا لما تكون مستعد وصرف عليها صح

استاذ حسام كلام حضرتك مظبوط قوى وانا نفسى بتصح بيه الناس
واخر ما توصلت ليه ان الميكانيكى هيعمل محاوله اخيره يا صلحت يا فسدت
صلحت الحمد لله ولو فسدت همشى بيها كده لحد ما اغير المكنه

والله الموفق والمستعان

[hossamalsadik]

ربنا يعينك ويوفقك ان شاء الله استاذ حازم

[Mahmoudelsayed]

ربنا يوفقك

[mohammad isdf]

إنا لله وإنا اليه راجعون

ربنا يعوض عليك يا حازم ويكفيك شر العين والحسد

روح لميكانيكى فاهم وأمين وليكن مركز طنانى اللى اتعامل معاه مهندس حسام .. ؟

[skayroad]

ربنا معاك انت تعبت في العربيه دي من ساعت ما جبتها بس معلش دا نصيبك و متفكرش في موضوع الموتور ده دلوقت و حاول تلمها ..