العربية حلفت ماهي دايرة ......

[محمد بدرو]

السلام على كل الابيزاوية
البداية كانت مع تقل فى الفتيس عادى روحت للاسطى عصام قالى نغير الاويل سيل ... تمام روحت جبتة جديد من الشيخ علاء فى الطوابق فيصل ب 85 جنيه وركبناه وفل الفل وزودت زيت الفتيس لان الزيت كله كان وقع ...
واحد نصحنى وقالى روح اغسل الماتور بالجاز لاحسن الزيت دة هايطين وينشف ويعمل مشاكل روخت زبطت الزوايا نظرا لان تغيير الاويل سيل بيتفكله المقص والكوبلن المهم وغسلت العربية بره وجوة والماتور اترش بالجاز والعربية ولا اللى طلعة من الاجنس ومشيت خمس دقايق وبطلت العربية وجيت ادورها تانى حلفت والله ما انا دايرة كلمت الاسطى عصام قالى شيل علبة الدوارة وركبها تانى ... المهم معرفتش مكانها فين وكان فى ميكانيكى جنب البيت جة وقعد حوالى ساعة ونص بص على دورة الكهربة الموبينة شغالة وبتدى الاسبراتير وده كمان بيدى البوجيهات ودى كمان بتطلع شرارة والبطارة جميلة فى ايه قاللى اقرا عليها قران العربية واخدة عين ....
تانى يوم جه الاسطى عصام معايا لمكان العربية حوالى الساعة 4 وعمل كل ده تانى لكن اكتشف ان البوجيه بيعرق بنزين والرشاش بيرمى بزيادة بنزين.... بيفتح الكنترول من الكيس لانى مكفنة فى كيس بلاستيك لقى المية داخلة لغاية عنده ...
قالى العربية هاتدور لو انا شيلت فيشة الرشاش وفعلا دارت وباعدين وصل الفيشة ما بتدورش ... اطرينا نقطرها لغاية الورشةالساعة 8 تانى يوم جيبت كنترول جديد وركبتة والاسطى عصام كودة على الماتور وبقت عال ...
لكن فرا عيب حساس مية اربعة ريج وده حساس تحت الاسبراتير ... هجيبة واركبة لانه ملخبط الدنيا شوية ...
بجد بعد ربنا الاسطى عصام انسان محترم جدا وامين فى شغلة جداً وفضل وراها لغاية الاخر وهو اللي جاب الكنترول من عند مصطفى الكهربائي ...
اوعى تغسل الماتور الا عند حد بيفهم وينصح بأنك تشيل الكنترول من العربية اثناء الغسيل ....
وتحياتى لكل الابيزاوية ......

[aymanshebl]

ربنا يعوض عليك و علشان كده يا جماعة محدش يغسل الموتور فى البنزينة او اعمله انت بنفسك و ابعد عن اى حاجة كهربا او كنترول يونيت وتغسل بفوم الموتور ميجيش ده اد ده

[mohammad isdf]

حمد الله على السلامه يا باشا
واحنا متعودين على كده من الاسطى عصام

مبروووووك

[hi_nmr]

حمد لله علي سلامه عربيتك
علشان كده انا مبغسلش الموتور ابدا لا بمايه ولا جاز ولا حتي هوا :) :)

[hossamalsadik]

قدر الله وماشاء فعل والحمد لله على كل حال
الماتور بغسله بالجاز بضغط الهوا فقط ومبيحصلوش حاجه
المشكله هيا المايه والكنترول وأنا مجرب الموضوع ده من قبل والكنترول بتعنا مكانه عرضه للمياه بسهوله
فى طبه قرب مكان الكنترول مهم جدا جدا تبص عليها بستمرار وتتأكد أنها غير مسدوده نتيجة دخول مياه مع التراب مع وورق الشجر بيسدها وبكده هتضمن أن المياه بيتم تصرفها أول بأول وطبعا مع تغطية جزء الكنترول خاصة الى به الفيشه بكيس بلاستك أو سيلكون مثلا
ممكن تستخدم بعد غسيل الماتور سيلكون اسبراى للحفاظ على اى مطاط داخل حوض الماتور .

جبت الكنترول بكام ؟

[ehab_mansour]

المواتير لا يتم غسيلها بالماء ابدا و خاصة باسلوب عمل البنزينات و المغاسل اللي عندنا لأنه فيه حساسات و كنترول و كهرباء و دي اكبر عدو لها المياة
انا عاشت معايا ابيزا 98 3 سنوات و نصف غسلتها مره واحده في الاول ايام لما كنت اجهل السيارات و التعامل معها و مرتها بوظت فيوز في جسم شاكوش الاسبراتير و وديتها لحد الميكانيكي زق و من يوميها اتعلمت انها ما تتغسلش مهما حصل فيها
حاليا معايا كوردوبا 2002 بقالها 3 سنوات و 5 شهور مغسلتش موتورها ولا مرة من يوم ما اشتريتها فقط بنضفه بنفسي كل فتره و انفخه بالهواء و بس و لو فيه مكان فيه تسريب زيت بنضفه بنفط او تنر او منظف كاربيراتير و رشاش و بس

ملحوظة بسيطه :- اولسيل ايه اللي اشتريته ب 85 جنيه !!!!!!!! الاولسيل ده انا بغيره ب 3 جنيه و مره أخري ب 5 جنيه و اخيرا ب 10 جنيه و زي الفل و فيه موضوع عندي اتكلمت فيه عن قصة الاولسيهات دي
الاولسيل ده حتي لو جاي من اوروبا فهو ثمنه لا يتعدي 1 الي 2 يورو يعني عشرين جنيه قول 40 ياعم علي ما ينهبو شوية لكن اساسا كل اللي في مصر صيني و انضفهم التايواني و الكوري و ده كبيره 10 جنيه

[محمد بدرو]

الكنترول جابهولي الاسطي عصام من عند مصطفي الكهربائي ب ٣٥٠ جنيه ........
اما عن الاويل سيل فمن عند الشيخ علاء اللي في الطوابق فيصل وهو مغلواني اساسا عشان مفيش غيره ..... وهو عبارة عن قطعتين كاوتش مدورين جواهم سوسته والاسطي عصام قاللي هتلاقيهم ب ٨٠ جنيه وانا جبته ب ٨٥ جنية .... مش عارف ممكن يكون قصدك حاجة تانية ولا لأ ...
وبيني وبينك انا وانا باشتريهم مكنتش اعرف شكلهم واول ما الراجل اداهوملي بصيتله باسغراب وقولتله انت متأكد ان حته الجلدتين دول ب ٨٥ جنية قاللي ايوة وعصام اكدلي كدة فسكت ....