كستبانات - ابيزا 94

[Hazem_Ahmed]

الحمد لله ومتشكر جدااا يا جماعه ع السؤال والاهتمام

وربنا يقدر اللى ف الخير للجميع

[Hazem_Ahmed]

الحمد لله ربنا سترها وتم حل المشكله

انا بقالى فتره مبتحركش بالعربيه من سعت الموضوع بس جالى مشوار مهم وكان لازم اتحرك بيها
دورت العربيه كانت زى ما سبتها اخر مره صوت الكستبانات عالى وكركره وحاجه تحزن
المهم لاقيت ان الموتور واطى ومحتاج يعلى شويه ملقتش عندى مفك ف العده اعلى بيه بك الهوا وبصراحه كنت قرفان منها ومش عايز احط ايدى فيها
فقولت اعدى ع الميكانيكى يعليلى العربيه شويه ولما روحتله (هوا نفس الميكانيكى اللى عملى الصبابات) قالى هوا صوت المكنه على عن الاول ليه قولتله معرفش من سعت ما ختها منك وهيا كده

الصدمه بقا,,,,,

لاقى الكلبس بتاع غطا سير الكاتينه مش ماسك كويس قبل ما يعلى العربيه ففك الغطا علشان يركبه تانى ويظبطه كويس ,,, وكانت الصدمه لما فتح الغطا لاقى سير الكاتينه مترحل من ع الترس (بتاع عمود الكستبانات) يعنى السير محمل على النص بس والباقى ف الهوا قالى بطل العربيه بسرعه ودخل بسرعه وجاب مفتاح وبيربط المسمار اللى ماسك الترس بتاع سير الكاتينه لاقاه مفكوك

بالظبط كده لاقاه مفكوك,,, ربط + ظبط السير + قرط + وجرب !!!!!!

كانى كنت بتلكك الصوت اختفى :ssssssssssssssssssssss

والعربيه رجعت لطبيعتها خالص الحمد لله وروحت بيها المشوار ورجعت زى الفل ومنعت الدخان خالص قولت اتاكد قرصت عليها شويه الحمد لله مفيش حاجه

لما سالته قولته ايه ده قالى اصلى فكيته ونسيت اذا كنت ربطه ولا لا قولتله انت كنت هطير المكنه انا بقالى يومين ماشى عليها كده رد عليا وقالى قول الحمد

طبعا الحمد لله ع كل شئ ومبقتش عارف اتصرف ازاى قولت امسك فيه ولا اقول الحمد لله وامشى
المهم خت عربيتى ومشيت وانا مش مستوعب اللى كان بيحصلى الاسبوع اللى فات كله

قدر الله ماشاء فعل والحمد لله ع كل شئ

[hossamalsadik]

الحمد لله ربنا سترها
الف مبروك

[Ahmed_Gallant]

الحمد لله ان ربنا سترها
ملحوظه بقى تنضاف قبل ما تدور الصبح نكشف على الزيوت وسائل التبريد وسير الكاتينه ان كان لسه فى مكانه ولا نزل ركب ورا عشان يريح شويه
الصنايعيه واه من الصنايعيه

[SYD]

الف مبروك يا باشا حل المشكلة
دي بالظبط مشكلة اللي حصلت عند مهندس ايهاب
ياريت تقولنا الميكانيكي اللي اتعاملت معاه مين

تحياتي

[Hazem_Ahmed]

الحمد لله ربنا سترها
الف مبروك

الله يبارك فيك

الحمد لله ان ربنا سترها
ملحوظه بقى تنضاف قبل ما تدور الصبح نكشف على الزيوت وسائل التبريد وسير الكاتينه ان كان لسه فى مكانه ولا نزل ركب ورا عشان يريح شويه
الصنايعيه واه من الصنايعيه

ان عملت كده الصبح فعلا والحمد لله كله تمام
الصنايعيه ؟؟ اكيد لا تعليق طبعا :(

الف مبروك يا باشا حل المشكلة
دي بالظبط مشكلة اللي حصلت عند مهندس ايهاب
ياريت تقولنا الميكانيكي اللي اتعاملت معاه مين

تحياتي

الله يبارك فيم يا فندم
الميكانيكى مش معروف قوى ومعتقدش ان حد غيرى راحلو من هنا

[mohammad isdf]

الف مبروك والله فرحت جدا يا اخى الواحد بيزعل اوى لما كل يوم يخوش المنتدى اشوف مشاكل عندنا كلنا بس الحمد لله انها اتظبطت اللهم لك الحمد

[Hazem_Ahmed]

سبحانك اللهم وبحمدك ، أشهد أن لا إله إلا أنت أستغفرك وأتوب إليك

[حسن محمود احمد]

لاقى الكلبس بتاع غطا سير الكاتينه مش ماسك كويس قبل ما يعلى العربيه ففك الغطا علشان يركبه تانى ويظبطه كويس ,,, وكانت الصدمه لما فتح الغطا لاقى سير الكاتينه مترحل من ع الترس (بتاع عمود الكستبانات) يعنى السير محمل على النص بس والباقى ف الهوا قالى بطل العربيه بسرعه ودخل بسرعه وجاب مفتاح وبيربط المسمار اللى ماسك الترس بتاع سير الكاتينه لاقاه مفكوك

بالظبط كده لاقاه مفكوك,,, ربط + ظبط السير + قرط + وجرب !!!!!!

كانى كنت بتلكك الصوت اختفى :ssssssssssssssssssssss

والعربيه رجعت لطبيعتها خالص الحمد لله وروحت بيها المشوار ورجعت زى الفل ومنعت الدخان خالص قولت اتاكد قرصت عليها شويه الحمد لله مفيش حاجه

لما سالته قولته ايه ده قالى اصلى فكيته ونسيت اذا كنت ربطه ولا لا قولتله انت كنت هطير المكنه انا بقالى يومين ماشى عليها كده رد عليا وقالى قول الحمد

طبعا الحمد لله ع كل شئ ومبقتش عارف اتصرف ازاى قولت امسك فيه ولا اقول الحمد لله وامشى
المهم خت عربيتى ومشيت وانا مش مستوعب اللى كان بيحصلى الاسبوع اللى فات كله

قدر الله ماشاء فعل والحمد لله ع كل شئ

لعلم حضرتك وبعد اذنك الميكانيكي ده رجل كويس ليه بقي وده رأي شخصي ممكن كان جاب الخطأ عليك وقال لك انت قرصت علي العربية في المشي والسير نطر منك وكان كبر لك الموضوع ومن الاخر كان لبسك انت كل المشاكل اللي انت بتشتكي منها وكونه اعترف بخطئه فهذا ما جعلني اقول رايي هذا والله تعالي اعلم وفي الاخر حمدالله علي سلامة العربية

[Hazem_Ahmed]

لاقى الكلبس بتاع غطا سير الكاتينه مش ماسك كويس قبل ما يعلى العربيه ففك الغطا علشان يركبه تانى ويظبطه كويس ,,, وكانت الصدمه لما فتح الغطا لاقى سير الكاتينه مترحل من ع الترس (بتاع عمود الكستبانات) يعنى السير محمل على النص بس والباقى ف الهوا قالى بطل العربيه بسرعه ودخل بسرعه وجاب مفتاح وبيربط المسمار اللى ماسك الترس بتاع سير الكاتينه لاقاه مفكوك

بالظبط كده لاقاه مفكوك,,, ربط + ظبط السير + قرط + وجرب !!!!!!

كانى كنت بتلكك الصوت اختفى :ssssssssssssssssssssss

والعربيه رجعت لطبيعتها خالص الحمد لله وروحت بيها المشوار ورجعت زى الفل ومنعت الدخان خالص قولت اتاكد قرصت عليها شويه الحمد لله مفيش حاجه

لما سالته قولته ايه ده قالى اصلى فكيته ونسيت اذا كنت ربطه ولا لا قولتله انت كنت هطير المكنه انا بقالى يومين ماشى عليها كده رد عليا وقالى قول الحمد

طبعا الحمد لله ع كل شئ ومبقتش عارف اتصرف ازاى قولت امسك فيه ولا اقول الحمد لله وامشى
المهم خت عربيتى ومشيت وانا مش مستوعب اللى كان بيحصلى الاسبوع اللى فات كله

قدر الله ماشاء فعل والحمد لله ع كل شئ

لعلم حضرتك وبعد اذنك الميكانيكي ده رجل كويس ليه بقي وده رأي شخصي ممكن كان جاب الخطأ عليك وقال لك انت قرصت علي العربية في المشي والسير نطر منك وكان كبر لك الموضوع ومن الاخر كان لبسك انت كل المشاكل اللي انت بتشتكي منها وكونه اعترف بخطئه فهذا ما جعلني اقول رايي هذا والله تعالي اعلم وفي الاخر حمدالله علي سلامة العربية

انا فعلا بعد ما هديت وحسبتها مع نفسى شكرت ربنا قبل اى شئ وقولت الحمد لله ان الموضوع ماكبرش عن كده وحتى اذا كان الميكانيكى غلطان فمحدش معصوم من الخطأ,, والحمد لله اولا واخيرا

[Karim Ibiza]

هى الابيزا كده

تحب توقع قلبك وتخنقك عشان تشوف غلاوتها عندك قد ايه وبعد كده تفرحك وتخليك تندم انك كنت عايز تبيعها وتستغنى عنها

[Hazem_Ahmed]

هى الابيزا كده

تحب توقع قلبك وتخنقك عشان تشوف غلاوتها عندك قد ايه وبعد كده تفرحك وتخليك تندم انك كنت عايز تبيعها وتستغنى عنها

ههههههههههههههههههههههه

لا ياعم الهزار ف كل حاجه الا الحاجات دى هههههههههههههههه